مشاهدة النسخة كاملة : قائمة اعطال سيارات اعضاء مكشات لاهنتم فقط ===>((( اذكر العطل + الاصلاح + التكلفة)))
المترو
09/06/2005, 03:11 AM
السلام عليكم ورحمة الله وبركاته
الهدف من هذا الموضوع :
التعرف على الاعطال من واقع تجربة الاعضاء الكرام حسب نوعية سيارتهم التى حصل بها العطل
ليستفيد الاخرين من التجربه وانشاء قائمه بجميع الاعطال المحتملة الحدوث
ويكون وضع التجربه على هذه الشكل .
1- توضيح نوع السياره وموديلها
2- مطلوب ذكر نوع العطل او الخلل وكيفية اكتشافه وكيف تم اصلاحه والمبلغ التقريبي للاصلاح
3-اسباب حصول العطل حسب رأي من قام بأصلاحه من اهل الخبره او صاحب السياره اذا هو يعرف السبب .
6- كيفية تلافي حدوث العطل والوقاية من حدوثه مستقبلاً اذا امكن
وسوف ابتدي بنفسي اولا ً
1-نوع السياره : لاند كروزر 2001 gxr
2- نوع العطل :
تهريب ماء الرديتر بجنب المكينه تحت القزوز ويكاد يكون بسيط بسيط جداً مما سبب نقص بعلبة ماء الرديتر بشكل قليل جداً كل شهر ينقص الربع تقريبا او اقل بدون وجود أثار لاي تهريب بالسياره بالرديتر او خرطوش او طرمبة الماء او غيرها
3-طريقة الاكتشاف : فحص السياره من الاسفل بعد فك الصاجه السفليه للسياره كان الغرض الفحص فقط بعد ان نبهني عامل تغيير الزيت بوجود لون احمر على طرف صاجة الكرتيل ولم يكون عندي علم بوجود تهريب اصلاً
طريقة اصلاحه :
فك راس للمكينه وتغيير وجه الراس واحتمال تأكل حافة الراس من الصداء ويحتاج راس جديد ؟؟
4-اسباب حدوث العطل او هذا الخلل (مهم جداً ليتلافاها الاخرين )
ماء الرديتر منتهي الصلاحيه قديم بالنسبه لسيارتي و لاني اقوم بزيادته بماء احمر ابو 10 ريال غير اصلي !!!مما سبب الصداء وتأكل الوجيه ومجاري الماء داخل السرندل
5- كان بالامكان تلافي هذا العطل بأستخدام ماء رديتر اصلي مقاوم للصداء والحراره وتغييره كل فتره 50 الف كلم تقريباً وذلك بفك الخرطوش السفلي وتفريغ الرديتر وعلبته وتفريغ السرندل تفريغ كامل من الماء القديم لان التركيبه المقاومه للصداء لها مدة وتنتهي وتكون غير مجديه
6-تكلفة الاصلاح تقريبا 1300 ريال الى الآن
أرجو من الجميع المشاركه لتعم الفائده ونتبادل الخبرات من واقع التجارب الفعليه والله من وراء القصد
والسلام عليكم
الرحال2003
طمطماية
09/06/2005, 09:48 AM
حياك ربي الرحال 2003
أنا معاي لاندكروزر 1996 Vxr
العطل : تهريب في زيت القير.
الكشف : أكثر من محل قالوا إنه وجه قير ، والبعض قالوا من الصوفه. ولكن ما اقتنعت لأن الزيت قليل ويطلع من فوق الوجيه، رحت للوكالة وبعد الكشف اكتشفوا ان التهريب من سلك الالسرعه اللي داخل في القير ... غيرناه بـ 300 ريال ولله الحمد زي براد أبو أربع
Bader-M
09/06/2005, 02:02 PM
وعليكم السلام ورحمة الله وبركاته
.........
فكره جميله :good:
السياره
لاندكروز
مديل
92 ( كلبريتر )
العطل
تقطيع المحرك عند وصل دوره المحرك الى 3000 دوره في الدقيقه
او عند سرعه 120 كم عندما يكون القير بوس على النمره الاخيره ( الخامس )
اسباب العطل
اتنهاء العمر الافتراضي ل طرنبه البنزين
اصلاح العطل
تغير طرنبه البنزين
التكلفه
في الحقيقه لا اذكر لانه هذه القصه حصلت قبل سنوات طويله
تقبل تحياتي
Khalid AlGhamdi
09/06/2005, 07:41 PM
الموتر باترول 98
المشكلة رجة في الدركسون
الحل بعد ماحست بالصناعية فترة طويلة وغيرت كل شي ولانحلت المشكلة
خرط راس العكس للدفرنس الامامي
ورجع الموتر قطة وحدة كنه وكالة .
المترو
09/06/2005, 09:21 PM
السلام عليكم ورحمة الله وبركاته
اكمالاً لعطل السياره الموضوع السابق
تم تحديد العطل تماما وبعد عدة دراسات لافضل الطرق لاصلاح العطل المذكور واقلها تكلفه تم الاتي
العطل شعر براس المكينه عند فتحات العادم القزوز
ونظراً لسعر الراس الغالي جداً 6400 ريال ويلحقه بلوف يلزم تغييرها مع الراس الجديد وصل المبلغ الى 7500 ريال بدون كلفة شغل اليد تقريبا 1200 ريال طلع المجموع 8700 ريال وهذا يعني انه نصف المكينه جديد والاخر قديم مما يسبب ضعف الشنبر وضعف عزم المكينه مستقبلاً
القرار النهائي هو
تركيب مكينه من التشليح بحوالي 9000 ريال ماشيه 76000 الف كلم سياره مصدومه وضمان شهر ضد نقص الزيت والحراره والصوت او الدخان (هذه مشورة الاخ العزيز مشرفنا SilverSniper حفظه الله ورعاه لانه هو من نبهي لهذه النقطه التى كانت غائبه عن بالي ضعف الشنبر اذا الراس جديد)
والحمد لله على ما كتب واجعلها اللهم دفع بلاء عنا
وسلامتكم
الرحال2003
ماجد الشمري
10/06/2005, 10:37 PM
انا سلمكم الله صارت لي مشكلة وهي ان المكسيما صارت تسخن ..
