جاني التقاعد وين اروح .....

[متقاعدوفاظي]

حياالله اعظاء المنتدي الكرام انا كنت عسكري ومظيع عمري خفارات وإستلامات وهالحين جاني التقاعد
ومدري وين اروح ويش اسوي هالحين يدورا ويدقدام شيرو علي الله يوفقكم علما انا ساكن في الرياض ومعي راس مال تقريبا 300الف وش اقدر اسوي بها

[سرهيد]

هلا بك

اجل شكلك عوووووووووووويد :) امزح

شف طال عمرك اقرب عايرة بيت طين وارشمها بالماما كل يوم وطلع لك كل يوم قهوة وشاي في هالصبح وبتلقى ما يوسع صدرك :) امزح

والله يا اخوك احنا اهل مكاشيت وسعة صدر ، اذا تبي تقول وش وسع صدري به عطينا العلم اما بيع وشراء والله ما لنا

واسأل الله ان يبارك لك في مالك وحلالك ويفتح لك باب رزق مبارك آمين آمين

تقبل مودتي

[saalh123]

حياك الله اخوي متقاعد
انصحك اول شيء تشوف لك عمل للاخرة وببساطة تتعاون مع احد مكاتب الدعوة او الجمعيات الخيرية لانك ماقصرت عملت للدنيا عمرك كله ولا بقي الا القليل فخله للاخرة
الشيء الثاني شعورك هذا يشعر به اي واحد تقاعد وبعد فترة راح يتمنى انه تقاعد بدري فلا يهمك راح تجد ما يشغلك ويسرك ان شاء الله
واخيرا عليك بالبر اذا زان الجو ترى البر بريرة
وسلامتك تحياتي

[ساحووق]

حطلك حلال وتوسع عنده والله يبارك بعمررك

[عاشق قحاية]

السلام عليكم ورحمة الله

حياك الله أخي متقاعد .
الله يبارك لك في مالك ويجعله في طاعته .
ونصيحة لك أول شيء طلع مبلغ بسيط جداً صدقة لوجه الله .
من أجل ان يبارك الله لك في مالك .
وخذ مبلغ بسيط وروح عمرة وعقبها رح وتونس بالطائف وهاك البراد واكشت وتمشى مع عيالك ووسع صدرك .
إذا لك بالاسهم اشتري سهم له عوائد ويعطيك ارباح ويكون حلال وخليه لك ولعيالك يحيك منه مبلغ طيب .
هذا مالدي اتمنى إني اكون افدتك .
وعذرا على القصور .
اسأل الله لك التوفيق في الدين والدنيا .
محبك في الله .
:)

[ذهب صافي]

شفلك تجاره مربحه مدروسه ولا تنس عمل الاخره

[لبرتي]

الله يحييك ويوفقك

أنت رجال راعي جلد وصبر أنصحك بالسوق الخضرة للجملة او التمر أطلع له كل يوم عقب الفجر وتفرج عليهم كيف يبيعون ويشترون وتعلم منهم ،، إذكر معنا واحد معنا في الداوم يطلع للسوق الفجر ويجي للمكتب الساعه سبع سبع ونصف وفي جيبه 500 ريال صافي

الله يوفقك بالرزق الحلال

[aborajwa]

اخوي متقاعد انتم السابقون ونحن ان شاء الله بكم لاحقون .. اهم شيء طال عمرك البيت عندك والا ما عندك .. اذا ما عندك بيت ملك ال 300 الف حطها لك في بيت ولا تقول ما تجيب تراها تجيب يمكن ينقص مبلغ تقدر تاخذ اقساط من البنك لانه يبدو ان عمرك صغير لاني اتوقع من كلامك خفارات ان حدك وكيل رقيب يعني 48 سنه الآن .. وانتبه تدخلها اي مشروع وانت ما عندك بيت خل مشروعك هو البيت ..

