استفسار عن اقوى سيارة للطرد والمقاوم ..

[* Storm *]

السلام عليكم ورحمة الله وبركاتة

كيف الحال اخواني اعضاء مكشات

محتار وتعرفون وش الحيرة .. ابي منكم الخبرة

" السيارة راح اكون كادها كد الحمار .. بالبر تطعيس ومقاوم قطع وحول

بالامطار وطرد ... "

ابي منكم سيارة كويسة وماهي غاليه ..؟

او ان كانت غاليه مو مشكله اهم شي ابي اعرف وش اكوس سيارة

شرط العزم والقوة ابي عزم ياكل الارض :D

لان تخبرون بوقت المطر يصير فيه رادارت بالموتر ونجيب لكم العلوم :good2:

بإنتظار سردكم للنصائح ..

محبكم ثعول نجد

[حزوبر]

وعليكم السلام
يعني بعد الباترول مكده مافي ، وشكلك من كاده بس كد حمار، أنا أعتقد إن الحمار إذا يبي يبالغ بالكد ، رايح يقول كدوني كد باترول:d
اما عن الاكوس ما اعتقد اقوى تحمل من التايوتا الدبل
عندك من جيب أبو عشه مرورا" بالهلي، إلى اللند كروزر
الزبد ما لك غير التايوتا، أوالباترول هم الأكوس:d

[* Storm *]

وعليكم السلام
يعني بعد الباترول مكده مافي ، وشكلك من كاده بس كد حمار، أنا أعتقد إن الحمار إذا يبي يبالغ بالكد ، رايح يقول كدوني كد باترول:d
اما عن الاكوس ما اعتقد اقوى تحمل من التايوتا الدبل
عندك من جيب أبو عشه مرورا" بالهلي، إلى اللند كروزر
الزبد ما لك غير التايوتا، أوالباترول هم الأكوس:d


حياك يابعدي

لاكن الباترول فيه عيب

اعرف واحد عز المعرفة قد ركبت معه مع باترول اقوله دوس عليه ريحه

يقول مايتعدا الهوا ضدنا والسيارة ثقيله !!

ال Gx.R بعز المطر على خط حائل والهواء شمالي 180 ويطلع زود

فا انا ابي سيارة مكده وانا من النوع الهواوي للبر والسرعه وطرد الخير

يعني ممكن تلاقيني ثاني يوم بالمجمعة الثالث بحريملا

متنقل وابحث عن الافضل :mad:

[عبدالرحمن1980]

شششششششششششششششششششششششاااااااااااااااااص ولا تندرا 5.7=طياره

[راعي الطلعات]

ما مثل اللاندكروزر صراحه وخاصه من موديلات 98 وفوق بخاخات اذا دعست عطاك من قوت وكبر مكينته

معي باترول 99 العزم رايح فيها مكينة وش كبرها وفي الاخير دباب البطه يسبقك هههههههه

السيارات كثيرة بس وين الصبور مع الكد :)

تقبل مروري

[metub1404]

الشاص القديم وبس

[كم كيلو باقي]

انصحك بشاص 2006 واحرص على النظيف

[* Storm *]

حياكم الله

ننتظر المزيد ..

من الأراء .. :good:

[شمالات نجد]

اي موتر يقدر يمشيك وتخيل وتسيل على كيفك

وترا الديزل يمدحونه في الامطار

اهم شي ابعد عن السرعه

سلام

[عاشق مكشات]

لاندكروزر القديمات من 97 وتحت وانا انصحك ب96 ياهو قوي في الضلعان والجبال والرمل والطين

وهذا مقطع http://www.youtube.com/watch?v=vciz8GlEVTM

وفيه مقاطع كثير لكن مافضيت

[التعـ King ـديل]

باترول فتك 4800

ركب له جنوط باثفيندر + كفرات بالون + ياي استرالي خلفي بس

واذا ردك الهوا دون 200 خذ قيمته كاش من عندي مدبوله لو تبي

[subr]

يبي ياخذ منك القيمة

[سراي-01]

:f الشاااااااااااااااااااااااااص:f

[لاتكب البيالة]

باترول 97 ولو بابين احسن

[التعـ King ـديل]

يبي ياخذ منك القيمة


الغالي مجرب نفس الفكره على باترول بخاخ 97 مكينته 4200 ويمشي 190 بالمكيف

بالنهار وبالليل 210

وجربتها على باترول 2005 على خط الشرقيه بالنهار ومكيف مانزل عن 205

[ابوفرايديز]

خذ لك اف جي نشاط وراحه

[ABSS]

يدفع البلاء طرد مرة وحده

تبي تصير حكومه لحالك...

