المشراق 29 (المثعب)

[خشم الحصان]

الاخوه الغالين
السلام عليكم ورحمة الله وبركاته
مشرقنا اليوم يبي يتكلم عن البيوت القديمه وشلون يصرفون المطر من سطوح البيوت والطوايا *وذلك عن طريق
المثعب اذا ماهو

http://www.mekshat.com/pix/upload/images8/mk2673_almathab1.jpg

المثعب جمعه (مثاعب) او مرازيم مثل قولتنا اسوو شماغي وحطو له مرزام اي شي بارز
والمثعب او المرزام هو عباره عن اداة لتصريف مياه الامطار من السطوح البيوت القديمه منها
ويصلح المثعب من جذوع شجر الاثل اليابس وذلك بتركه في الضل وليس في الشمس حتي لا يتشقق الجذع ثم يقوم النجار بقص الطول المناسب للمثعب ويوخذ في الحسبان عرض السكه وانتم تخبرون منول السكيك ضيقه يعني من النادر ان تجد مثعب اطول من متر وذلك خشية انه يصب علي جدار البيت المقابل وخاصه في بيوت القري القديمه
وبعد اخذ القياس وقصه يقوم النجار بقص الجذع مع النصف مثل مانقص جحة السيدلان ثم يقوم بتفريغ الجذع مع الوسط ويترك سماكه للجذع تقريبآ ثلاث قفلات* وبعد ذلك اما ان يدعك بودسه مره لين يتشربه خشية ان الارضه
تاكله او ينقع في شي يمنعها عنه مثل الديزل وان كان نادر في ذلك الوقت
الحين المثعب زاهب اي جاهز
يتم تسليمه الي الاستاد او البناء منول ويقوم الاستاد بتثبيته في الجدار تثبيت قوي وذلك بوسطة الفرش* و يمش* عليه الجص او السمنت ويكون المثعب انزل شي بسيط عن السطح وذلك لتمكين السيل من الخروج بسهوله ولا اذا هو رفيع ولو قفله ارتخت الطايه او السطح ثم قام يخر مع السقف
ولاولين الله يرحمهم برحمته امين حرصين منول علي المثعب ويقومون بفجره اذا هو منسد من عشاش العصافير او حمام الديره او شي ساده قبل موسم الامطار
ومنول المثعب احسن مكان لصيد العصافير او الخوطيف و (الضواطير)طططط كرمكم الله
ومنول الجدان الله يشملهم برحمته امين يقيسون قوة المطر بقوت صب المثعب وكبر سطح البيت
مثال
1- صبه سوربه يعني شوي
2- نصف السكه يعني قوي
اذا درينا ان السكك منول 5 او الهاي ويه 7 متر

http://www.mekshat.com/pix/upload/images8/mk2673_MRAZIM-2.jpg
وهذي صوره لمجموعه من المثاعيب او المرزيم مصنوعه من الحديد وبعضها من الخشب
والحين نقيس قوة المطر قامت اشوارع تمشي وهي زفلت لو تكب بياله مشت وين المثاعيب
ارجو ياخوان ان اكون وفقت في كتابة الموضوع ونقلكم الي الماضي
اخوكم
خشم الحصان
نرجو الدعاء الله يثيبكم
الطوايا جمع طايه وهي مكان منول ينمون فيه اي مكشوفه
القفلاه وحدة قياس منول وهي عرض الاصبع
الفرش عباره عن حجر مستوي
يمش اي يمسح مثل قولت مش خشك يعني يمش افهموها
المصدر
الكاتب
.............
جريدة الرياض
...........
الصور
جريدة الرياض
مجلة تطوير(الهيئه العليا لتطوير مدينة الرياض)

[* ضب *]

رد مقتضب

شكراً لك

[عجمي]

السلام عليكم ورحمة اللة وبركاتة ........


تسلم واللة ياخشم الحصان على المعلومات القيّمة ......


وننتظر القادم ويعطيك العافية ,,,,,,,,,,,


وتقبل تحيا تيييييييييييي




ياما حلى الفنجال مع سيحة البال = في مجلسٍ مافية نفسٍ ثقيلة


هذا ولد عمٍ وهذا ولد خال = وهذا صديقٍ مالقينا مثيلة

[المنتصر بالله]

والله من كلامك تقول المثعب أفضل مكان لصيد الضواطير مادري وش تقصد؟

لايكون تاكلونها مثل الأندونسيين يقولون أنه علالالالالالالالالالاج

الله يقرفهم

والله أن بناء بيت الطين يعني غرفة أفضل من الخيمة
والآن كثير بدأ يطبق هذا


أخوك المنتصربالله

[خشم الحصان]

