ايش رايكم في ددسن 201

[سد صبيحاء]

:good2: وكالة نيسان قدمت عرض حلو وايش رايكم اشتري ددسن 2010 هل تنصحوني ؟

[77محمد77]

انحش منها نحشتك عن الذيب

[بيق مان]

اذا عزمت عليك بالنافارا
اروق

[ذيب عالية نجد]

انحش منها نحشتك عن الذيب
عزالله مانصحت الرجال
إستفسار بسيط
ليش ينحاش منها مالسبب

[hmoOoOody]

والله لو تنزل لنا الصورة
هه هع هع هه

[سد صبيحاء]

طيب ايش العيوب الموجودة في الددسن

[السد الغزير]

هلا بك سد صبيحاء .


أنا أعلمك أنا مريت عليهم اليوم والله مريت عليهم عشان . أرد عليك سؤالك .

- الددسن السوبر جي ال : تايلندية - بس شكلها حلو روعة . ان جنوط النجمة . قيمتها بـ79,600تقريبا مع رسوم التامين الشامل . مع صيانة لمدة خمس سنوات .

- الددسن الحاف : ياباني . الظاهر انها بـ71,000تقريبا .

[مخاوي الليل1]

السلام عليكم

اول شي الله يوفقك للي فيه الخير

انصحك الهايلكس وخاصه اذا دبل

[ابونبيل]

انحش عن الددتس يتفكك ومافيه عزم ابد اسأل مجرب


خذلك هلي لو ديزل احسن لك من الددسن البنزين

[بروق ساق]

الددسن 2010 تجميع تايلندا الشكل نفس الشكل السابق اللهم رجعوا الأزياق اللي بالجنب
الغماره ياباني 2010 نفس شكل 2009 بسعر 55ألف ريال بمعارض الرس
الغمارتين GL ـ 68ألف ريال صناعة تــــــــــايلــــندا عند معرض نجد بالرياض
غمارتين GL ـ خليجي 60ألف نفس السعودي الأختلاف فقط بالصدام الخلفي عند معارض الرس

شفوا لاحد يقولي أسعار الوكاله (الحمراني غــــــــالي جداً)
أسعار الوكاله نــــــــــــــــــار
هاذي أسعار الوكالة
الغمارة 61ألف ريال
الغمارتين GL ـ 72ألف ريال صناعة تــــــــــايلــــندا

[77محمد77]

لانها ياطويل العمر تاليلندي وليست ياباني زي 2008

وعذرا اذاغلطة الانه ليس انا من كتبها وشكراااا

[قايد تميم 1]

عليك بالددسن واللي يقول انحش منه تراهم مجرد متعصبين فقط لاغير
صدام قدام حديد!!!
قواعد الاديتر حديد!!!
بدي على كيف كيفك قوي
وصبووووووووووور
والله يوفقك

[رآعي شآص]

والله يالربع مانصحتوا الرجال تهاوشون على غير سنع اسنع وانا اخوك اذا انت راعي بر وخط وزحمه لاتدور غيرهاااا ولافيها عيوب ولاشيحمارمكده ماتحط فيها ولا شي لخمس سنين قدام الا زيت ومازيت وهاذا اكيد شي طبيعي بكل سيارة وضروري هاذي طال عمركـ للي يبي{صحراء_خط_ سفر_زحمه _ غراز } آآبد معك حمار مكدة تكد معك لين تقول بس ياخذها ولد ولد اصغر عيالك بعدين عآدى ماعندك اي مشكله

[سد صبيحاء]

ايش الأفضل النافارا او الددسن

[BeWoLf]

شوف يبو
السيارة على حسب الاستخدام
اذا ددسن او هايلوكس او نافارا
وكلها ممتازة
بس يبقى السعر شوف وش يناسبك ولا تردد
وانصحك ابعد عن الشركة عليك بالمعارض
الله يوفقك

[ولد الغلباء]

انا مع اني احب التويتا بس احس الددسن اصمل من الهلي صح ان الهلي اقوى بس احس الددسن تكرف اكثر

[فهد773]

خذلك ددسن خليجي من معرض نجد حلوه وعزم مشاء الله

[ذيب زلفاوي]

ياخوي الددسن مهوب زين والله مجربه موديل 2007 اقسم بالله اذا ركبت هايلوكس احس اني راكب موتر صح والعن ابو اليوم الي شرينا فيه ددسن
وان كانك تبيها عشان صداماتها وبديها شف النيفارا

[الشنه]

اخوي خذ هايلكس
واذا ماعجبك ددسن 2009 ياباني 100%

[metub1404]

مشكووووووووووووووور

[فهد الميهوبي]

شوووف انا معي دددسن 2008 والله ماااشا الله ليومك مغير اغير زيت فققققققققققط واكدها كد من يد نشيط ليد نشيط ومااشا الله ومكيف ثلللللللللللللللللللللللج وكلها حديد بحديد مهو بلاستك وكلبسااات مثل باقي السيارات خذها وتوكل على الله

[كاشت وحداني]

اتوقع الرجال يقول انحش
يقصد انحش من العرض اللي مسويه الحمراني الحين وينصب عالناس فيه

[KN 3.5]

ماأقول إلا أن الهايلكس موووووتر وهاذي لا يختلف فيها قولان

(هاوي الهلي لكن معي باثفندر)

[sultan911]

اخوي شوف الراي الي انا بقوله وهو ان الهايلكس ممتازه وقويه ومتماسكه اكثر من الازم حتى الحصم الي في الطريق تنط منه واذا مسكت بريك بسرعه وانت غير منتبه تحوص فيك حتى لو كنت مانت متوقع انها تحوص عن تجربه
والدادسن ممتازه بس تحس انها هاديه اكثر من الازم حتى الوجه ينزل شوي طبعاً كل هذا من كثر الهداوه يعني ماهي مشكله فيها
وكلها مجربه وكلها ممتازه للستخدام
الهايلكس تمسك سعرها اكثر من الدادسن
الدادسن اريح من الهايلكس في المركب
ولا تنسى الاستخاره
والله يوفقك في موتر طيب

[هبــ حريملاااء ـبوب]

السلام عليكم

اذا تبي ترقد زيت وبنزين توكل على الله وخذ دقس عزالله موتر يجمل ويستاهل فلوسه

والهايلوكس زين بس انه اغلى ويكد مثل الدقس والعزم واحد مهنا فرق شف اللي يصلح لك والله يوفقك

انا معي 2008 دبل ما حطيت به للحين غير زيت وبنزين وكفرات فقط لا غير

وعلى فكره من يوم خذته من الوكاله ما شفتهم ليومك !! يعني تشييك ما رحت ولاني رايح
والضمان 150000 او خمس سنوات ايهما اسبق .. وسلامتك

[السد الغزير]

يعني خلاصة الكلام . : من خلال قرائتي لجميع الردود .

فيه ردود . أن اللي أستعمل الددسن يمدحها بكل المقاييس . وما ذمها أبداً
وفيه ردود : أحس أنه يقول وخر عن الددسن بس ماعنده كلام او حجة قوية .. بس يقول وخر عن الددسن عشان معه هايلكس او غيرها .


عموما أحييك يا أخ سلطان911كلامك جميل جدا .


الددسن تعجبني خاصة لاجاتك جنوط نجمة . والهايكلس تعجبني الاولات . اما الجديدة فما رغبتها .