لقيت ان العلبة الاضافية للديتر بالجنب غطاها مكسور ولاحظت وجود الكثير من التراب حولين فتحة العلبة قلت في نفسي شكل التراب دخل بصط العلبة واختلط مع موية الديتر ..
سلمكم الله رحت لباكستاني فك الديتر ونظفه وغيرة العلبة بغطاء جديد لانها مكسورة من الجنب وما عندي لها غطا ... والحمدلله السيارة من احلى ما يكون .. وكنت ذاك الوقت عندي مادة بيولبر ايس وهي مادة تزيد من كفاءة تبريد الديتر وكنت شاريها من الانترنت والحمدلله السيارة رجعت افضل من اول ..
وعندي مشكلة ثانية وهي ان سيارتي صارت تكشح العالي من وحدها وخصوصا اذا كنت مسرع وما اعرف لها حل .. واحيانا فتحة السقف تفك وتقفل من وحده .. :d ترى ما امزح من جد ,,,
ملاحظة / النور العالي والواطي زينون ..
اخوكم ماجد الشمري
طمطماية
11/06/2005, 08:02 AM
النور الأمامي مرره يضعف ومره يرجع لحالة الطبيعي :
بعد الحوسه عن طريقي اكتشفت ان الأفياش مايعه (( مركب كتاوت تايواني الأصفر )) وسلك البارد (( السالب)) مرتخي مما يسبب ارتخائه وضعف النور ..
الحل : دخل السلك زين .... وضغط عليه بالزرادية .... وحطيت عليه الصبغ القوي.
وإلى يومكم عايش
أخوي ماجد ...... شكل عندك التماس في الكهرب ... شيك على الكهرب وانشاء الله تلاقي المشكلة
تحياتي
Bader-M
11/06/2005, 02:06 PM
السلام عليكم مره اخرى
............
نوع السياره
لاندكروزر ( نفس الاولى )
نوع المشكله
ارتفاع الحراره عند السرعات العاليه عند قطع مسافه طويله
ودون فقد بكمية الماء التبريد
العطل
لي الماء الرديتر
عند ما تزداد السرعه و نتيجه للحراره العاليه ينكمش لي الرديتر و يفقل دخول الماء البارد الى المحرك
ونتيجه لهذا تزداد الحراره
طريقه الاصلاح
تغير لي الرديتر
التكلفه
لا تتجاوز 80 ريال مع القطعه
تقبل تحياتي
الحضري
13/06/2005, 02:15 PM
السلام عليكم ورحمة الله
اما سيارتي وما أدراك ما سيارتي :(
لاندكروز 96 Gx
المشكلة .. ان الزيت يدخل في الأديتر بشكل مستمر ووديتها لأكثر من ورشة وأكثر من مكانيكي
في البداية قالو لي أن العطل في الثلاجة وقمت بتغيرها أكثر من مره
والحقيقة ان المشكلة إلى الآن موجودة .. لكن اللي أسويه أني اقوم بتنظيف الأديتر كل نهاية شهر بنفسي :)
مع العلم ان العزم ميه ميه والمكينة ممتازة
هل عند احد من الأخوان فكرة عن هذا الموضوع
فمان الله
الربذي
13/06/2005, 10:01 PM
اخوي رحال اشكرك بعنف السياره باثفيندر 98
بالنسبة لي طلع صوت اذا شغلت السياره يشنه الحنين يعني انـــــــــــــــــــــــــــــــــ !؟! المهم توقعة انه من علبه الدريكسون لانه سبق وان خربت معي وركبت وحدة من التشليح وصار بها صوت مثله المهم بعد الفحص عند ميكانيكي وقال رمان الدينمو وشغل يده 70 وركبت رمان يباني وضبت وتراه من شوي قبل نصف ساعة ولقيت هالموضوع قلت اشارك سبب اكتشاف العطل صوت يسمع من بعيد بس لما طلع لبدينموا رفض ينفك مافكوه الا بالمخرطه بعد 3ساعات يقول ان الرمان الامامي ماسك بشده شديده جدا ومجيم
اخوي ماجد خذ تحذير اخونا القناص على محمل الجد
السالفه واحد اعرفه جيدا شايب معه ددسن تصادم هو وصاحب سفاري وجه بوجه بسبب النور اعمي الشويب الله يرحمه رحمة واسعة وحترقت السيارتان وصرة فحم وقطع حديد متناثره الحادث بعد المغرب بنصف ساعة وانتبه لنورك يمكن توافق دعوة واحد معميه او تتسبب بحادث لاسمح الله وربي يحفظنا واياكم
موضوع خدمي للغاية شكرا لك يالرحال 2003
هنا مشكلة تقطيع في جيب النيسان وحلها
http://www.mekshat.com/vb/showthread.php?t=31108
تحيتي
SilverSniper
14/06/2005, 08:24 AM
أخوي الحضري..
المشكلة عندك وحدة من ثنتين.. يا راس.. يا وجه راس..
ان كان وجه.. بسيطة وتغييره سهل..
أما الراس.. أنصحك تغير المكينة..
