اللاندكروزر الديزل ......... أحد جربه؟؟؟

[fof6666]

السلام عليكم :D

فيه أحد جرب المفخرة بمحرك ديزل ؟؟؟؟

سمعت انه نشيط بالحيل خصوصا الثمانية سلندر :good2:

اللي جربه بالخط والنفود يفيدنا وجزاه الله خيرا
لأني ناوي على واحد مستعمل

[عواء الذئب]

السلام عليكم نصيحة لوجة الله لا ثم لا ثم لا تاخذ ديزل لا اقوى ولا خرابيط

[بن جعيثن]

السلام عليكم اخوي اذا الله كتب انك شريت اهم شي الفلتر تعيش السياره مده لكن اسال الشيبان هم ال يستعملونه

[abc-00-abc]

السلام عليكم نصيحة لوجة الله لا ثم لا ثم لا تاخذ ديزل لا اقوى ولا خرابيط

:good: لا تفكر بالديزل مره

[ولد الغلباء]

الديزل لايقربك

[السرحان502]

والله الديزل حلو ويوفر لا كن نشاط لا اعلم

[fof6666]

الله يعافيكم ياأخوان
وننتظر اللي جربوه

[ساري 111]

اعرف واحد يمدحه بالحيل

من ناحيه النشاط لاتسأل الموتر نشيط 8 سلندر تيربو يسدح طبلونه زي سلام عليكم

والصوت منخفض جداً بس مايقارن بصوت البنزين

وصرف الديزل يمشي بالتانكي بحدود الـ 1000


لكن بالنسبه للاعطال والمشاكل الى الحين مااايدرى عنه بس ماادامه من تويوتا نم همه مهب مكدر خاطرك ان شاءالله

[عآشق الحره]

احمد ربك ثاني ارخص دوله بالبنزين السعوديه <<عاد كيف لونك بالاردن تفلل ب 400ريال

[asdali]

نصيحة الاخوان اللي قبلي حطها في بالك ومعروف لدى العارفين والميكانيكيين غثا الديزل

وصحيح انه قوي وبتوفر شوية دراهم لكن مقابل قلة راحة وقطع غيار غالية واسأل عن قيمة طرمبة الديزل وغيرها والعزم حتى لو هو 8 سرندل ماراح يرضيك وبتشوف الـ 6 البنزين افضل غير ريحة الديزل اللي ماراح تفارقك واللي بتوفره من قيمة الديزل راح تدفع اضعافه صيانة وقطع ولاهو مرغوب عند البيع مثل البنزين.

استخير والله يوفقك

[* Storm *]

والله الديزل مايصلح ..

غثا لك ولغيرك

خذ بنزين وريح مزاجك يابعد حيي

[ابوطاقية]

الديزل الجديد بالقوة نشيط بالحيل بصحراء او اسفلت
فيه واحد بالمنتدي هنا من الكويت يقول يفلل بالكويت الى مكه واما الصيانه فلا اعلم عنه شيء
لاكن اشوف الاستراليين يمدحونه بالحيل ولانه يجي عندهم شاص وصالون
ومثل ماتفضل اخونا سارى ارقد وامن مع تايوتا

[m-a-z-d]

ياشباب اللي يعيب الديزل يعطيني وش عيبه,,

انا موتري ديزل ولا شفت منه شي!!!!

[كيري ميري]

عيبه سعره 175000 الف . وفي النهايه ديزل . توقف عند الطرمبه ويعطيك العامل اشكل اذا خلص من سيارات البنزين جاء عندك .


اللي يدفع هذه القيمه يحطها في بنزين مثل الناس .

[sultan911]

اخوي انا من مده كنت بشتري سياره ديزل ولكن الي خلاني اغير رايي هو عند تشغيلها جلس شوي وهو فاتح السويك ويدبل لها ويش تسوي قال احرضر ليش ماتشتغل على طول قال لا يبيلها تحضير وهونت بس ماني داري عن الجيب التايوتا هو مثلها ولا لا والشباب يفيدونك
وشي الثاني ان مهندسي الديزل قليل ماهم مثل البنزين في كل مكان تحصلهم

[بو خليفه]

الديزل حلو وقوي خاصة تيربو

وانا عندي برادو ديزل 3000 سي سي تيربو جدا قوي وسريع

لكن في السعودية لا تفكر في الديزل لان الوقود زهيد وصيانة الديزل مرتفعة في السعودية والنصابين كثيرين خاصة انت ديزل تبغي توفر مال تلقاهم ينصبون عليك اللى توفر

[ذيب زلفاوي]

انا مجرب الديزل حوالي سنه كامل
1- اول شي يعايرونك الناس جا راعي الدزل وراح راعي الديزل
2- صوته قوي مرررررره
3 - ريحة الديزل تغمتك
4- مواصفاته مهوب زينة
5- عزمة شييييييييييين يالله يمشي وبالخط زين ان جا 150 وان صرت راقي طلعت مايتعدا 120
6- مكيف يحتر اذا جا الضهر
7- الله يعينك عله بالشتا اذا دقيت سلف لازم تخليه حوالي دقيقه واذا اشتغل اقل شي ربع شاعه عشان يتحرك امبير الحراره
8- خراباته اكثر من البانزرن وقطع غيار غاليه مررررره وقليل الورش المتخصصه بالديزل


