مطلوب افضل ورشة لفحص السيارة بشرق الرياض

[هاوي نجد]

:lr:lr :lr



ابحث عن ورشة لفحص السيارة المعروضة للبيع وتكون بشرق الرياض
السيارة المطلوب فحصها لاندكروزر


وجز الله خيراً من ساعدني في هذ الطلب لأنه هذا ما تعودناه من اعضاء هذا المنتدى


وللجميع مني الشكر والتقدير


:good2:

[عاشق4500]

حياك الله يالغالي
عند البريدي على شارع المعارض ووجهك جنوب تعد اشارة المعارض يجيك بعدها على اليسار
وتراه افل واحد يفحص الموتر من الى في الشرق بس عيبه غويليي بس اطلع وانت متطمن

وانتبه من مركز كاركت انوع النصب

[escape_man]

البريدي من وجهة نظري افضل ورشة .. ومكانه قريب من المعارض

انا فحصت عنده سوبربان بـ 350 ريال

وكنت عارف اعطاله قبل وفعلاً نبهني لها

[هاوي نجد]

:good2: الله يعطيكم العافية ويجزاكم كل خير على سرعة تجاوبكم


لكم كل التحية والتقدير

[قناص خلاوي]

البريدي ممتاز
لكن اذا ركب العامل يفحص السيارة لا تركب معه ولا يركب معه الرجال اللي باعك أو اشترى منك
انتبه يركب معه راعي السيارة
لان مرة واحد من الربع وهو خبير سيارات وعمره بالمعارض ترك الشاري يركب مع الهندي
يوم رجعوا قال الهندي الموتر فيه كارونه ، طارت عيون الرجال لانه خابر موتره 100%
يمين يسار مع البريدي قال ابد عمالي تمام ولا يغشون ، قال افحصها انت بنفسك يالبريدي ، قال ماعندي وقت ويكفي العامل !!!!!
المهم الرجال نزل للشاري الف ريال حقت الكارونة ويوم تبينت الامور والا الشاري داهن سير الهندي بكم قرش ومخليه يحط بالسيارة اللي ماهوب فيها ..

[هاوي نجد]

:l


مشكور اخوي قناص خلاوي
الله يسترعلى المسلمين من ضعاف الدين والذمه



:no2:

[أبو ملوح 5]

البريدي ممتاز
لكن اذا ركب العامل يفحص السيارة لا تركب معه ولا يركب معه الرجال اللي باعك أو اشترى منك
انتبه يركب معه راعي السيارة
لان مرة واحد من الربع وهو خبير سيارات وعمره بالمعارض ترك الشاري يركب مع الهندي
يوم رجعوا قال الهندي الموتر فيه كارونه ، طارت عيون الرجال لانه خابر موتره 100%
يمين يسار مع البريدي قال ابد عمالي تمام ولا يغشون ، قال افحصها انت بنفسك يالبريدي ، قال ماعندي وقت ويكفي العامل !!!!!
المهم الرجال نزل للشاري الف ريال حقت الكارونة ويوم تبينت الامور والا الشاري داهن سير الهندي بكم قرش ومخليه يحط بالسيارة اللي ماهوب فيها ..


اخوي قناص خلاوي . كلامك مع الاسف خطاء في خطاء . بقولك ليش لان اول شئ لازم تطلع مع اللي بيجرب السياراة خارج المركز . وثاني شئ المركز ما فيه آي هندي يفحص السياراة خارج المركز
وانا ما ما اتوقع انك تكذب بس يمكن مخطي ولا ناسي

تقبل تحاتي .,

[عام88]

مثل ما قالو الربع البريدي ممتاز

[قناص خلاوي]

اخوي قناص خلاوي . كلامك مع الاسف خطاء في خطاء . بقولك ليش لان اول شئ لازم تطلع مع اللي بيجرب السياراة خارج المركز . وثاني شئ المركز ما فيه آي هندي يفحص السياراة خارج المركز
وانا ما ما اتوقع انك تكذب بس يمكن مخطي ولا ناسي

تقبل تحاتي .,


كلامي ماهوب خطأ ولا ناسي اخوي
اخذت الكلام من فم الرجال صاحب السيارة وهو يبيع ويشتري بالسيارات من عشرين سنة
والقصة صار لها مدة ماهيب هالسنة

اذا كان اللي يجرب السيارة هو اللي شاريها ماهنا مشكلة لازم تطلع معه
لكن اذا كان فني من الورشة يطلع لحاله عشان مايحصل فيه ( إن ) من البايع أو الشاري اذا ركب واحد معه ..