اذا والله عندك بيت ملك يغنيك انت ومن تعول فانا اقول يمديك تدخل اكثر من راتبك وبهذلة الخفارات يوم كنت على راس العمل بالمبلغ اللي معك .. عندك تشتري مغسلة ملابس ما يتعدى سعرها 50 الى 70 حسب الموقع وصدقني دخلها ما يقل عن 2000 الى 3000 صافي اذا انت بتنتبه لها ..

ادخل بجزء ما يتعدى 50 الف شراكة مع اللي يقسطون المكيفات ترى فيها خير كثير وشغلهم ماشي تمام ..

خل باقي المبلغ في البنك واللي تشوف انه نجح من المشروعين وارتحت له ممكن تفتح فرع ثاني للمغسلة و تزود مبلغ التقسيط او تخلي مبلغ التقسيط يمشي ما تسحب شيء منه لمدة كذا سنه بعدها تبدا تسحب كل قسط ينزل لين تصفي المشروع ..

والباقي من ال300 الف خله في البنك لك وللزمن اللي يجي من المغسلة مع التقسيط وراتب التقاعد يعيشك احسن من يوم كنت على راس العمل ..

وبالتوفيق مقدما ..

[عتيج الصوف]

الله ان يبارك لك في مالك وحلالك ويفتح لك باب رزق مبارك آمين .. واشور عليك ان تجد وتجتهد للاخره هي الفوز

[دل البحار]

الله يوفقك ويبارك لك في مالك وعملك الصالح لنا ولك ولكل الاخوه في مكشات
المبلغ الي معاك لو عندك ارض وموقعها زين للتأجير انصحك تعمرها ورح يجيك منها خير وبكذا ضربت عصفورين بحجر انك عمرت الارض والشيء الثاني انك رح تأجر وبتستفيد من الاجار وهوه افضلك من اطلق مشروع تجاري
وسلامتك

[قناص تمره]

على حسب قدراتك ... لا أقصد الماليه وأنما ماذا يمكنك أن تفعل

هل انت ممتاز في شغل الشريطيه مثلا في السيارات والعقار

هل انت من الناس الي يحب يفتح محلا ويتابعه او يقعد فيه

هل انت من الناس الي تحب الحلال ( المواشي )

وهكذا

أول أعرف قدراتك ومواهب وهوايتك

فاذا انت تهوا شي معين يكون افضل

وهذي مجر أستشاره قد تصيب وقد تخطيء

فأن أصبت فمن الله وأن أخطاءت فمن نفسي ومن الشيطان

[متقاعدوفاظي]

بيظ الله وجيهكم وماقصرتو علي النصايح انا مقصدي مابي تجاره بس ا بي مصلحة تشغلني وتظيع وقتي بفايده ولا ابي اكل عرق غيري لأن متطلبات الحيات كل مالها بزود والتقاعد مايكفي لأصارت العايله كبيره والأجر وعمل الأخره الحمدلله محصله ابيتي عندي الوالده الله يحسن لها الخاتمه من 9 سنين مقعده وكفيفه تعرفون الكبر وقايم علي خدمتها وماتبي غيري من اخواني ويوم جاني نقل براالرياض طلبت التقاعد لاكن الله يوفقنا بحياتنا الجديده

[escape_man]

انت اركد هالحين وادرس الاوضاع واستشر الناصحين ولا تستعجل

هذا شقى العمر

مصادر الرزق واجد :

الاستراحات - بعض الاسهم وانصحك ماتدخل براس مالك كله خصوصاً هاليومين السوق مدحدر ويعتبر فرصة - ممكن تزود شوي على المبلغ الي عندك وتلاقي لك عمارة صغيرة بوسط البلد واذا تبي راعي عقار نصوح دليتك عليه

اما محلات ما محلات فيبلها بصراحة واحد متمرس بالتجارة من صغره

[صقرحايل]

شف وانا اخوك تزوج وجدد شبابك ولك كم خلفه واشرب حليب واستانس
والعمر رايح
والله يوفقك