وحياك الله..
البيـــــرق
14/06/2005, 08:58 AM
السلام عليكم ورحمة الله وبركاته
عندي لاندكروزر Gx_r 2003 كان به مشكلة عد السرعات العالية
120 الى 160 كانت الطارة ترج والبيبان تطلع اصوات بسبب المدابتس بالبران
وانا برايي ان الكروزر الجديد من 98 وفوق مهب زي الي قبله
صدق بري اماهاذا حق بر خفيف وشوارع
وماصلحته للحين
اخوكم
البيـــــرق.......
الحسكولي
14/06/2005, 10:07 AM
السلام عليكم ورحمة الله وبركاته
شكراً لك أخي الكريم على هذا الموضوع فعلا يستحق الاهتمام وانا الان لايحضرني شي يستاهل الكتابة عنه ،
لكن عندي مشكلة ابعرضها لعلي اجد عند الاخون الاعضاء والمشاركين حل لها وهي ان الرادو مشوش وغير صافي وفية ترتره صوتها يتبع صوت المكينه اي انه يتسارع ويتباطاء حسب سرعة المكينة الرجاء من عنده خبرة في هذه المشكلة المساعدة و احسن ورشة تصلحها . جزاكم الله خيرا :confused:
الراعي الرسمي
14/06/2005, 10:45 AM
انا عندي سفاري فيه صوت في المروحه وكان قومته ثقيله وصرفيته قويه اشوي لاكن لاكن لاكن تجي السالفه
قمت بفك تماتيك المروحه لقيته ثقيل اشوي مهب اشوي ثقيل مره رحت لم القطع غيار اخذت تماتيك التيما من الولات وركبته بعدين
راح الصوت وراحت صرفيت البنزيم وخف الموتر مره . بشرط يكون التماتيك اصلي وكاله بس عيبه سعره غالي بس انشهد انه يستاهل
فيه نوع عند الموسا بعنيزه كرتونه اصفر زين بس معرف اسمه رخيص . والتجاري لايقربك ابد مهما صار .......
المشكله الثانيه هي مسعدات قدام زفت من موديل 98 حتى 2001 رخوه مره قمت بمصعهن وحطيت مسعدات جيب ربع من 2001 وفوق ....
المشكله الثالثه هي رجه في الطاره عند أي مطب في الطريق عند كل السرعات غيرت مساعد الطاره ما تغير شي . اشارعلي واحد جزاه الله خير
قال رح لم ورشة الفيز ببريده الصناعيه يحل لك المشكله قام العامل بتركيب مساعد لا الطاره ثاني جنب الاول حق البلد وراحت المشكله الحمدلله .. .........................
واللي يبي علوم ثانيه منقصر معه صرنا خبره :D .... وسلامتكم
محافظ وطي
14/06/2005, 10:54 AM
اقول لكم يا جماعة .... ما لقيتو حل لصرفية البنزين في اللاند كروزرالقديم ( 93، 94 ) عندي واحد مهبلني وغيرت له كلبريتر ونفس الوضع.... ادني مشوار بخمسين او ستين ريال
وش السوات
اشب فيه .... لكنه دوا البر والتغاريز
شوفو لنا حل معه ..... اصلحو بينا
escape_man
14/06/2005, 12:41 PM
اخوي بسباس انا مرت بي مثل هالمشكله وارتفاع التشويش او الصوت مع زياده السرعه دليل
على زياده الكهرباء الداخله للرادو وعدم ثباتها والورش واجد وصعب اقولك ورشه بالشمال وانت جنوب
ولا من عيوني
اخوي محافظ وطي اقولك شب فيه
من يقولك انه دوا التغاريز والله انه بالنفود قطعة وجه ولا تهمك اللزقه الي بجنوبه 4500 تراها زينه
وشخليت للمرهم حقي؟؟
بعد تصقية الحسابات اعطيكم مشكلتي العويصه الي مالها حل
السياره: بليزر موديل 81
العطل: كلتش الله يكافينا الشر اذا غيرته يحترق من اول مشوار بدون مبالغه والي يدمره هو انه يتعرض لحراره
بعد 4 سنين وانا اراقيبه واكشت للقصيم والصمان وكل محل لقيت واحد بالصدفه وانا باشري ربلات للاذرعه وكان مبين عليه
جنتل يعني كشخه وسمعني اهرج بالكلتشات وخسايري فيها قال غير برازيلي واذا ماعندك سلفتك الحين وفعلا طلع كلامه في محله
لانه مع ردائته هو انسب شي للجمس الدفع الرباعي
صدقوني ياهل الجموس معلومه تنشرى
مابي منكم شي الا تصلون وتدعولي
دندشه
15/06/2005, 02:11 AM
السلام عليكم
انا عندي سفاري موديل 1992 اذا لفيت الدركسون يسار يصير فيه صوت ونه كنه مافيه زيت مع العلم أنه فيه زيت
وش السوات لا هنتو
ابوعييدي
15/06/2005, 03:55 AM
السلام عليكم ورحمة الله وبركاته ,,,,,,,,
ياخوي 0(الحضري) اذا كان قير موترك توماتيك تاكد من لديتر القير الموجود داخل اللديتر انا صارت معي نفس المشكله بس موتري فورد اكس بلور
الحضري
17/06/2005, 03:13 PM
جزاك الله خير يا سلفر على النصيحة وما قصرت
وانت يا ابو عييدي بارك الله فيك والله لا يهينك على الرد واضح انك ما سجلت الا عشان الرد لانه أول موضوع لك :)
بالنسبة لكلامك لا انا قير الموتر عندي عادي وفيه واحد من الاخوان يقول الطبه والثاني يوافق اخونا سلفر ويقول الراس وعلى الله
في أمان الله وشاكر ومقدر لكم
ابو ســــاره
19/06/2005, 01:12 PM
السيارة : باثفيندر
الموديل : 2000
المشكله :رجه طويله على شكل مرجحه في خلف السياره يعني بعد ما اتعدى الثامانين يتمرجح الموتر من الخلف حتى انه دايم الناس تخاف وتهدي يحسبون الموتر يبي يقلب .
