يقولون موديلات 2007 وتحت أفضل من المفخره؟؟؟؟!!!!

[ياوجودي]

السلام عليكم ورحمة الله وبركاته


ياإخوان في هالموضوع نتكلم فقط عن الاندكروزر يعني لايجي أحد ويحط اسم الباترول وتقبع مشكله << طبعاً مو انتقاصا في الباترول بس هالموضوع مخصص للتويوتا وبّإذن الله بنتكلم عن الباترول في موضوع ثاني

إخواني هذا الموضوع ودّنا نصل فيه للحقيقه شي واحد واللي هو:

هل موديلات الاندكروزر 2007 وتحت أفضل من المفخره 2008 وفوق؟؟

وعلشان نعرف هالمقوله صحيحه أو إنها من باب كرهـ أي شي جديد

نبي كل واحد يدخل هنا معه جيب قديم أو مفخره يحط موقف صار له شخصياً في البر مع المفخره خذله فيه

المفخره أو موقف للمفخره بيض الوجه فيه بالبر ...

وفي المقابل أصحاب موديلات 2007 وتحت يعطونا مواقف لهم شخصياً بيّض وجيههم الاندكروزر

الموديل القديم وتفوّق فيها على المفخره.

.........................................

إسمحوا لي أبدأ بموقف صار ..طلعنا للبر قبل شهر تقريبا ومع خوينا 2009 جكسآر ربطنا حبل بشجره

ونسحبها بالجر الخلفي ومدري شلون عك الحبل وفك الصدام الخلفي من جهة اليمين كامله.

صلّحها عند البازعي بـ 250 تركيب كلبسات. بصرآحه ماقد حصل معي في الموديلات القديمه.

أترك لكم المآيك...

[rpk]

الله يهديكم وشوله تقلعون الشجره من جذورها

[كم كيلو باقي]

الوالد كان معه gx-r موديل 98 خليجي .. كد معنا 10 سنين ولا أحلا منه

والحين معه gx v8 وارد اليحيى .. وممتاز مافيه مشاكل

الفروقات من وجهة نظري :

قوة البدي والتماسك* لصالح القديم
قوة المكينة والتسارع والثبات وجمال الشكل والمواصفات لصالح الجديد


* : من وجهة نظري يصعب الحكم بأن الجديد متماسك قبل مرور 5 سنوات على الاستخدام الشاق :)

[ياوجودي]

الوالد كان معه gx-r موديل 98 خليجي .. كد معنا 10 سنين ولا أحلا منه

والحين معه gx v8 وارد اليحيى .. وممتاز مافيه مشاكل

الفروقات من وجهة نظري :

قوة البدي والتماسك* لصالح القديم
قوة المكينة والتسارع والثبات وجمال الشكل والمواصفات لصالح الجديد


* : من وجهة نظري يصعب الحكم بأن الجديد متماسك قبل مرور 5 سنوات على الاستخدام الشاق :)

والله ياخوك 3 سنين تبين الموتر بدليل الباثفاندير 2006 وفوق من أول سنه عرفوه الناس وتركوه. بعكس مودلات 2005 يحبونها ولها رغبة شديده عند الكثير.

[مكشاتي النماص]

ان وحسب تجربة والدي الله يحفظها وهو من عشاق البر والطرق الوعرة جداً كان عنده جيب موديل 2006 مطلعه وكالة وكان معجب فيه جداً طبعاً لديه جيب قدم موديل 83 يمكن يفرط فيني ولا يفرط فيه لدرجة ان اي احد من الجيران او الاقارب اذا احتاج سيارة وطلب الوالد يعطيه ال2006 ولا يعطيه القديم من كثر معزته والشهادة لله انه شبة جديد ومهتم فيه لأبعد درجة المهم انه بعد ماطلعت المفخرة اشترى واحد موديل 2008 وباع ال2006 واستخدمه لمدة 6 شهور وواجه فيه العديد من الأعطال من اهمها سرعة التفكك في الاجزاء الخارجية والداخلية وبسرعة تبداع تسمع القرقعة فيه بالاضافة لعدم ثقل الموثر يعني خفيف جداً اخف من السابق بكثير وبالاخير رجع وباعه واشترى 2007 جديد بعد انتظار 5 شهور حتى وفروة لانه كان غير موجود وقتها وعن رايي انافأفضل ال2007 ونازل عن الجديد شكل ومضمون

[بعيد الهقاوي6]

القديم افضل للبر ومتماسك الجديد حق مدينه

[كم كيلو باقي]

والله ياخوك 3 سنين تبين الموتر بدليل الباثفاندير 2006 وفوق من أول سنه عرفوه الناس وتركوه. بعكس مودلات 2005 يحبونها ولها رغبة شديده عند الكثير.


