مشورتكم هايلكس 2010 او 2005

[حبل الوريد]

السلام عليمن ورحمة الله وبركاتة


حياكم الله جميعاً اخواني اعضاء مكشات


بعد المشاوره والارتياح النفسي مالة الوجهه للهايلكس غماره


ومحتار بين 2010 و 2005 :confused:


ولا حبيت احط استفتاء لأني ابي كلام من واقع تجربة


ودي بالقديم لأني اعشقه بس وين بتحصل النظيف عند ذالعالم


ما تلقى الا موتر مفجر تفجير وإستعمال أخرق وأرعن


لا حظت بالجديد من ناحية البدي وقارنتة مع القديم


الصندوق والبيبان حول بعض لكن المشكله في الرفرف الامامي لصالح القديم ( هل تقتدر تبطن للرفارف )؟:)


وقالو قاعدة الاديتر للجديد بلاستيك وتكسر ولكن الحل موجود بفك القاعده وترهيم قاعده حديد زي الحلاوه


اما من ناحية التفكك القديم ما عليه كلام ابداً لكن الجديد مدري عنه


هل يتفكك الموتر كله بكبره مع المطامر ومسك الجلد مع ذالبطانيج ( ما علي من الصدام لأني لو شرتيه ابفكه واركب تجاري ):D


وما من ناحية القوه والقير الجديد يتفوق على القديم والراحة كذلك وعزل الصوت ايضاً


وسمعت ان الجديد ما يصلح تغسله بستم ولا تخوض به في المياه ولا تقطع بُه الشعبان لأن الكويلات مكشوفة !:eek:




نبي كلام واضح يا اخوان ولا تتعبونا بالتعصب الي ما يفيدن ولا يفيدكم :no2:



.



.



.

[اسير الغضا]

حياك الله


اذا كنت ناوي كرف وكد ومد اكيد خذ الموديل القديم

واذا كنت تبي الراحه خذ الموديل الجديد

اذا كان يعوقك الجديد تقول بديه دمار ومادري ايش
ظبطه وسوله تضمين كامل

ودبل المساعدات اللي قدام (طبعا هذا ترهيم وله بعض العيوب لاكن اذا كنت ناوي كرف وجلد
ازين لك بس يبي يبلشك اذا جيت للفحص لان الدعوه به تلحيم ومسامير ودعديل عن البلد


واذا كنت مانتب راعي كرف خذ الجديد على عماك

بالتوفيق

[الشنه]

2010 احسن لك

[خرطوش الصيد]

2010
100%

[ولد الغلباء]

خذ لك 2010الموديل والقديم كم سنه وتروح رغبة الناس عنه

[مولع بالطير]

اول شي مبروك والله يعطيك من خيرها مقدم والله ياخوي انا اشوف الجديد افضل من قوه ومركب وكل شي ونت مو كل يوم بتدخل فيها شعبان كلها فترة الشتا ء ونت براحتك تقبل مروري.

[أبو نـآيف]

طق لك 2010 بس او اصبر 2011 مابقى عليه الا شهرين

هو صح ان القديم امتن واصبر لكن مميزات الجديد افضل

ومن ناحية القواعد انا مركب حديد ومراوح سوبارو وسالكه الامور
ولا احسن منه واذا تبي له اغراض عندي ومبروك مقدما

[ذيب زلفاوي]

2010
2005 لو انه رخيص ميخالف بس النضيف يتعدي 60 الف وان لقيته يبي لك سنه تدور

[حبل الوريد]

يعطيكم الف عافيه يالغالين

وبأنتظار البقيه

[حبل الوريد]

UP



.



.



.

[بندر بريدة]

قديمك نديمك لو جديدك أغناك خذ قديم الجديد ماينفع لو سويت كل شي له يكفي كثر مزره بالنمر يفقع صوفت القير وكثر تكسير الطاره يفقع صوف الدركسون يعني وزوز بالنفود لا ابعد عن الشر وغنيله وخذ قديم وريح عمرك

[حس حس2009]

2010 وبس مااشوف احد اشتكى من موديل 2006 الى 2010 كل اللي معهم يمدحون
بس القديم يحبونه حقين العنصرية والا الجديد قوي بس عيبة صدامه اللي قدام فيبر

[حبل الوريد]

قديمك نديمك لو جديدك أغناك خذ قديم الجديد ماينفع لو سويت كل شي له يكفي كثر مزره بالنمر يفقع صوفت القير وكثر تكسير الطاره يفقع صوف الدركسون يعني وزوز بالنفود لا ابعد عن الشر وغنيله وخذ قديم وريح عمرك



الصدق اول مره اسمع بذالعلوم

لكن يعطيك العافيه على التنبيه

[حبل الوريد]