عرضت الموتر على اكثر من فني واكثرهم يقولون تغيير مساعدات مع اني غير مقتنع فكيت المساعد بنفسي وفحصته طلع سليم !
وبعدها قالو ربلات مقصات دورتها ما هي متوفرة شريت مقصات كامله مع الربل برضه ما راحت
الحل النهائي طلع من المقصات العلويه غيرتها وزالت المشكله
الشقردي
19/06/2005, 01:54 PM
الاخ بسباس
ما وضحت نوع سيارتك
بالنسبة لي
نوع السيارة Vxr98
العطل:
صوت ونة في الرادو ويزيد مع زيادة الدعسة
الفحص والحل:
دخلت الموتر للوكالة في الرياض وبعد فحص صار
السبب من البواجي !!! نعم البواجي من نوع خاص للاندكروزر وزالت المشكلة
دندشه
19/06/2005, 05:57 PM
السلام عليكم
انا عندي سفاري موديل 1992 اذا لفيت الدركسون يسار يصير فيه صوت ونه كنه مافيه زيت مع العلم أنه فيه زيت
وش السوات لا هنتو
عطوني وش خرابه لاهنتواااااااااااااااااااااااااااااااااااااااااااا اااااااا
المرنقط
20/06/2005, 02:10 AM
السلام عليكم
اول شي اخوي دندشــ بالنسبة للصوت شيك على السير الدركسون ولا على الدودة ولا على الليات اللي توصل من علبة الزيت الى الدودة يمكن تصير مسكرة من الوصخ مثل ما صار لواحد من الشباب
ثاني شي بالنسبة لموتري فهو باترول 2001
والمشكلة اللي واجهتني سهلة صعبة :confused: اي نعم لانة عندي قرقعة بالدقرنس الامامي اذا اكلت مطب
ويوم شيكت علية طلع الخراب من جلبة عمود التوازن للدفرنس الامامي ( الملتوي قدام الدفرنس )
قلت سهلة ورحت للوكالة وكلي ثقة :D اني راح احصلها بس فاجؤوني :confused: يوم يقولون لي ما عندنا ولا نجيب منها
قلت طيب عطني العامود كامل !!
قال ما عندي حق الموديل 2001 اذا تبي حق الشكل القديم وسعرة تقريبا 350 ريال بعد الخصم وانت رح رهمة عند الحداد او المخرطة :no2: قلت امعصي خلة على طقطقتة ابرك من يفلت عليك بكرة على ردمية ولا في مقطعة
فا وش رايكم وش الحل لمثل كذ واذا في احد بالرياض يتخصص رالربلات والرمان فاجزاكم الله خير دلوني علية
ولكم جزيـــــــــــــــــــــــــــل الشكر
الحسكولي
20/06/2005, 08:47 AM
مشكور اخوي الشقردي الله يعطيك العافيه على اهتمامك .. سيارتي VXR الله اعلم انك طحت على العله لانه ناس قالو لي تهريب كهربا وربما يكون هذا التهريب من البواجي او اسلاكها ، سوف اجرب . :good:
SilverSniper
20/06/2005, 03:50 PM
يالمرنقط... ممكن ترهم لها جلبة بدون ما تغير العمود... أي مخرطة ممكن ياخذ لك قياس قطر العمود ويسويلك جلبة شحط عليه وبدون خساير.. لكن دور مخرطة مضبوطة وريح بالك.. لكن غريب الوكالة ما عندهم قطعة مهمة زي ذي:(...
