افيدونا ياخبراء الvxr

[الحسكولي]

السلام عليكم :
الاخوه الاعزاء اعضاء المنتدى منمن لديهم خبره في اللاندكروزر vxr عندي بعض الاستفسارات عن الدبل وملحقاته الرجاء الافادة بالتفصيل :
- عندي الدبل فيه ثلاث تعشيقات Hعند القيادة العادية والدبل لايعمل و L الدبل الثقيل ويستعمل عند توقف السيارة بالتغريز وسؤالي ماهي وظيفة التعشيقة N التي بنهما لاني جربت عشقته مره في غراز ولاكن السيارة كانها بالفاضي مع اني معشق D بالقير .ارجو التوضيح .
- ماهي وظيفة الزر الواقع اعلى الدرج الصغير ومرسوم عليه اربع عجلات .؟
- ماهي وظيفة الزرين الواقعين يسار القير قي القير الاتوماتك ؟
مع العلم اني قرات الكتالوج ولاكن غير مفهوم . الرجاء من ذوو الخبره والنشاما ان لابخلو علينا باي معلومات تفيد الموضوع .

[طمطماية]

على حسب علمي أخي الفاضل

N يخلي الدبل في الفاضي .... يعني مثله مثل القير !!

أما الزر اللي تقول إنه مرسوم عليه أربع عجلات ..... فأتوقع إنه للدبل الخفيف .... بس لا تاخذ بكلامي وأنا أخوك في هل النقطه لأني مو متأكد من المعلومه.

الزرين إلا جنب القير الأوتوماتيك

الأول POWER هذا سلمك الله يخلي القير يحن ... ويستخدم عادة في الطلعات أو إذا بغيت تاخذ عزم قوي..
الثاني 2nd start وهذا يخلي السيارة تقم في الثاني ... ويفيد كثير في الرمل وخصوصا إذا كنت واقف وخفت أن السيارة تحفر أضغط الزر هذا وبتلاحظ أن السيارة قامت في الثاني.

وأرجوا إني أفدتك


تحياتي،،،

[العطة]

و السلام عليكم ورحمة الله وبركاته

اخي الكريم
احاول الاجابة على استفسارتك حسب معلوماتي البسيطة
سؤالي ماهي وظيفة التعشيقة N
وظيفتها تفصل القير اذا سحبت السيارة الفائدة تخف السيارة او ركبت ونش على القير (ميكانيكي)

ماهي وظيفة الزر الواقع اعلى الدرج الصغير ومرسوم عليه اربع عجلات
تفصل الدفع الرباعي الدائم ليصبح خلفي فقط اقل استهلاك للوقود

ماهي وظيفة الزرين الواقعين يسار القير قي القير الاتوماتك ؟
تتحكم في سرعة تغيرات القير (قيادة رياضية او وعرة في البر و قيادة هادئة للمدينة )

امل ان تكون اجاباتي مفيدة

اخوك العطة

[GXR_2005]

بارك الله في اجابة الشباب كفوا ووفوا ما شاء الله

باختصار:

قير تعشيق الدبل

N: هذا اعتبره التعشيق الفاضي (يعني السيارة ما تمشي اذا دعست بنزين)

H: هذا هو الوضع الطبيعي لسير السيارة بالدفع الخلفي فقط. وهو السير العادي داخل المدن وعلى الخطوط وأقل لاستهلاك الوقود.

H4: بعد الضغط على زر العجلات الاربع الذي على يمينك ستضيئ في الطبلون اشارة الاربع عجلات وهذا يعني انك تسير بالدفع الرباعي للسيارة. وهو كما أخبرتك وضع H+الزر = H4 يعني دفع رباعي.
- هذا الوضع هو المفضل في حال السير على:
1. الارض الزلقة (أكثر ثبات للسيارة)
2. السير على الجليد (من كثر الجليد عندنا)
3. السير على الرمال (الطعوس والرمال لازم تنسم الكفرات قبل ما تدخل وتخليها على ضغط 15 الى 20 علشان ترتاح ويرتاح الموتر)

L: هذا هو تعشيق الدبل الثقيل. لا بد من ايقاف السيارة ووضع التعشيق العادي على N ثم تبدل تعشيق الدبل الى L
هذا التعشيق يسمى أيضا L4 لأنك اذا عشقته فستشبك معك الأربع عجلات بدون الحاجة للضغط على زر الأربع عجلات وستضيء لمبة التعشيق الرباعي في الطبلون.
تحتاج هذا التعشيق فقط عند المرتفعات الصعبة جدا أو النزول منها أو اذا غرزت السيارة وعجزت تطلعها بالتعشيق H4
في هذه الحالة تبرح للسيارة وتعشقها بالدبل الثقيل L4 وتمشي بشويش تخلي السيارة تقص الين تطلع للارض الصلبة او تروح قدام وترجع وراء علشان تسوي لك طريق واحذر الكفرات يحفرون في الارض.

