ابو جميل حسبي الله عليك الى متى

[PATROL4800]

حسبي الله على ابو جميل بهذلتنا
يوم الاربعاءرحت للمعارض اببيع سيارتي اللي هي هايلكس 2009 غمارتين
المهم جاني يماني واتفقت انا وياه على السعر يوم طلعت انا وياه بيفحص
جت المصيبه قال السياره فيها رش
قلت وش لون انا اللي مطلعها وكاله ولا دخلتها ورشه من يوم شريتها
وقعدت اهاوشه انت نصاب طلعتني من السوق وتدور تصريفه عشان تهون
واثق انا ان مافيها شيء
المهم جاء راعي المعرض وفهمني وراني الرش واقتنعت لقيت الجلب اللي في السمكه والقزازه اللي ورى جايها بويه شوي
وساعتها عرفت التصريفه اللي يوم اشتري سيارتي
اسبوعين يصرفوني يقولون سيارتك في الخرج اثرهم يسمكرونها حسبي الله عليهم

انتبهوا ياشباب اذا جيتوا تشترون من عبداللطيف جميل

لاتنقهرون مثلي افحصوا اول

[m-a-z-d]

طيب اخوي رجعت للشركه او كلمتها..

ولا لاحياة لمن تنادي..

والله شي يقهر.. الله يوفقك ..

[ولد الغلباء]

ارجع للشركه وهددهم بوزاة التجاره اذا مارجعو لك حقك

[مقلع الرمث]

ارجع للشركه وداهمهم قلهم خذو سيارتكم وعطوني سياره غيرها واذا مانفع ابد صرخ بوجيههم ودورلك احد معك املوووسن يفزع معاك لان ماينفع معهم الا اللجه وادخل على الصاله حقت العرض وقل للناس هذولا نصااابين بايعيين علي سياره مصدومه

بس اهم شي خذ معك احد املوسن والله يرجع حقك زي السلام عليكم بس لازم تصبرر

[برق الوسيطاء]

لاحول ولا قوة الا بالله

[ذهب صافي]

حسبنا الله ونعم الوكيل

والله مصيبه

يا جماعة أين وزارة التجارة عن هالمصخر والغش ولا فقط رواتب وكبر الوسادة

[ابونبيل]

حسبي الله عليه



والله قهر

لالالالا تسكت عن حقك

[الصمان 2]

حسبي الله عليهم





.

[مدمن فتك]

ياكثر القضايا اللي حكم على شركة تويوتا بالمحاكم
فرأيي انك ترفع دعوى عليهم وتبي تنبسط لو طال الوقت

[1711]

حتى لو رحت ما راح تلقى نتيجة لاكن قل حسبي الله ونعم الوكيل

[moooj]

مهيب اول مرة وانا اخوك
واحد بايعينه لاند على انه جديد واستخدمه كم شهر ونزله المعرض قالو السيارة فيها رشه
وبعد هواش وصياح اعترفو ان فيه رشه
وغيرو السيارة
لا تخليهم انشب في حلوقهم والله لا يضيع لك حق
وفقك الله

[مخاوي العشه]

حسبي الله ونعم الوكيل
لا تخليهم انشب في حلوقهم والله لا يضيع لك حق
الله يعوضوك ويوفقك

[ولد وايل..]

يارجل....


هي الحياااااااااااااااااااااااااااة....


حسبي الله ونعم الوكيل......

[التعـ King ـديل]

اذا الموتر ماشي واجد فالله يعينك

لكن منت خسران شي اذا ماربحت منت خسران طقهم بشكوى

[سفاري959]

حسبنا الله ونعم الوكيل



والله مصيبه



يا جماعة أين وزارة التجارة عن هالمصخر والغش ولا فقط رواتب وكبر الوسادة


تبي تعرف الحقيقه المره موظفين وزاره التجاره الكبار على حسب كلام كثير من الشباب ولا احط بذمتي شي كل واحد عنده جيب لكزس هديه من وكاله عبداللطيف جميل يعني انس يسوون شي لك وهم مستفيدين اذا صار خصمك قاضي من تقاضي حسبي الله ونعم الوكيل الله يعوض عليك ما يضيع شي عند ربك

[العاذر]

فعلا شي يفقع المراره

[شمالات نجد]

يا ناس حتى لو اخذتو مواتر جديده افحصوها الدنيا تغيرت والناس تغيرت

يالله الجنة بس

سلام

[صياد المجمعه]

يا نااااس هاذا ابو جميل وش يبي من هالدنيا ما يكفيه الي عنده ليه ما يخلص في البيع والشراء هو ما يبي الجنه ولا هو غني عنها لكن ما اقووووول الا حسبي الله ونعم الوكيل والله يكون بعونك يا راعي الموتر...