الشقردي وبسباس.. المشكلة ذي حصلت لي ( فكسار 93) .. بس ما اهتميت لها وراحت بعد ما غيرت بواجي ولا طرى على بالي انها رايحة الا بعد مدة:)
محافظ وطي.. تعديلات بسيطة.. ثلاجة وكاربريتر وعمود كام إيدلبروك.. بساتم كي بي نفخ... روس موسعة وبلوف ستنلستيل. مراوح كهرب .. القوة.. 435 حصان.. صرفية البنزين.. مثل صرفية 454 تقريباً أو أعلى بشي بسيط لا يذكر.. بس مكبر التانكي:)
المترو
27/06/2005, 10:55 PM
السلام عليكم ورحمة الله وبركاته
مساكم الله بالخير جميعا
وتواصلا مع الموضوع والاعطال هذه تجربه شخصيه
المشكله
انتهاء وتمزق او تأكل جلد الدوده او علبة الدركسون (علبة التروس ) التى تمسكها على الكمر الاماني او بأختصار جلد كراسي هذه العلبه مما يسبب فضاوه بحركة الدركسون وتكون بسيطه جداً ولكن المشكله انها تخرب الصوفه للدركسون بسبب عدم ثباتها وتبداء قضية التهريب للدوده
نوع السياره
السياره لاند كروز 2001
سبب العطل
كثر المطامر وخاصه الارض الحجريه والحجره والحره وسيارات هالايام تنك قص ولزق
الاصلاح
لايوجد قطع لها بالوكاله ولم يصنعها اليابنييين !!!!!!!! لازم تشتري العلبه كامله عشان الكراسي اربع جلد مع مساميرها شيء يقهر بجد
الحل المثالي ترهيم جلد لها 300 ريال عند محلات وزن الاذرعه والدركسون وطبعا يقولون لك 6 شهور وتخرب مره ثانيه ؟؟؟؟؟؟؟؟؟؟؟؟
ملاحظه انا هاليام تعرفون صيف لا روحه ولا جيه وكل يوم وانا انبش بالسياره الله يجيب البراد وينك يا سهيل
وسلامتكم جميعا ً
الرحال2003
}{التميمي}{
28/06/2005, 10:58 PM
يالرحال
والله اني حبيتك في الله
موب اليوم من تاريخ تسجيلي
الله يوفقك ويرزقك ويعافيك
هل تعلم انك بهذا الموضوع استفدنا منه اشياء لاتتوقعها
عموما جزاك الله خير
انا عندي مشكله ولقيت الجواب عقب ما طاح الفاس بالراس
غيرت راس المكينه وبعدها بفتره صار الموتر ينقص زيته
يعني يبيله شنبر
السياره كرسيدا96
الان ابسالكم وش افضل ورشه في الرياض للكرسيدا
وعندي مشكله ثانيه
وهي ان الموتر اذا تعديت 120 تجي رجه
ورحت للعضيب وترصيص ارضي 50 ريال
ولازالت الرجه
هل هي من الكفرات
المشكله الثالثه
اذا لفيت اسمع صوت طنه طقه خفيفه طبعا والسياره تمشي مع ملف من الكفر الايمن فقط
طبعا اذا لفيت وهي واقفه مايطلع صوت
واذا ركب احد معي مايطلع صوت
سداااااح
13/07/2005, 08:45 PM
المشكله بجس 454 دفرنس واحد موديل 92 الحراره هي المشله سيخة الاديتر وغيرت الخراطيش وركبت اصلي وغيرة بلف الحراره وبدون فااايده والحراره ديم من ثلالث ارباع الى الاتش ؟؟؟؟؟؟؟؟؟؟؟؟
SilverSniper
14/07/2005, 10:04 AM
عندك عدة احتمالات أخوي سداح..
1) احتمال حساس الحرارة مفوت أو ما يعطي قراءة صح.. هل السيارة فعلاً ساخنة.. ( تفور - صوت طبخ في الراديتر - حارة جداً )؟؟
2) روس المكينة يبغى لها مسح.. احتمال وارد لكنه ضئيل..
3) طرمبة الماء ما تضخ.. احتمال وارد.. غير الطرمبة..
4) تماتيك أو كلتش المروحة ما يلقط.. شيك على المروحة..
مؤقتاً .. فك بلف الحرارة حتى تخفض الحرارة قدر الامكان حتى تعرف المشكلة..
:)نهارك سعيد:)
منــاكد
20/07/2005, 01:52 PM
الأخ سداااااح
انا صار معي نفس المشكله بسياره كانت معي سوبربان مخلفات امريكا
وغيرت رادييتر، كلتش مروحه، خراطيش، طرمبة, شلت البلف، ركبت مروحتين أمام الرادييتر...ولا بقي الا افك المكينه...
بدون أي فايده.
وأخيراً طلع البلا من حساس الحراره...
اللي جاء مركب عليها حساس لمبه وليس حساس ساعه!!!
وغيرته ورجعت الحراره من الثلاث الأرباع إلى الثلث!!!
فمن الأفضل ان تجرب وتغير الحساس حيث انه لايكلف أكثر من أربعين ريال.
ويبين لك اذا كان السياره بارده وشغلته تشوف الحراره تركض ركض للأعلى ومن حرارة المكينه اذا فتحت الكبوت بعد اي مشوار.
.
منــاكد
20/07/2005, 02:17 PM
من المشاكل التي واجهتني مع السوبربان مخلفات أمريكا وهي كثيره ومن ضمنها الحراره التي في الرد على الأخ سداااااح.
مشكلت الرجه على 110\120 Kph وهي رجه خفيفه.
انواع الوزن والترصيص وغيرت الكفرات بدون اي فايده.
رحت سوريا بصيف (1999) قلت خل اشوف هالسوريين بيقدرون على هالمشكله والا مثل ربعنا.
وبعد الفحص قالوا هذا من الترانسمسيوه!!!
قلت وش يطلع هذا قالوا العمود.
وادخله عند له ورشه بجنب مخرطه يمدحونه ويفكون الترانسمسيوه على قولتهم ويودونه للمخرطه ويتولاه هاكالشايب ويطقطقه يمين يسار ويشيل الرصاص القديم ويرصصه من جديد.
وحط علامات على العمود والصليبات وقال لراعي الورشه لايختلف شي عن شي...ويركبه.
قال خلاص توكل...زين كم الحساب تدرون كم طلع؟؟؟
مايعادل 80 ريال للورشه والمخرطه وشغل أكثر من أربع ساعات!!!
وأجرب السياره الا وكأني توي مطلعه من الوكاله ومن أبدع مايكون.
هذي وحده ولي رجعه إن شاء الله.
.
منــاكد
20/07/2005, 02:32 PM
السلام عليكم ورحمة الله وبركاته
عندي مشكلة ابعرضها لعلي اجد عند الاخون الاعضاء والمشاركين حل لها وهي ان الرادو مشوش وغير صافي وفية ترتره صوتها يتبع صوت المكينه اي انه يتسارع ويتباطاء حسب سرعة المكينة الرجاء من عنده خبرة في هذه المشكلة المساعدة. جزاكم الله خيرا :confused:
هذا التشويش بسبب تهريب كهرب للبودي...وغالباً من البواجي أو أسلاكها إذا كانت قديمه ومشققه بسبب الحراره وتلامس الحديد.