الاخوه الغالين
السلام عليكم
حياكم الله وياهلا كل الهلا فبكم
............................
الاخ الحبيب والغالي
ضب ورك مقتضب الله يثيبك امين (((((شكرآ))))) اجل عجل مامعك وقت يالغالي
عموم مرورك والطله تسوي الشي الكثي لي
ياخيي بين من صورة الاسد انك (م ق ت ض ب )
اخوك
خشم الحصان
.........................
الاخ الكريم
عجمي
حياك يابعدهم وتسلم والقادم ان شاء الله احسن مشكور كل الشكر علي المرور والمشاركه
اخوك
خشم الحصان
................................
الاخ الغالي
المنتصر بالله
حياك الله
طيب اشرح لك يالغالي
منول يوم حنا صغار كان معنا نبابيط (نبيله) وكنا نتعلم الصيد علي العصافير والضواطير ...حلو ارجو ان تكون فهمت الله يغفر لنا ولك امين
انت تقول (لايكون تاكلونها مثل الأندونسيين يقولون أنه علالالالالالالالالالاج)
اخي الكريم اذا كنت تقصدني غفر الله لك فانا اعتبر ماكتبت سبقة لسان او زله
عموم حياك الله يالغالي
علي مرورك والمشاركه
اخوك
خشم الحصان

[أبو فالح]

السلام عليكم ورحمة الله وبركاته


الله يعطيك العافية ... دايم إمشريقاتك أيوسعن الصدر وينقلن القارئ إلى هدؤ وبساطة الماضي


لكن لاهنت .. أنا دايم أسمع عبارة تتعلق با المثعب ولا أدري وش معناه .. يا ليت أدخله مشراقك ..

العبارة هي :

أفلان مثعبه مشبي

وش معنى مشبي يا العم خشم الحصان .

تقبل .. أعذب تحية

[راعي المدّى]

أخوي الغالي ابو محمد خشم الحصان
ياحبي لك ومواضيعك اللي توسع السدر ... الله يغفر له .... هو .... ويغفرلك بعد يابييي نسيت شي تعتبر من المثاعب وهو السياله مادري أنت شفته والا جت عقبكم السيالة : وهي جخر بجدار السطح ثم يسوى له درب الين ياصل الأرض يحط له مثل السكة من الجص علشان السيل والأشياء الأخرى مثل ما أنت عارف ... هو أنت ماتذكر لما تقوم لصلاة الفجر وتمشي بالسوق وتقعد تعرك عيونك المغمصة والا واحد من أصابعك يشتغل بحد حفر خشمك وما تدري الاّ اوهاكلكجة وترفع راسك لجخر السيالة وحضك ياذيك أوذاك ..... وماتدري الأ ريحة الزغاغيل تجيك مع السوق كل كاج اللي تيسر .... أيام حلوة يابومحمد ... بهالسطح لاجاكوزي ولافرنجي ... الله يغفرلك ويجزاك كل خير ذكرتنا بيام خوالي ... تسلم لي يالغالي

أخوك :
راعى المدّى
ابو ابراهيم
sishaye@hotmail.com

[كشاتي]

شكراً على هذه المعلومات ...



ابوفالح ... مشبي جايه من شبى او شباء...

والشباء ماينبت على السفينه اذا تركت في البحر لفتره طويله من دون استخدام ولم يتم غسلها...

نبات لونه اخضر زلق...

وان شاءالله اكون ما اخطأت ...

[بن نويشر]

بارك الله فيك أخوي خشم الحصان ورفع الله من قدرك والأخوة أجمعين على هذه المعلومة . ولكن هل لك بإكمال المعلومة وإفادتنا كيف كانوا الأباء والأجداء رحم الله من مات وأطال عمر الحيين منهم بطاعة الله .. كيف كانوا يصنعون سقف السطح بحيث لا يكون هناك تهريب والماء ينسل بشكل سريع مع المرازيم ؟ وكيف كان سترة السطح والجدران لا تتخمر وتسقط عند هطول الأمطار وبارك في الجميع .

[المربد]

اطلت الغياب علينا فامست
تسافر نحو المشراق العيونا

من غير شر يا بو يراح. اشتقنا لمشراقك وعساه حس ما يطفأ..
ولكني احتج على تقديرك لعرض السكة بقولك انها كانت خمسة امتار ، ؟؟
بارك الله فيك لو كان عندهم سكيك بهالعرض كان يلعبون بها كرة وسباقات ساحة وميدان ، الله يغفر لهم ويرحمهم ما كان هناك سكيك واسعه مثل الحين.
انا شفت بعض بيوت الاولين يحطون مرزام من جذوع النخل يصلح والا لا؟
على العموم مشكور يا بعدهم ..
ومثلك ما يحتاج توصية، انتبه من سؤال ابو فالح تراه ناصب لك حبالة..!!

