دعوة للجميع بطرح رأيك حول عروض شركة النيسان

[السد الغزير]

السلام عليكم ورحمة الله وبركاته .


اليوم وقبل ساعة من تحرير الموضوع , أتيت من وكالة نيسان وأطلعت على عروضهم الأخيرة .


ألا وهي إستلام السيارة جاهزة بإحدى الطرق الثلاث : بالتأمين


1- استلام السيارة نقدا بالقيمة المطروحة .


2- دفع نصف المبلغ : من القيمة الاجمالية , وبعد ثلاث سنوات فأنت بالخيار إما بإرجاع السيارة للوكالة بحالة سليمة أو معقولة , أو إكمال باقي المبلغ ومن ثم تحرير السيارة باسمك وتصبح ملكك .


3- دفع ربع المبلغ : من القيمة الاجمالية , ويسدد باقي المبلغ بثلاث سنوات بالتجزئة أو الاقساط .



كان ذهابي لهم للسؤال عن الددسن السوبر جي ال : وكان كالتالي . المبلغ 79,600ريال وعليك الحساب كما في الطريقة المذكورة أعلاه .




نرجو لمن قرأ الموضوع أن يتكرم ويتفضل علينا بإدلاء دلوه للموضوع . لكي تعم الفائدة



والله يحفظكم ويرعاكم

[محمد الظاهري]

والله العرض زين شين
بس تدري كم النسبه لهم اقل شي 15%

وما ادري سمعت بس على السيارات الصغيره

ولاكن رح اشتر سياره على قد القروش
ولا تاخذ قرض بعدين يقص ظهرك

وانحش عن العروض
ترى الذيب ما يهرول عبث

[ابونبيل]

اعووذ بالله ددسن بـ79الف

ياعمي اخذ هلي اصرف

الددسن الجديد شكله غلط من ورا ويتفكك ومابه عزم

خذ هلي وبس

وبالنسبه لعرضهم مدري ماعجبني

[terke mekshat]

أعوذ بالله دتسن ب 79 ألف!!!
أسمع نصيحتي إذا ماعندك كاش أسأل عن سعر السيارة كاش وسعرها تقسيط وشف الفرق ثم رح اسأل البنك إذا تبي تاخذ قرض وشف كم يعطيك وكم تعطيه وشف الفرق.

أنا سبق وشفت لقيت البنك فائدة 3,5% والشركة 15% تقريباً!!!!
الله يرزقك ويرزقنا من واسع فضله.

[المنيعي1]

يرجال نصابين ادفع ربع القيمة وقسط الباقي يعني كأنك دافع دفعه أولى والباقي أقساط .

عموماً انا مريت عليهم وسألت عن عرض المكسيما الي تدفع نصف القيمة وبعد 3 سنوات الباقي قالي الموضف أول شي العرض على فل كامل ونص فل ! طيب الرخيصه قال لا مخلصه يعني يبون يحدوننا على الغالي. قيمته كاش يطلع بـ106000 تقريباً يعني تدفع 50000 +12000 = 62000 الف ريال مع التأمين وبعد ثلاث سنوات تكمل الباقي . قلت طيب العرض الاول بدون دفعة وبدون رسوم ادارية واول شهرين معفى من الاقساط احسن من العرض هذا قال صحيح بس انتهى العرض اللأول .

[السد الغزير]

والله العرض زين شين
بس تدري كم النسبه لهم اقل شي 15%

وما ادري سمعت بس على السيارات الصغيره

ولاكن رح اشتر سياره على قد القروش
ولا تاخذ قرض بعدين يقص ظهرك

وانحش عن العروض
ترى الذيب ما يهرول عبث

معقولة عاد 15بالمية نسبة ؟؟
ويوم تقول اشتر سيارة على قد الفلوس هي الفكرة واردة . لكن فرق انك تركب موتر جديد اصفار .. ولا لا ؟

[ابوطاقية]

اخوى صدقني اي وكالة سيارات ماتحط عرض الا للتصريف لان موديلات 2011 على الابواب وثاني شي ماتحط عرض الا وهم عارفين كل هللله يكسبونها ومستحيل يبيعون بخساره لو ريال واحد
الحين اغلب وكالات السيارات عروضهم تملا الجرايد للتصريف
اذا بتاخذ سياره خذها عن طريق اي مكان الا الوكاله والا ترى بيحلبون مخباتك هذا والله اعلم

[ثاقب]

بلغ الثعلب عني عن جدودي الصــــالحين

عن ذوى التيجان ممن دخلوا البطن اللعين

أنهم قالوا و خير القـــول قول العارفيــــن

مخطئ من ظـــن يومـــا أن للثــــعلب دينا

[مقلع الرمث]

عرضهم جداا ممتاز لكن لا حظت عندهم طريقه يدخلون من ورااها ذهب

وهذي راح اتأكد منها قلتلهم اباخذ التيما بكم قالي ب 75 الف ورحت للمعارض وحصلتها ب 65 الف هذي بكل بساطه عشره الاف

بس الميزه اللي عندهم

انك تاخذ السياره مثلا ب 75 الف مايزود عليك ولا ريال

الزياده اللي تحصل التأمين فقط وهو عليك يالمستاجر فقط

يعني راح يكون عليك زياده تقريبا 10 الاف اذا كانت السياره بالاقيام هذي وشكرا

[قرم العيال]

طيب صحيح انه لكم مشي معين 90 الف كلم فقط

[سلفاريو]

والله بالنسبه لي ماناسب والاكيد ياخوان ان مصلحتهم قبل كل شي ...

[moooj]

والله ما عاد لهم امان
الله المستعان

[قطب 999]

نصب * نصب
.