ولاحظ لماتقف عند الإشاره ويجي بجنبك واحد ويشوش راديو سيارتك تعرف ان عند هاللي واقف بجنبك تهريب كهرب بسيارته. وإذا مشى حاول ان تبتعد عنه فتحس ان التشويش يقل وإذا قربت له يزيد التشويش.
.
الشقردي
23/07/2005, 12:14 PM
ودي أسأل الجماعة عن مشكلة حصلت مع واحد من الربع وهي كالتالي:
باترول 98 مسقط له مكينة ديزل نيسان يابانية ومن المعروف ان الديزل مايحتر ولوكرفته كرف لكن العجيب ان الرجال يمشي فيه داخل الرياض ويروح ويجي والحرارة حول الربع لكن اذا مسك خط وتعدى 120 أو 140 ارتفعت الى النص أو أزود شوي واذا خفف السرعة عشان يرقى لكوبري مديور تنزل الى الربع .!!
أرجو الافادة من الاعضاء.
SilverSniper
23/07/2005, 12:16 PM
هذا يالشقردي خرطوش يسفط مع الضغط... العلاج.. غير خراطيش الراديتر..:)
:) نهارك سعيد :)
abu rashid
23/07/2005, 01:56 PM
السلام عليكم ورحمة الله وبركاته
اولا اشكر كل من يقرا هذا الموضوع
عندي سؤالين يا شباب
بالنسبه لقير النيسان الباترول 2002 vtc العادي ...
ما يلكش معي في الثاني والرابع وخـــــــــــاصة الرابع الا عقب الشين
مدري هل هو كذا من الوكاله عيب مصنعي ولا اللي عندي فيه بلا....
لان واحد من الشباب قد قال لي ان واحد مطلعه من الوكاله وفيه المشكله هذي ومعطينه ضمان على القير لانه على قولتهم عيب مصنعي..غريبه..
وصرفيه البنزين اويلااااااااااااه ذبحني اعبيه خزانين ب 110 وما يمشيني الا ثلاثميه وخمسين ديره
ف سويت تصفيه مكينه بواجي وفلاتر والشغلات هذي وخف شوي بس مافرقت 450 تقريبا
احس انها واجد...
واسف على الاطاله وشكرا...
المكنيكي
23/07/2005, 11:19 PM
لنا مقال في صيانة السيارات عن مشاكل الحرارة في السيارة .
غضنفر
24/07/2005, 06:20 AM
هذا يالشقردي خرطوش يسفط مع الضغط... العلاج.. غير خراطيش الراديتر..:)
:) نهارك سعيد :)
اخوي سيلفر ممكن تشرحلي كيف يسفط الخرطوش مع الضغط ولك جزيل الشكر
SilverSniper
24/07/2005, 08:15 AM
اذا أسرعت المكينة... يزيد ضغط المياه في الراديتر والخراطيش بسبب زيادة سرعة طرمبة الماء.. ويفقد الخرطوش صلابته بسبب الحرارة والتمدد والزمن.. ومع سريان الماء فيه بقوة.. يسحبه الماء لانعدام صلابته فيلتصق أعلاه بأسفله مسبباً انسداداً جزئياً..وبالتالي ارتفاع الحرارة
غضنفر
24/07/2005, 09:01 AM
SilverSniper كفيت ووفيت وانا سيارتي جديدة ما مشت الا 20 الف والاحظ اذا اسرعت فوق 120 تزيد الحرارة
الين تاصل قريب من النص (تكون سرعتي هنا حول 180) واذا خففت السرعة ل120 ترجع الحرارة طبيعية اقل من الربع
فهل تعتقد ان خراطيش الاديتر فيها مشكلة(وكيف اتأكد) او انه طبيعي والي اعرفه ان السيارات الجديدة حرارتها ثابتة
ولا تتأثر بالسرعة
salehhd
24/07/2005, 05:08 PM
السيارة : باثفيندر
الموديل : 2000
المشكله :رجه طويله على شكل مرجحه في خلف السياره يعني بعد ما اتعدى الثامانين يتمرجح الموتر من الخلف حتى انه دايم الناس تخاف وتهدي يحسبون الموتر يبي يقلب .
عرضت الموتر على اكثر من فني واكثرهم يقولون تغيير مساعدات مع اني غير مقتنع فكيت المساعد بنفسي وفحصته طلع سليم !
وبعدها قالو ربلات مقصات دورتها ما هي متوفرة شريت مقصات كامله مع الربل برضه ما راحت
الحل النهائي طلع من المقصات العلويه غيرتها وزالت المشكله
السلام عليكم
غالباً المشكلة زي ماقالولك من اليايات
ليش ما تمر فيها الوكاله وتخليهم يفحصونها ويعلمونك المشكلة علشان ما تخسر على الفاضي
GARTRIP
24/07/2005, 05:55 PM
المشكلة : ارتفاع كبير في درجة الحرارة .
الحل : كان المبدد الحراري للسيارة (القزوز) مصدي بدرجة كبيرة ، فغيرته بناء على نصيحة ميكانيكي فاصبحت درجة الحرارة لا تصل إلى الربع إلا في الظهر ومع تشغيل المكيف والحمد لله .