نصيحه دور سياره على قدر قروشك وخل عنك الهياط

[ش ا ص 9]

يا خوي تبي ازين خذ شاص او هدد

[moooj]

واقول من وين تجي الحوادث
ويتيتم الأطفال
امس راعي اوريون قاطع اشارة بسرعة جنونية بغا يزف كامري معاه اهله لكن الله ستر
الله يصلحنا واياكم ويكفي المسلمين شر كل ذي شر

[* Storm *]

يدفع البلاء طرد مرة وحده

تبي تصير حكومه لحالك...

نصيحه دور سياره على قدر قروشك وخل عنك الهياط


حياك الله ..

يمكن فاهم قصدي غلط يابعدي

انا اقصد بالطرد القنص لان احيانا اطلع مع اصدقاء لي ويصير فيه هدد

واشكرك على رأيك واسلوبك .. محبك ثعول نجد :good:

[* Storm *]

واقول من وين تجي الحوادث
ويتيتم الأطفال
امس راعي اوريون قاطع اشارة بسرعة جنونية بغا يزف كامري معاه اهله لكن الله ستر
الله يصلحنا واياكم ويكفي المسلمين شر كل ذي شر


انا شغلي كله بري .. ولو انظريت اظر نفسي انا ..

مابي اطلع بالشوارع واقاوم واسرع .. وانا من ناحيتي

بالشوارع العامه ماتعدى 140 ..

الا بالسفريات :good2:

يعني شغلي يكون لحالي وبالبر ... واشكرك على رأيك وكلامك سليم

[* Storm *]

اشكر كل من رد على الموضوع وابدا رأيه ..

ولاحد يتسرع في فهم المووضوع غلط ..

فأنا أنسان بري .. واحب البر حب لايعلم به الا الله وخصوصا بالامطار

ثانيا : اقصد بالمقاوم عشان تعلموني وين السيارة الي تمشي .. لان اغلب وقتي

سفر من منطقة لمنطقة ..

واتمنى من البعض الالتزام بالاساليب .. وترك الكلمات التي تجلب الحساسية ..

فأنا لا احس ربما رغبة او اسلوب عادي من المتكلم .. ككلمه هيط .. او ماشابهها ..

اشكركم كثير الشكر على الرد .. وننتظر ابداء الراي من الفاهمين الواعيــن

[الوتر الحزين]

هلا اخوي خذلك
فكسار او باترول 4800 مابعد بعد سرعه 200 شي
الله يعطيك خيره ويكفيك شره قل امين

نصيحه اخوي اترك السرعه مافيها خير لافي بر ولا خط

[التميمي 20]

الفتك 4800 (باترول)

هو ضالتك التي تبحث عنها ...

[أرمادا]

ما عندي علم بالامور هذي

لكـــــــن ، الله يعينك على بعض العقليات ...

[* Storm *]

الوتر الحزين : جزاك الله خير يابعدي .. ماقصرت

التميمي 20 : جزاك الله خير .. ننتظر ونقارن كلام الشباب .. والله يعطيك الف الف عافية

أرمادا : ماحد فاهمني إلا انت .. وش نسوي يابعدي نصير أفضل من العقليات الي تشوفها انت .. :good:

[ولد دوارد]

والله الي اشوفه مكده الشاص
اذا انت عادي عندك الغمارة
والله الرملة والربع الخالي والامور ذي ماشوف الا شيصاان
والله يوفقك ويرزقك بالي تبيه

[sultan18]

الله يعطيك العافيه

[* Storm *]

ولد دوارد .. بارك الله فيك وان شاء .. محتارين والاغلب الا الحين من برا المنتدى

يقولون شاص ..

