مشورتكم يا ذيابة بين سكويا ، برادو، هدد ، تاهو الكل 2010

[ابو مشاري999]

بسم الله والصلاة والسلام على اشرف الانبياء والمرسلين

يا اخوان هذي اول مشاركه لي بمنتدى مكشات الجميل واللي دعاني اني اسجل به ان ما شاء الله به رجال اشاوس وابطال لا من ناحية النصيحة ولا من ناحية الاعتناء بنقل الصورة الصحيحة لاي فكرة كانت ، لكنني منذ زمن بعيد وانا متطلع للمنتدى :

المهم انا يا اخوان لي فترة وانا متريث على شراء سيارة عائلية ووقفت حائراً الى عدة نوعيات واستخلصت منها كالتالي :

1- لاندكروزر برادو 2010 TXL سته سلندر /اتوماتيكي ---> سعرة 135000 ريال
2- سكويا 2010 دبل ---> 135000 ريال
3- لاندكروزر G (هدد) قير اتوماتيك ---> 142000 ريال
4- تاهو 2010 LT دبل ---> ما ادري سعرة بالضبط بس اعرف انه حول الاسعار هذي

يا اخوان تجدون الاسعار متقاربة ببعضها البعض لكن الفيصل فيما بينها الاستشارة والاستخارة لكن نبدأ بالله ثم بكم بإستشارتكم وياليت تبدون الاراء بدون تعصبات او انحيازات حيث ارجو الاخذ بعين الاعتبار كلاً من :
القوة ، المتانه ( يعني ما يتهربد ) ، قطع الغيار ( لا تكون نار ) ، خدمة ما بعد البيع ( واي وكيل افضل عبداللطيف ولا حسن جميل ولا اليحى او الجميح ولا العيسى ولا التوكيلات ) ، كذلك انظر في السعر ما بعد البيع مستقبلاً كلا على حدة.

تكفون يا اخوان ان كان قدرتوا تعطوني رأيكم على كل سيارة من حيث المميزات والمساوء ، وراح اكون متابع لارائكم بالردود بإذن الله تعالى




عسى الله يحرم على وجيهنا ووجيهكم النار



اخوكم / ابو مشاري

[VIP-503]

والله انكانك تبي الراحه فخذ هدد وموتر يمسك نفسه وقيمته

[ابو مشاري999]

اخوي Vip-503
الله لا يحرمك الجنة

بس الهدد عيبة المعروف سيااااااحي يعني لو بتروح لفئة R سيكلف مبلغ اضافي مبالغ فية على قد ماهو ما اخذ الصيحة والشهرة اما من ناحية الراحه فما جربته ركوب الهدد 2010 لكن اللي اعرف ان جنوطة اصغر وحديد لكن وش رايك بالمواتر الثانية وهل يعقل ان الهدد تفوق على التاهو من ناحية الراحة ؟؟؟!!!!! وانتظر من باقي الاخوان المشورة

[الجني العبد]

سكويا لاتعداه
أريح وأوسع وأقوى ومتماسك وعند البيع شيك بمخباك
وعن الوكلاء كل واحد يقول للثاني أنا أشين منك
والكلام هذا من واقع تجربه ،، ولا يستطيع أحد أن ينكره

أما عن قطع الغيار فمعروف عن التايوتا إنها رخيصه ..
ولله أعلم

والله يوفقك يابعدي ..

[hely99]

تاهو

سعره زين
ومواصفات اكثر

[عبدالرحمن1980]

انصحك بالسكيويا لانه سياره تجمع كل النواحي
1-مكينته اكبر من اللاندكروزر
2-سعره ارخص من اللاندكروزر
3-حجم اكبر من الداخل من اللاندكروزر
4-سياره تبيها للمدينه اوللبر او اي مكان
نصيحه لاتتعداها

[الصمان 2]

http://www.mekshat.com/pix/upload04/images173/mk47223_55565.jpg



موفق يالغالي ،،،





















.

