مقارنه v.x.r و بترول {الرجاء الأفادة}

[v..x..r]

السلام عليكم ورحمة الله وبركاته
يا اهل الخبره وش احسن ال v.x.r ولا البترول في الطعوس وفي الخط وفي المدينه ؟
انا صراحه معي v.x.r وما في مثله في كل الأستخدامات لاكن يقولون ان البترول افضل وحيروني

[الرسام_8808]

السلام عليكم ورحمة الله وبركاته امسك قردك لايجيك اقرد منه وسلامتك

[ماجد الشمري]

كل السيارتين بغض النظر عن اراء الاخوان هما الافضل في البر وسمعتهم كبيرة ...
الفي اكس ار مخصص بشكل اكبر للمدينة من الباترول .. والباترول مخصص للبر بشكل اكبر وحتى باين من الشكل الرفارف الكبيرة والمكينة الكبيرة 4.8 لتر ب 6 سلندرات وليس 8 مما يجعل عزم المحرك واستجابته عاليها جدا والجير التيبترونيك افضل بالبر وسعره رخيص ..





اخوكم ماجد الشمري

[v..x..r]

السلام عليكم ورحمة الله وبركاته
مشكور اخوي ماجد الشمري على الرد


اخوك :v..x..r

[حرباش]

السلام عليكم اخوي في اكس آر وسؤالك قوي
من وجهه نظري الفي اكس ار افضل في الخط والمدينه
اما الباترول اخف في البر وانشط وكلا السيارتين جيده ومعروفه من زمان بعيد
تبقى ميزه الفي اكس ار في قيمته ، سعره غالي ويحتفظ بسرعه وهذا مايخلي الناس يميلون له اكثر ومتعارف عليه اسم الشيك متى مابغيت تبيع جابلك قيمه وسلامتك اخوي

[v..x..r]

مشكور اخوي حرباش على الرد الجميل

اخوكv..x..r

[محب الشمال]

حسب معلوماتي البسيطه
ان ماكينة الباترول اقوى من الاندكروزر
وان 4800 سي سي والاندكرزر 4500
والاكيد والله اعلم ان دبل الباترول اقوى من الاندكروزر

وشي طبيعي كما هو متعارف عليه ان الباترول افضل من الاندكروز في الطعووووووووووس
والله يوفقك ويرعاك

[بوعبدالعزيز45]

السلام عليكم ورحمة الله اخوي الvxr افضل من النيسان بامور كثيره منها عزم السياره و رحابة ال vxr من داخل ورخص قطغ غيار التويوتا لكن النيسان افضل من gxr في مسالة الفخامه وعزم السياره

[الشوق]

بسم الله الرحمن الرحيم
السلام عليكم ورحمة الله وبركاته

أخي الكريم أنا أعتقد إن النيسان باترول أفضل من عدة نواحي
1 الفخامه الداخليه
2 قوة الماكينه العاليه4800
3 خفة السياره سواء في الخط الطويل او البر
4 السياره من السلقه الى الفل اوبشن تجي كامله من اليابان مهوب مثل كروزر ابو جميل
5 النقطه هذي بأطول فيها:
ان نيسان شركه ذكيه لماذا ؟
بعد ان رأت توجه الناس للسيارات الأمريكيه كفورد وجي ام سي ودودج نظرا لفخامتها وكبر حجمها وراحتها وأن كثيرمن الناس يريد سياره للعائله وللسفر وللصحراء قامت بإختراع سياره عجيبه وهي سيارة أرمادا السياره التي كسرت احتكار الشركات الامريكيه لهذا النوع وبسرع معقول جدا

وحافظت على باترول بقوته وهيبته حتى أن نظام التعليق الأمامي لايزال كما هو دفرنس قوي جدا لكنه ليس مريح مثل العامود

أما تويوتا فقامت بتعديل لاندكوزر للمنافسه وهذا أكبر خطأ سيهوي بهذه السياره إذا لم تتدارك الشركه الوضع

وأول عمل هو تغييرها للدفرنس الأمامي بعامود ضيعف لا يتحمل حرارة صحرائنا ولا الضغط الهائل الذي سيتعرض له


واسف جدا على الاطاله

[اسيزو 4x4]

الباترول أفضل للبر والطعوس والخط وخفيف وممتاز

والاندكروزر للخط فقط .....