لاكن العيب الغمارة .. والربع مايصلح يقلب سريع

سلطان .. جزاك الله الف خير

[vtc30]

مدامك تقول ان الجي اكس ار عكس الهواء 180 اجل خلاص خذ لك جي اكس ار

[التعـ King ـديل]

الفتك 4800 (باترول)

هو ضالتك التي تبحث عنها ...


كفو ياولد العم تعرف الصقور

اخوي ثعول نجد راجع ردي الاول وردي الثاني واي خدمه انا حاضر

[M Fox]

لا تعدى الربع الجديد .. واسترح .. مع ان استفسارك صراحة ماأدري وش يبي .

[المنيعي1]

على شروطك هذي أعتقد مايظبط معك ألا أكستيرا

[اكناف حائل]

باترول فتك 4800

ركب له جنوط باثفيندر + كفرات بالون + ياي استرالي خلفي بس

واذا ردك الهوا دون 200 خذ قيمته كاش من عندي مدبوله لو تبي


وانا رأي من رأي الرجال

باترول فتك 4800 لايعلى عليه بالقنص وعزم بنفود وراسي على الخطوط البرية والازفلت

لاني اعرف كذا واحد جربة بالقنص والنفود يمدحونه بالحيل ,,,

والشاص مايحتاج احد يمدحه غني عن التعريف

وبتوفيق لكـ

[زانط الذيب]

ربــ2010ــع باترول نوع ( s ) ياطويل العمر , ومعه صندوق ابوغزال للشوزن

[502المميز]

أنصحك بــGMC
حوض غماره 8 سلندر قير عايدي
وشوف المقطع
http://www.youtube.com/watch?v=tOmpZL9xjB4&feature=related

[تناهيت]

هلا بك ثعول نجد

اشتر راحت واجمع بين القوه والمتانه

جمس غمارة مكينه 6 لتر حجم 2500 هفي ديوتي

انت تبي تطارح الهواء بيعطيك تورك موب في الياباني

وتبي تطارح النفود بيعطيك احصنه تفوق 350 حصان بدون برمجه

طقه بوالين وصارع السحاب وصرففية البنزين أقل من الجيوب بواجد وتقدر ترهم اللي تبي عليه ولا يحدك اي شي

لا تتعدى موديل 2005 -2007

استمتع بالرحله

[تناهيت]

قصدي اخو هالمزوين لاكن ترى هذا مكينته 8100 اقوى من ال6 لتر اللي اقصده بس نادر الوجود


http://store2.up-00.com/Jun10/7Da63780.jpg (http://www.up-00.com/)

[502المميز]

قصدي اخو هالمزوين لاكن ترى هذا مكينته 8100 اقوى من ال6 لتر اللي اقصده بس نادر الوجود


http://store2.up-00.com/Jun10/7Da63780.jpg (http://www.up-00.com/)

يويلي على الرزه تطربك 8100 عاد يجيك سته غيار والله ما شاء الله تبارك الله
الصراحه انه منوه :good2:

[prof2]

يويلي على الرزه تطربك 8100 عاد يجيك سته غيار والله ما شاء الله تبارك الله
الصراحه انه منوه :good2:
عز الله موتر ما يعوض هذا مو سيارة هذا وحش السيارات
بالنسبة للشاص شفته قي قناة قير ون رالي حايل طلع ما عنده سالفه ينقلب وما يسوى والسيارات الياباني بعد لا زم ترهمها علشان تخارج معك لكن الجمس 8100 حط رجلك وفجر الارض

[كيري ميري]

انت حدد وش تبي ونعطيك الافضل حسب رغبتك واستعمالك .

مثلا الربع تويوتا قوي في التطعيس لكنه خطر جدا في الطرد وغير مريح ابد .


الشاص موتر لايسرع لان تصميمه ليس للسرعه لكنه موتر يشيل العفش ومع الطرد والحمل ينكسر دفرنس قدام مع المطبات الجامده . وموتر مايشيل الا انت ومعك راكب .

