ديوان الشاعر / تركي الفيصل

[ريف النشاما]

بسم الله الرحمن الرحيم
السلام عليكم ورحمة الله وبركاته
http://www.mekshat.com/pix/upload/images8/mk8178_mmm999900.jpg
(((المقدمه)))
الشاعر / تركي علي الفيصل - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
في متناول القارئ وهي تقدر للشاعر مايبذله من جهد وتفان ٍ في هذا المجال


((السيرة الذاتية))

الاسم : تركي بن علي الفيصل .
الكنية : أبو خالــــد .
ولد في مدينة الرياض عام 1398 هـ .
درس الابتدائية في مدرسة خبيب بن عدي لتحفيظ القرآن الكريم ، ثم انتقل إلى مدرسة عمران بن حصين الابتدائية ، ثم درس المتوسطة في مدرسة ابن رجب الحنبلي ، بعد ذلك درس المرحلة الثانوية بمدرسة الإمام الشاطبي – رحمه الله -
بدأ بكتابة الشعر ونظمه في سن الحادي عشرة من عمره .
متنوع في شعره فلديه قصائد في النصح والإرشاد والغزل والمدح والقصائد المكشاتية وله قصائد في الرد والمحاورات مع زملائه .
له ديوان شعري خاص به .
شارك في عدد من الحفلات والمناسبات الخاصة .


"""""""""""""""""
"""""""""

[ريف النشاما]

الفي اكس آر
جيب عشقه الجميع ...
وأكثروا في القصيد ....

في هذه القصيدة يتحدث الشاعر عن معشوقه vxr
وإليكم القصيدة


ياوجد أنا حالي على جيب ف ك س آر= جيب مثل حرٍ ينومس هداده

مورَد اليابان مرموق الأنوار = أشهر مصانعهم وعزز بلاده

أنا أشهد أن مصممه صاحب أفكار = أبدع بتصميمه ونال الشهادة

اسطبه أحمر تحسبه شاعلٍ نار = لامن نظرته قلت ولع وقاده

وصوت المكينه يعجب الناس إلى سار = كنه صياح صغيرٍ في مهاده

مابه مثيلٍ لصعيبات جبار = بين المواتر قوته في عناده

وجابوه يم أقروم ناسٍ لها ثار = أهل الخليج أهل الوفاء والسيادة

وسووبه الإبداع في كل الأمصار = وكلٍ على الإبداع نال القيادة

واللي تمنى حوزته ناسٍ اكثار = مير التمني ماحصل فيه فاده

لو أملكه سجيت من دارٍ لدار = وأقزر الأيام واجلي النكاده

الجيب أحبه كل ما حل مشوار = يبرد لهيب القلب لا جاء مراده

واطرب على ممشاه في كل الأقطار = خصٍ بمشي البر فيه السعادة

أروحبه مابين رملٍ ومشجار = وريح الخزامى والنفل في زيادة

مع رفقةٍ فيهم معزة ومقدار = ناسٍ لهم في الطيب والعز عادة

والفرض يدّونه بوقته إلاصار = واجب عليهم فرضهم والعبادة



الشاعر / تركي بن علي الفيصل

[ريف النشاما]

****
**

غنت طيور الجو ومعها تغنيت = قامت تبادلني لحونٍ حسينة

وكتبت معها الشعر وأبديت وأطريت=همٍ شغلني يوم طول كنينه

حمست من بن الهراري وصبيت=فنجال كيفٍ يقعد الراس زينه

فتحت باب الشعر وأعلنت وابديت=بيوت كانت في ضميري سجينه

وجبت القلم ياصاحبي واستعديت=وابدعتلي أبيات درٍ ثمينة

أمس العصر في راس مرقاب عديت=قصدي أريح خاطري من ونينة

لو بالتمني يابو فيصل تمنيت=أعيش وسط البر وأنسى المدينة

مير الأسف مافادني قول ياليت=حيث إن روحي في المدينة رهينة

كثر المشاغل والشقاء وخدمة البيت=تجبرني أجلس في حياتٍ مشينه

حبيت شوف البر حبيت حبيت=لانه يزيل هموم فيني سكينه

يعجبني شوف الروض لامن تمشيت=شوف الطبيعة طب روحي الحزينة

كتبت بيت الشعر بيتٍ على بيت=من خاطري نضمت قافٍ رزينة

[ريف النشاما]