[v..x..r]

مشكورين اخواني الأعضاء على الردود الجميله

اخوكم v..x..r

[v..x..r]

وبا لنسبه لك يالشوق فأنا ضد كلامك
لأن ال في اكس ار افخم من الداخل ولا حضت في كلامك ان الفي اكس ار موهب يا باني اصلي بالعكس هو ياباني اصل
لاكن التجميع يختلف
وشركة تويوتا تضع مصانع في مدن اخرى غير اليابان مثل استراليا لان الأيدي العامله ررخيصه هناك ولا ماي فرق ابدا
والي يقول ان في فرق فهذا يبغاله سمكره

[ماجد الشمري]

لاحظوا سيارات تويوتا يابانية تقليدية ... لكن اللي يعجبني بنيسان حبهم للابتكار كثير ...
فحتى لكزس كثير ما تقلد مرسيدس .. لكن نيسان تحب الابتكارات وتجلبها مبكر فعلى سبيل المثال الجير التيبترونيك نزل بالمرسيدس الفياجرا 99 وفي النيسان سكاي لاين 99 في نفس السنة ولم ينزل في لكزس الا قبل سنتين ..
ونزل بالباترول من 2002 ومانزل لابلكزس ولا الفي اكس ار الى الان .. هذا حب الابتكار ..
وبعدين صراحة ما اقدر احط مبلغ كبير من ميزانيتي بسيارة .. يعني ممكن اخذ لي باترول سفاري ب 130 الف ريال وفيه اغلب مواصفات السوبر سفاري واخذه بشاشه ونافيجيشن وكاميرا خلفيه وشاشة خلفيه ...ومع ان سعره يطيح الا انه اقتصاديا يعتبر افضل لأنك تحفظ فلوسك وممكن تسوي فيها شغل يرجع لك الفرق بين السيارتين وبالرساوة هو افضل من الفي اكس ار ومساعداته وياياته رياضية شد بلد وشكله انيق خصوصا ال 2002 لؤلؤي بالدعاميات البيض ومن جوة بيج يطلع روعة ...

وسيارات نيسان عموما اشكالها صارت انيقه كثير وخصوصا بهالسنين الاخيره وفي خطة كارلوس غصن المدير المبدع لعام 2007 هي رفع قيمة اعادة البيع لسيارات نيسان ووقتها بتصير سياراتهم تمسك سعرها اكثر والسبب عادة توفير قطع الغيار بشكل كبير ورخيص والدعاية القوية وبمجرد ثقة الزبون تصير السيارة مرغوبة واسعار المستعمل منها يرتفع ....
بعدين بصراحة مين يدفع بسيارة 202 الف ريال وربع قطعها تقليد ؟؟ يا اخي انا اشوفها استغفال للعقل البشري .. ولا الكامري ال 4 سلندر ب 86 للفل كامل وهي 4 سلندر والمكسيما بالمعارض 6 سلندر ب 56 الف ريال لا ويابانيه من الصدام الى الصدام ..





اخوكم ماجد الشمري

[v..x..r]

مشكور اخوي ماجد الشمري على الموضوع وانا وضحت شغلت الياباني الأصلي في الموضوع السابق


{{{ولكلا وجهة نظر }}
}

[الشوق]

أخوي الكريم Vxr تسلم على تعليقك


لكن أحب أوضح لك

ان الجيب اللاندكروزر السعودي ربعه تقريبا صين وتايواني وأعتقد ماتخفاك حركات شركة أبوجميل
أو ماتعرفها؟


وبالنسبه لرخص القطع فالسبب إن شركة أبوجميل حسبنا الله عليهم يجيبون قطع تايواني ويبيعونها على انها ياباني


أما الفخامه فلكل شخص نظره ولكن رح للحمراني وشف وإسأل عن نوعيات الجلد الفاخر
وحتى أنواع الفرش تختلف وفخمه بعكس اللاند كروزر نوع واحد


وصدق أخوي ماجد الشمري تويوتا ذبحها التقليد


أجل أحط حول ال200 الف في موتر حتى قير تربتونك ماعرفوا يسوونه فيه؟؟!!

