المساعد الشخصي الرقمي

مشاهدة النسخة كاملة : استفسار عن مكينة511


شاص
30/05/2005, 09:08 PM
السلام عليكم ..
معروض علي مكينة 511 لكنها تحتاج توضيب يمكن يكلف حدود 4000 ريال
أولاً : كم تسوى ؟؟وش عيوبها أو مشاكلها ؟؟
ثانياً : وش رايكم بتركيبه على شنب 81 أو ربع 84؟؟
صالح المطيري
31/05/2005, 09:06 AM
انت متأكد انها 511 ؟ لأني سمعت أنها مالها وجود أصلاً واذا كانت موجودة فهي نادرة جداً .
بالنسبة لتوضيبها أسأل قبل لا تشريها لها قطع غيار للتوضيب عندكم ولا لا .
بالنسبة لعيوبها أنا اعرف ان اللي معهم مكاين 454 يشتكون من صرفية البنزين العالية جداً فما بالك بمكينة 511 أكيد صرفيتها أكثر . بس اذا تسمع شوري خذ مكينة 350 وركبها على اللي تبي لأنها رخيصة اولاً واقتصادية ثانياً وقطعها متوفرة ثالثاً .
ولاحظ انك تبي تركب مكينة 511 على ربع أو شنب وهذي مكينة عالية الأداء للخطوط السريعة ولمطاردات امن الطرق واعتقد انه خطيرة تركبها على ربع مصندق او شنب وتسرع فيها ، هذا اذا تحملها القير ، وسلامتك .
عاشق الكروزر
31/05/2005, 10:14 AM
السلام عليكم ورحمة الله وبركاته
ان كانك بتاخذ شوري ان كانها مهب غالية
وظبها قطع اصلية وتوكل تراها طيارة
حرباش
31/05/2005, 03:35 PM
شكلك ناوي شر ههههههههههههههههههههههه
شوري توكل على الله وخذها بس شوفلك موتر بديه قوي وثقيل مثل الجموس الرفرف القديمه اما تركبها على مصندق مانصحك الصراحه .
انتبه منها وترى سرعتها تصل الا فوق 350 كيلو في الساعه وفيها ثلاث دعسات .
SilverSniper
31/05/2005, 04:00 PM
حيا الله الشاص..
511 أنا مركبها على عشة 83.. قوية جداً.. لكن يبيلها شغل.. وسعرها ان كانت نظيفة وستاندر ( ماهي مخروطة ) في حدود عشرة آلاف ..ولكن..
لازم تدعم الشاصي لأنها ثقيلة مرة..
ركب قير جمس 4 نمر.. ( ما يتحملها الا هو ) رقم 11 أو 16 (جربت قير 3 نمر 78 وتكسرت سنون تروسه )
ركب دفرنسات ستاوت عكس مخفي ست مسامير بنيون 7... صدقني جربت 10 دفرنسات.. وكل واحد تفرم المكينة والديه.. الا هذا..
تذبحك بالحرارة إلا إذا رهمت لها مراوح مرسدس أو مروحة فورد بسرعتين مع رديتر معدل 8 رصات..
أنصحك بقطع إيدلبروك ان كنت ناوي تلغمها.. ( كاربريتر + ثلاجة + عمود تيمن )
بالنسبة للتوضيب ... طقم السبايك الثابت والمتحرك حق 454 يركب لها.. طقم وجيه 454 أيضا تطبق معها.. الشنابر هي اللي يمكن تعلك شوي.. لأنه صعب تلقاها.. لكن ان كانت المكينة ستاندر فيمكن تجيب شنابر 454 خرط 60 كروم .. تطبق بس بعد ما تزهق منها..
.. الله يقويك ..
شاص
05/06/2005, 06:22 PM
الأخوة الأفاضل ..
صالح المطيري ... المكينة 511 مابه طقة عصا .. شكرا لردك وتعليقك

عاشق الكروزر...جزاك الله خير على المشورة

حرباش ... إن لم تكن ذئباً أكلتك الذئاب :D :j مشكور على المشاركة

SilverSniper ... ماشاء الله عليك دائماً إجاباتك وافية وشافية مشكور يابعدي على نصائحك القيمة