[جبل احد88]

شف وانا اخوك تزوج وجدد شبابك ولك كم خلفه واشرب حليب واستانس
والعمر رايح
والله يوفقك

هههههههههههههههه عز الله جابها الذيب

[بريداوي اصليm]

بع جح وجرااوه
ترا هذا وقته

[خوي السرور]

ارجو ان الله اراد بك خير كثير بوجود الوالدة وحاجتها لك الزم رجليها فثم الجنة كما قال الحبيب عليه الصلاة والسلام بهذا النص او بما معناه وابشر بالسعادة والرزق والفوز برضى الله ان شاء الله تعالى

[wrs3975]

أخوي الغالي متقاعد وفاضي ... أسأل الله أن يوفقك لكل خير وترى اللي راح من عمرك ماضاع خسارة بالعكس تماما أنت خدمت بجد واجتهاد وشرف والحمد لله .. وبعد التقاعد تبدأ حياة جديدة فيها كثير من الخير إن شاء الله .. المشاريع كثيرة وأبواب الرزق واسعة ولكن الأهم كما تفضل به أحد الإخوان أنظر إلى قدراتك فليس كل مشروع أو عمل معين يصلح لك .. أكرر دعائي لك واطلب دعاء والدتك لك بالتوفيق

[wrs3975]

حياالله اعظاء المنتدي الكرام انا كنت عسكري ومظيع عمري خفارات وإستلامات وهالحين جاني التقاعد
ومدري وين اروح ويش اسوي هالحين يدورا ويدقدام شيرو علي الله يوفقكم علما انا ساكن في الرياض ومعي راس مال تقريبا 300الف وش اقدر اسوي بها

أخوي الغالي متقاعد وفاضي ... أسأل الله أن يوفقك لكل خير وترى اللي راح من عمرك ماضاع خسارة بالعكس تماما أنت خدمت بجد واجتهاد وشرف والحمد لله .. وبعد التقاعد تبدأ حياة جديدة فيها كثير من الخير إن شاء الله .. المشاريع كثيرة وأبواب الرزق واسعة ولكن الأهم كما تفضل به أحد الإخوان أنظر إلى قدراتك فليس كل مشروع أو عمل معين يصلح لك .. أكرر دعائي لك واطلب دعاء والدتك لك بالتوفيق

[العودالازرق]

أخي العزيز انسى شيء اسمه تقاعد فالتقاعد هو نهاية وظيفة وليس نهاية عمرك واذا تبغى نصيحتي عليك بزملائك أو اقاربك ممن تقاعد
وشف كيف عمل بعد التقاعد استفيد من خبراتهم ومن اغلاطهم أخي العمل عباده تابع ابنائك فلا تشغل نفسك بشيء اسمه تقاعد ( اعمل لدنياك كانك تعيش ابدا واعمل لاخرتك كانك تموت غدا) الله يوفقك

[ملف علاقي]

أخي العزيز انسى شيء اسمه تقاعد فالتقاعد هو نهاية وظيفة وليس نهاية عمرك واذا تبغى نصيحتي عليك بزملائك أو اقاربك ممن تقاعد
وشف كيف عمل بعد التقاعد استفيد من خبراتهم ومن اغلاطهم أخي العمل عباده تابع ابنائك فلا تشغل نفسك بشيء اسمه تقاعد ( اعمل لدنياك كانك تعيش ابدا واعمل لاخرتك كانك تموت غدا) الله يوفقك
كلام سليم وعين العقل والله يوفق الجميع

[من البدائع]

اخي الكريم

انصحك ان تعمل في احدى مكاتب توعية الجاليات او جمعيات البر والجعيات الخيريه متعاون تشغل وقتك وتكسب شئ للاخره

وكذلك عليك الخروج للبر والسفر الى مكه والمدينه تجمع بين الدنيا والاخره

[ابو غند0]

اقول خلك زينا بس مطارد وراء هالبروق والمطر والسيول
والله شغله تسلي

[قرايدانزر]