الخزامى


""=""


يادحيم روحي على الصمان ولهانه = في رقةٍ يابو فايز في الخلاء الخالي

أشوف عشب الخزامى زانت الوانه = رزقٍ رزقنا عظيم الشان والوالي

البر يجلي هموم القلب وأحزانه = أنا أشهد إنه دواء قلبي وغربالي

الخير جانا وسالت كل شعبانه = من مزنةٍ سيلت والسيل همالي

والارض صارت من الأمطار مليانه = والعشب زهر وصار الوان وأشكالي

والكل نفسه بشوف الروض شفقانه = يمشي ويضحك وكلٍ دالهٍ سالي

والبل ترعى وتسرح بين فيضانه = عقب الربيع أصبحت تمشي وتختالي

ودعت ربعي ومنزالي على شانه = ومسكت خطٍ حوته رمال وجبالي

سكنت وسط الخلاء والنفس فرحانه = في قفرةٍ ماوطتها رجل رجالي

وحمست كيفٍ يِشوق الراس فنجانه = ودقيتها وسط نجرٍ يذهل إذهالي

وحطيت أنا بهارها وأحكمت ميزانه = وصبيتها وسط صفرٍ تبري الحالي

ياليتني ساكنٍ مابين ريضانه = وأنسى المدينة وأعيش العمر رحالي

كتبت بيت الشعر وأبدعت قيفانه = ونظمت لك يالسنافي بيوتٍ إجزالي

"""""""""
""""""
الشاعر / تركي بن علي الفيصل

[ريف النشاما]

http://www.mekshat.com/pix/upload/images8/mk8178_23.JPG


((الصمان جنة الله في أرضه))

"""""""""""""
""""

ياماحلا الصمان وذيك الفيافي = في جو هادي مع ربوعٍ وخلان

الجو هادي جونا اليوم صافي = جوٍ عليلٍ منعشٍ كل حيران

في روضة الصمان والخير ضافي = غطاء عليها العشب اشكال والوان

حدر عليها السيل عقب الجفافي = سالت بها الريضان من كل وديان

رزقٍ من المعبود ماهوب خافي = وأنا أحمد اللي لـه معزه ولـه شان

رحنا نهار العيد ربعٍ خفافي = على هانوفٍ وارده صنع يابان

يمشي على النقيان مابه خلافي = لاهوب لاجمسٍ ولاهوب نيسان

الهاي ياجعله علينا متعافي = من رافقه ياخوي ماهوب خسران

وأجلس مع الخلان مهنى كلافي = ونهرج هروجٍ من قصايد وبرهان

شب الحطب شغموم قرم سنافي = زهب لنا الدلـه من الكيف فنجان

في روضة أم قرين للقلب شافي = ثمٍ بعد مريت فيه وريضان

رحنا الى الديره على أخر مطافي = في ديرة أم رقيب لديار مطران

سالت دموع العين قالو ياكافي = فاقلت أنا قلبي مع البر والهان

قالو جلسنا قلت ماهوب كافي = جلسة سبوع وكنها رمش الاعيان



تركي بن علي الفيصل

[ريف النشاما]

((حب البراري))



""
قلبي اللي ما تولع بالمساكن = ولا تولع بالبنات المترفاتي
مولعة حب البراري يابو ماكن = واستعادة ما مضى من ذكرياتي
البراري حبها في القلب ساكن = من قديم وحبها مالك حياتي
أتمنى لو أنا في البر ساكن = الطبيعة هاجسي وأغلى امنياتي
واتنقل بين حلوات الأماكن = فوق جيبٍ في الوعر يتبت ثباتي
جيب تايوتا ولونة لون داكن = في وصوفه مجتمع زين الصفاتي
كن صوته صوت بنتين يتحاكن = مخفضاتٍ صوتهن متخفياتي
أشهد إن البر يا عيوني دواكن = والتمشي بالقدم بين النباتي
وجدي أسكن في البراري بس لكن = المشاغل علتي وأكبر بلاتي
جالسٍ يا صاحبي في البيت راكن = أترقب للإجازة يوم تاتي
كن قلبي في البلد ولع براكن = من همومٍ وسط قلبي مثقلاتي
""