[مولع بالطير]

والله شف ياخوي كانك رجال تطلب الراحه والسعه خذلك تاهووو وكانك رجال تبي تقول ابي سياره قيمتها فيها وبجحشها الله يكرم السامع خذلك هدد ولا برادو ونا عن نفسي كان عندي يوكن شراه الوالد سنة ال99 ومابعته الا قبل سنه بدي يعوكس نوفس الموتر والله ياقبلها مذكر اني حطيت فيه الا زيت وبنزيل وكفرات ودق سلف وروح تقبل مروري وتمني اني افدتك .

[المنيعي1]

كلهن زينات وبهن بركه بستثناء السوكيا. مع اني اميل للهدد واعتبره أفضل ماذكرت ولو كان الأختيار لي لخترته.

ملاحظة:السوكيا لم أجربها ولا اعلم عنها ولكني احكم عليها من شكلها لايعجبني.

[ابوفاضل2]

السلام عليكم
اذا تحسب حساب البيع لاتعدى الهدد
واذا تقول ابي موتر عائله بالمظله للسفريات
عليك بالامريكي راحه وسعه
التاهو والاسكويا كلها امريكي
بس الا سكويا يزينه شعار تويوتا
تحيااااااااااااااااااتي

[جهام القصيم]

- لاندكروزر G (هدد) قير اتوماتيك ---> 142000 ريال
مع احترامي للجميع ما يحتاج اتشاور احد وفق الله الجميع لكل خير

[قمري قيال]

وخوي
الهدد مقبول لكن مثل ماقلت الجي مواصفات تعبانه وبالسوق قليل اللي يطلبه
التاهو مشكلته امريكي القطع نار والسعر اكثر نزول من الباقيات
السكويا ماجربته لكن من شكله وصناعته الامريكيه احس انه ماهو بعيد عن الامريكي بالهربده وشرب البنزين
البرادووالله هو الاقرب لانه متين وفيه راحه نوعا ما لكن ماادري هل هو مكيفين او لا وماادري عن الرساوه والثبات مع الطريق لان القديم ماهو راسي فهذه عيوب تخليك تصرف النظر عنه

[ابن عكاش]

تبي الحق انت حطيت خيارات متغايره نوعاً ما
التاهو ltسعره 128ألف واحد من الربع توه شاريه وراح عليه للطايف يمكن عشر مرات والموتر بسعره ومواصفاته حلو جداً
السكويا حجم كبير وماركه مرغوبه جداً تويوتا وسعر يغري لكن مثل ما قالو الشباب صناعه امريكيه وشكل امريكي والله اعلم هل هو بقوت اللاندكروزر ومتانته ولا لا هذي تحتاج لتجربه طويلة
البرادو شكل ووقفه ما جازت لي وحجمه مقارنه باللي قبله صغير
الهددg اسم ومنظر وقوة بس مواصفات صفر وتبي نصيحتي رح لقطر بلقى موديل 2009م g مستعمل مواصفات افضل في حدود 115ألف ريال
والله يدلك ويسر امرك

[ساحووق]

اذا تبي نصيحتي يالذيب عليك بالتاهو فهو مريح واقتصادي وفخم

التايوتا كلها متشابهه الاختلاف بالبدي خاصة البرادو ولا السكويا

الهدد غير مريح ولا يصلح للعوائل


واللف مبررووووك ويعطيك من خيرها ويكفيك شرها

[ابو سلطان1234]

