ماهو سر عروض شركة بالبيد

[الكاسر4]

ارجو من عنده علم افادتي
وددت ان اشتري سياره جمس يوكون اكس ال
السعر عند الجميح بنظام التأجير يكلف تقريبا 202000 بدفعه اخيره حوالي 37000 بفسط حوالي 3000 ريال
اما عروض بالبيد بنظام التقسيط تكلف 160000 بدون دفعه بقسط حوالي 2600 ريال
سؤالي ماهو السر في الفارق بالسعربين الشركتين
البعض يقول فرق في التصنيع والمواصفات بترجيح كفة الجميح واخر يقول لي سيارات بالبيد من السيارات المتأثرة بسيول جده
ارجو من الاخوه افادتي وجزا الله الجميع خير الجزاء

[ولد الغلباء]

انا اشوف الناس بالسوق يرغبون الجميح ولا ادري الصراحه وش السبب وانا جربت السيارتين الجميح وبالبيد مافيه اي اختلاف نهاااااااائي

[ابو وليد2008]

يارجال الجميح وبالبيد كلها من مصنع واحد انا شريت كابريس وشفت اللي عند بالبيد واللي عند الجميح كلها واحد وما فيه فرق
شف الارخص والمناسب وتوكل على الله

[ابوعقل]

اكيد انا ابي اخذ العرض الافضل

بالبيد ما عنده صيانه ؟؟؟

اكييد عنده والسياره عليها ضمان

انا اقول توكل على الله وخذ العرض الافضل لك

وشف المواصفات اللي تبي ورح عند بالبيد وخلهم يطلعونه لك

انا مريت الجميح يوم شريت سيارتي وقالي 150000 ريال

وعند العيسى 136000

علطول خذيته من العيسى

[بو خليفه]

اشتر اللى اقل سعر و كلهم سيارة وحدة

و ضمان لا يوجد سواء الجميح او بالبيد

لان الضمان مشروط بصيانة يعنى بدون ضمان

[aborajwa]

اخي الفاضل الكاسر الفرق بينهم بسبب التأمين اللي محسوب عليك في نظام التأجير اما الاقساط فما عليه تامين .. هذا هو سبب الزياده والتأمين تقريبا 4 % من قيمة السيارة كل سنه ..

[سوبر VTC]

اذا كان التاهو يجي اكس ال فخذه افضل من الجمس من ناحية السعر

لا تنسى الاستخارة بعد الاستشارة
موفق

[سوبر VTC]

ما الفرق بين شفرولية Chevrolet و جي إم سي GMC - منتديات مكشات (http://www.mekshat.com/vb/showthread.php?t=128972)



الفرق بين مقاسات الجموس 1500 - 2500 - 3500 - منتديات مكشات (http://www.mekshat.com/vb/showthread.php?t=190194)



ماهو الفرق بين التاهو من شفر واليوكون من جمس ؟؟؟ - منتديات مكشات (http://www.mekshat.com/vb/showthread.php?t=207452)


تاهو Ltz 2009 (بالصور) - منتديات مكشات (http://www.mekshat.com/vb/showthread.php?t=185832)



رايكم يأهل الشفر .. تاهو Ltz او Lt ؟؟ !!صوت بالداخل - الصفحة 2 ... (http://www.mekshat.com/vb/showthread.php?t=284751&page=2)


مشورتكم بخصوص التاهو Ltz - منتديات مكشات (http://www.mekshat.com/vb/showthread.php?t=124108)



الفرق بين تاهو Ltz و Z71 (دبل + 2008 + فل كامل) - منتديات مكشات (http://www.mekshat.com/vb/showthread.php?t=130611)

[خب حداجه]

اخي وينه البالبيد

[القمة العالية]

طيب يا خوي شي طبيعي لأن الجميح بيعطيك السيارة بنظام التأجير يعني لازم تدفع نسبة تأمين لأن السيارة للجميح وأنت مجرد مستأجر فلو اعتبرنا أن نسبة الربح 4,5% راح يضيف عليها أقل شي 4% للتأمين يعني تطلع عليك الزيادة 8,5%

لكن بالبيد بنظام الأقساط وتطلع السيارة باسمك بدون تأمين لأنها ملك لك وماراح تزيد إلا هامش الربح إللي هو تقريبا حوالي 4% فقط



نصيجتي لك خذ من بالبيد وتوكل على الله إلا إذا كان بتاخذ كاش فالجميح أرخص في الكاش يعني يفرق عن الوكلاء الآخرين من 3000 إلى 7000 تقريباً


بالتوفيق

[راكب الشفر]

كلهن مثل بعض
بس الجميح بيعطيك الموتر بس بنظام التأجير المنتهي بالتمليك
وهنا يحسب معه التأمين
والثاني تقسيط فقط لاغير

وانا لو محلك باخذ الارخص

[تميمي]

خذ الارخص بس تأكد من سلامتها من العيوب ...

[موتر بر]

مو مشكلة خذ من بالبيد وامن الموتر , وكان الله يحب المحسنين. ما راح يكلفك تامين غير 350 بالسنة اذا التأمين على الغير. واذا تبي تامين لك وللغير ما اعتقد بيوصل التأمين اكثر من 1500 ريال بالسنة ..


جرب ودق على التعاونية للتامين وحدد نوع سيارتك وموديلها وشف كم بيقيمون التأمين الي راح تدفعه ...

[كريم الطباع]

زي ما قالوا الاخوان لأنه اجار منتهي بالتمليك
وانصحك تاخذ التقسيط لأن السيارة تكون باسمك حتى لو بغيت تسافر برى ولاشي

[الكاسر4]

جزا الله من قام بالرد من الاخوة خير الجزاء وهذا دلالة للتلاحم الاخوي بين اعضاء هذا الموقع العزيز على قلوب الجميع (مكشات) فلجميع خالص شكري وتقديري