تركي بن علي الفيصل

[ريف النشاما]

فلسطين الجريحة


لاوالله اللي شاب راسي وانا صغير = عمري عشر يابوي وأدبل عددها
لاشك أنا محتار ماني على خير = حالي عليله من يدور سعدها
شارون يقتل ويضحك على الغير = وحنا على حال تزايد عقدها
قام يتلاعب في خيانة وتنكير = للمسلمين جيوش غدرة حشدها
كم شايبٍ ينهان من دون توقير = وكم طفلةٍ ماتت بداخل مهدها
عذب عجوز السن لوعة وتفكير = تخاوي الهوجاس غيبة ولدها
صاحت وناحت مالقت غير تكدير = شافت من الدنيا خساسة نكدها
لاهوب ميت كان ينقال لـه مير = هي سنة الله في عباده وردها
مير البلاء روح ومن دون تخيير = وعزاه ياحالٍ تفارق بلدها
ثمٍ تعذب شاف شين المناضير = كلٍ يذلـه في همومٍ سردها
حطوه في سجنٍ كثير المخاطير = حتى عيونه طولت في سهدها
يابن العرب جاهد بحكمة وتدبير = أرفع شعار الحق حق أعتمدها

[ريف النشاما]

درب المحبه

مسكين من مثلي غداء اليوم محتار= أنا أشهد أن سود الليالي طونه

اسهر طوال الليل والدمع نثار = وأتابع الونات وأجر ونه

من فارق الخلان كنه على نار =غدر الليالي في حياته بلنه

أمس العصر مرتاح مع سيد الأ نوار =كني مع الخلان في وسط جنه

واليوم أنا مهموم والحال فخطار = من شاف حالي ياهوى البال حنه

قالو هلي وشفيك حالك به أكدار = قلت اللذي قد صارلي اليوم منه

يازين أبرسلك سلامي بالأشعار = وأفهم معاني البيت قولـه وفنه

باكتب معانيها على أسلوب الأسرار = وأرجو قصيدي وسط قلبك تكنه

شف عاذلي يازين يبغي لك العار = قصده يفرق عشرتي حسب ضنه

[ريف النشاما]

((سحاب شعري))

قالو جديدك قلت هذا جديدي= أكتب لكم بعض النصايح والاذكار

سحاب شعري هل مزنه قصيدي= على صفايح بيض هليت الأشعار

نصيحةٍ مني عساها تفيدي= ومنهُ تبعها فاز مع سيد الأبرار

أذكر اله الكون رب العبيدي = الواحد المعبود علام الأسرار

وعلى النبي ماجاء مثيله شهيدي= أتبع صفاته في علومه والاخبار

وجعل صلاتك في خشوع ٍركيدي= هذا العهد مابين مسلم وكفار

خلك مع أهلك في خصولك حميدي= ورفق عليهم من صواديف الأقدار

وخلك مع العربان رايك سديدي= تراء الدلع مافيه حشمه ومقدار

وقت الشدايد خل عزمك حديدي= لايكسرك خايب ولو صار ماصار

وأحذر جلس الشر شر ونكيدي= في عشرته جتك النكايد والأخطار

والجار لـه حشمه ولوه بعيدي= تراء النبي وصى على سابع الجار

هذي نصيحه من سلكها سعيدي= وياالله عساها للمسلمين تذكار

[ريف النشاما]

((مدعوج الأعيان))

قالوا لي غير جو في وسط لبنان= ولا بوسط الشام ولا صلالة

ترتاح من كثر البلاوي والاحزان= من زارهن بالحيل يرتاح بالــه

قلت الديار اللي بها الزين سكان= هي غايتي لوكنت في خس حالــه

لاشفت سيد البيض مدعوج الأعيان= عز الله إني صرت سالي وداله

أكتب لـه الأبيات وأطرب باللأحان= وأبني بيوت الشعر لجل الغزالة

والله فلا يوجد حليه بالأكوان= سبحان من سواه وأبدع جماله

الرأس للأرداف والخد فتان= جميع كل البيض ماجت مثاله

وعينه كما عين الصقر طير شيهان= والله لو يطلب حياتي فداله

والخشم سلت سيف والساق مليان= من شافها يذكر عزيز الجلالـه

""

