ممكن تفيدوني من فين اجيب ذا السنوركل

[ابو ناصر22]

بسم الله الرحمن الرحيم

انا كان عندي سنوركل مره كان حلو المشكله انو ضاع :@ :@

ودورت ما لقيت السنوركل لونع اسود واصفر << اتحادي :d

ايش الميزه الحلوه الي عجبتني فيه

انو من فوق فيلو قطعة بلستيك ايش تفيد ؟؟

انو لمن تنزل تحت القطعة تطفو والماء ما يدخل داخل السنوركل ابدا

واذا تعرفو محل يا ليت تقولولي يا من المدينه او جده او ينبع
<< والله ما فحالي اضرب مشوار ابعد من كذا :d

[A B D U L L A H]

فيه انواع جديده كلها نفس التصميم والحركه

تحصل بالنسبوك والبنقله بجده

[ابو ناصر22]

ان شاء الله انا بعد كم يوم رايح اشتري عده وان شاء الله الاقي مع اني اول دورت بس ما لقيت
مشكوور ما قصرت سامحونا طلباتي كثرة

[هشام يونس]

ياهلا فيك ابو ناصر
فعلاً السنوركل هذا من أفضل السنوركل الموجود بالسوق وانا شخصياً استخدمه
وكمان افيدك انه فيه فلتر من الأسفل لسهولة خروج المويه منه
والقطه الي فوق للإغلاق عن الماء لعدم الدخول
هذا تلاقيه في ينبع البلد
تخلي الاحلام على يدك اليمين وتروح على طوووول تجيك الاشارة الي فيها كبري المشاه كمان تروح على طول تجيك الاشاره الي بعدها تاخذ يوتيرن تجيك ثلاث محلات على يدك اليمين تلاقي محلين يبيعو نفس هذا السنوركل

وبالتوفيق ياعسل

[ابو ناصر22]

شكرا يا هشام ما قصرت يعطيك الف عافيه

[spearfish]

يا هلا فيك اخوي
انا كان عندي واحد بس المشكله ضاع علي اول

يجيك من فوق تقريبا زي الكورة ,, له اشكال كثير بس لما تحرك السنوركل شوي بتسمع صوت قطعه تقفل وتفتح وتقدر تسأل راعي المحل عن السنوركل الي تبغاه ولا يغشك يعطيك واحد غالي يقلك عشان الخاصيه هذي تراه ب 60 او 70 ريال تقريبا

[blue shadow]

السنوركل هذا ممتاز

انا استخدمه وهو مره مناسب معاي

بس مشكلته اذا كان في تيار و موج عالي ممكن يقفل بسبب الفلينة الموجوده فوق

[نبض الحياه]

ماشاء الله الاخوان فادوك

[ابو ناصر22]

تسلمو على الردود ان شاء الله القاه

[R20]

مثل ما قال كابتن هشام في ينبع الثلاث محلات بالبلد

و في جدة تروح للخريف تلاقي نوع ist قيمته 60 ريال

[ابو ناصر22]

مشكورين على المرور ما قصرتو

[أبو رتيل]

ياليت الاخوان يحطون صورة للسنوركل عشان نستفيد اغريتونا بالمواصفات

[spearfish]

السنوركل هذا ممتاز

انا استخدمه وهو مره مناسب معاي

بس مشكلته اذا كان في تيار و موج عالي ممكن يقفل بسبب الفلينة الموجوده فوق
بالعكس اخوي shadow اذا قفل مع الموج احسن لأنه ما راح يدخل مويه كل ما تجيك موجه

تقبل مروري ,,

[باترول 82]

ياريت اللي عنده مثل هالسنوكر ينزل صورته عشان نستفيد

انا بالنسبه لي السنوكر اللي عندي جابلي الجنان وابغا اغيره

[عامر11]

حياك الله اخوي بو ناصرعرفت الي تقصده هذا ممتاز للغوص الحر والحيالي . ولكن لا انصح بها للغواص المنقذ وذلك لأنه لن يستفيد منها عندما يريد ان يعمل التنفس المتبادل بينه وبين الغريق فبي وقت الانقاذ .
اما عن نفسي فاستخدم هذا السنوركل فقط في الغوص الحر اما غوص الاعماق لا استخدم هذا النوع .
وهاذي بعض الصور بلون ( الاتي ) في هذا الرابط وكل الـ 2 الاصفر ماركو اوشاينك .
وتقبل مروري ,,,,,,,,

[spearfish]

ياريت اللي عنده مثل هالسنوكر ينزل صورته عشان نستفيد

انا بالنسبه لي السنوكر اللي عندي جابلي الجنان وابغا اغيره
اليوم ان شاء الله اذا رحت البنقله باشتري واحد وبانزل صورته ان شاء الله

[ابو ناصر22]

مشكورين على المرور يعطيكم الف عافيه