حياالله اعظاء المنتدي الكرام انا كنت عسكري ومظيع عمري خفارات وإستلامات وهالحين جاني التقاعد
ومدري وين اروح ويش اسوي هالحين يدورا ويدقدام شيرو علي الله يوفقكم علما انا ساكن في الرياض ومعي راس مال تقريبا 300الف وش اقدر اسوي بها

نصيحه لوجه الله امسك قريشاتك ولاتدخل أي مشروع الا مع شخص تثق فيه أكثر من نفسك
أو عمر لك بيت على قد حالك أذا ماعندك بيت
ولا بروح انا وياك نتزوج فيهن مسيار ههههههه

[عنيزاوي 305]

سلام عليكم

اخوي حطلك محل اسباكة لان الناس السنة هذه البني زاد ولا مكتب عقار ولا محل في الصناعية انا يوم نضفت لاديتر الموتر بس 95 ريال
غير الموية الحمرة 30

[وسيع البنايد]

اشور عليك تشد من الرياض للقرايا القريبه منه عشان ما يروح تقاعدك في تسديد ساهر

[شمالات نجد]

والله اني بشور عليك تهج من الرياض لكن ما دام انت تقول انك ملازم الوالده الله يطول بعمرها

بشور عليك بالعقار مهما كان حتى لو انه غرفة متر في متر

انشدني ما ضيق صدري من ايام راحت الا العقار اللي تهاونت فيه وراحت دراهمي في الاسهم والمواتر

وفقك الله

سلام

[شمالات نجد]

آسف مكرر سبب الاتصال..

[وافي السبيعي]

خذ العلم اقسم المال الي قسمين اشتر ارض بصك شرعي في موقع الناس متجه له والمال الثاني في غنم والغنم غنيمه وحاول تكثيرها من 700 الي 1000 تصبح مليارات الفلوس عندك بس اهم شي الزكاء

[رعد البرديه]

قبل أن تبدأ بكل شئ صل صلاة الإستخاره
وأنا رأيي تدورلك أرض مكانها زين وله مستقبل واشترها ( يقولون الأرض لا تاكل ولا تشرب ) وخلها تقعد تبي تجيب لك فايده بإذن الله ، وتصدق من مالك لو بخمسمية ريال للأيتام والباقي باللي تورا وبالنسبة للي تشغل به نفسك سوق الخضره والشغل فيه كل من جربه يمدح العاقبه تشغل نفسك وتستفيد مال ووقته وقت بركه وهو وقت البكور ، وإن كان ذولي ما أعجبنك لا جا وقت العصير اطلع في البر واضبط القهوه والشاهي مع اخويا على الدين تسوى الملايين :d

الله يوفقنا وإياك لمافيه خير الدنيا والدين

[ولد الأجاويد]

أخوي الكبير متقاعد

خذ رأي أخوك الصغير
أولاً :فيه أراضي على طريق رماح خلف محطة صخاري
رخيصة فيه بـ 80,000 وفيه بـ 90,000
اشترها وضيطها لك مخيم بحدود 20,000
اطلع أنت وأهلك نهاية الأسبوع هناك ومعكم الوالدة الله يطول بعمرها على الطاعة
وفلو الحجاج وترا المكان روعة خصوصاً وقت الشتاء

ثانياً : أبغاك تسأل عن برامج استثمارية تقدم من الشركات والبنوك وهي حلال بإذن المولى عز وجل مثل برنامج التكافل التعاوني من بنك الجزيرة وطريقته أن يقوم البنك باستقطاع مبلغ لا يتجاوز 500 ريال شهرياً لمدة متفق عليها بين العميل والبنك ثم تهود هليك الأرباح بتهاية المدة مبلع قد يفوق المبلغ الذي تملكه (( أنا أعطيك صورة مختصرة للبرنامج لكن اسأل عنه ةاستفسر وإن شاء الله تدعيلي ))