[ريف النشاما]

((مــــــــــــاش))

بعض العرب تحسبه كفوٍ وهو ماش= وعلى دروب المرجلة مايدومي

لو المراجل بالدراهم وبالكاش = والله فلا يشرى ردي العزومي

تحسبه فزيعٍ وثاريه مهناش= محسوب ضمن رخوم ناسٍ رخومي

لاجاء لزوم الوقت في خاش خرباش= ماينفعك وقت الشقاء واللزومي

والنذل وإن جا لـه مكانه وهوباش= لابد من يومٍ تشين العلومي

لامن طلبته طلبتٍ صد وإنحاش= أنا أشهد إنه مايعرف السلومي

تحسبه من طلبتك منصاب برعاش= خطرٍ على حاله يجيه الغمومي

خايب وطبعه شين وإنسان غشاش= عايش على الحيلـة وطبعـه ضلومي

لو ينعرض ببلاش ماراح ببلاش= ولاحدٍ يبي يشريه ولاحدٍ يسومي

من رافق الأنذال لاشك ماعاش= كل العرب فيما يسوي تلومي

وين الذي يفداه لاشٍ ولد لاش= رجل على الشدات يجلي الهمومي

يقول عين الحاف وعينٍ لك إفراش= حرٍ قطامٍ من رجالٍ قرومي

عدٍ غزير مرويٍ كل عطاش= في بحر صافين النوايا يعومي

"""""

[ريف النشاما]

((زمن فات))

ألا ياصفحة التاريخ قريني زمانٍ فات= ووريني عباراتك عن الأسلام وش حده

وفليت الكتاب أقراه من صفحة إلى صفحات= لقيت حروف تعجبني مضى من وقتها مده

عن الاسلام وأفعاله وماسواه من هيبات= بها قوه بها هيبة بها سلطه بها شده

زمانٍ راح بأجيالٍ مع قرومٍ لهم صولات= نبي الله وأصحابه لهم جولات ممتده

غزو في بدر مع حطين وسوو للكفر هزات= وأيضاً غزوة اليرموك وحرب الروم والرده

وأنا اللي كدر أحوالي وزود فيني الونات= شبابٍ يتبع الموضات في شعره وفي خده

يدور وش جديد اليوم وشي هي أخر الصيحات= حسبها مرجله ياناس أثرها تنقلب ضده

شباب اليوم ماهمه غير الضحك والكشتات= نوبٍ رايح الدمام ونوبٍ رايح لجده

ولا يدري عن الأسلام وش صابه من الحسرات= لاهي في بحر حبه ولاهمه ولاعنده

وفيهم نقوة ماتعرف الموضة ولا الشلات= شبابٍ كلنا نفخر في عزه وفي وده

شبابٍ مثل حر الطير إلاجاء واجب الشدات= يصيد الخرب مخلابه لامن صاحبه هده

عسى الوالي إلاه الكون يفرج عنهم الضيقات= ويحمي ديننا الأسلام من كفرٍ ومرتدة

""""""

[ريف النشاما]

http://www.mekshat.com/pix/upload/images8/mk8178_23.JPG
البراري


يرف قلبي لانظرت البراري = والبر أحبه وأرغبه وأتمناه
يرتاح بالي لين شفت الصحاري = وشوف الخزامى زين شوفت رعاياه
ياخال هات الجيب جيب السفاري = حيث السفاري يعجب الناس ممشاه
نمشي لدار الجود والعز داري = تمير دار الجود والعز والجاه
لاضاق صدري حل في القلب طاري =أروح يم البر والهم بانساه
وأجلس بوسط الروض وأشب ناري = وأرتاح من جو النكد والمعاناة
جو المدينة صاب راسي عواري = جو المدينة ياهلي مارغبناه
لو هو بكيفي ياسعد وأختياري =لانسى البلد وأنسى دروبه وطرياه

"="