المساعد الشخصي الرقمي

مشاهدة النسخة كاملة : مساعدات Rancho رانشو الغنيه عن التعريف


AMERALNET
25/06/2010, 11:54 PM
السلام عليكم ورحمة الله وبركاته

شـــــــــــــــــــباب الله يحرم وجيهكم عن النار...
من اللي يعرف عن المساعدات هاذي الغنيه عن التعريف وين تباع فيه او منو وكيلها بالسعودية يخدمني فيها الله يخليكم ياربع....
http://www.mlfnt.com/up_6_2010/12774987061.jpg (http://www.mlfnt.com/up_6_2010/12774987061.jpg)
http://www.mlfnt.com/up_6_2010/12774987062.jpg (http://www.mlfnt.com/up_6_2010/12774987062.jpg)

وللمعلوميه كل النوعين يركبن على الفورتشينر وعلى الهايلكس الدفع الرباعي حسب ما افادني فيه الموقع وهذا موقعهم للاطلع بعد اذن الاداره http://www.gorancho.com
تناهيت
26/06/2010, 02:03 AM
بطله بكل ما تعنيه الكلمه توني اشريها من الامارات ومتوفره هنا لاكن قليل تحصلها اخبر واحد يقول فيه محل في القصيم يبيعها ...

ركبتها على جمس حوض وشفت الفرق بصراحه ولا يحتاج تدبيل مساعدات ولا هم يحزنون بالنسبه للي رافعين مواترهم وحقين التحميل لأنها قويه جدا ولها عده وزنيان تتحكم بقساوتها عن طريق مفتاح في نفس المساعد ...>تلينها ..تشدها ...تخليها وسط اللي تبي

انصح فيها وبشده وترى ضمانها 10 سنوات اتعبونا الناس بنصحنا بالياي الاسترالي اللي يكسر الظهر والموتر لكن من جرب هالمساعدات صدقني لن يعترف بغيرها ...يعيبها سعرها غالي

تحياتي
ARB
26/06/2010, 10:26 AM
هي تجي بس زيت ماتجي غاز
و افضل شي رقم 5000 اللي هو خمس طقات
مالها وكيل بالسعودية
AMERALNET
26/06/2010, 06:25 PM
الله يعطيكم العافيه مشكورين على تواصلكم ومروركم وتعليقاتكم الاكثر من رائعه يا اخوان

اخوي تناهيت
قلت مشتريها من الامارات
بكم اخذتها لاهنت وهل اخذت اربعه ام اثنين قدام ام وراا
ومن اي محل بالامارات..؟ لاهنت يالغالي


اخوي ARB
طيب وشر ايك بالـ9000 مو افضل...؟ ولك الشكر
AMERALNET
28/06/2010, 06:43 PM
سبحان الله وبحمده وسبحان الله العضيم
تناهيت
28/06/2010, 09:03 PM
هلا بك امير النت وآسف جدا على تأخري في الرد

شريت يا طويل العمر طقم اربع مساعدات طلعت علي تقريباُ بــ3400 ريال تزيد او تنقص ميه او ميتين طبعا مع التركيب والضمان ولأني مثل ما ذكرت سابقا شاري اغراض واجد منهم لا اذكر بالضبط كم طلعت علي ..
من محل اسمه الخيــــــــال في دبي خاص بالتزويد والترهيم لسيارات الدفع الرباعي وخاصه الجموس بانواعها كل ما تريده تجده عندهم وصناعه امريكيه جودتها عاليه بناء على الشركات اللي يتعاملون معهم ...للعلم رانشو اسم لا يتعلق فقط بالمساعدات هي شركه تصنع انواع متعددة من قطع السيارات الدبل وذات الاحمال الشاقه وتعبرمن افضل الشركات حاليا لعراقتها.
اذا بغيت ابشر بسعدك اكلم لك صديق لي هناك وننسق معه ويشحنها لك تآمر آمر ونا اخوك ...
وفيه واحد من الشباب يطلب قطع من امريكا باستمرار سالته عنها قالي واصله حبتين بــ1800 ريال

انت حاول تبحث عنها هنا ولو اني اتوقع ان سعرها أعلى بكثير اذا وجدتها طبعاٌ.