الغالي ياوجودي احترم وجهة نظرك ولكن ..

قد يتبين ان الموتر رديء وغير متماسك في أول يوم

ولكن من الصعب ان نحكم على موتر معين بأنه متماسك الا بعد استخدامه لفترة طويلة

الكثير من السيارات ممكن تصبر سنتين وثلاث سنوات .. ولكن المتماسك حقا .. هو من يتجاوز الخمس سنوات

بالتوووفيق يالغالي

[ولد الغلباء]

الصراحه انا جربت القديم والجديد ولقيت الجديدافضل
من ناحية القوه
من ناحية الشكل الخارجي
من ناحية الفخامه
من ناحية الممشى بالرمل
من ناحية الراحه بالخط
الصراحه المفخر شي ثاني وخصوصا اذا صار vxrتحياتي

[الشبل العجمي]

السلأم عليكم ورحمة الله وبركاتة


أخواني عندي لكمـ كلمة أو مثل يحل الموضوع كاااامل"

(لولا أختلاف الاذواق لبارت السلع)

وأنا بنسبة لي الوالد الله يطولنا بعمرة كان معة Gxr موديل 2001

وباعة سنة 2004
وشراء نيسان فتك موديل 2003

والحين معه Gxr32010

ولا يمدح الأ الجديد لا شكل خارجي ولا فخامة ولا راحة الا وهي فية

أخوكمـ / الشبل العجمي

[عميد سامودة]

القديم حديد والجديد ورق والشكل ال 2006 افضل من ال2009

[أطلال نجد]

وعليكم السلام ورحمة الله وبركاته

بالنسبة لي أفضّل الجديد على القديم كشكل وقوة وفخامة ورااااحة

تحياتي

[عميل فدرالي]

القديم افضل .. عندي من جميع النواحي الا المكينهـ فقط .. وشكرا

[جيتك يابعد حيي]

قديمك نديمك لو الجديد أغناك إلا انت راعي جخ دور الجديد0

[ياوجودي]

كفيتوا ووفيتوا ولاهنتوا كلن بإسمه...

لازال الفرق أعتقد في الأذواق ولم نجد شي جوهري يفضّل الـ2007 على الـ 2008 بصرآحه.

[سفاري959]

بالنسبه لي ما استخدمت هذا ولا هذا ولا احد يطلع من المتعصبين يقول اني شايل على المفخره لي زميل اعرفه عز المعرفه وشغال في ارامكو وهو ما يسمع بالتايوتا والكل يعرف ارامكو وين مشاريعهم تحصلها في اكثر الأماكن الوعره وغالبها في قلب الربع الخالي يقول عندنا اللاند القديم والجديد الحقيقه يمدح القديم من جميع النواحي من ناحيه القوه والتماسك والاستخدام يقول الجديد كثير الأعطال وفوق هذا يقول نعاني من صداماته اذا رجعنا من مشروع تحصل كلبسات الصدامات متكسره حتى هو كان معه 2005 باعه واشترى الجديد فتره بسيطه وباعه واشترى 2007 هذا اللي حبيت اشاركم فيه تقبلوا خالص تحياتي وتقديري للجميع

[ياوجودي]

كلبسات الصدامات

هذا أحد العيوب اللي محد يقدر ينكرها في المفخره صدقت :good:

IZZZZZZZZZZZZZZZZZZZI
جاري إنتظار بقية العيوب والفروقات الجوهريه

[ARB]

مع رفيق لي شرى ابيض 2008 فل 8 سرندل و دبل مساعدات و رفعه و بعد سنه باعه و شرى vxr 2004 جلس معه 3 شهور و رجع باعه و شرى 2008 ذهبي فل كامل 8 سرندل و دبل مساعدات و رفعه و لا احلى منه و كفرات باللون
يقول مافيه مقارنه بين القديم و الجديد الجديد افضل
و كل شخص و سواقته بعض الناس لو تعطيه شاص تفكك معه
و الشي الاهم هو الاهمال

[المساجدي]

الى جرب القديم صعبة يهضم الجديد بصراحة وانا في رأيي الشخصي عجزت اهضم الجديد ابد مع انني حاولت اقنع نفسي فيه اكثر من مره بس عجزت ولا احد يقول الى مايطول العنب عندي 2007 بقيمته اشتري اطلق 2009 بالسوق وعلى طاري الاسعار ترا الفي اكس ار 2007 يسوى 145 الف وملعوب عليك بعد والجي اكس V8 2009 يسوى 155 هذا دليل ان رغبة القديم قوية جدا حيث ان اسعاره مازالت تنافس 2009 والسوق مايكذب