ثالثاُ : لا تنس الآخرة فهناك أيتام وأرامل ومساكين لا يجدون الذرة مما نملكه فاجعل لهم نصيباً بسيطاً شهرياً واستمر عليه بإذن الله ستجد البركة في وقتك وفي مالك وأهلك (( أرجوك تفقد جيرانك وأقاربك فستجد بغيتك وهذا عن واقع تجربة ))

رابعاً : شوف لك شقة تمليك وخذها أقساط عن طريق البنك لمدة خمسة عشر سنة واسترمها كإيجار وإن شاء الله الإيجار راح يكون هو الأقساط اللي تدفعها للبنك .

خامساً : شوف لك مسجد وصير مؤذن ففيها خير عظيم بس هاه راح ترتبط ارتباط كامل ولا تقدر تتحرك مثل الناس العادية لكن شوف الأجر العظيم اللي بتحصل عليه .

سادساً : إذا لك مقدرة على السكن خارج الرياض مثلاً تروح لرماح أو حريملاء أو المجمعة وقراها أو المزاحمية صدقني إنك تبي تلقى فرص كثيرة .

أخوي هذه إشارات خذ اللي يعجبك منها واترك الباقي .
وإذا تبي زود إن شاء الله إننا ماراح نقصر معك

[a1Ruwais]

بالتوفيق وياك اخوي

[راعي بيشة]

أنصحك بالاستثمار في العقار بيع وشرا بس استخر واستشر هل العقار إذا دخلت المجال

[المصمم76]

يا أخوي متقاعد
التقاعد حياة جديدة وحلوة بنفس الوقت
خل فلوسك عندك وما راح يفوتك شي لأن الحياة فيها فرص كثيرة وليست فرصة واحدة كما يظن البعض
وأهم شي لا تنسى صلاة الإستخارة اذا نويت تسوي
أي مشروع صغير أو كبير
أتمنى لك وللجميع التوفيق والإخلاص في القول والعمل

[الهاشمي2008]

تبي النصيحه تزوج اخذلك هاك البنيه :hot:زي الي عانها ترقص وخل شهر العسل في ماليزيا وبرد كبدك ياخوي ومالك ومال الاشغال والله يوفقك ويرزقك من حيث لاتحتسب

[سوبر الحفر]

وشرايك اتسلفني وانا ادعيلك

[عاشق النملات]

عطنياهن انا اوريك وشسويبهن اوك

[سوبر152]

إذا عندك بيت ملك
افتح لك دكان يمسك اقروشك حتى اتزوج العيال

[ولد وايل..]

شف وانا اخوك تزوج وجدد شبابك ولك كم خلفه واشرب حليب واستانس
والعمر رايح
والله يوفقك


جابها الذيب....

:good2::good2::good2:




وإذا عندك بيت ملك انت بخير... دور لك أي مشروع يحركك ويخليك تشتغل به تقوم الصبح وترجع الظهر وتروق عليه...

المشروع لو بقالة لو خياط لو أي شي...

ولا تحط البيض بسله وحده يتكسر وزع نشاطاتك...

والملبغ الليي عندك لو قسمته صحيح تقدر تستفيد منه بالراحه...

[البرنس 1]

السلام عليكم ورحمة الله وبركاته ......... الف الف مبروك التقاعد ... انا نصيحتي لك بانك تحفظ القران الكريم كاملا فلن تملك شي اكثر من القران ولن تغنى بشئ اكثر من القران الكريم ... اعرف واح ماحفظ القران الا بعد التقاعد ....تقبل مروري

[بن نقا]

أنا أقول يالغالي بع وأشتر بالابل دور لك لقحات من عشرين وخمس طعش والله يرزقك

[الهاوي 9]

هونها وتهون
والي في الكون بيكون


توكل على الله في جميع امورك
تنفرج

[الهاوي 9]

هونها وتهون
والي في الكون بيكون



توكل على الله في جميع امورك
تنفرج