وشكرا لك على رحابة صبرك على كثره بربرتي

[ماجد الشمري]

ومع هذا اقول ان انتظروا ابداعات نيسان خلال السنين الجاية ..
الانسان الله اعطاه عقل وممكن يفكر .. ولو اختلاف الاذواق لبارة السلع ..
لكن تخيلوا جيب الكزس ب 250 الف ريال الان .. وجيب الانفينيتي ب 180 الف ريال وبزيادة مواصفات مثل مشغل الدي في دي والام بي 3 والانوار المتكيفة والتي تتحرك مع الالتفاف والديسترونيك .. وغيرها من الاشياء الثانية والوسع الكبير والهيبة وبفرق 70 الف ريال .. مو كأنه مبالغ فيه كثير ؟؟
ما اقدر اشتري رنج روفر بنفس السعر ؟؟






اخوكم ماجد الشمري

[v..x..r]

مشكور اخوي الشوق على الرد الجميل


اخوكv..x..r

[v..x..r]

مشكور اخوي ماجد على الرد لاهنت

اخوك v..x..r

[الكونترولCONTROL]

تقدر تفصل الموضوع شوي و يتبين لك وشو الافضل و انا اقول
الفخامة و المظهر:تويوتا-90%\نيسان-75%
الصبر و التحمل:تويوتا-85%\نيسان-80%
المميزات و الرحة:تويوتا-95%\نيسان-65%
الثقة في القيادة:تويوتا-90%\نيسان-85%
القدرة على التماسك و تحمل الزمن:تويوتا-85%\نيسان-65%
السعر في سوق المستعمل:تويوتا-100%\نيسان-70%
فتلاحظ ان تويوتا في كل شيء تفوق بنسبة عالية===========
=======================
و انا ودي اسال سؤال : وين موديلات 80-81-82-83-84-85-86-87-88- من نيسان
قليل جدا تشوفها الا مع العمال و داخل المدن
و لكن تويوتا ما زال يجوب اطراف البلاد بكل موديلاته
================================================== ====

[ماجد الشمري]

اخوي ابو هبال حياك الله ..
وجهة نظرك نحترمها ... لكن ما تعتقد ان حكاية التقدير بالنسب تختلف من شخص لشخص ؟؟
ممكن تروح لبدوي وتجيب له مايباخ وكراون فيكتوريا وبيختار الكراون لانها بالنسبة له احسن شي بالدنيا ...

في الفخامة والمظهر لا اعتقد ان تويوتا تمتلك سياراتها مظهر ممتاز .. كل سيارات تويوتا مرتفعه كثير وشف الكامري صايرة جيب من ارتفاعها ... ومشاكلها بالهبل من تنسيم اصوات ورساوة سيئة وقل راحة ... وقارنها بالالتيما ولا المكسيما اللي اشكالها زينة واسعارها زينة وقوية واستهلاكها للبنزين قليل ...
اعتقد اشكال المورانو والزد والالتيما والباترول الجديد والانفينيتي و الكيو اكس والاف اكس والجي 35 كلها عصرية وحديثة وتصميمها بين الاشكال الامريكية واليابانية ..
الصبر والتحمل معاك فيها ... اما المميزات والراحة فاسمح لي مافي اي نسبة بين سيارات تويوتا ونيسان .. معروف ان كراسي التويوتا غير مريحة ويقولها لك اي تكسي .. واقل اعتمادية للخطوط السريعة .. والمميزات هذي غريبة ... هل تبي تقول لي ان الكامري اللي ب 86 الف ريال و 4 سلندر فيها مميزات ؟؟ غير الستارة اللي يضحك ابو جميل علينا ومركبها والمسجل التعبان والريموت اللي جايبه من الصين والزينون اللي يركبه مثل محلات الزينة ..؟؟ تدري ان صاحب لي اخذ مكسيما 2003 فل ب 88 وفيها جلد و4 ايرباج وABS و EBD ومسجل ب 6 سيديات وستارة من بلدها وجنوط 17 وكيف الكتروني وزينون من بلدها و6 سلندر ومن افضل 10 محركات بالعالم وغيرها مواصفات كثير ومصنعة باليابان اولا واخر وماهي مصنعة باستراليا ...
الثقة في القيادة ما اعرف على ايش مبنية لكن اللي يثق بنفسه لو راكب ددسنة 66 سيظل واثق بنفسه ...
التحمل والكرف نسبيا كلامك صح لكن النيسان تحسن كثير عن اول .. وسعر البيع انا معاك فيه ...