[رحال7]

لم اجرب الجديد للامانه ولكن اعتقد ان الجديد حساس اكثر من القديم واثقل..وهذا ينطبق تقريبا على كل السيارات الجديده ..الجوده والتماسك فى القديم..الراحه والوساع فى الجديد

والله اعلم

[البرااااوي]

دبل 2008 كهرب
اما 2006 بعضها كان الدبل الخفيف زر لكن الثقيل قير

اما 2008 كله كهرب

[ياوجودي]

أنا سويت بحث في أسواق الإنترنت وإكتشفت الآتي:

كمية هائله من عروض الجيوب الـ 2008 والـ 2009 والممشى لايتعدى الـ 70.000 كيلو.


هل معنى هذا إن الناس تجرب وماتقتنع وتعرضه للبيع؟؟

[بروق ساق]

ياجماعة عينو خير (كل يغني على ليلاه)

الجديد ممتاز جداً وخصوصاً 2010 وارد اليحيى صراحة الموتر أكثر من رائع
امـــــا 2006 ونازل أكل عليها الزمن وشرب

[alamri111]

السلام عليكم

http://www.youtube.com/watch?v=M6xTg5LOuKE&feature=related

http://www.youtube.com/watch?v=23yaaxvgovE&feature=related

http://www.toyoland.com/photos/1987/land-cruiser.jpg

http://www.haraj.com.sa/userfiles/2009-09-29/09092913425962374211m6usxp3gy8.jpg

[ابوصالح77]

من وجهة نظر الجديد أفضل :
شكله الخارجي ، سعة وفخامةالمقصورة الداخلية، وقوة ماكينته .
يميز القديم تماسكه ويعيبه ضعف الماكينه والعزم خاصة إذا كان تماتيك v6
موتري gx 2006 قيرعادي ويطيح عزمه بالرمل
تقبل مروري

[Dr.FaLcOn]

اولا .............. اذا انا وانت بنقتلع الشجر اللي في البر عشان نشوف عزوم مواترنا فهذا خطأ يا خوي ......... الله يسامحك
ثانيا ....... أنا طلعت ما اخوياي على اللاند الصراحة انه ماهو زي الموديلات السابقة
واحسنهم موديل 97 أقووووووى

[ابو السمك]

امسك على القديم والله اعلم

[N-xterra]

الفرق الوحيد بين ال 2007 و ال 2008 ..... طبعا بالنسبة للفي إكس آر

الإثنين نفس الأنظمة ونفس المحركات ونس التعليق ......... لاجديد

البدي فقط يختلف

والبدي تبع الجديد شالو منه بطانات الحديد للصدمات الخلفية ، وسماكة البدي أصبحت(600 مايكرومللي ) أقل بالنسبة للكروزر، أما اللكزس الجديد (700 مايكرومللي) فسماكة البدي نفس الكروزر القديم اللي هي (700 مايكرومللي)

تحياتي

[N-xterra]

الى جرب القديم صعبة يهضم الجديد بصراحة وانا في رأيي الشخصي عجزت اهضم الجديد ابد مع انني حاولت اقنع نفسي فيه اكثر من مره بس عجزت ولا احد يقول الى مايطول العنب عندي 2007 بقيمته اشتري اطلق 2009 بالسوق وعلى طاري الاسعار ترا الفي اكس ار 2007 يسوى 145 الف وملعوب عليك بعد والجي اكس V8 2009 يسوى 155 هذا دليل ان رغبة القديم قوية جدا حيث ان اسعاره مازالت تنافس 2009 والسوق مايكذب

بنظري أكبر مشكلة في الموديل الجديد هو كرسي السائق مرتفع جدا زيادة عن اللزوم كأنك تسوق دينا!!!
وهذا يسبب إرهاق إظافي بالإظافة الى الخطر الزائد وقت الحادث لا سمح الله خصوصا ان القزاز الأمامي قريب جدا من وجه السائق

[moooj]

دام فيه 8 سلندر فالموتر شيخ واكيد انه افضل من القديم بمراحل
ولاحظت كبر حجمه عن السابق وسعة الداخلية والشكل افضل
لكن يبقى السعر مبالغ فيه مقابل عدم توفر مواصفات او ابداء احترام لشريحة اكبر من الأذواق

[ياوجودي]

دام فيه 8 سلندر فالموتر شيخ واكيد انه افضل من القديم بمراحل
ولاحظت كبر حجمه عن السابق وسعة الداخلية والشكل افضل
لكن يبقى السعر مبالغ فيه مقابل عدم توفر مواصفات او ابداء احترام لشريحة اكبر من الأذواق

أخوي السعر من موديلات 98 وفوق مبالغ بسعرها مهوب شي جديد.