2010 وبس مااشوف احد اشتكى من موديل 2006 الى 2010 كل اللي معهم يمدحون
بس القديم يحبونه حقين العنصرية والا الجديد قوي بس عيبة صدامه اللي قدام فيبر

مشكووور يا حس حس على المشوره

[دامر الصيد]

2010 احسن بكثير

[حبل الوريد]

2010 احسن بكثير


يعطيك العافيه يالغالي

لكن ما بينت ليش افضل

[هلي--2007--]

قديمك نديمك لو جديدك أغناك خذ قديم الجديد ماينفع لو سويت كل شي له يكفي كثر مزره بالنمر يفقع صوفت القير وكثر تكسير الطاره يفقع صوف الدركسون يعني وزوز بالنفود لا ابعد عن الشر وغنيله وخذ قديم وريح عمرك
من واقع تجربه لم يحدث لي مشكله من هذه المشاكل واول مره اسمع فيها
اصلا جربت الهايلوكس الجديد الصراحه روعه روعه بمعنى الكلمه وثلاث سنوات
لم يطلب مني غير الفحمات ماشاء الله تبارك الله :good2:

[حبل الوريد]

من واقع تجربه لم يحدث لي مشكله من هذه المشاكل واول مره اسمع فيها
اصلا جربت الهايلوكس الجديد الصراحه روعه روعه بمعنى الكلمه وثلاث سنوات
لم يطلب مني غير الفحمات ماشاء الله تبارك الله :good2:


مشكووور اخوي هلي

حنا نبي الكلام الي من واقع تجربه

[حبل الوريد]

سؤال يالربع هل مع المطامر يتفكك بديه ( غير الصدام)

ويفقع راسي بالقرقعه

[تميمي]

ياخي أحد يعاف موتر مطلعه وكالة على يده

ويدور موتر له 5 سنين ؟ أنت خل عنك التعصب ومفروض أنك ما سألت اصلا أكيد 2010

ومن ناحية تجربة كان عندي 2004 وألحين 2007 افضل بكثير من القديم

وتوكل على الله وفك لك وكالة يالله من فضلك

[حبل الوريد]

ياخي أحد يعاف موتر مطلعه وكالة على يده

ويدور موتر له 5 سنين ؟ أنت خل عنك التعصب ومفروض أنك ما سألت اصلا أكيد 2010

ومن ناحية تجربة كان عندي 2004 وألحين 2007 افضل بكثير من القديم

وتوكل على الله وفك لك وكالة يالله من فضلك


عافاك ربي يالبناخي

ولاهنت على المشورهـ

بس بما ان عندك خبره الموتر خرارباه واجده ولا مثل القديم ما تعرف الكبوت
والمتوتر يتفكك ولا لا

[جريح الصيد]

اخوي تبي نصيحتي غير الجديد لاتدور 2010 وبس

اما من ناحية تفكك الموتر ماراح يزملك الا الصدام وغيره ماعليك ان شاء الله حلاوه والصدام ماعليك الا تركب تجاري ب55 ريال والله يديم الرخص
وتحط بدال الكبس صواميل مقاس 10 افضل لك



وسمعت ان الجديد ما يصلح تغسله بستم ولا تخوض به في المياه ولا تقطع بُه الشعبان لأن الكويلات مكشوفة !:eek:



هذي معلومه اول مره اسمع بها

معي 2006 غماره وأذا غسلت ماأغسل الا بستم وماخليت شعيب الا قطعته والحمدلله

الحق يقال من واقع تجربه

قبل لاأشريها كنت متخوف من كل شي كلام الناس عنها يخوف

بس الحقيقها تنقال اسئل مجرب ولاتسئل واحد يسمع الناس تقول

الي سويته كله ركبت لعابات وحطيت كعكات 2سم علشان ارفع الموتر شوي وقصيت الصدام التجاري وركبة صاجه تحت وهذا كل شي

والحمدلله لاعن خامس عرقها وماقصرت حمار مكده

هذا من واقع تجربه غير كذا ماعندي اخوي


وأتمنا من الاخوان الي يحط رايه يحطه من واقع تجربه لمسها بنفسه او من قريب لا الغالبيه تتكلم ولاتدري وش المصدر

[جريح الصيد]

سؤال يالربع هل مع المطامر يتفكك بديه ( غير الصدام)

ويفقع راسي بالقرقعه


معي2006

الحمدلله مراقيبه ضلعان ومطامر بها مطامر وماشكت

الي سويته كله ماكلفني فوق ال300 ريال وانا كاتبه لك فوق

واهم ماعليك الصدام وامره سهل تجاري والله يديم الرخص

[حبل الوريد]

بيض الله وجهك يا جريح الصيد

كفييت ووفيت يالغالي

شاكر ومقدر لك

[ابو السمك]

اكيد 2010

[حبل الوريد]

لاهنت يبو السمك

على النصيحه

[alfazza3]

يرجال 2010 وانت مغمض ولا اصبر لـ 2011
مع اني اعشق الشكل الي قبل بس اذا نويت اشتري هايلكس ما افكر بالقديم ابد

[ياوجودي]

خذ لك 2010 ورح لأي واحد معه 2005 نظيف قل له تبادل؟

بتلاقيه يلاحقك من شارع لشارع يبي البدل.

