مهم جدا للكروزر

[عاشق الكروزر]

السلام عليكم
انا سمعت ان الاندكروزر كل سنة يزيد سعره حوالي 10000
واخرها الهدد القطري وصلت قيمته 151000؟؟؟؟؟؟
وش رايكم بهالكلام؟؟؟؟
وش

[صالح المطيري]

لا تشري الجديد ولكن اشر أخو الجديد ، أنا بصراحة استغرب من يشتري سيارة غالية من الوكالة مثل اللاند كروزر والمرسيدس والبي أم مع انه متوفر اخو الجديد منهن بسعر ينقص عشرة أو عشرين ألف وكثير منهن ما مشن 20 او 30 الف كيلو . فكر واحسبها صح .

[محب الشمال]

بس الجديد مضمون اكثر
لكن حسب ميزانيه الشخص يعني مثلاً ليش اتسلف عشرات الالوف وانا اقدر بأذن الله اشتري سياره بالفلوس الي معي

وبعدين ماني خبير في اسعار السيارات بس احس اسعارها في الخليج مبالغ فيه جداً جداً جداً
لكن ان لقيت نظيف اشتر لانه على قولتهم الجديد اخوا النظيف

والله يوفقك ويحفظك

[رندا]

والله انا اشتريت 2004وشكله مره يشبه 2005 والفرق22الف ونفس المواصفات

[رندا]

والله انا اشتريت 2004وشكله مره يشبه 2005 والفرق22الف ونفس المواصفات ومامشا ولا كيلو

[aziz2727]

بصراحة .. ما فيه ازين من الجديد الي تفكه على يدك وباخصه زيييييييييين
والله يدبرنا وياك وكل مسلم على الصالح .

[صالح المطيري]

كلامك صحيح يا عزيز ويا محب الشمال بس لاحظ فرق السعر بين الجديد واخو الجديد ولاحظ انه اذا كان ماشي 30 الف كيلو لا يزال يغطيه الضمان خاصتاً للسيارات الفارهة والغالية ضمانها ثلاث سنوات او 100 الف كيلو يعني كأنك شاري جديد . خاصتاً انه فيه ناس باطره النعمة يشرون لعيالهم سيارات جديدة ما تقعد عندهم الا سنة ويملون منها ويبيعونها بخسارة ربع قيمتها الأصلية ولا همهم علشان كذا تلقى سيارات جديدة ونظيفة معروضة في المعارض أو يحرجون عليها بحراج السيارات!.

[الدبل الثقيل]

اذا كان المسلم مقتدر يشتري الجديد ولا يحسب للخسارة في سبيل اسعاد النفس ... لأن الدنيا منقلعة واللي عليها منقلعين .. ترى سحوت المال للوارثيني... وترى الرزق عند الله وماصكت ابوابه والله يغنينا واياكم عن منة الخلق...

[hani458]

ارى الواحد انه يحرص او يبذل قصارى جهده ولايبخل على نفسه بالجديد في ثلاثة اشياء ( المرأه والسياره والاكل )

[صالح المطيري]

القضية ماهي قضية بخل أو كرم هذي قضية مادية بحتة كثير من الناس ما يملك حق الجديد ويوهق نفسه اقساط مالها أو ولا آخر . وترى ما هو بس حنا بالسعودية اللي نشري سيارات مستعمله ، حتى في بريطانيا ارض الروفر والجاكور يشرون سيارات مستعمله وامريكا بعد سوق المستعمل عندهم مزدهر ، وما كل واحد عنده 151 الف ريال يشتري فيهن لاند كروزر جديد .