ديوان الشاعر / المانعي

[ريف النشاما]

بسم الله الرحمن الرحيم

السلام عليكم ورحمة الله وبركاته
http://www.mekshat.com/pix/upload/images8/mk8178_mmm999900.jpg
(((المقدمه)))
الشاعر / المانعي - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال

((السيرة الذاتية))

ننتضرها من الشاعر

"""""""""""""""""
"""""""""

[ريف النشاما]

تجهزوا يا أهل الولع يا الصـــــقاقير = الوسم قرب والسحايب نخيله
على مواتر ما لها كود تصــــــــــفير= بشعاف عذفا نرتجي بالمسيله
جرة خرابي أول الصبح وعصـــير = ومفرعين الطير عن كل حيله
العام جلاد وهالسنة صار مشهور = يالله عسى العوض في بديــله
وجلاد لا حل طاريه مذكور بالخير = كم مرة يجلي هموم ثقيلــــــه
وكم مرة نسقى من الوبل والخـــير = ويصير طلعه ثابت في مخيله
ما غيرنه تلة الترس والــــقيـــــــر = ولا غيرنه بعدهن في مطيره
أرجي من الله لا نزلنا على خـــير = وسط النفود ونارنا مستنيره
ان الحباري يضايفنا مجــــــــاوير = ونهد لين الليل يبدي مسيره
ونبي سوالف مرجله يا الصقاقير = حيث الحباري بينن كل ميله
حق الخوي ما نكسره بالمشاوير = حقه علينا باقين ما نزيلـــــه
لو كثر الغلطات حنا له مشــــير = ما نمعه لو كان فيها سبيله
ويا عل منهو جمعنا على خـــير = يعيد جمعتنا سنين مثيلــــــه
ويا عل من رباك يلقى التباشير = في جنة الفردوس يصحب خليله

الشاعر - المانعي

[ريف النشاما]

:)


قصيدة : ولع


يا مدور حمر النوازي والاطعاس=عليك باللـــــــي لا مشى تقل عساس
تسمع صفيره بالهــــــــــــوا ماس= يشفي غليلك لا صفى الجو واحتاس
هو منوة اللي باغي كيفـــة الراس =لا هي من الحوراني ولا هي من الياس
دلال جديدة مصممينه على قياس = وجمر الغضى تصلى بها دلال ومحماس
وبهارها الهندي حاطينه على قياس = وليا شربته زال ما يصـــــــــدع الراس
ثم انتقينا من سوالــــــيف الاوناس = ما يشفي صدور همها مضعف الباس
وكل على كفه فرخ حر وقرناس = يقول هذا ما مثـــــــــيله بالاجــــناس
عادات طيري يضرب الجو يا ناس = طير سبوق ويذبح الخــــــــرب بالراس
ماهو من اللي ما يتعلى عن الساس = ولا هو من اللي يداري الخرب بسياس
الله عطانا العرف والناس اجناس= واحذر مخاوى اللي مذهبه ما له الساس




شعر -المانعي

[ريف النشاما]

طير شبب

واهني اللي على كفه شبب =فارسي الأصل ومرار الشمال
طارحينه تو ما حطو سبب=بين لاهه وبين ندفا من شمال
نرخص القيمة لراعية الغلب=نرتجي فعله على زود الجمال
ما نــهده غير مربوط بسبب=مزينين الطبع وعارفين الخصال
ولا تعلم صار منوة من تعب =يطرح الخرب المشبع بالهبال
ما يرده غـــرف نفاث اللهب =يلحقه لوهو على زود اشتعال
يفتخر من شاف طرده بالسحب = مرة يخفى ومــــــــرة باعتجال
من عطــاه الله من الدنيا سبب=لا يقصر في طلب شي حلال



شعر : المانعي