عليم الظمى
24/07/2005, 10:01 PM
الحقيقة موضوع جدا مهم
واشكرالاخ الرحال على هذاالموضوع
انا عندي رد على الاخ حضري
وهي قاعدة باي مكينة بالعالم ان ظغط الزيت اقوى من ظغط الماء
واعتقد انك فهمت كلامي
عندك تهريب بالوجية غير طقم الوجية وان شاءالله ماتشوف شر
اللهم انصر المجاهدين في كل مكان
امين امين امين امين امين امين امين
عبودكم
25/07/2005, 01:39 AM
اخوي عنده با ترول 92 اذا اسرع ووصل 100 يرج الدراكسون رجة تروع ويطول وهو يرج لمين تهدي شوي وش طلع السبب وذا شي مهم جدا لازم ننتبه ونشيك عليه دايم السبب (مساعد الدركسون ) مبوش وبغى يقلبنا والله ستر
السارب
25/07/2005, 08:31 PM
السلام عليكم ورحمة الله وبركاته
بصراحه الموضوع يفيد الجميع من هذا المنطلق سوف اذكر اكثر من موقف مميت :no2: لغرض الفائده واللأجر
1- يوم من اللأيام طلت للأ حد الشعبان القريبه من الريا ض ومعي جيب باترول ومعي تقريبا اثنين لتر ماء :( والوقت اول الصيف وصلت بعد ساعه للمكان المطلوب في طريق العوده احترق الكلتش للأنه من زمان ضعيف :( المهم مالك اللا ربك سبحانه ماعندك جوال والقار بعيد وحر ولا معك ماء المهم عشقت الموتر بواحد ودعست شوي بنزين بعد دقيقه بديت احس اني بتطلع روحي من التعب والضما وشرب اخر الماء بعدين حسيت ان الموتر بدا يتحرك يالله لك الحمد :) ويمشي اكثر شي عشرين بعد ساعه قال الموتر هذا محلي نزلت تحت الموتر في الضلا ل وبديت اتشهد واطلب الله :no: قبل مغيب الشمس شفت ذود ابل صرت امشي وراها إلا جينا مراحها وطحت في الخيمه
جاني راعي الحلال واسقاني حليب وشوي ماء إلا ان صحيت
بعدها معزبه وصلني للخط بعد مشي ساعتين
بعدين ركبت مع راعي وايت ماء وخاف مني يضن اني جني من التربان وحالتي حاله
وصلت للبيت الساعه 9 العشاء وأنا طالع الساعه 6 الصباح
نمت بدون اكل منشدة التعب
اليوم اللي بعده رحت مع واحد من الربع للسياره وسحبناها لمحل راعي البل واهديته السياره وأنا ماني مصدق الموقف وانا إلى اللأن ادعيله وللحديث بقيه
تميراوي
25/07/2005, 10:15 PM
انا معي لاندكروزر النور يقوى ونا ماسك الخط بلحاله يكشح مره وحده بعدين يرجع رحت لكم واحد واحد يقول فحمات دينمو الكهرب وواحد يقول التماس واخر شي قالي واحد من عماني كبير في السن ان الاصابع الي في البطاريه ماشبكت صح وفعلا نضفة الاصابع ولكيتها صح في البطاريه وضبط معي
ابو مشعل2
17/08/2005, 08:28 AM
السلام عليكم ورحمة الله وبركاته
عندي مشكلة بسيارتي Vx-r 93
المساعدات الخلفية تنفجر معي واغيرها تقريبا كل ثلاثة اشهر
ما لقيت حل الا اغير نفس الوكالة وما زالت المشكلة قائمة حتى الان
شوفو لي حل والله تعبت من كثر التغيير :( :( :(
alhawi
17/08/2005, 07:29 PM
يا جماعه سوال وستفسار الي اهل العرف ودرايه في الموضوع المنصوص.............
كيفيه الاستغناء عن مفتاح الباث فندر المشفر وتحويله الي مفتاح عادي؟؟؟؟؟؟؟؟؟؟
وكيف عمليه تشفير المفتاح بدقه؟؟؟؟؟؟؟
فضلا وليسي بامرا ومشكووووووووووووووووور يا شباب علي المرور ومشكووووووووووورين المداخلات...
الهايلوكس
فيه دقه عند الكفر
إذا لفيت الطاره
كيف تسويف تشحمه
هو عباره عن حديده تصك فالكفر او فالبدي
الناتوف
06/09/2005, 11:52 PM
السلام عليكم ورحمة الله وبركاته
أخواني أعضاء مكشات
عندي سيارة أسمها فنيشر النوعية شفر الحقيقة السيارة فيها عطل
المكيف إلي فيها حار وديناه كل مكان ولا نفع أرجو المساعدة وشكراًملاحظة: أنا من الكويت
الناصر220
09/09/2005, 04:32 PM
اشتكي على الله ثم عليكم من حبيب القلب باترول م 93 لا كن اتعبني بالقربعه على طول صوت الأ بواب ودائما اذهب به لتربيط لاكن حبه داخل قلبي ولا احب افارقه كيف العمل .
