لاند كروزر 2008

[خرطوش الصيد]

السلام عليكم ورحمة الله وبركاته
مساكم /صبحكم الله بالخير.............
ياخوان انا عندي لاندكروزر2008 فل كامل وفيه زر عند القير واحد بور والثاني بالنجليزي2nd
حقت ايش وكيف طريق استخدامها؟؟؟

[خرطوش الصيد]

وين الردوووووووود

[خيال النفود]

عزيزي البور هذا يحشر النمره يعني يخليها تطول قبل لاتغير
وتو اند هذا يقوم الموتر بنمره رقم 2
وتستخدمه لاصرت مغرز ومشغل الدبل الثقيل
ام البور تستخدمه للمقاومات ولا تطعيس

[asdali]

عزيزي البور هذا يحشر النمره يعني يخليها تطول قبل لاتغير
وتو اند هذا يقوم الموتر بنمره رقم 2
وتستخدمه لاصرت مغرز ومشغل الدبل الثقيل
ام البور تستخدمه للمقاومات ولا تطعيس

الباور هذا اذا كنت في الطلعات ولا تبغى الموتر يبدل بسرعة عشان ماتفقد عزم الموتر .

و2 اند هذا تقوم فيه الموتر من التعشيقة الثانية ولا تستخدمه ابد مع الدبل الثقيل لان الدبل الثقيل مصمم يعطيك اقوى عزم على دورات منخفضة فاذا حطيت 2 فأنت كأنك تلغي خاصية الدبل الثقيل وتجهد المحرك .

2 اند مثل ما ذكرت تستخدمه عشان تقوم الموتر على سطح مستوي يكون فيه ماء ولا ودك الكفر يزلق او مع الدبل الخفيف عشان الموتر ما يحفر كثير لكن لا تشغله مع الدبل الثقيل ابد

والله يوفقك

[شامخ الشيـبان]

ما قصرو الشباب

[خرطوش الصيد]

اقوال مختلفه ياليت تفيدونا

[الشنه]

من واقع تجربه

الزر هذا سبق ان استفسرت عنه من وكالة تايوتا

وظيفته
تسخدمه مع الدبل الثقيل وهو يقوم الموتر بالثاني
علشان ما يصير ضغط كبير على المحرك لمسافه طويله
احياناً تحتاج للدبل الثقيل مو شرط تكون مغرز
في صعود جبل او غيره
ويمشي الموتر والمكينه مرتاحه


وبأمكانك التجربه وراقب دورات المحرك
وراقب السرعه بأمكانك توصل 60 والسياره ما غيرت من الأول للثاني
علشانها قايمه بالثاني اصلاً
فيه تناقض مع كلام احد الأخوه فوق
هو يقول ما يستخدم مع الدبل
وانا اقول استخدمه مع الدبل الثقيل والخفيف وبدون
ما عندك مشكله
حسب الضروف واحتياجات الطريق

الفكره ان الموتر يقوم بالثاني فقط

ارجو ان اكون قد أفدتك