لكن ما قد سألت نفسك اخوي عن اشياء ثانية ؟؟
الرساوة ؟؟ هل تعلم ان ارقام ال slalom test للتويوتا والكزس سيئة ...
متعة القيادة في التويوتا اقل من النيسان وهذا حسب مواقع تصنيف امريكية ..
هل تعلم ان جودة القطع الميكانيكة في نيسان اعلى من تويوتا ... وهل تعلم ان محركات نيسان كثير منحها مرشح ليكون من افضل المحركات بالعالم ومحركات الفي كيو من افضل 10 محركات لاكثر من 10 سنين ... وين تويوتا ؟؟
ما ادري هل شفت مكاين نيسان باليابان القديمة والجديدة ؟؟ هل فيه مقارنة بين محركات نيسان وتويوتا واسأل اي شايب بيقول لك نيسان لكن انا اقول لك ان محركات نيسان هي اللي بدأت سلسلة افضل محركات بالعالم وعندها سلسلة محركات جديدة الاروع مثل neo و vq ..
سيارات نيسان دائما الاقوي في المحركات والاقل تعقيد والاكثر نجاح في امريكا .. لكن هنا ومع النجاح الجيد الا اننا عاطفيين نوعا ما ..
لاتنسى يا اخي ان سيارات تويوتا يشوبها قطع غير اصلية كثير حتى ان مكيف الددسن من دنسو وماهو مكيفه الاصلي اما نيسان ف 100% من اليابان ..






اخوكم ماجد الشمري

[الشوق]

الأخ ابو هبال

بصراحه نسبك مع احترامي الشديد لك خير صحيحه

وياليت تعطنا المقياس الي على أساسه حطيت هالنسب

أما سؤالك وين نيسان موديلات 82 83 84 ........


فأنا أقول لك وين لاندكروزر موديل 90 91 92 93

نادري تشوفه
لكن تحصل وبكثره سفاري 92 93 ... وبحاله ممتازه

[v..x..r]

مشكورين اخواني الأعضاء على الردود الرائعه

وحبيت اقول للاخ ابوهبال وللأخ الشوق ان موديلات النيسان 82.83.84........ انها موجوده وايضا خدمتها ممتازه

لاكن التويوتا موجده اكثر من النيسان وانا ماأقول ان النيسان شركه تعبانه بالعكس شركه رائعه جدا وتحاول أنها تتقدم عن اغلب الشركات اليابانيه لكن التويوتا افضل من جميع النواحي

اخوكم v..x..r

[محب الشمال]

لي صديق معه نيسان موديل 88 ما خلا شبر في الصمان الا وراح له فيه
كان عندي باترول موديل 97 كرفته كرف في اعتقادي مافيه راعي لاندكروزر كرف سياره مثل الباترول
يعني على سبيل المثال :-
كنت اطلع به الرصيف بوجه عدة مرات لو انه لاند كان انكسر العامود
كنت ادعس عليه لين تقول الماكينه خلاص انفقعت لو انه لاندكروزر كان خرب من زمان
كنت اطعس فيه مكانات صعب على الاندكروزر يطعس فيها
كنت اصدم فيه الشباب والعواميد والارصفه واسحب فيه السيارات واطلع به اي مكان بدون اي مقدمات وكنت مهبل فيه ولا كنت اسوي له صيانة دوريه الا اذا تعطل معي اوديه الورشه
يعني ما خليت شي يخطر على بالكم من الكرف الا وسويته فيه لو انه لاندكروزر كان خرب معي من زمان والله اعلم
لو انه لاندكرورز كان صوفه الماكينه راس الماكينه مش عارف ايه
وعلى فكره تراه ما يهربد فوق هذا كله
كنت اخذا المطبات والمطانيج وكل شي في طريقي ادوسه مع ذلك ما يهربد والي يقول كذا هذا يصدق الشائعات
الباترول عيبه انه ماكينه الشباك تخرب دايم وسعرها حوالي 80 ريال يعني كل سنه تغيرها وانا كنت اغربل الشباك كل شوي فاتحه ومسكره
باختصار كنت مهبل فيه
لو انه لاندكروزر كان هربد من زمان وكان مر على ورش الرياض كلها
يستثنى من الاندكروزر الربع الشاص
هذا رايي الشخصي والله اعلم

[v..x..r]

ياخوي محب الشمال هلا والله بك وانا ماقلت ان البترول سياره فاشله بالعكس البترول قوي جدا ويستحمل لكن اقل من
اللاند كلوزر ياخوي اقسم بالله العضيم يامعي في اكس ار موديل 2002 ماشفت مثله في كل شي

وعلا قولتك اني كرفت بالبترول ايضا انا كرفت بال في اكس ار امشي به في الثاني لين يوصل العداد الي على اليمين الى الخامس يعني باقي شوي وينفجر المحرك
وفي الطعوس انا اقول ان البترول افضل لاكن في التغاريز ال في اكس ار اقوى واسأل مجرب

رد جميل اخوي محب الشمال

اخوك v..x..r

[FJ 40]

المعذره على الخشه عرض ..... هذه اول مشاركه لي في هذا المنتدى المميز ......

