يا اخوان منهو راعي الصمله ( الذكر ولا الانثى ) ؟؟؟؟؟؟؟؟؟؟؟؟

[رحااااااااااال]

بسم الله الرحمن الرحيم

تحياتي للجيمع من مشرفين واعضاء .

لو سمحتوا وتكرمتوا وتعطفتوا و تلطفتوا ابي من كل واحد منكم يكتب لي عن السلق ومين راعي الصمله الذكر ولا الانثى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وطبعاً يقولي السبب .

انا جبت هذا الموضوع ابي اعرف آراء اصحاب السلقان واسمحولي عن التقصير .
واللي عنده خبره لا يقصر .

وتقبلوا تحياتي
اخوكم الرحاااااااااال:)

[المري]

مرحبا حياك الله

والله ماني براعي سلقان بس يقولون ان الضاريه اسرع من الذيخ

[رحااااااااااال]

هلا والله اخوي المري عساك على القوه ومشكور وماقصرت على هذا الرأي
لكن عندي سؤال الحين كل اللي في المنتدى مو راعين سلقان اشوف الشباب يدخلون لكن ما اشوف ردود .
انت قلت ان الضاريه اسرع من الذيخ ok انا معك في هذي النطقه طبعاً مو في كل الاحوال لكن اعتقد ان الذيخ يتحمل اكثر من الضاريه وهذي عن تجربه لكن كنت اتمنى اني اشوف ردود اصحاب السلقان لكن انت كفيت ووفيت الله لا يجازيك إلا بالخير .
تحياتي اخوك الرحااااااااال

[الضرغامي]

انا اقول ان
فيه ذيخه طيبه وفيه سلق طيبه

يعني كل شي يجي منه اشيا طيبه

تحياتي

[نبهاوي صميم]

اناا من راايي الذيخ افضل من الضااريه
وهذاا راايي

[قناص الخبر]

مساء الخير
اخوي الضاريه فيها سبق ولكن انا اشوف نفسها قصير هذا بالنسبه لتجربتي
اما الذيخ نفسه طويل وفيها سبق ويصمل وانا بالنسبه لي احب الذيخ اكثر من الضاريه
تقبل مروري

[ابوسعودالسهلي]

سلام عليكم اخوي رحال بقولك شي واحد السلوقي مايخاف عليه اما السلقه ممكن يجيها جعري ويلعب فيها وبعدها ماتصلح لاهي ولا اعيالها وراح يقيدونك الاخوان مراح يقصرون معك في شي .

[خطّاف الأدهم]

عليك بالذيخ وانا أخوك
مطيع وينقاد بسرعه وقوه في تطييح الصيد والهدد بعض الأحيان يكون الذيخ أطلق من كل الضواري بواجد
وبالنسبه للقوه أسئلني عن الذيح يعلم الله أني طارح لي كم حمار تكرم في القويعية بالسلوقي
ومن جبل لجبل رجلينه تقطر دم وهو وراه وراه
الذيخ وبلا منازع

[TIGER11]

ما ازود على كلام الشباب

الذيـــخ وبلا منازع

[رفيق الأمل]

طبعاً الذيخ الاسرع والاقوي

[طلو]

السرعه حسب الاصل والتحمل حسب الجسم واللياقه وان يكون السلوقي يمتاز بالرئه الكبيره لتحمل المسافات الطويله

[بن مسيفر]

حياك الله وبياك اخوي رحال واشكرك على الموضوع@صراحه انا من وجهت نضري واعوذبالله من كلمت انا@عندي الذيخ افضل من الضاريه@والسبب ان الضاريه يقل عطاها من بين وقت لاوقت@تخبر الاجعار له تأثير على نفسيت الضاريه والحمل وبعد ماتولاد تلقهاء اعظامهاءمرتخيه ويبلهاء شد@يعني مودي اطيل عليكم الذيخ افضل من كل النواحي@وتقبل مروري وتحياتي لكم جميع@

[راعي عدلى]

الذيخ(الذكر)عنيد لكن اغلب الذيخه حاره في الصيد و ما تخاف من شي يهد على الي تبي
السلق(الانثى)مطيعه و القليل يصيرن حاره بالصيد
لكن ما ناحيتي افضل السلق عن الذيخه بالنسبه للهدوء و الطاعه و الاوامر و بالنسبه لسرعه على حسب لياقته