[ابووريف]

اقسم بالله احنا اكثر شعب ينضحك علية بالعالم مالك الا يدك ولسانك اليوم راحت الجميح وبالبيد اشتري يوكن والله الكفرات محبلة الي على سيا رات العرض سالتهم ليش محبلة يضحك الموظف مافي معلوم في بالبيد بجدة وفية زباين تشتري وحق الجميح يقول احسن تغيرها كل الناس تغيرها بعد شهرين لسلامتك والمشكلة موجودة بالاكسبيدشن ولها ثلاث سنين ومانحلت وتقولي وزارة السراقة ماحدعندك يبغالنا موسسات مجتمع مدني تمثل المستهلكين شوف ايش صار ايام المقا طعة بكا عبدالطيف جميل

[هارون97]

المثل يقول ( الي ماله لسان يكله الخنفسان ) صرخ ازعق كل شي سوة تأخذ حقك بالتوفيق

[حمد الأحمد]

حسبي الله على ابو جميل بهذلتنا
يوم الاربعاءرحت للمعارض اببيع سيارتي اللي هي هايلكس 2009 غمارتين
المهم جاني يماني واتفقت انا وياه على السعر يوم طلعت انا وياه بيفحص
جت المصيبه قال السياره فيها رش
قلت وش لون انا اللي مطلعها وكاله ولا دخلتها ورشه من يوم شريتها
وقعدت اهاوشه انت نصاب طلعتني من السوق وتدور تصريفه عشان تهون
واثق انا ان مافيها شيء
المهم جاء راعي المعرض وفهمني وراني الرش واقتنعت لقيت الجلب اللي في السمكه والقزازه اللي ورى جايها بويه شوي
وساعتها عرفت التصريفه اللي يوم اشتري سيارتي
اسبوعين يصرفوني يقولون سيارتك في الخرج اثرهم يسمكرونها حسبي الله عليهم

انتبهوا ياشباب اذا جيتوا تشترون من عبداللطيف جميل

لاتنقهرون مثلي افحصوا اول


أخوي طلع تقرير من المرور أنه ماسبق أن سجل على السيارة حادث

ومر أحد الورش وخذ منه فحص يثبت إن السيارة مرشوشه

ثم مر الوكاله وهددهم

إذا ما عطوك وجه أشتكهم

وبإذن الله تاخذ حقك كامل

[abo_hoor]

اخوي العزيز الله يعينك
شوف اخوي روح للشركة وتفاهم معاهم وروح وات شخص معاك حق
وسيارتك كانت عندك وانت تقول ماسويت فيها شي من صبغ وهالامور
روح مر شركة وقولهم سياره مرشوشه وانا ماسويت فيها شي
ممكن كانت سياره عندهم وسيارة ظربت شي ومن جذي رشوها وماقالولك
الله يعينك اخوي

[ســـكـــول]

اسمع ياخوي في الفترة الآخيره ظهرت بعض الورش ماعندها خلفيه اي سياره تجيهم يقولون مصدومة مسمكرة مرشوشة والسيارات جديدة فيه ناس صارت لهم كذا مدري من نصدق مع العلم ان سياراتهم جديدة ياليت تتاكد وتمر اكثر من ورشة علشان تتاكد 100%

[moooj]

يا خوي مهو بلحاله
على موديل ال 96 مطلعين جمس من الجميح وبعد سنتين اكتشفت ان الجنب اليمين مرشوش بالكامل
كلهم حرامية ما فيهم الي يخاف الله

[عميد سامودة]

ليت الشباب يتعظون عن ابو جميل واشكاله

[عآشق الحره]

على ماقالوا الاخوان مر كم ورشه وتأكد >>> المهم اذا طلعت مرشوشه روح وخذ معك واحد عاطل ماعنده شي يخسره ودور الي باعك السياره بالمعرض اول شي تعال احترامات اذا انكر امسح بوجهه الصاله

[ولدشقراء]

حسبي لله عليهم
لوني منك لراوحلهم

[ابن علوان]

هذا هو اسلوب شركة عبد اللطيف

يعني ماكانكم عارفين ان سياراته تتركب كل اكسسواراتها هنا من صدامات وجنوط ومرايا وشبوك ورفارف وشطرطون ومسجلات ودعامات وانوار وحتى الازياق حقت الكورولا المطوره وجنوطها

شرينا لاند كروزر 2003 وكاله ومره صدمنا به وفي الورشه يقول لي السمكري ان اللون اللي على السياره ماهوب لونه الحقيقي وان لونها الاساسي المسجل على البليته غير ومن يومها عرفت خداع شركة عبد اللطيف
وبطلت اشتري سيارات تويوتا

[metub1404]

حسبي الله ونعم الوكيل وكالة ومسمكر

[ابومحيميد]

حسبي الله عليهم لاتضيع حقك

وش تسوي ؟؟

1- ثلاث تقارير من ورش تفيد أن السيارة مرشوشة

2- ورقة أو سند تفيد انك شريت السيارة من عبداللطيف جميل

3- معروض مقدم إلى وزير التجارة والصناعة بخصوص ماحصل لك مرفق معها الاثباتات

ربي يوفقك

[حياة جديدة]