اذا لاقدر الله طحت في مكان وما قدرت تطلعها بتعشيقات الدبل وصار عندك كفر يدور من جهة وحدة حاول تستخدم Diff Lock وهو على يسار الدلكسون علشان يقفل الدفرنش ويخلي الكفرات تمشي مع بعض وتدور في نفس الوقت.

أخيرا أخي الحبيب أقول لك بصراحة أني أنا عليمي على هالشغلات وتوني شريت جيب لاندكروزر وتعلمت الكلام اللي فوق هذا كله من الشباب الكرام في المنتدى وقليلا من الكاتلوج تبع السيارة

أعانك الله وبارك لنا ولك

[الطعس الذهبي]

- ماهي وظيفة الزر الواقع اعلى الدرج الصغير ومرسوم عليه اربع عجلات .؟
هذا الدبل الخفيف


- ماهي وظيفة الزرين الواقعين يسار القير قي القير الاتوماتك ؟
واحد مكتوب علية POR وهذا بور يعني قوة إضافية
والزر الثاني 2nd يقومة بثنين واضعف للقومة واقل صرفية للبنزين

[ملاعب الريح]

السلام عليكم ورحمة الله وبركاته
أخوي المعروف عن الvx-r انه دفع رباعي مستمر والدليل انه ما يفحط وجرب بالنفود خل أحد يناظر الكفرات وادعس بنزين بسرعه بتلاحظ ان الكفرات الاربع تدور وهذا هو الاثبات انه دفع رباعي مستمر لاكن ليس دبل
الزبده
الزر اللي عليه 4كفرات
هذا منظم الدفع الرباعي يعني دبل خفيف



هذا ما لدي والله أعلم

وتقبل خالص تحيات أخوك ومحبك في الله (بو سيف)

[بوعبدالعزيز45]

السلام عليكم
الvxr معروف انه دفع رباعي لكن ماهو بنفس العزم على الاربع عجلات اذا السياره تمشي على القار يخف توزيع الدفع على العجلات الاربع و يكون اكثر الدفع على العجلات الى ورا والعكس صحيح اذا على الرمل اتوزع الدفع على اربع عجلات الى حد سرعة 8 ومن ثم يفصل الدبل.
الزر الى على الجنب هذا يشبك الدبل على طول بمعنى ان الدفع يبقى متوازي حتى لو على القار... هذا والله اعلم :D

[الحسكولي]

الاخ طمطمايه
الاخ العطة
الاخ Gxr2005
الاخ الطعس الذهبي
الاخ بويوسف
الاخ بوعبد العزيز45
انا اشهد انكم نشاما وماقصرتو افدتوني كثيرا الله يعطيكم العافية ويكثر من امثالكم

[myking]

السلام عليكم ورحمة الله وبركاته


بما ان vxrدفع رباعي مستمر فان الزر الي في الطبلون يقفل التفاضل اللي في القير علشان في التغريز يتساوى الحمل في الدفرنس اللي ورى و اللي قدام. (في العاميه هزاز بس في الوسط).

[انا ناصر]

هو يعني ان الدبل فاضي والله العظيم

[الرجه الدجه]

الخوان كفو ووفوا بس عندي معلومه اظن ان الـ vxr على حسب معرفتي دفع رباعي مستمر يفصل اذا تعديت الثمانين ولا ادري عن الباقي لان الـ vxr انواع انا اللي ركبته افخم شي بس لا تخافون حق شركه عشان ما تقولون مهايطي ههههههههههههههه وكان دفع رباعي واذكر استلمناه في العيد بالبر كسرنا الدركسون أخر شي ودعسنا الدعسه كامله ( حلال عمك ولا يهمك ) ولا يخمس دفع رباعي بس ما ادري عن الانواع الثانيه اما الــ gxr واللي تحته طبعا دفع خلفي هذا والله اعلم