تنصحوني بلشروكي 2001

[السعودي88]

السلام عليكم ورحمة الله وبركاته
انا نويت اشتري شيروكي موديل 2001
بس معرف سعر قطعه وهل هو يصلح للسفر والمشاوير داخل المدينه وهل هو رخيص
في القطع الستهلاكيه وكم يسوا في السوق
ابيكم تنصحوني صح في الموتر هاذا قبل
لا انتكب بمشتراه وكيف القير التماتيك هل هو جيد في الرمله والدبلات حقه قولولي

[صدري بحر]

عليكم السلام ورحمة اللة وبركاتة انشاء اللة افيدك بلي اعرفة بنسبة لقطع الغيار غالية مررررة وبعضها غيرمتوفر الابطلبيه امالسفر والمشاوير اذا كان نضيف ممتاز اما قيمة اذا كان نضيف مايتعدا 22 الف هذا عندنا في جدة عاد في الرمله وفي نغز العقوم خذ خوي وخذها مني وانا اخوك مااااااااانصحك به لاني قبل شهر كنت ادورلي سيارة وما ابغي الا الشروكي واستشرت خوياي 3 منهم معاهم نفس المطلوب قلولي بيتعبك هذا الي عندي وذا كنت الاتبغاة لا تستعجل دور النظيف ولو حصلت سعودي افضل من الامريكي واي خدمة ياعيوني

[السعودي88]

عليكم السلام ورحمة اللة وبركاتة انشاء اللة افيدك بلي اعرفة بنسبة لقطع الغيار غالية مررررة وبعضها غيرمتوفر الابطلبيه امالسفر والمشاوير اذا كان نضيف ممتاز اما قيمة اذا كان نضيف مايتعدا 22 الف هذا عندنا في جدة عاد في الرمله وفي نغز العقوم خذ خوي وخذها مني وانا اخوك مااااااااانصحك به لاني قبل شهر كنت ادورلي سيارة وما ابغي الا الشروكي واستشرت خوياي 3 منهم معاهم نفس المطلوب قلولي بيتعبك هذا الي عندي وذا كنت الاتبغاة لا تستعجل دور النظيف ولو حصلت سعودي افضل من الامريكي واي خدمة ياعيوني
جزاك الله خيرر اخوي وبيض الله وجهك عن نصيحه :good2:

[راسم الكلمة]

عز الله أنه موتر بس بشرط تاخذ الكلسك وأبعد عن القراند وخراباته !!

[هاوي بحر 10]

امممممممممم الموتر سعودي ولا ؟ امريكي؟

طيب قبل ماتخذه شيك على ظفيرته فيها تقصص ولا شي....!!! هاذي نقطه
ثاني شي في تليحم في الغماره ولا شي يمكن يكون لا سمح الله من قبل منقلب ؟....!!!
شيك على المكينه كيف تعرف انه مغيره له مكينه ولا لا شف الكويلاات فيه مسمارين اذ مغيره بجيك بس مسمار واحد راكب والثاني ماله محل يركب فيه ..

بنسبه في ناس تايد وفي ناس ماتأيده والدنيا ارزاق وانا اخوك

انا واحد استخدمت الشروكيات من مديل صفر الى مدديل 2001 اجربه فتره وابيعه
وبصراحه صار عندي موتر 2001مشاء تبارك الرحمن الموتر ماغيرت فيه الا زيت وقمشات خلال سنه فقط ولله الحمد
وبنسبه الى الشروكي في البر والرمل مايحتاج صراحه اسال مجرب ؟...
وبتوفيق عزيزي

[هايبر]

بعطيك بعض المعلومات يمكن تساعدك :-

استغرب من بعض الاعضاء لما قال لا تشتري او اشتر الصراحه صعب انك تحدد لانك ما تعرف وضع الرجال علاشان كذا انا بشرح لك وحهة نظري اي سياره لها مميزات و لها عيوب حتى لو ماخذها من الوكاله انا بعطيك مميزاته و عيوبه و انت اللي قرر
عيوبه :-
1- العمر الافتراضي للقطع قصير مقارنه بغيره يعني تستهلك بسرعه .و هو سبب كثرة اعطاله
2- وسائل الامان فيه ضعيفه .
3- قلة الورش المتخصصه في صيانته ما عدى الرياض و القصيم .
4- بحكم ان موديل 2001 اخر موديل نزل في الشيروكي للشكل القديم بعض قطع الغيار تنقطع من السوق لفتره .
5- رجه في السياره صعب حلها في معظم الشيروكيات .
6- الحراره (بس لها حلول متوفره )

مميزاته :-
1- سياره نشيطه بالحيل رمل و زفلت .
2- سعرها من ارخص سيارات الدفع الرباعي يعني صعب تحصل اي سياره دفع رباعي موديل 2001 قيمتها حول 22000 ريال نظيفه و قويه .
3- قطع غياره اتوقع انها ليست غاليه مقارنه بغيره و انت الحكم مثالقكع الغيار المستخدمه : المكينه مع التركيب و الرجيع ب 3000 ريال القير ب 1500 ريال اللديتر ب 700 ريال طرمبة البننزين كامله 1200 الدفرنس الامامي و الخلفي ب 3000 مع الرجيع عمود الدبل 1100 جديد .
4- صرفيت البنزين عاديه او اقل مقارنة بغيره من الجيوب .
5-قطع تعديله لزيادة العزم متوفره بكثره .
6- مركبه مريح في الخطوط .

سواءا القير اتوماتيك او عادي ما يختلف عليه اثنين في قوته في البر طبعا العادي افضل لكن الاوتوماتيك فيه حقه من القوه و اقل اعطال من العادي .

لو انا مكانك و ابي سياره دفع رباعي القرار يحدده ميزانيتي يعني لو معي مبلغ 23000 ريال فقط اتوقع ماراح اتردد اني اشتريه لان ما فيه خيار اخر في حدود قيمته و قوته بشرط ان اكون في الرياض او القصيم و شرط النظافه .
اذا انت خارج المدينتين لا تشتريه ابد في اي حال من الاحوال .

اذا تقدر دبر مبلغ اكبر شي اكيد الافضل لك انك تدور سياره ياباني في حدود فلوسك .

و الله يوفقك طبعا كلامي مجرد رائ شخصي ( قابل للصواب و الخطاء ) بحكم استعمالي للشيروكي لمدة 5 سنيين موديل 1998 قير عادي و بعته قبل كم شهر

[ابو ريان العمراني]

اولا الله يرزقك بالموتر اللي يريحك

وانا اخوك كلام الناس كثير وبعضهم سمع كلام عن الشروكي قبل 10 سنوات ومسك عليه

القطع الاستهلاكيه رخيصيه مثل القماشات والبواجي وطرمبة المويه والاشياء هذي وتراها ارخص من تويوتا

واللي مو مصدق يروح المتحده ويروح عبدالطيف جميل

ومتوفره اصلي وتجاري وكذلك متوفر التشليح بكثره ورخيص بعد واخوي اللي رد قبلي وضح لك قيمة اهم القطع

وبالنسبه للقير التماتيك ممتاز جدا في الرمل والطعوس ... انا من 5 سنوات ما استخدم الا شروكي تماتيك

اهم شي لا تاخذ الا نظيف ..

خذ كلام مجرب

والله يوفقك