الباترول الربع سرعته مثل الشاص او افضل شوي لكن قومة الشاص افضل منه وميزته الراحه .

التويوتا من 98م موتر سرعه حلو لكن في البر ماهو موتر طرد .

الباترول مايصلح للطرد الا موديل 2002م وطالع 4800 ميزنه الرساوه والنشاط حتى التماتيك نشيط . وميزته ايظا مايتاثر بالحمل بعكس التويوتا لازم تخففه .

[إبن عويشز]

أخي الفاضل


السلام عليكم ورحمة الله وبركاته


اليك تجربتي مع سيارات الدفع الرباعي منذ اكثر من 30 سنه


نبتدي بجيب لاندروفر دفندر حوض ، كان عندنا موديل 1969 والحقيقة انه موتر ما ترده رمال ولا غيرها
لكنه يفتقر لجميع وسائل الراحة
وهذي صورة مشابهه له


http://www7.0zz0.com/2010/06/25/18/869928723.jpg


بعدها انتقلت الى لاندروفر دفندر 110 موديل 1984 ، موتر ما عليه كلام ممتاز جدا في الرمال
خصوصا ان مكينته 8 سلندر والبدي المنيوم خفيف ، لكنه ايضا يفتقر للراحة ، وكذلك وكالته سيئة
وهذي صورة لشبيهه


http://www7.0zz0.com/2010/06/25/18/281219988.jpg


بعده انتقلت للاندكروزر موديل 1993 وكرفته 3 سنوات وبعته وخذت موديل 1996 استخدمته سنتين
لكني رجعت للاندروفر ، خذيت دسكفري 1999 والصراحه انه موتر ممتاز من جمع النواحي
مكينة 8 سلندر ، بدي المنيوم ، مريح ، مركبه زين ، عيبه انه في الخط مع السرعه غير ثابت لكن في الرمال ما مثله ابد ابد ابد
وهذي صورة شبيهه


http://www7.0zz0.com/2010/06/25/19/868538041.jpg



صرفت نظر عن الدسكفري على الرغم من قوته وذلك بسبب الوكالة وقطع الغيار وتحولت للفتك


بديت مع فتك فل 2002 وبعده 2004 وبعده 2007 وكانت تجربتي للفتك ممتازه وتغطي على التجارب الاخرى ، بإستثناء الدسكفري لأنه الحقيقه موتر رمل ، بعت الفتك 2007 ، ويوم شفت الشكل الجديد ما اقتنعت به وتحولت لهذا الطيب
تويوتا اف جي ، والحقيقه ان اختياري كان في محله
موتر خفيف ، بسيط غير معقد ، الدبل عصا وليس فرار الكتروني
جربته في الخط ممتاز وفي الرمل ممتاز ومريح ووكالته هي احسن الموجود
وإن شاء الله ابي اكرفه في الموسم القادم ، وبالله التوفيق


http://www7.0zz0.com/2010/06/25/19/467628274.jpg


اتمنى ان اكون قد افدتك ، والمعذره على الإطاله ، ولك تحياتي

[* Storm *]

حياكم الله يا اخوان ماقصرتوا ... :)

اشكر كل من رد على الموضوع وشكل مالنا الا الجمس حوض

وان شاء الله يفرجها الله ..

اخوكم ثعول نجد

[تناهيت]

حياكم الله يا اخوان ماقصرتوا ... :)



اشكر كل من رد على الموضوع وشكل مالنا الا الجمس حوض


وان شاء الله يفرجها الله ..


اخوكم ثعول نجد



ما يصح الا الصحيح :good:

واي استفسار بخصوص الجموس بانواعها لا تتردد في مراسلتي ومثل ما اشرت لك في ردي السابق بخصوص النوع و الموديل لا تبعد واجد

[ابوريان 1414]

السلام عليكم
انا انصحك بالاف جي مضمون ومجرب عزم وخف ورساوة وشكل وجودة
واذا تحب النيسان خذ اكستيرا نشاط وخفة بس خرابات وتفكك