المساعد الشخصي الرقمي

مشاهدة النسخة كاملة : اريد معلومات وافيه عن التبريز ....الرجاء المساعدة..


ياسر الحربي
23/06/2010, 12:09 PM
السلام عليكم اخواني اريد معلومات وافيه عن التبريز وكيفيته وهل به ضرر على السيارة في المدى البعيد ..... ركبت جنوط هدد Gعليها برجستون عريض على الشاص وعندما مشيت 1متر فقط طلع صوت غريب ولا ادري ماهو السبب خرجتها وركبت الشمبر ابغى الحل ياناس اتعبني الشمبر قالوا لازم تبريز...
وماهي الكفرات المناسبه للرمال والخط انا سمعت انها الكفرات الرمليه الدنلوب وش رايكم فيها..
عاشق السيل
23/06/2010, 02:52 PM
وعليكم السلام ورحمة الله وبركاته ،،

التبريزة حلقة دائرية فيها فتحات للمسامير تركب على الهوب قبل الكفر شغلتها تبعد الجنط عن الكليبر علشان مايحك ،، مامنها أي ضرر لكن بشرط لازم تركب الأصليات لأن السوق مليان من الصيني التعبان اللي يسوي رجة بالكفرات واللي يركبها لك لايمكن يعطيك ضمان ،، وإذا عطاك ضمان حتى لو يوم واحد تراها أصلية !!

من ناحية الكفرات : الدنلوب رائعة وقوية جدا ومناسبة للرمل وعمرها طويل لكن عيبها إنها قاسية وأطرافها تتقرض بسرعة ،،

أنصحك ومن القلب إنك تركب هنكوك لأنها لينة جدا ومناسبة جدا للرمل وأرخص من غيرها وعمرها طويل !!

بالتوفيق أخوي .....
ياسر الحربي
23/06/2010, 06:35 PM
شكرا اخي عاشق السيل ولكن هل توجد التبريز في الوكالة ام اين وهل يحتاج المسمار اللي في الهوب ان يطول ام لا وماهي الصناعه الاصليه....
حبيب الامس
26/06/2010, 01:53 AM
السلام عليكم ورحمة الله وبركاته
يالاجاويد فيه تباريز اصليه
غير الي تفصيل من المخرطه ولا لا؟
عاشق السيل
26/06/2010, 08:24 AM
شكرا اخي عاشق السيل ولكن هل توجد التبريز في الوكالة ام اين وهل يحتاج المسمار اللي في الهوب ان يطول ام لا وماهي الصناعه الاصليه....

الوكالة ماتعترف بالتبريزة او أي تعديل بالسيارة !!!

ومايحتاج للمسمار إنه يطول لأن التبريزة ماتجي نصف سنتيمتر !!

والأصلي والله ما أعرف صناعته بالضبط لكن تبي تلقاه بالغرابي بكثرة لكن زي ماقلت لك أحرص على الأصلي .....
ابو شايق
26/06/2010, 09:36 AM
انتبه من تباريز بعض المخارط .. تراها رديه .. واسئل عن المخرطة المجربة قبل