السلام عليكم ورحمة الله وبركاته

الاخوه الاعزاء

اختلاف الرأي لا يفسد للود قضيه ... خلاص اتفقنا

الباترول لا غبار عليه مهما قالو الناس ففي موديلات السبعينات كانت موجوده وانقرضت الا ماندر وانا ماخبر الا واحد موديل 76 كان واقف عند شركه الحمراني في جده

وفي موديلات الثمانينات طبعا كل شيء في زمانه اعجوبه وحلوا مره كان لها سمعه كبيره وقويه ولكن سرعان ماتلاشت واختفت وكرهها الناس ليش الله اعلم تصدقون ان الباترول السوبر روف فل اوبشن كان بــ 50000 الف موديل 86 ؟؟؟؟ وكاله


موديلات التسعينات اخذ لقب ملك الصحراء بلا منازع ولكن حتى 97 الذي الى الان قيمته تصل الى 40000 اربعين او خمسه واربعين النظيف مره وربع بعد يعني سياره متعوب عليها وفخمه وتحس انه رزه

من موديل 98 وفوق حتى 2004 ارى انها ليست بتلك الجوده التي كانت عليه سابقتها في التسعينات مع قوة المحركات ولكن نرى انها شبه نادره في شوارعنا وفي موديل 2005 طلع شكله ماله داعي ابداً المهم المحرك اذا كان قوي والشكل تعبان عاد هذي مشكله كبيرة وبالمناسبه محرك الباترول 6 سلندر والـ Vxr 8 سلندر يعني مافي مقارنه لأنه بينظلم الباترول ولكن نقول ان الباترول يقارن بالـ Gxr والا في كلامي غلط ..

بالنسبه لتجربتي له فالسائق هو الذي يحكم العربه مهما كانت صراحه انا مجرب موديل 2000 قوي ولكن يفتقر للراحه ويفتقر لتجهيزات الحديثه فمثلاً القير عادي ولما ترفع رجلك عن الكلتش بسرعه تسمع تك تك في الدفرنس اللي قدام هذي نفس المشكله في اللاند كروزر 97 يعني قديم ولم يتطور وبعدين نظام التعليق الامامي دفرنس مثل القديمه لكن اللاند كروزر نظام تعليق مستقل ....

سؤالي هنا مادام ان الباترول الجديد نقول انه الاقوى ليش مانجده في مواقع التطعيس بكثره او يفز مثل فزة الجيب الربع التويوتا او يكون له ركزه مثل الفي اكس ار

نجي للتويوتا

موديلات السبعينات ابو ثلاث نعاشيق لازال الى الان في المعارض وفي الشوارع وماشاء الله تبارك الله

موديلات الثمانينات فمن منا لايعرف اللاند كروزر 84 الذي لازل وسيبقى الى ان يشاء الله وهو في محل ثقة الجميع تصدقون ان فيه واحد من زملائي معاه لاندركوزر صالون موديل 84 ماشي ثمنمائة الف كيلوا وعليها كسر وباقي مانوضب الى الان ولاينقص الزيت وقوي ومكيف عليه خيالي ؟؟!! ماشاء الله تبارك الله

طبعاً في التسعينات انا اقول ان اخيس موديل 90 و 91 واما من 92 الى 97 فهي بنفس المحرك الجديد 4500 كربريتر ونفس الشكل اللهم اختلافات بسيطه لاتذكر ولا زالت موجوده الى الان وفي كل مكان لكن اللي بداينقرض من هذه الموديلات درجة الفي اكس ار ..... اما الباقي من درجاته في موجوده الى الان وخاصه 97 Gx فهذا متوفر وسعره الى الان في السبعينات بعد الالف ... ولا ننسى ان في هذه السنوات الكفه مايله الى الباترول ..