تحياتي
سوبر VTC
29/06/2010, 02:57 PM
الجيب يركب له ضغط 5000

ال9000 يشعر القاعدة و الشاصي
مزدهر
30/06/2010, 01:40 PM
الجيب يركب له ضغط 5000

ال9000 يشعر القاعدة و الشاصي

الياباني ما تنشعر قواعدة فقط الامريكي القديم
أعرف شخص ركبهن على باترول تقريبا سبع سنوات ولا اشتكى منهن أبد والظاهر أنه محتفض بهن إلى ألآن عنده
AMERALNET
01/07/2010, 09:33 AM
الله يرفع قدركم ويوفقكم لما يحبه ويرضاهـ كفيتو ووفيتي الله لا يهينكم ولا يصغركم...
المعلومات كافيه وووافيه ياشباب..
انا اتصلت على سالم باكولوين كان وكيلها سابقاً بالسعوديه
افادني ان اللي يجي معه ريموت يفرق السعر الضعف تقريباً
وانصحك بشي منافس لها الي هو المنورو...
وجاري البحث عن هذا
وافادني ان وكيل هاذي المساعدات موجود بالصناعية القديمه خلف البنك الاهلي,,,,

وصلى الله وبارك
الجندي2005
01/07/2010, 12:35 PM
السلام عليكم ورحمة الله وبركاته



شـــــــــــــــــــباب الله يحرم وجيهكم عن النار...
من اللي يعرف عن المساعدات هاذي الغنيه عن التعريف وين تباع فيه او منو وكيلها بالسعودية يخدمني فيها الله يخليكم ياربع....
http://www.mlfnt.com/up_6_2010/12774987061.jpg (http://www.mlfnt.com/up_6_2010/12774987061.jpg)
http://www.mlfnt.com/up_6_2010/12774987062.jpg (http://www.mlfnt.com/up_6_2010/12774987062.jpg)



وللمعلوميه كل النوعين يركبن على الفورتشينر وعلى الهايلكس الدفع الرباعي حسب ما افادني فيه الموقع وهذا موقعهم للاطلع بعد اذن الاداره http://www.gorancho.com





اعجبتني العبارة السابقة (( اللون الأخضر )) :p ،،،،،،،،،،،،،،،،،،،،،،،



موضوع جميل يعطيك الف عافية ،،،،،،،،،،،


وين احصلها بالرياض ،،،،،،،،،،،،،،،،،،،،،،،،،،،،،،،،،،،،،،،،،،
s3ed
02/07/2010, 12:38 PM
بطله بكل ما تعنيه الكلمه توني اشريها من الامارات ومتوفره هنا لاكن قليل تحصلها اخبر واحد يقول فيه محل في القصيم يبيعها ...

ركبتها على جمس حوض وشفت الفرق بصراحه ولا يحتاج تدبيل مساعدات ولا هم يحزنون بالنسبه للي رافعين مواترهم وحقين التحميل لأنها قويه جدا ولها عده وزنيان تتحكم بقساوتها عن طريق مفتاح في نفس المساعد ...>تلينها ..تشدها ...تخليها وسط اللي تبي

انصح فيها وبشده وترى ضمانها 10 سنوات اتعبونا الناس بنصحنا بالياي الاسترالي اللي يكسر الظهر والموتر لكن من جرب هالمساعدات صدقني لن يعترف بغيرها ...يعيبها سعرها غالي

تحياتي


السلام عليكم

اخوي كلامك صحيح يكسر الظهر اذا كان الاختيار خاطئ

المساعدات الاسترالية old man emo


لها تقريبا 3 درجات لكل صنف من السيارات

الخفيف الوسط القوي

الخفيف تقريبا حمولة ركاب كاملة +250 كيلو جرام لاغراض
الوسط ماعرف كم بالظبط
والثقيل قوي بالحيل لكن يستخدم الوسط والثقيل اذا مركب دعامة صب وهية وزنها تقريبا من 45 الي55 كيلو +الونش احسب الوزن