لن ازيد على ماقال الاخوة الكرام ولكن للتوضيح فقط :
بالنسبة للسيارات /
البرادو Txl هذا اللي قالوا نظام التحكم بالانزلاق خربان فيه الفي اكس افضل وبصراحة سيئة الاثنين من ناحية السعر والفخامة والرساوة على الطريق .
السكويا 8سلندر تعتبر قوية وخاصة انه نزل منها دبل وفخامة داخلية يعني حلوة .
الهدد صراحة شيك بالجيب لانه تويوتا لكن غير مرغوب بكثرة مثل الجي اكس عند البيع وبالنسبة لرأي الشخصي لا انصحك فيه لا شكلا ولا مضمونا .
التاهو لا بأس فيه من ناحية الفخامة لكن ليس بقوة اليوكن .
أما من ناحية الشركات /
عبداللطيف صيانة صحيح سريعة في حالة ان السيارة تغيير زيت وسيفون اما الاعطال فالله يعينك تنساها عندهم 3 ايام إلى اسبوع وعلى حسب العطل .
العيسى مواصفات احلى من الجميح مثل عبداللطيف جميل والبازعي لا والعيسى احسن مافيهم ان إذا جاء وقت الصيانة يكلمونك كم بقى على الصيانة كم وصل العداد .

وفي الاول والاخير القرار بيدك والاستخارة ثم الاستخارة

[ام صتمه 87]

عندي يوكون شي اسمه بنزين مايعرفه اقتصادي جدا .. وراحة ورساوة وقوة ..

[الجندي2005]

- لاندكروزر G (هدد) قير اتوماتيك ---> 142000 ريال
مع احترامي للجميع ما يحتاج اتشاور احد وفق الله الجميع لكل خير



اضم صوتي لصوت الأخ وبكل قوة ،،،،،،،،،،، :D:D:D

الأمريكي وانت مسافر حاط يدك على قلبك ممكن باي ساعة يقول هذا مكاني

و بدون مقدمات ،،،،،،،،،، :eek::eek::eek:

[مكشات1429]

انصحك بالتاهو سألت عنه اشخاص استخدموه وماشين علية كثر من 50 الف كيلوا ذكروا فيه الراحةــــــ وقلت صريفية البنزين
-وقوت العزم -ولم يغيروا فيه غير الزيت والفلتر فقط

وافضل وكيل العيسى من ناحية الظمان وقطع الغيار والصيانة.

والله يدلك على الذي فيه الخير

[ابن علوان]

الهدد لايصلح للعائله
البرادو صغير وبنفس قيمه السيكويا لا و6 سلندر (شين وقوي عين )
السيكويا سياره مجت للخليج الا حين فشلت في امريكا حجم كبير غير مدروس وتصميم افدغ
التاهو من رأيي افضلهم وانصحك جرب التاهو عند الوكيل عشان يكون قرارك عن قناعة ولا تنسى ان سعره معقووول وبه مواصفات كثيره لاتجدها حتى في الفئات العليا لدى السيارات اليابانيه

[البرااااوي]

طيب مافكرت بالاكسبدشن

[الكيان]

http://www.mekshat.com/pix/upload04/images173/mk47223_55565.jpg




هذا على علاته بين سيارات تويوتا


و لماذا لم تفكر بفورد الاكسبدشن.

[ابو مشاري999]

بيض الله وجيهكم فرداً فرداً ووجيه من يقرأ >>> قسماً بالله حسيت اني ما ندمت على حطتتي للموضوع واني بين اخوان زي ما توقعت



ما زلت اتطلع الى الاراء ، ومع تجميع الاصوات والدلائل على كل سيارة


وانا في انتظار الباقين ولا مهونتن بالسابقين

[العنابي 616]

السلام عليكم يا أخوي
فيه G limited بالمعارض خليجي مواصفاته جدا ممتازة مقارنة بالسعودي
أنصحك فيه

[modi.404]

انصحك بالاند كروزر اذا كان مكيفين اما اذا كان مكيف واحد لاتقربه واسئال مجرب جربت التاهو والاند التاهو بالطريق لايعلى عليه بس انه ينكبك باي وقت والاند ماعليه بالخط اما البر غني عن التعريف

[المساجدي]

- لاندكروزر G (هدد) قير اتوماتيك ---> 142000 ريال

اخوي انت متأكد من السعر ؟؟؟ ما اظن لان الهدد التمتيك بدون مكيف ورا ب152000 وارد ابوجميل