اما من 98 فما فوق مالمعذره اعزائي المعذره اعزائي

مع احترامي الشديد للنيسان ...... لا يقارت الباترول باللاند كروزر فئة Vxr من ناحية المحرك واما من ناحية التجهيزات فالكل يعلم ماهي تجهيزات الباترول وماهي تجهيزات اللاندكروزر

بعض من تجهيزات اللاند كروزر
محرك V8 250 حصان مع اني اشك انها اكثر
دفع رباعي مستمر
قفل دفرنسات Deef Lock
ونش أمامي
2 كفرات احتياط
مشغل سي دي ومشغل Dvd
نظام التحكم بالتعليق
حساسات اماميه وخلفيه
غسالة زجاج
نظام قياس ضغط هواء الاطارات ..... هذا اللي انا اذكره مع ان اغلب التجهيزات منذ عام 1992

رزه منظر حلاوه فخامه هيبة احتفاظ بالسعر موثوقيه

للأخوان اللي عقبوا على الكلام فوق ترا مافيه مقارنه بين اللكزس والانفنيتي على الاطلاق هذا في وادي وهذا في وادي


لكن فيه حاجه وحده اللي مخربة سمعة اللاند كروزر وتويوتا بصفه عامه الا وهي الوكيل مجموعة عبداللطيف جميل اهلكه الله وجعلة وامواله غنيمه لمسلمين ..... آمين

هذا هو عيب التويوتا فقط لأن اكثر الشغلات تلفيق في المستودعات بمنطقة جده كما يعلم الجميع وهذي حقيقه لانخفيها ومع ذلك فلازالت متربعه على العرش ......... وهذي الشغله لها حل اللي يبي يدفع مبلغ بقدر 180 الف وفوق في سيارة يروح يشتريها من وكلائها في الخليج لأنها تجي يابانيه صح بدون تلفيق ....


وكما اسلفنا الاختلاف لايفسد للود قضيه

هذا مالدي وسلامتكم جميع والمعذره على الاطاله . . .

[v..x..r]

كلامك في محله وانا خوك والله انك صدقدت من ناحية ان Vxr مايقارن بالبترول البترول ينقاس مع ال gxr

سلمت يمينك ماقصرت يالغالي {{يعطيك الف الف الف الف عافيه يالغالي ومرحبابك في المنتدى }}

اخوكم v..x..r

[عطيب الشوق]

-
-
-
-
-
الأخوة الأعزاء المحترمين
أسعد الله أوقاتكم بكل خير

والسلام عليكم ورحمة الله وبركاته

عزيزي في أكس أر .. ولا يهونون باقي الاخوه .. عندنا مرض مزمن وورث حقيقي من شيابنا الله يعطيهم العافيه .. عندهم اشياء كثيرة مقدسه وأقد اذكر منها ثلاثة تقريباً ..

1 ) تايوتا <<<< مهما كان لو انشالله كفر مكتوب عليه تايوتا
2) سوبر شل <<<< ياويلك لو عطاك الصالون ولا الهايلكس تغير له زيت ولا غيرت سوبر شل هذي كارثه
3 ) لبن المراعي <<<< كاس لبن عقب العشا يساوي الدنيا وما عليها تقل شارب له عسل سدر ماهوب لبن

عذراً على المقدمه الهزيله .. وما أردت أن أذكره .. أن لسمعة التايوتا رواج كبير جداً .. وأشهد بالله إنها سيارات ورغبة الشيبان تركت عندنا أثر نفسي عميق ( ولاحظ إني اركز على الجانب النفسي قبل كل شيئ ) فما تهوى النفس يكون الأول دائماً مهما تعددت المحاسن والمساوء .

النيسان والله موتر ولا يعيبه إلا قربعته .. لكن النفس وما تهوى ..

أنا أمتلكت النيسان من مديل الثمانينات والله انه روعه ولا فيه إلا العافيه وانشدوا شايب الصمان مواجهني على سمحان في عيد الحج اللي فات بسم الله عليه كل اللي حوله من 2000 وفوق وهو يدربي برويسه ويعلم الله انه سوى هوايل في خبراء البخراء ما يسويها غيره
وامتلكت بعده 97 باترول خليجي ووووورده مشالله تبارك الله يعلم الله يوم اشوفه عند الباب احس اني ملكة الارض حسيت بفرق في كل شيء بس تصدقون .. القديم نديم وما مثله يعلم الله اني حنيت لسمحان ..

