رفع وجه الباث فايندر

[ظلال الشمس]

السلام عليكم
الحقيقة عندي سيارة باثفايندر موديل2001 المشكلة ان وجه الموتر طايح في الأرض ودي أعرف طريقه ارفع بها وجه الموتر
مع العلم إني جربت اليايات الأسترالية ولا رفعته الا سنتي ونصف

[path_poth]

اليايات ترفع 2سم وزدها بكعكات 1سم أو 2

[ظلال الشمس]

حياك الله اخوي باث بوث
المشكلة ان المساعد جاي في وسط الياي

[ابو عثمان 205]

والله انا عندي باثفيندر 2000 لاكن المشكله معاوناته الخلفيه رديه 0 ركبتله معاونيات سفاري 97 وصار احسن شوي

[الشقردي]

فيه حركة قديمة يسوونها أهل الدداسن وكذلك اللاند كروزر التالي , يغير في وضعية أو يشد الفرارات (ما أقصد قفل الدفرنس ) هذا شئ ينحكم في رفع السيارة من قدام بس يقولون انه على حساب رساوة الوجه يعني يصير مطبك زي البيوك او الفورد القديم,
أنا قد سألت ميكانيكي فلبيني في ورشه وقال أسويها لك ب 40 على ما أذكر وسيارتي Vxr98 بس ما جربت الصراحة اذا ودك رح لها الورشة واسأله هل يأثر ولا
ناظره بعد نفق النقل الجماعي وانت متجه شمال على طريق التخصصي في محطة ميد

[ظلال الشمس]

حياك الله يا ابو عثمان
وش لون مساعدات الباترول معك
يعني ارتفع مقفاه
واذا حملت يدق ولا لا
ـــــــــــــــــــــــــــــــــــــــــــــ
مرحبا بك يالشقردي الي وصفت لي هي الورشة الي ركبت عندهم اليايات الاسترالية لكن ما يمنع نمره ونشوف وش عنده
الله لايهينك

[الشقردي]

ذكرت اسمه هو تبع محلات الرماية