استفسار عن بخاخ ينظف بخاخات لاند 2008 . بنشري بترومين الجديد ؟ يوجد صوره

[خيال النفود]

مساكم الله بالخير جميعا
اليوم مريت بناشر بترومين اكسبرس الجديده
ولقيت عندهم هالبخاخين
يقولي تنظيف بخاخات
واحد يحطه بجهاز ويشبكه بالمكينه
والثانيه يكبه في تانكي البنزين
وسعره 250 ريال يقول هذا بعد الخصم ولا قبل الخصم 500
بس انهم مسوين عرض
انا موتري 2008 قير عادي وماشي الحين 122 الف
والبخاخات عندي تمام وكل شي زين ولله الحمد
بس اللي اسمع عنه انه لازم يكون فيه تنظيف للبخاخات
مادري هل هو مناسب للبخاخات ولا
هل احد جربه من قبل ولا شغلهم نصب ؟
وهذا صورة البخاخات
اتمنى اللي عنده خبر يفيدنا
والف شكر لكم مقدما

http://www.m5zn.com/uploads/2010/7/2/photo/070210120753q7ame87croetx8me.jpg (http://www.m5zn.com)

[العراك]

iهلا خيال افضل شي عند البازعي بس ماعرف اسمه الا انه ممتاز

[asdali]

ما انصحك به ابد

ان ودك تنظف البخاخ خذ لك علبة تنظيف البخاخات من ميتسوبيشي بـ30 ريال اصلية لكن لا تشم ريحتها ابد يغمى عليك . وهي فعالة بجد لانه شغل مصنع ما هو شركات تجارية همها الربح .

بالتوفيق

[بدوي جنوبي]

نصيحه لا تستخدم اى منظف
دام ان المحرك مضبوط

[moooj]

خيال وانا اخوك
اننننننننحش وبقوة
الموتر 2008 ما شاء الله لاقوة الا بالله
ودام ما به الا العافية فلا تسمع لخرابيطهم
بعض المعالجات تفتت الورق الي داخل فلتر البنزين والطرمبة تدفعه للبخاخات
وقد تكون النتيجة عكسية بتغيير البخاخ بدل تنظيفه
وفقك الله

[قناص خلاوي]

ياخوي لا تفتح على نفسك ابواب انت بغنى عنها
موترك ماشاء الله جديد ولا فيه اي عيب
إلى منك اخذت لك سبع ثمان سنين ان شاء الله
هكالوقت انشد

[شامخ الشيـبان]

مثل ما قال الاخ الي قبلي لا تفتح على نفسك باب
ما دام موترك لله الحمد ما فيه شي خله لا تعميه

[venom]

كلام الربع صحيح موترك توه جديد لاتنضف البخاج الا بعد انقطاع السبل عندك السياره يتغير اداءها من فلترالهوا وفلتر البترول والبلكات وفيول بمب اذا صارت عندك مشاكل في البترول شيك كلي اللي قلتلك عليه واذا مافاد نضف البخاخ بس تنضيف البخاخ يصير علي جهاز يفتح البخاخات من المكينه وينضفه من الخارج وبعدين يحطه علي الجهاز وينضفه بماده شفافه مثل الماء وسلامتك انا عندي تويوتا موديل 1997 قبل شهر منظف بخاخه وماشي عندي 600 الف .

[العبقري 2008]

نف كلام الاخوة ..

[قرم العيال]

لا تحوس موترك بيدك نصيحه

[دايم العز22]

طيب واللي موتره 2002 ؟

[كرم القلوب]

نصيحه لا تلمس فس موترك شي

انا نفس سالفتك كنت بنظف موتري هدد 2009 بس لما سالت قالوا انتبه حركه الموتر ما فيه شي

وفي الخط يجيب طبلونه وهو مرتاح ليه العب بالمكينه وانقص عمرها .... خلها على شدة بلادها ...

[Hwer]

ياخوي موتري مديل ٩٦ ولاعمري نظفت بخاخات الموتر صافي والحمدلله

[سوبر VTC]

البخاخات قليل جدا خرابه 1%
بدليل البخاخات كوم بالتشاليح
و اسعارهن بلاش ب100ريال الى 200ريال
و علامة خرابهن تقطيع بالموتر تفتفة

انصحك لا تحرك ساكن
و ان كان قروشك زايدة سلفن اياهن :d

موفق

[ابوشاادي]

خياااال النفووود ....... لاتدور شي ماااضاع لك يالغاالي .... ولاتطرف عينك بكمك

[خيال النفود]

الله يبيض وجيهكم جميعا
والله يجزاكم الجنه
ويجزاكم الف الف خيييييييييير
كلامكم جميعا مقنع
الف الف شكر لكم من كل قلبي
وعسى الله يجعلها بموزاين حسانتكم يارب ياكريم