[كرم القلوب]

الجديد وبس
..
الي ما يطول العنب ...


تمشب عليه 200 ولا تدري انك تمشي فوق 120 وقمه في الفخامه والروعه


صاحب هدد بريمي فل الفل لوحه 5050 مديل 2009

[ابن الظهران]

من حيث الشكل مافي مقارنة بصراحة
لكن من حيث الأداء أشوف القديم أفضل

[ياوجودي]

الجديد وبس
..
الي ما يطول العنب ...


تمشب عليه 200 ولا تدري انك تمشي فوق 120 وقمه في الفخامه والروعه


صاحب هدد بريمي فل الفل لوحه 5050 مديل 2009

معليش أخوي مقياس الاندكروزر عندك السرعه؟؟

عندي هيلوكس :D ومستعد أواسيك على الـ 200 هاا وش قلت؟؟

أخوي تفكيرنا ومقارنتنا مهوب بالسرعه القصد في القوة والمتانه وتحمل مشاق وأعباء الصحراء.

[كرم القلوب]

ياوجودي (http://www.mekshat.com/vb/member.php?u=88114)

الله يستر عليك هذ ؤان دل على شي دل على متانه وتماسك وقوه محركاته واجرائه والراحه الغير مسبوقه بسيارات 4#4

تمشي طبلونه ولا كانك تمشي

واما على قولتك السرعه ما اقدر ارد عليك ما ادري وش يتاسب معك

[شمالات نجد]

يا رجال كل شي القديم فيه أفضل

وفقك الله

سلام

[ابوخلف الحربي]

ياربع انا ملحظ شي كل واحد يمدح موتره الجديد ويهايط تلقى نص راتبك رايح دين
واتمنى ان كل واحد يقول الحقيقه مو عشان موتره جديد والاقديم الي يمدح على غير
سنع تسمى انانيه وانا من ناحيتي اقول بالخط والراحه الجديد اما القديم بالنفود افضل من
الجديد تقبل مروري.:

[عاشق مكشات]

لاندكروزر موديل 96:good2:

[حديب الضميان]

يالربع بعطيكم وجهة نظري والفرق بين 2007 و2008 في أكس آر طبعاً
القديم أثقل وزن في الشاص من الجديد سألت مهندس عند البازعي وقالي القديم حوالي 700 كيلو والجديد حوالي 400 كيلو
القديم يجي منه ونش الفل الكامل يعني تعتبر ميزة والجديد الفل كامل ما يجي منه إلا الجي أكس آر حسب معلوماتي
القديم أرسى في الخط من ناحية ثقل الشاص بعكس الجديد
القديم تقدر تشغل الثلاجة بدون المكيف أما الجديد فلابد من تشغيل المكيف حسب معلوماتي
انوار الشمعات والأصطبات أقوى سماكه من الجديد

[sab770]

القديم أفضل في الدبلات والصدامات
والجديد دبلاته كلها كهرب يا يفصل ما يشبك او يعلق ويبقى شغال على طول وما يطفي الا ببرمجه

[a1Ruwais]

عليك بالجديد اخوي وبس

[راعي الهدد 7]

عز الله انك صدقت انا تون شاري هدد 2007 مع العلم انه بقيمته وزياد شي بسسيييييط اشرري هدد 2009 نظيييف بحالة الوكاله بس انا افضل شكل الـ2007 وتحت كذوق شخصي ومن ناحية المتانه معروف للموديلات القديمه ومن ناحية النفود والتطعيس فالقديم اخف وافضل وخراباته قليله مع التوفيق من الله سبحانه وتعالى لذلك انصح راعي طلعلت بر ياخذ له 2007 واللي يبي يكشخ لا والله ياخذ الجديد مع انه القديم اكشخ عندي

[ياوجودي]

كفيتوا ووفيتوا .. مع إن لي تحفّظ على الحكم من باب العاطفه.. ودنا بردود من باب تجربه ومواقف حصلت بالبر وبوقت الشّده.

يعني ودّنا بناس راحوا للقنص أو للربع الخالي وواجهوا مشقة الصحراء ويكتبون لنا مواقف صارت لهالموديلات تبين قوتها او العكس.

izzzzzzzzzzzzzzzi جاري الإنتظار....