معاناة مع الهدروليك

[hgpsdk]

الاخوة الاعضاء وفقكم الله
من سبق له مشاكل مع الهدروليك ارجو ان ينقل خبرة ونصيحة لمساعدتي
حيث غيرت قبل 10 شهور مايسمى بالكور بمبلغ اقترب من 6000 ريال والان السيارة تهز بشكل ممل
رحت الورشة قال غير المساعدات الامامية فغيرتها بمبلغ 1200ريال ومازال الحال كما هو نفس الهزة المملة
رجعت للورشة قال لازم نغير الكور الامامية مرة ثانية
مدري الحل نغير الكور ام نلغي الهدروليك وارتاح
وهل الهدروليك غير عملي لهذة الدرجة

[ذيب زلفاوي]

يارجال لاتخوفني من الهيدروليك ترا الوالد توه طاقلي ماركيز وفيها هيدروليك وهل تنصحون نخله ولا نلغليه مع ان الموتر جديد ماكمل 40 الف

[ابو سلطان1234]

الاخوة الاعضاء وفقكم الله
من سبق له مشاكل مع الهدروليك ارجو ان ينقل خبرة ونصيحة لمساعدتي
حيث غيرت قبل 10 شهور مايسمى بالكور بمبلغ اقترب من 6000 ريال والان السيارة تهز بشكل ممل
رحت الورشة قال غير المساعدات الامامية فغيرتها بمبلغ 1200ريال ومازال الحال كما هو نفس الهزة المملة
رجعت للورشة قال لازم نغير الكور الامامية مرة ثانية
مدري الحل نغير الكور ام نلغي الهدروليك وارتاح
وهل الهدروليك غير عملي لهذة الدرجة

والله يا اخوي يعتمد على المهندس اللي ركبه كان عندي فورد كروان فيكتوريا طاحت علي فجأة صرت امشي بالشارع مستحي تقول ددسن مسحب السست رحت ادور يايات واركبها مؤقت لأني كنت في مكة وقت الحج وبعد مارجعت فحصت الماطور لقيته خربان لأني مافصلته واطق بالونتين وماطور بـ700 ريال الكور 400 والماطور 300 وركبوها والحمدلله 3سنوات ماشي إلى ان بعته عذبتني اليايات كل ماجيت مطب تسمع صوت الياي يصك في بعض .
والآن معي جيب فورد اكسبديشن هدروليك امامي وخلفي يعني ورطة بقوة صار فجأة بعد ما أشغل السيارة ويعبي هواء يرتفع دقائق وينزل يصير يناقز من قدام وانا امشي وبحثت عن المشكلة بهدوء لقيت الاسطوانة اللي تحبس الهواء علشان لا يرجع من الكور المسمار مرتخي وتنسم واقوم وافك الماطور كامل واغير المسمار والحمدلله إلا الان 4 شهور عموماً اخوي عندك احتمالين:
الاول الليات اللي تنشبك بالكور واحد تلقاها مرخي او مفصول او فيه قطع .
الثاني الماطور ضعيف ما يعبي صح وبذلك يرجع الهواء له .
فيبغى لك مهندس فاهم يفحص التمديدات الخاصة بالهيدروليك ونصيحه اترك اللي يقولك غيره يايات تراك بتتعب بعدين مع المطبات ترجع تقص وتليين وتقول ياليتني ماغيرته .

[ابن علوان]

ماقلت وش نوع سيارتك

[hgpsdk]

السيارةvxr2003

[دحيم اللوح]

سلام عليكم
ياشباب بالنسبة لهيدروليك الكراون فكتوريا خرب عندي قبل شهر
وحسيت ان سالفته طويلة وراح تكلف علي ماديا
فغيرت اليايات مباشرة (ياي امريكي) ب 170 ريال
وشغل يد لفك اليايات بما فيها البالون وحساسه ب 70 ريال
ويدار مادخلت شر
افضل طريقة استبدل الياي بياي عادي وريح بالك
طبعا كلامي للسيارت الصغيرة ( فورد ومن على شاكلتها )