لي صديق عند جي اكس موتر يطربك جرب قبلها النيسان يقولي الموترين صبوره وماعليها خلاف لكن المشكله في الهربده .. وقريت لأخونا محب الشمال قولت انه ما يهربد النيسان وشائعات .. فلا والله اني احسه من عقب كل طلعة بر يتغير عليّ

لكن اللي اقوله الشغله نفسيات قبل كل شيء .. اوقف احيان عند الاشارة اشوف ناس على جيوب ما ودي اذكر اساميها والله انك تستحي تصفطه عن البيت ومع ذلك يساوي عنده الدنيا بما فيها .. فلذلك الشغله نفسيه ..

لو ارتضيت النيسان فما مثله وان هربد ما سمعت هربدته .. ;)
وان ارتضيت التايوتا ما مثله ولو غلي عليك ما افقرك .. :o

الصييييييييييييييييييت ولاااااا الغنى

يالله في العفو والعافيه ..

تقبلوا خالص تحياتي

ابوسعد
العطيب

[محب الشمال]

حبيبي خير الكلام ما قل ودل
حنا نجيب باترول ولاندكروزر ونعمل تجربه ((مساكين حقين تويوتا واثقين يحسبونه التويوتا زي زمان ))

ونعمل ما يلي
1/ نطلع طعس بالريوس
2/ حط الريوس وامشي فيه بسرعة كانك تطرد صيدة ونشوف من يصبر اكثر
3/ نجيب كم رصيف على كيفك ونطلعه بقوووه وجهه لوجه ونشوف من يتأثر اكثر
4/ نقوم بعملية طرد مثلاً لذئب او حصني او اي حيوان سريع ونشوف ايش افضل تحلكم بالقيادة
5/ نشوف الرساوه على الطريق
6/ قوة البدي وقوه الماكينة
7/ نمشي في منطقة بريه متنوعة التضاريس وذلك يكون بقوه وبعنف وكرف للسيارة بدون هواده ونشوف من يصبر اكثر
8/ نمشي بسرعة 120 كم وننزل من الشارع العام (المزفلت) على البر مباشره و نشوف ايش يصير
9/ نعمل اختبار لصدام الاندكروزر والباترول
10/ ناخذ كم مطناج على كيفك بقوه ونضل رايحين جايين عليها ونشوف ايش يصير في السيارتين
صدقني غير يصير الاندكروزر كانه محل ابو ريالين طايح نص الاغراض بالارض من كثر الاكسسورات

وفي اثناء تلك الاختبارات نشوف اذا باقي شي ما سويناه وبعدين نقرر من الافضل الباترول او الاندكروزر

وبعد ما نقيس هذي الامور
نروح لمميزات السياره من ناحية
الماكينة
الدبل
القير
الدفرنس
.
.
.
.
.
.
الخ

بعدين نروح للفخامة
هذي انا بجاوب عليها وهي مافيه شك ان الاندكروزر الجديد افخم من الباترول
لكن ايش الفايده اذا على الفخامة اطلع سياره غير الاندكروزر من السيارات الكثيره الاخرى فخمة واريح وتقنيه اكبر وافضل

[v..x..r]

سلمت اخوي عطيب الشوق على ردك وما قصرت يالنشمي
ولاهنت اخوي محب الشمال على ردك وانا مستعد اني انفذ كل الي قلته الى اني اصدم بسيارتي مع سياره اخرى

[الحسكولي]

تويوتا وبش .... قصدي بس :good: :good: :good: :good:

[الطعس الذهبي]

امسك سيارتك

[محب الشمال]

اخواني الله يعطيكم العافية فانا واعوذ بالله من كلمة انا
اريد سحب اقتراحي رقم 9 في المقارنه في ردي السابق في هذا الموضوع
والله يحفظكم ويرعاكم

[الراعي الرسمي]

مع احترامي لا الجميع متى نكبر و نعقل . العالم تصنع وحنا نستعمل فقط عجزنا حتى نصنع قوطي فشق ام صتمه .
السياره وسيله وليست غايه .
بس كل موتر يصلح ليشخص على حسب ضروفه وعمله وقدرته وستعماله لا السياره .




واللي ما يعرف الصقر يشويه . :D


اكرر احترامي لا الجميع

[v..x..r]

الطعس الذهبي
محب الشمال
الراعي الرسمي
شكورا لمرورك