وان كانك تبي رقم الرجال اللي أعطاني العلم ارسلته لك اخوي وتاخذ من راسه ..

[قناص خلاوي]

وهذي قصة ثانية صارت لرجال اعرفه عز المعرفة اخذتها من فمه الحين
يقول شريت سيارة وشكيت إن الباب اللي ورى السواق مسمكر وجنب الموتر ما اعجبني
رحت مع الشريطي راعي السيارة لورشة قديمة شمال ورشة البريدي
تكلم مع السوداني قال تأكد من السمكرة ( مع السوداني جهاز فحص السمكرة الصغير)
قال السوداني وين انت شاك فيه ؟ رد عليه بالباب الخلفي وشيك على البودي كله
يقول الرجال طلعت اصرف من الصرافة ورجعت
بشر يازول ؟؟
قال : كلامك صحيح في سمكرة بالباب بس وباقي الموتر 100%
بعد ماشراء الرجال السيارة فحصها ثاني مرة طلع الجنب كله مسمكر والكبوت مرشوش بعد
والدعوى صارت بخشيش بين الزول والشريطي ...

علشان كذا يالربع / ما يحك جلدك مثل ظفرك
لاتاخذ كلام الورش على انه قرآن منزل وصحيح
ترى فيهم الغشاش وفيهم الغشيم وفيهم راعي البقشيش

[أبو عقل 1403]

البريدي فحصه ممتاز لكن زي ماقالوا الشباب غالي وعندك الغروب لكن ماادري عن فحصهم

[_دربيل_999]

أبشر والله بالشور اللي بيحفظ دريهماتك وكان دفعتها بتدفعها مقابل عمل يستاهل ما دفع فيه...
أولاً مقدر أوصف لك أحد وأزكيه وأقول لك رح ولا تتردد لفلان أو لعلان..


ثانياً إنتبه تعجبك كبر وصغر الورشة وخاصة اللي لامن دخلتها إستقبلك راعي كرفته وصار يبسط لك الإمور ويصعب عليك الأسعار...:eek:


اخوي الله يحفظك ميكانيكيين الورش اللي كان خباز واللي راعي واللي سباك انا وانت ما نطلب مؤهلات الميكانيكيين نصدق وبس..:mad:


اخوي مبي أصعب المهمة أكثر...
فيه ورش تعطيك عمل ممتاز وورش عادية جداً..
السيارة سيارتك وأنت إقدر الناس في متابعة عمل عدة ورش والوقوف على النتائج في سيارات الآخرين وكذا أقل شيء بتحصل على عمل مرضي...
أما إذا بتستمع للمادحين لورشة فلان وفلان فأنت تقترب من الخطر...
حمانا الله وإياكم من كل نصابين الأمة..


خالص تقديري..


الروقي

[سوبر مكشات]

انتبه من الورش اللي بالمعارض

نصابين



اذا تبي شوري اعرف مشاكل اللاند من المنتدى ومن منتدى تيوتا العربيه

وافحص كل شيء بنفسك

او خذ الموتر لل10ورش بالصناعيه القديمه او صناعية االخليج
وشف وش يقولون ثم رح

للي يقولون (البريدي)
انا ما اعرفه ولا تعاملت معه

وزي ماقال اللي فوق
ماحك جلدك مثل ظفرك

واعرف راعي الموتر
وش لون استعماله






وتعرف استعماله من وجهه
غالبا
اذا كان هو راعي السياره مب لاحد عياله


ومادام انك بتشري لاند


رح لقطر

وطب وتنق نفس الاسعار لكن

تلقى



النظييييييييييييف




ومراكزهم يعطيك تقرير كامل عن كل قطعه بالسياره



وبعض المراكز يدخل السيارة بس
لاراعيها ولا المشتري يدخلون







الله يوفق الجميع
لما يحبه ويرضاه

[مداحش]

بالتوفيق 0