مشكلتي في سفر الليل ما الحل ؟

[شلال الجزيره]

السفر في هذه الأيام بالليل جدا ممتع إن لم يكن هو الخيار الأمثل
طبعا الطرق السريعة

المشكلة في السيارات المقابلة الي حاطين النور العالي
أكبس لهم وبعضهم يستجيب

لكن بعضهم فرحان بالنور العالي ويعمي عيوني ولا عاد أشوف وش قدامي :looney:
كأن الواحد بغرفة عمليات والكبوس بوجهه

ما الحل ما العمل ؟
كرهت اسافر في الليل لهذا السبب

[NOYEB]

لاتركز في النظر على الذي امامك من الجهة المقابلة من الطريق .
حفظك الله

[شلال الجزيره]

لاتركز في النظر على الذي امامك من الجهة المقابلة من الطريق .
حفظك الله
جزاك الله خير فعلا أحيانا عيوني منشدة للسيارة المقابلة

لكن زي طريق السيل الكبير أكثره منعطفات ولا أدري وين الطريق إذا كبس في وجهي

[القناص-sniper]

الله يعينك

بس لا تناضر النور الي مقابلك وركز في الطريق بس ولاتسرع وياليت يكون قزاز موترك يلق يعني نظيف

[شلال الجزيره]

الله يعينك

بس لا تناضر النور الي مقابلك وركز في الطريق بس ولاتسرع وياليت يكون قزاز موترك يلق يعني نظيف
بارك الله فيك
توقيعك جلست أتامل فيه مؤثر جدا

لكن القزاز يتوسخ من الجراد والحشرات أكرمك الله

[جلوبلستار]

اذا كبس العالي ... خل تركيز عيونك على الخط الأصفر الأيمن ..

[شلال الجزيره]

اذا كبس العالي ... خل تركيز عيونك على الخط الأصفر الأيمن ..
الله يوفقك ويعطيك العافية

لكن هالأيام تلقى قطع كفرات التريلات المتسخلة وبعضها قطع كبيرة
أو المشي عليها ما يضر؟ مع أن صوتها يروع

[AL-BDER]

إحذر منها .. و اعرف أنها قد تتلف السيارة من الأسفل

و الله يحفظنا وياكم من شرور الطريق

[شلال الجزيره]

إحذر منها .. و اعرف أنها قد تتلف السيارة من الأسفل

و الله يحفظنا وياكم من شرور الطريق

تنبيه طيب حفظنا الله وإياكم من كل كروه
الله يرفع قدرك

[ناصر 2004]

الحل : هو انك تشغل اللمبات الداخلية كلها وخل تركيزك إلى الامام

الطريقة هذي جربتها اذا كان اللي وراك كابس العالي ومعميك .. على طول شغل اللمبة الداخلية

ان شاء الله تضبط معاك

[بواردي تربة]

لا واذا نورة بعد زنون شاف نفسة خخخخ

[حيمور]

اذا كان قصدك الناس الي جايه من الطرف الثاني بعكس اتجاهك هذا للأسف من تجربتي ماله حل الا انك تشغل العالي مثله مشان تقدر تشوف امامك بعض الاحيان يستجيب الطرف المقابل ويبطل العالي عندها انت لازم تبطل العالي مثله
اما اذا قصدك من الي جاي من الخلف ومشغل العالي فهذا اشوف انه انسب حل معه تفتح له الطريق وتبعد عن مساره ترتاح منه ومن شر انواره العاليه

[شلال الجزيره]

نعم أقصد الي من الأمام
لكن أحيانا قدامي سيارات ولا ودي أعميهم بالعالي ردا على الي في الجهة المقابلة

[الرياضي1111]

انا اقول ضلل القزازه الاماميه زيرو ون وان شاء الله ماتشوف شر ..

والله يعينك وتوصل بالسلامه دائما ..

[شلال الجزيره]

انا اقول ضلل القزازه الاماميه زيرو ون وان شاء الله ماتشوف شر ..

والله يعينك وتوصل بالسلامه دائما ..

الله يسلمك و يوفقك

فكرة طيبة أبجربها بإذن الله

[ناصر الدهمشي]

البس نظارات
في عدسات نظارات تنفع تنلبس بالليل وبالنهار نفس الوقت

مثل اللي تحميك من اشعة الكمبيوتر

وتحميك من انوار السيارات وتقدر تشوف فيها

لاتكبس ولا يكبس

ولا تحصلك دعوة شينه بسبب النور ولا تدعي عليه

والتظليل ماينفع مرات من الشمس يتغير لونه الا انك تركب شي اصلي

لكن اشوف ان النظارات احسن اذا كنت راكب تسوق او بجنب السواق

[تاجور]

النهار ازين ياخوي

[شلال الجزيره]

البس نظارات

في عدسات نظارات تنفع تنلبس بالليل وبالنهار نفس الوقت


مثل اللي تحميك من اشعة الكمبيوتر





شكرا أخوي ناصر
وين ممكن أحصل هالنظارات في الرياض ؟ :cool:
بيض الله وجهك

[معهم]

شغل اللمبة الداخلية يخف عليك النور القوي المزعج جرب في ولا تناظر في السيارة وشف الناتج ...

[مخاوي الليل1]

السلام عليكم

انت تمسك الطريق وتفكيرك منصب في الاناره وتفكيرك هو الي مخليك تركز فيه اذا صادفك نور عالي خلي نظرك

على حد نور سيارتك ولا ترفع نظرك الا بعد ماتطوف السياره المقابله

وخل جنبك نظاره شمسيه اذا قابلتك سياره البسها نفس طريقتي وانا احب السفر بالليل وخاصه في الصيف

وانا اسافر طرق طويله جدآ من دوله الى دوله وفي بعض الدول يختلف نظام الاناره زي مصر الخطوط الطويله

اذا قبلتك سياره تطفي انور وفي اندونيسيا نفس الحركه وتمشي على السطب

والله يستر عليك وعلينا

اخوك مخاوي الليل

[majeds]

نظاره شمسيه وتنتهي المعاناه وينتهي كل شي ههههههههه

[شلال الجزيره]

القيادة في الطرق السريعة لها آدابها وأخلاقياتها
وألاحظ في الففترة الأخيرة حتى التريلات والباصات بعضهم معلق النور العالي لا يبالي

أشكر جميع الأخوة على هذه الفوائد والاقتراحات والتجارب
والطرق السريعة لا يعني وجود الشبك بجوانبها عدم دخول الحيوانات
فكذا مرة رأيت الابل والغنم حتى الحمار أكرمكم الله
أسأل الله أن يحفظ المسافرين ويردهم غانمين