الموتر المجرب جكسار موديل 99 ديزل ولحمد لله الي فكني منه

[حبل الوريد]

اخوي اذا انت نطحت اللاند عجز تدفع سعر البنزين ؟؟

[ياوجودي]

الإخوان اللي يقولون وش عيوب الديزل؟؟

عيوبه وااااااااااااجد ياخي الاند خلقه ثقيل بالبنزين 6 سرندل فما بالك بالديزل حتى ولو كان 8 سرندل.
بتوفر صحيح بقيمة الديزل فرق عن البانزين لكن لو خرب الطرمبه او ماإعتنين بالتحميه راح تدفع آلاف في الصيانه عكس البنزين قليل صيانه بالنسبه للديزل بالذات للي أول مره يستخدمه.

بالعربي إبعد عن الديزل بتريح رآسك.. هذا غير لاجيت بتبيع بيقعد سنه ونص ماحد سامه.

[العاذر]

اللي اعرفه ان اللي يحبون الدراهم يشرون ديزل وهذا شي مشاهد :d

أعرف لك واحد عنده ملايين وشاري ديزل اسوزو اللهم لاشماته يخاف رصيده ينقص:d

بعدين إذا أقبلت مع الحاره تقول حراثه كنك في مزرعه:d

ولاتنسى عثورة الدخان مع الشكمان وياكثر اللي بيدعون عليك:d

فمان الله

[هاوي112]

:no2: نصيحه لا يقربك :no2:

[SIF]

أكثر من يأخذه أنا أخوك أهل المزارع

علشان يعبون من ديزل المكاين والمعدات مجانا

أنصحك

أبتعد عنه البنزين رخيص ولله الحمد

وأستخر الله عز وجل

[ن م ر]

بالماضي كان الناس يشترون الديزل لأنه سعر وقود الديزل رخيص والبنزين غالي

الحين من رخص البنزين عام 2007 قل الطلب على سيارات الديزل

حتى ما عاد تشوف جيوب ديزل مثل اول وما عاد لها سوق

والاخوان ما قصروا تحدثوا عن الصيانه وقطع الغيار

[معهم]

الديزل زين للي مشاويرة كثيرة يريح في المصرف
بالنسبه لي دوامي بعيد غير المشاوير اليومية يعني بالشهر ممشا موتري 7000 تقريبا في الشهر جربت الديزل والبنزين وجدت الديزل مناسب ومايطلب صيانة مثل ما سمعت عندي هايلكس 2006 ديزل ماشاء الله تبارك الله .

[حسين السبيعي]

الديزل ممتاز خصوصاً اذ شريته جديد الموديل الجديد من لاند كروزر 8 سلندر فل كامل خصوصاً الفي اكس ار الديزل اقتصادي في كل شي ولاكن يبيله تهتم في بعض المور مثل تغيير فلترالديزل كل عشرة الف كيلو للحفاض على طرنبة الديزل تغيير فلتر الزيت مع كل تغييرت زيت عدم تشغيل السياره وامشي على طول خصوصاً في البرد عدم تطفية السياره بعد الوقوف اذ كن جاي من سفر او من مسافه تتعدي 200 كيلو عدم المشي مسافات طويله على سرعه وحده مثل من جده الى مكه على سرعة 130 دون زياده او نقصاً هذا مالدي من واقع تجربه مع الديزل لكثر من خمس سنوات جربة نوعين من السيارات 1 جيب تايوتا شاص 91 مستعمل 2 هايلكس2006 جديده من الوكاله ولشفة اي مشاكل بلعكس توفير واقتصاد وقوه ولكم تحياتي

[سوبر مكشات]

الديزل مايخرب الا مع واحد غشيم اوقالب


وشف هالعمل عمرك شفت سوزو واقف خربان
انا ماكد شفت

اما العزم هومايحفر عشان كذا قالو عزم ولا المراقي الطويله مايرقاه

والسعر حسافه بتحطه بديزل لان اقلق مافيه الريحه قلقلقلقللقلقلق لقلقللقلقلق قلق

[د ك م 586]

انا ماقد جربت تويوتا ديزل
اما بالنسبة للنيسان وعلى الاخص الباترول اقدر اقول وبكل ماتعني الكلمة موتر تثق فيه وقليل الاعطال بل معدوم الاعطال بالذات اذا شريته جديد وكان مكيتنه بلد يعني مهوب محول من بنزين الى ديزل (لان المكاين المستعمله ممكن تكون ماشيه اكثر من 500000 كيلو
عندك بس فلتر الهواء وفلتر البنزين اذا كنت حريص حيل غيرهم كل 50000 كيلو (خمسين الف) وغيره انس باذن الله
اعرف شباب واجد اخذوه عن غير قناعه والان مايبي الاهو
انا اتكلم وتراي املك باترول بنزين ربع وصالون ديزل