استفسار من اهل الخبره

[الصادق2]

السلام عليكم ورحمة الله وبركاته
ارجو من اخواني الكرام تحديد افضل اماكن الصيد في ثول ورابغ (غوص - سنوركل ) والنزول من الكساره
وما رايكم في المنطقه التي بين مصنع الاسمنت والبخاريية وهل هي خطيره

[blue shadow]

والله ما عندي فكرة
الشباب يفيدوك انشاء الله

[عامر11]

وعليكم السلام ورحمة الله وبركاته .
حياك الله اخوي الصادق2
المنطقه الي ذكرتها ممتازة وهي افضل موقع والصيد فيه وفير بالتحديد بين مصنع الاسمنت والمحطه البخاريه وعلى فكرة توجدبه اسماك قرش بكثرة والحياة البحريه هناك بكر يعني لم تعبث به ايدي البشر ولكن للأسف ان الموقع محظور من قبل مركز حرس الحدود (الذيب) يعني يادوب تحط رجلك في البحر الا وهم فوق راسك يطلعونك ويعلقونك من عيونك . ه ه ه ه هه المهم
موقع الجامعه الي قريب نت شاليه المحافظ مسموح ولكن احتمال انك تنزل فيه اكثر من ساعتين يالله تشوف لك جوز سحل يتلاحقو يعني مافيه صيد ولا تتعب حالك فيه
بالفصيح انت تقدر تمسح الساحل انت واخوياك وتحدد لك مكان يكون مناسب للسنوركل ولكن انصحك قبل ماتنزل في المكان تعطي حرس الحدود خبر بعددكم لحالك راح يزعجك لكن 2 واكثر ممكن يتساعد معكم ويسمح لكم بشرط وانتو ماشين تدقو عليهم ونخبروهم.
اتمنى ان اكون افدتك وتقبل مروري,,,,,,,,,:c

[الصادق2]

ماقصرت اخوي عامر 11 والله يعطيك العافيه ولو فيه اماكن قريبه من رابغ وصعبر وثول ياليت تفيدنا

[عامر11]

لاتفكر في جنوب رابغ عليك بالمناطق شمال رابغ لأن الجنوب كلها كوشت عليها المشاريع الكبيره المدينه الاقتصاديه والجامعه بثول لكن روح عند مركز الذيب وانزل من عندهممسنوركل لأن الغوص هناك ممنوع فكلمهم على السنوركل فقط عندك مكان جنوب المركز بنص كيلو ....
يعني خليك بالنص بين مركز الذيب وبين السقاله الي ممتدة داخل البحر شمال المركز وانزل بحر وادخل مشي تقريبا 300 متر راح تلقى حوضين الي على اليمين صغير والكبير يساار روح لليمين للصغير نصف دائرة قطرها200 متر على الكساره انزلو في الحوض سنوركل داخل وحاولو انكم قبل تدخلون تتأكدون ان مافيها سمك قرش.. الحرس بيوافقون لك على حسب الشخص المتواجد هناك وانت واسلوبك
*وعندك جنوب مستورة فيه منطقة المزارع بتلقاها على الخط القديم قبل مستورة بــ5 كم انزل معها يسار وروح مع الطريق الي قبل المزارع يعني يكون اتجاهك غرب رايح للبحر قددامك والمزارع يمبينك ونازل مع شعيب المزارع الى حد ماتقرب عند الساحل بينحرف الطريق يسار نزول روح معاه مسافه بسيطه راح تشوف منطقه الساحل عليها شبك من وزارة الزراعه قديم لأن الموقع مجرى ومصب الشعيب الي نازل من جبال الابواء ويكون في قت نزوله قوي ويجرف يعني انتبه تجيه وقت موسم الامطار لكن هذا كان يحصل زمان :lr:l اما الايام ذي نقول الله المستعان والله يرزقنا من فضله حاول تدخل المنطقه هاذي وتروح في الراس الي داخل يعني شوف وين اكثر موقع على الساحل داخل على البحر روح له وانزل منه وروح سنوركل الي المنطقه الرمليه البيضاء قبل الكساره يعني لا تتعدى الكساره لأن هناك حركة السمك راح تكون هاديه والموج راكد وتقدر تطلع بصيد وفير .
الله يوفقك
وان شا الله يعوضكم الله يا أهل رابغ والله مااحد يلومكم جاتكم الشركات وحوطت عليكم البحر مايدرون ان فيه ناس عايشين بس على الجلب ورزقه منه كيف يسكرون عليه ويخلونه يربط في مكان بعيد عن المكان الي كان ينزل له من بيته حسبي الله ونعم الوكيل ........

[الصادق2]

الله يعطيك العافيه اخوي وفي موازين حسناتك ان شاء الله

شاكرلك على المعلومات القيمة وشاكرلك مرورك

لا خلى ولا عدم يا عامر 11