[حد السيف]

السلام عليكم ورحمة الله وبركاته
الغالي ابو فالح
الله يسامحك بس
سؤالك هذا بالصميم
وش تقصد ابو محمد يتروش كثير يعني من الحر ها الايام الله
الله يهدك بس ابو محمد معلق بشتة على كربة ومنذو مبطي


محبك حد السيف

[خشم الحصان]

الاخوه الغالين
السلام عليكم
حياكم الله كلبوكم وياهلا كل الهلا
.........................
الاخ الغالي
ابو فالح
الله يغفر لك اخيي قل امين (لا تنشد وانت ابخص ) الله يثيبك لكن ابعلمك ولون بعض الناس كب الزدر معد هوب الصحن.
الاخ الغالي
حد السيف يقول(الله يهدك بس ابو محمد معلق بشتة على كربة ومنذو مبطي) لا ياخيي حد السيف
المزرعه بعنها وشرينا (فيقرا) ازرق بقيمتها واذا ودك يابوفالح امرك ونسير علي لي انت خابر ونمتع عيونا
علي كم شعيب
الحين عرفة اذا هم قالو
فلان مثعابه مشبي هذولك منول ام هالحين لا ياخيي يحلون الواجب في الليل ويصححون في النهار وهلب انه يحل سوال واح ويطلع صح ياكثر الدواوير الحمر
اخوك
خشم الحصان
..........................
الاخ الحبيب
ابو براهيم
اقول الله يرفع قدرك امين كلنا عيال قريه وكلن يعرف اخيه (صح) اضن (صح)
والسطح منول مايخلي من جمشة لبنه (للتبوبح) واذا امتلت لا حوها وجابو بدالها والسبه قل الماء
والمشوخ تقول سنه ............ شطوب عرقوب
اخيي لي انت تقصده هذي يحطونها يم باب (البر) لي مايمره الا نادرآ احد
اخوك
خشم الحصان
......................................
الاخ العزيز
كشاتي
لا ياخيي ماخطيت بس الارض فيها خبوت وانتبه لاياك تخمع مثل المثل لي يقول
(ورا خشب داركم عوج تعاليجا............ خوخآ ورمانآ تراني جا)
والمعني في بطن (مشبي مثعابه)
حياك الله يالغالي والله يثيبك يابعدهم
اخوك
خشم الحصان
..............................................
الاخ الغالي
سنيدي
هلابك يابعدهم الله يغفر لنا ولك والحد الله انه اعجبك الموضوع ولي تبيه ان شاء الله ابكتب عنه بس انه ينقصني بعض الصويرات لكن الله كريم تبي تجي ومالك الا طيبة الخاطر
اخوك
خشم الحصان
....................................
الاخ العزيز
(معقد الشوش)
المربد
وش دعوا الحين لي يسمعك يقول علي نياته الله يغفر لنا ولك والله ياخيي انت وابو فالح مثل الالغام ماتدري متي ينسفك
شف ياخيي منول نلعب كوره (صب) في السكيك وكان وقتها سبيره علينا وفيه لعبه جديده علي وقتنا ولو ان حنا كبار بس نسميها (درايش) يعني تشويت بها الدرايش لين يغدي اصبع الرجل تقول راس ضب
اما ان فبه مثعاب منول يصلح من جذذوع النخل ( هذي سايده مامرة علي ) لكن ان قاله الله جبت لك الخبر من دوانيه عروقها في الماي ;) ابو فالح وقضينا منه بس مرازيم من جذوع النخل ...................ماقضيت منها
اخوك
خشم الحصان
.....................................
الاخ الغالي
والمتميز
حد السيف
اركد ياخيي الله يثيبك هو يعانيني الله يغفر لنا ولك اجل لو هو يقصدك سان طبيت مع الغماء
اقول هو نشد وانت رديت
اقول اخوي حد السف (يجيك تعليقت البشت بلايا ثمن)
بس البشت زريه اصلي ولا مافيه رجاء
حياك يابو سليمان
ولا جاء شي مثل هذا خلوه (مشفر)
اخوك
خشم الحصان

[الطعس الذهبي]

جزاك الله خير والله يعطك العافية

[خشم الحصان]

الاخ الغالي
الطعس الذهبي
السلام عليكم
هلا بك كل الهلا يابعدهم ومشكور علي مرورك والمشاركه الله يثيبك
اخوك
خشم الحصان

[قوافي ( أم نهار )]

وعليكم السلام ورحمة الله وبركاته
من المواضيع القيمة بالخيمه وتستحق الرفع ..
تحياتي

[الحربي حاتم]

فكرة جميلة للموضوع