عموما نصيحتي لك اذا الهدد مكيفين وبالسعر الى ذكرت انت اعلاه (142000) توكل على الله ولاتتردد

اما اذا غيره فعندك عطي الله التاهو وتراه اقلهن سعر حول ال130 الف

[زوم]

السلام عليكم الهدد وبس من جميع النواحي والبتوفيق انشاء الله

[ابوسعد931]

التاهو وانا اخوك وخذ دبل

[التعـ King ـديل]

1/ برادو
2/ تاهو
3/ جي
4/ سكويا

[أبو هاجوس2000]

اذا تبيه للعائلة . ودائما تسافر خذ (( تاهو )) وإذا كنت تبيها سيارة شخصية تطلع فيها للبر بكثرة . عليك ((بالهدد)) والله يوفقك ...

[faiz-111]

التااهو روعه قوه اداء ودبل ماشاءالله حلو وبالسفر لايعلى عليه راحه عندي يوكن ماخليت به ديره وخلال شهر ونص سفرتين الى سوريا ترانزيت من الرياض واداءه ممتاز مع الخط لكن اذا فيه هوى قوي الله يعين متعب شوي الياباني عملي لكن ليس براحه الامريكي ورفاهيته صحيح الامريكي حساس شوي لكن مقابل الراحه وقوة الاداء يستاهل

[ولد الغلباء]

انصحك بالبرادو واشوف اللي جربوه يمدحونه والموتر راحه وشكل خارجي وفخامه داخليه كلها موجوده فيه وعزم جبار ويمسك سعره عند البيع

[ابو سلطان1234]

كيف الحرارة عندكم ياهل الهدد والتاهو ما تنزل عن الفل الظاهر . الله يعينكم بس
سلم لي على الاكسبديشن وبس

[ابو مشاري999]

للاخوان للي يسألون عن الهدد بسعر 142000 حصلته بالمعارض وارد عباللطيف لكنه اصفاااااااااااار

لكن صدقتوا هو مش مكيفين اللي لقيت يسمونه مكيف ونص يعني اللي ورا مالهم الا اللي بالتكاية زي الفورد الكراون فكتوريا السعودي لكن وش عيبة في ظل ان مكيف اللاند ما شاء الله قوي وبااااااارد!!!!!

افيدوني بارك الله لنا ولكم

[ابو مشاري999]

ساحب كرسي وجالس معي فصفص وكولا باردة وانتظر ردود الاخوان :(

[غازي المحمادي]

تبي نصيحه اخو عزيز عليك بشركه تويوتا شيك في جيبك والقطع متوفره في كل مكان اذكر مره انا مسافر الى الجنوب بسيارتي جيب موديل 97 وراحت عندي صوفه الدفرنس احصلتها عند صاحب البنشر..

[كم كيلو باقي]

انصحك بالباجيرو .. 3800

متمآآآسك ومايتفكك ويصبر .. (( رآآآآآسي رساوة عجيبة ))

يعيبه
1 القساوة مع البطانيج الصغيرة وعيون القطط .. ومعي احط الكفرات 28 وما ادري عنهن ابد

2 اذا عددعائلتك فوق 7 اشخاص ( بدون الدقرش ) ماينفع لك

البدي ( رفارف صدام اصطبات ) غاالي
القطع الاستهالكية ( فحمات وانت جاي ) نفس قطع البرادو او ارخص

[قرم العيال]

الراحه والفخامه

شفه بالتاهو ما شاء الله

[العسكري]

أخي الحبيب ... اذا أنت راعي بر عليك بالهدد ...صاحب عائله وراعي سفريات وخطوط عليك بالسكويا.بارك الله فيك.

[figo_2776]

انا مجربهم كلهم لاندكروز:f

[راعي الخرماء]

خذ التاهـو وريح نفسك