المساعد الشخصي الرقمي

مشاهدة النسخة كاملة : الى الاخ ابو ريان2002


sharef 007
22/06/2010, 01:16 PM
السلام عليكم ورحمة الله وبركاته

ابوريان انا ابي منك تساعدني لان عندي نفس مشكلتك اللي هي دينموabs في يوكن سعودي صوت يطلع معي حتى والسياره طافيه ابي تعلمني كيف طريقة حلك للمشكلة وجزاك الله كل خير
ريان2002
22/06/2010, 02:51 PM
وعليكم السلام ورحمة الله وبركاته وحياك الله أخوي شريف
أنا إلى الآن ماحليت المشكله بالرغم أن لها أكثر من سنتين والسبب أن الأفيوزات سليمه والحساسات والأفياش والأسلاك كذلك والخراب في نفس الدينمو كهربته ماتقطع إلا إذا فصلت فيش الكهرباء عنه من نفس الدينمو تحت مقعدة الراكب اللي خلف السائق كذا كهربائي أكدو لي بأنه مايتصلح ( يتغير كامل وموجود في الوكاله فقط وغالي جداً )
فأنا فاصل الفيش من ذيك الأيام والحمد لله ماتغيرت علي السيارة في القيادة لا في مطر ولا في عقبات ولا في سفر ولا داخل البلد طبعاً مولعه لمبة البريك مع لمبة الآي بي إس ولكن مامنها ضرر ولكن قد تكون مزعجة للي مايحب يشوفها مولعة في الطبلون وأنا مطنشها
فيه كهربائي باكستاني في الطايف مدحه أحد الزملاء قبل 6 أشهر وقال إنه حيعطيك العلم الأكيد إذا يتصلح أو لأ وفي الإجازة الصيفيه بآخذ منه الوصف وأروح له بإذن الله وإذا يتصلح صلحته وإذا لازم يتغير تركته على ماهو عليه لأن السيارة معي من 5 سنوات وماأفكر أبييعها نهائياً وماني ملاحظ إنه أثر عليها وتأكد إني ماراح أنساك بإذن الله وحأقولك إش صار معي إن الله عطاني عمر وعافيه
وأخيراً ( إذا اللمبات اللي مولعه ماهي مضايقتك أتركه وربنا يسهل أمرك ) وأعتذر طولت عليك .
sharef 007
22/06/2010, 03:31 PM
هلا اخوي ريان

اشكرك على ردك علي بس وش رايك لو ادور دينمو بالتشليح مستخدم واركبه بدال ماروح للوكاله والسعر هناك نار رغم اني افكر ان افحص اليوكن بالوكالة عشان اتاكد
ريان2002
22/06/2010, 03:40 PM
حياك الله بالنسبه للفحص في الوكاله إقتراح جيد علشان تتأكد بخصوص التصليح من عدمه
ولو شيرت من التشليح فبعض قطع التشاليح حظوظ ممكن تشتري قطعه تعيش معاك وممكن تخرب بعد كذا يوم مثل الجربوكسات والمكائن ولكن إذا معزم تشتري من التشليح فشوف الفيش اللي إنت فصلته كم فيه سلك ( خط ) ؟ أو عدَ الأصابع الرؤوس اللي خارجه من الدينمو نفسه اللي ينشبك فيها نفس الفيش لأن بعضها تجي 11 أو 12 خط وبعضها تجي 16 خط أو سلك والله يعينك ويوفقك
sharef 007
22/06/2010, 03:59 PM
مشكور ابوريان مقصرت
انا اليوم مريت وكالة الجميح وحجزت عندهم فحص يوم السبت وقالوا لي فحص abs 150 ريال وان شاءالله بودي السياره وافحصها وبعلمك بالي يسير معي في هذه الخيمه
ريان2002
22/06/2010, 05:16 PM
الله يسهل أمرك وبإذن الله ماتنحد على دينمو جديد