الخلاصة اذا سيارتك ماعليها دعامة او ونش
انصحك تركب خفيف في الخلف وسط في الامام اذا انك راعي بر ومطامر عشان ماينزل وجهة السيارة في البر وفي الحفر
sultan18
02/07/2010, 12:47 PM
الله يعطيك العافيه
بوسعود70
13/07/2010, 11:40 PM
اخوتي الاعزاء (المكشاتيين) السلام عليكم....اود ان اعلمكم عن وجود محل فى دبي قرب المطار تقريبا واسمه 4*4 وهو متخصص لسيارات الدفع الرباعي كذلك المعاونات الشهيره (رانشــــــو) ودمتم
اسير الغضا
20/08/2010, 01:36 PM
وش المساعدات الللي تقدر تحكم بوزنيته

اذا فيه صور ياجماعة الخير
يقولون 9 طقات وماادري ايش
Microsoft
22/01/2011, 09:02 AM
أعتذر على رفع الموضوع لكن للأهمية رديت..



الله يرفع قدركم ويوفقكم لما يحبه ويرضاهـ كفيتو ووفيتي الله لا يهينكم ولا يصغركم...
المعلومات كافيه وووافيه ياشباب..
انا اتصلت على سالم باكولوين كان وكيلها سابقاً بالسعوديه
افادني ان اللي يجي معه ريموت يفرق السعر الضعف تقريباً
وانصحك بشي منافس لها الي هو المنورو...
وجاري البحث عن هذا
وافادني ان وكيل هاذي المساعدات موجود بالصناعية القديمه خلف البنك الاهلي,,,,

وصلى الله وبارك

المنرو والجبريال ما تصف مع الرانشو والأسترالي

لأنهن خاصه بالسيدان والطريق المعبد (الشوارع)


أما الرانشو والإسترالي (مع إختيار صحيح لدرجة الليونه)

مخصصة للديرة والبر .. مع أفضلية البر بحكم أنه إختصاصها




وش المساعدات الللي تقدر تحكم بوزنيته

اذا فيه صور ياجماعة الخير
يقولون 9 طقات وماادري ايش

الرانشو سابقاً يجي بـ5 طقات والآن تم تطويره إلى 9 طقات

( زيادة في التحكم بدرجة الليونه وليس أن الـ5 طقات أفضل.!! )


بخصوص الطقات مثلاً الأول لين جداً الثاني لين الثالث وسط الرابع وسط قاسي نسبياً وهكذا

:)
مزدهر
22/01/2011, 09:53 AM
انتبه وأنا أخوك تراي فيه شي مغشوش لاتصير ضحية مثلي
اتجاه السحاب
22/01/2011, 02:26 PM
انتبه وأنا أخوك تراي فيه شي مغشوش لاتصير ضحية مثلي
وشلون ..؟ وضح أكثر
هارون97
22/01/2011, 03:13 PM
ورطنا غش وضح مش ناقصين مشاكل
ملح والزاد
22/01/2011, 07:45 PM
ياليت احد يوضح المغشوش عن الاصلي لأني أدور حاليا
صقر أمه 506
22/01/2011, 10:31 PM
وش الفرق بين الاصلي والمغشوش
وماهو افضل نوع يركب على الفورشنر امامي ..
صقر أمه 506
22/01/2011, 10:45 PM
بنصحنا بالياي الاسترالي اللي يكسر الظهر
قصدك المساعد الاسترالي ؟؟
لان الياي الاسترالي نركبه مع المساعد وماله علاقه
ياليت توضح شوي
حسن الذروي
12/09/2014, 03:24 PM
أنا شريتها على برادو
من محل ببريدة اسمه 4×4
صاحبه اظن اسمه رومي أو محمد رومي
نعم الرجل أخلاق وتعامل ولست أعرفه إلا بسلامته ( حتى ما حد يقول أسوق له ) أنا من الجنوب
ونزلت موضوع عنها في هذا المنتدى من سنوات حول خمس تقريبا