السلام عليكم اخواني الكرام والله القصص كثيرة وكل الشركات ترش سياراتها انا بعت فورد 2006 مطلعه من الوكالة ويوم نزلته المعارض قالو لي مرشوش وفعلا طلع مرشوش ورحت وجيت واشتكيت ولا حصلت شي
واعرف واحد مشتري من الجميح دينالي طلع مرشوش باعه بنص قيمته حتى المحاكم وصل مافيه فايده
ربنا يعوضك خير والايام ذي لاتدقق طفي النور وامش

[jasser]

السلام عليكم

اخوي الله يجبر مصيبتك
وفيه عدة خطوات يمكن انك تسترد بها حقك

اولا تروح المرور وتاخذ مصادقه - خطاب - ان السياره ما قد تعرضت لحادث فترة استخدامك او انها ما دخلت اي ورشه سمكره

بعدين تروح لشيخ الورش اللي موجود في منطقتك وتطلبه يعطيك خطاب بناءا على خطاب المرور يشهد فيه ان السياره ما دخلت اي ورشه لعمل البويه طول فترة استخدامك

ومن ثم تفحص السياره من ورشه معتمده منه شخصيا و تطلبهم يعطونك كذلك خطاب ان السياره مرشوشه ويحددون مكان الرش بالتفصيل

وبعد كذا تروح لوكالة تويوتا وتعطيهم نسخ وركز على نسخ من الخطابات اللي معك وتطلب مقابلة مدير الفرع - اذا وافقوا حاول تكون حازم واطلب منهم يا يغيرون لك السياره بوحده سليمه ميه بالميه او يردون فلوسك

في اغلب الحالات راح يرفض كلا الحلين

اذا رفض بدون شوشره روح للتالي

- الاماره - الشرطه - وزارة التجاره
وتقدم بشكوى بنفس الصيغه ونفس المطالبات السابقه مرفقه بالخطابات الموجوده معك من اول

وتابع السالفه وان شاء الله ما يروح حقك وتاخذه كامل مكمل

اسف على الاطاله والله ينصرك على القوم الظالمين

[ابن مجدوع]

الله يعوضك خير وعليك بهم ..!!

حتى لو رحت ما راح تلقى نتيجة لاكن قل حسبي الله ونعم الوكيل
ياخي وش اللى ما يلقى نتيجة ..!!
اكيد مدام ما فيه ناس تشب الارض عليهم ما بيسون شي ..
لو كل واحد ياخذ حقه ويرفع ويقدم ويسعى والله ما تسير المسخرة هذي !!
واحد طايحة سيارته من فوق الرافعة .. واللى شرا لكزس وجنوط مدري وش فيها. . وانت ماشي ..
لا يخوي اشتك هذا حقك ولا احد بيلومك ..
الله يوفقك وعليك بهم .!!

[واطي الجمرة]

ارجع للشركه وهددهم بوزاة التجاره اذا مارجعو لك حقك

لالالالالالالالالالالالالالالالالالا تسكت

[حمود 1430]

الله يستر السيارات غاليه.......... وبعد فيه غش

[ابوخلف الحربي]

يرجال مافي ذمه مره ذا القبيح ونصيحه انششب لهم انت ماخذت السياره بلاش
وهددهم بالمحكمه اتوقع تجيك نتيجه لان القضايا واجد عليهم وبيعطونك الي تبي,,

[درباس فرناس]

سؤال مهم يا أخي الكريم
هل أنت استلمت السيارة من الوكالة
أو أنت اشتريت السيارة من المعارض جديدة ............؟
الغريب أني لم أردت أني اشتري منهم سيارة أكد لي مندوب المبيعات أنه موجود لديهم سيارة في المستودع نفس اللون المطلوب وطلب مني الانتظار لكي يتصل على بعد المغرب ثم أتصل علي وقال أن السيارة مصدومة من جراء التنزيل والتحميل
والمشكلة أن السيارة قد يشتريها معرض بسعر منخفض جدا بعد إصلاحها من قبل الوكالة ثم يقوم بعرضها لديه بدعوى أنها جديدة ولم يصبها شئ ...؟
وبعض المعارض لديهم ذمة أذكر أني مريت على معرض في النسيم ووجدت سيارة جديدة ماتعيب عليها شئ ولم سألت عن السعر أعطاني سعر أقل من السوق تقريبا بثلاث الاف ريال ولما سألت عن السبب قال أن فيها حكة بسيطة جراء تنزيلها من السطحة لاحظتها بعد أن وضحها لي
على كل اسأل الله عز وجل أن ينصرك ويأخذ بحقك ممن ظلمك وغشك ودلس عليك

[ابومحمدحديثي]

ولد اخوي معه فكسار 2009 شافه شريطي قال الموتر مرشوش وجهه والمشكله هو اللي مطلعه وكاله والاهالحين ماصدق ولكن نصيحه اللي يبي يطلع جيب يطلع باترول