وش تنصحوني به تفضلوا يالربع

[ابوعفر]

بسم الله والصلاة والسلام على رسول الله
يالربع كيف حالكم عساكم طيبين
اول شي انا رجال احب الطير وحب شوفة وانا ماعندي طير فاحبيت اني اشتري وش تنصحوني فيه
كبداية شاهين ولاحر ولا وكري
ولا اخذلي وحش وادربة احسن
والله انا قلت مدام اهل هذا المنتدى موجودين ان شاء الله محد ييقصر ودي بنصايحكم
وانا من هل قطر

[ابوسمرى]

انا اشوف انك تاخذ لك وكري صايد
الوكري زين للمبتدأ ويكون صايد اسرع التعلم عليه.
والاخوان مايقصرون ...

[سعود السهلي]

بخير الله يجمل حالك

وانا انصحك تاخذ طير شمالي هداد وراكد ابرك لك يصقرك وتعلم منه

وترا سعره مناسب

والله يوفقك

[شطب]

انصحك بشبط جبليه

رخيصه وطبوعها حلوه ولاهيب قليلة شر

تطبب فيها لين الله يفرجها

وترا أكل العنب حبه حبه :good2:

عسى الله يرزقك بالناادر

[راعي طلاع]

خذ وانا اخوك الوكري وجهن مبارك وطيرن صامل ويطلع والا بخصت الطيور
هذاك الوقت اخذ وحش وعلمه على يدك والله يوفقك وانشوفك في يومن من الايام ناخذ العلم منك.

[قنيص غير]

انا اشوف انك تاخذ لك وكري صايد والاخوان مايقصرون

[صاحب نوماس]

وانا اخوك افضل شي للتعلم الوكري والله ياهو صبوووور صبر مايصبر طير

[شقردي الجبيل]

وكري افضل لك وتقبل مروري

[ابـــًًو تركـــًي]

وكري وكري وكري وكري
تعلم عليه وهو صبور
والله يرزقك

[ولد حايل]

حياك الله

اسأل الله ان يكتب لك الخيرة

وانصحك ان تأخذ لك وكيري رخيص

تتعلم عليه وتعرف طرق واساليب النقل والدعاء والتدليه والهدد والقنص

وليا كتب الله وعرفت كل شيء وبخصت كل شيء

سم بالله واعتقه لوجه الله

ثم طب وتخير وانت واثق بحول الله

وفقك الله والجميع لكل خير

[نايف العويمرى]

انا انصحك ان تخذلك ( شــمـالى ) وطبوعه حلوه قرنااس صايده وينومسك ...

[راكان1000]

اخذ لك جبليه(شاهين جبلي) هي اللي بتونسك على الحمام والكراوين والوافيه منها اذا الله وفق صادت الحبارى وطبوعهازينه وسعرها طيب اما الوكري اللي ماله اكل الا الجراد واحد في الميه سبوق بيركهك الطيور هذا رآي الشخصي والله يوفقك

[ابوناصر السهلي]

افادوك الاخوان

[راعى شاهين]

انا ودى انك تاخذ شيهانه جبليه فرخه تونسك وخاصه على الحمام كبدايه

[صقارشيهان]

اذا تبي تتعلم وكري احسن لك

[ع . العولقي]

والله انا مثلك مبتديء وشريت شيهان جبلي .. ومايحتاج طير زين ووافي والله يوفقك

[بواردي الدبدبه]

الله يرزقك<>

[ابوشروان]

خذلك وكككككككككككككككككككري
الوكري صبور

[بدر الظفيري]

مابها كلام الوكري تعلم عليه لين ربك يفرجها

وبعدين سعرة مناسب

أما الشاهين يتعبك شوي ..

[فهد الدقباسي]

مالك اخوي الا الشياهين البجات هي الي تونسك على الحمام

[ابوحمد 2009]

هلا والله وغلاا

الله يحيك

[عبدالله 3]

هلا بك اخوي والله من رايي انا شيهانه جبليه فرخ تبع سهلة التدريب وقيمتها بسطيه

[قرناس شماالي]

السلام عليكم ورحمة الله وبركاتة

اخوي انصحك بلوكري وهو صبور ويصلحلك كاصقار مبتدى

ودور صايد لاتاخذ وحش لان يغربلك ونت مبتدى

والله يرزقك

تقبل تحياتي \ صيادسكاكا

[ديوان العرب]

السلام عليكم اشوف بعض الصقارين يقولون شمالي ولا ادري وش يقصدون بشمالي هل هو المثلوث او الوكري ؟

[skeet]

الله يوفقك