راحت عليك ياصنع اليابان

[حبل الوريد]

مشكوورين ما قصرتو

[سراب الوقت]

ياخوي وفقك الله اما اانا مايطربني الا 2005 عطي الله

ياخي موتر مكده صدق وشكل وقوة ونشاط

وش تبي بس غير ان بديه اصلب مو مثل الجديد فشفااااااااااااااااااااااااش

[راعي 4500 EFI]

وعليكم السلام ورحمة الله وبركاته


اولاً الله يعطيك خير الموتر اللي تبي تشريه ويكفيك شره , سواء 2005 او 2010


ثانياً : الله يقول بدي الـ10 اقوى من الـ5 , اقوله وانت شاري الموتر تبي تروح تصدم خلق الله !!

غريبه والله , أنا من عشاق الـ5 واحبه حب جماً اذا شفته بالشارع , قعدت اذكر الله , بس لو ابي اشري ابشري وحده وكاله , افكه بيدي موب موتر له 5 سنين طالع !

وبالنسبه للــ 10 تتحمل والا لا ؟

اثنين من ربعي معهم 2007 , وماشاء الله حمار مكده , مراقى ,مسايف , مقاومات .. كل شيء بمخك^_^

تصدق انهم اذا بغوا يرقون النفود يخلون الموتر يتفتف بالثالث ويرقون , وماشاء الله تبارك الله الى هالحين معهم , واحد منهم جاه تنده -قلب- والى هالحين ماشاء الله معه الموتر ..


وواحد من الربع كان معه غماره 8 فقعه الى ماتقول ان الموتر مهوب له , تصدق انه يغير الزيت اذا مشى الموتر 3500 !!
<< من كثر الفقع صار الموتر ينقص زيت !!

الزبده << احس اني طولت بالحسي *_*
الجديد موتر ماشاء الله تبارك الله , خصوصاً الــ 10 خطه هبااال , ولو اني اتمنى انك تصبر الى ما يطلع الــ2011 مابقى له شيء تاخذه بوقته زين .


والله يوفقك للي فيه خير لك بالدنيا والاخره




تكفى ادعلي ومن يقرا ردي


والسلام عليكم ورحمة الله وبركاته

[حبل الوريد]

لاهنتو يالربع على المشوره ويبدو ان الصمله على الجديد

لكن الكثير اشارو لي بأن اصبر كم شهر لين ما يطلع 2011

مشكووورين

[هلي--2007--]

2010 افضل بكثير من واقع تجربه

[ريان9]

والله انا اقول 2010 علته انه نازل ولا موتر ولحظ مكينة الهايلكس 2010 و2005 وشوف ايهم اكبر طبعا 2010 مكيينته كبيره
والناس اذواق والواحد وده يرتاح من الورش ياخذ جديد ويريح باله ويضمن انه وكاله ماحد فجره
اما 2005 كل شعبنا تفجير ون لقيت اكيد ان الموتر حاصل له ولا غالي والله حرام احط بموتر قديم هالقيمه اطق لي جيب مستعمل افضل منه

ولاحظ المواصفات والشكل

الهايلكس 2005 بدي عليه العلم قوي
والبدي عادي يعني مهب منفخ مثل الجديد
الحوض صغير
من داخل السياره كل شي عادي
الصدام حديد واللحيه بلاستيك



الهايلكس 2010 بدي خفيييييييييف مكينه اكبر
الحوض اكبر من 2005
الاكسسورات الداخليه افضل من 2005 بكثييييييير
الوجه فيبر كله

مركبه مركب جيوب


وانا لاحظت ان الهايلكس الجديد فيه ثقل بالنفود ماهب طبيعي وعلى طول يغرز
وتوقعت ان المكينه مسببه الثقل هذا
ويوم ركبت الكعكات خف هالثقل

ولكن تبي نصيحتي مدامك واصل واصل ال60 الف وحوله دور لك جيب افضل لك
لاني كان معي هايلكس 8 وبعته وشريت جيب ورتحت كثيرررر

[صحيح]

خذ دبل وكل الله .
صحيح.