المترو
11/09/2005, 06:03 PM
السلام عليكم ورحمة الله وبركاته
اخي الناتوف
اذا كان المكيف يشتغل اي الكمبرسر ومتأكد ان الفريون تمام لكن الهوى يجيك حار او احيانا حار واحياناً بارد او جهه بارد وجهه حار من فتحات المكيف
المشكله تكون بهواية المكيف الحار وهي عباره عن بوابه اتوماتيك او ثرموستات خاصه اذا تعطلت لايخرج الا الهواء الحار او جزء منه وهي موجوده بالطبلون من الداخل اما تغييرها او اللغائها نهائياً قل الميكانكي يلغي المكيف الحرا وتضبط ان شالله شغله جداً بسيطه
امل انها تكون كذلك وتنحل المشكله
الناصر200
لايصلح العطار ما افسده االدهر سفاري و93 والله ماهي غريبه وشيء طبيعي وخصوصا انك تقول سويت تربيط ولم يفيد معك بالقربعه
انا شخصيا ليس لدي حل لهذه المشكله
ابو مشعل2
حياك
المشكله عندك باليايات لانها تجعل الثقل للبدي على المساعدات وتنفجر سريعاً عند ضرب المطبات
غير اليايات وتنحل المشكله والله واعلم
وللجميع اجمل الاماني
القصبي
17/09/2005, 02:39 AM
السلام عليكم ورحمة الله وبركاته
انا معي هايلكس 97 Glx
ان تعيدت 80 كيلو يعني السرعة صار الموتر ينتفض ويرجج رج غير معقول
المهم وديت الموتر الى الوكالة
الحل
صار ااحد الكفرات مكرش
استبدلت الكفرات مع الترصيص وزان الموتر
نفس الهايلكس جتني مشكلة الا هي ان اسرعت سرعة 100 تفتف الموتر وكن ودي يطفي
العلاج
سهل ورخيص
صافية بنزيم ام عشرة اريل
والسلام عليكم ورحمت الله وبركاتة
ابو راشد
17/09/2005, 09:05 AM
تخيلو اني كنت صغير لايتجاوز عمري 12 سنة وانا اكتشفت العطل
نوع السيارة رنج روفر مديل قديم المكيف ف السطح
كنت برفقت والدي واحد من جماعتنا
كنا نطرد الظبي ولما حديناه على الرملة قربنا نلحق بة ونمسكة باليد نريده حي
على سير السيارة وقفت وراح الظبي وجلسنا في شمس تذوب دماغ الضب من حرارتها نحاول نصلح العطل وبعدين تذكرت انا
لما تفتح للتشغيل يكون صوت صغير مثل تت تت تت خبرتهم به كان موجود ف السابق والان اختفى
وطش واحد من الموجودين وقال اسميك جبتها ... وكان العطل انة واير الافيول بمب لحق في الاكزوز .. وسلامتكم
ألشاكي
24/09/2005, 04:43 AM
ياشبااااااااااااااااب الي سيارته نيسان ينتبه من الكهرباء وخاصه البليتيين والله انه مخثه واذكر مره انا قانص مع شباب وفجئه طفت السياره هي نيسان سفاري والمشكله البليتيين ثم لو الله ثم جونا ناس رحنا فيهااااا
حـاتـم
24/09/2005, 05:56 AM
السلام عليكم
حلول ارجوا انها تكون مفيده
اخوي ابو معاذ ماخبر للباترول عكس عشان ينخرط راسه؟
بس الحل عامود مساعد الدركسون
اخوي محافظ وطي ركب فرارات اما غيره مادري
ياخوي المرنقط الحل عندي لك ورشه ممتازه والعامود موجود قيمنه 140 ريال
اة الربلات قيمتها 50 ريال انا اجيبها لك والورشه موجوده تواصل عالخاص وابشر بالحل
دندش انا عندي هالمشكله مازيينتها للحين بس واحد قالي ربط المساعدات الاماميه زين او غيره وتروح
عبودكم مساعد الدركسون او عامود ماساعد الدركسون لحل المشكله
اخوي جويعد القير بالرابع اذا كنت شاب عليه بالثالث مايلقم بسرعه هاذي عندي بعد
اصبر شوي وعشق عادي اما الصرفيه موترك فيه بلاء لانه يمشينا ال4800 حول ال650
طيب ركب فرارت الدبل ويمكن يفرق
اخوي الشقردي خل يركب دبه يوكن وانشاء الله تروح
اخوي الناصر
ود موترك لورشه النويصر وبتدعيلي مجربينها على اخو موترك وضبظ
انا كانت عندي مشكله الرجه من ال80 الى 100كم
كان الموتر يرج بقوه بسبب البالون ال900
يوم وديتها لورشه مضبوطه قالي اذا ماضبط الموتر لاتعطيني فلوس واخرتها ربلات عامود الدركسون وتكبيس الاذرعه وضبط والحمدلله
الكهرب لبالنيسان الددسن اكثر شي والقديم مره اما الجديد ماضتني مجربينها
ابو مشعل ركب ياي استرالي وابشر بالخير بتدعيلي قيمته 990 من عند الرمايه
اخوكم / حاتم
اتمنى اني افدتكم
اتمنى لكم حياه بدون اعطال
الساجي1
26/09/2005, 09:10 AM
--------------------------------------------------------------------------------
يالربع السلام عليكم ورحمة الله وبركاته
الله قدر علي وشريت Gxrموديل 2000 جير عادي به صرفيه زيت مدري منين
مابه دخان شنبر دخان ازرق او اي دخان اوتغير بلون الزيت كنك توك صاب الزيت يعني نظيف ولافيه تهريبات
ولا تبخير من غطاء المكينه ولابه زيت على روس البواجي ونعنبو ينقص زيته وش الحل الفزعه يالربع
15 PSI
27/09/2005, 03:52 PM
السلام عليكم
السياره لاندروفر ديسكفري
الفلشر "اشارات التنبية" يشتغل لحاله ولا يطفى عن طريق السويتش حقه بعد مطب قوي او ميلان السياره بشده او ارتفاعها في الهواء وهبوطها بعنف او حادث تصادم لا قدر الله
السبب : ميزة امان لتنبية السيارت الاخرى بدون تدخل السائق
الحل: اطفاء المحرك وسحب المفتاح ثم تشغيل السياره مره اخرى
s3fh@hotmail
27/09/2005, 06:50 PM
صوت طقه بالصني لامن اخذت مطب ,,, مالقيت حل
رجه بباث 2002 المشكله عمود الدبل
صرفية الصني اشد من الكرولا ولا الفرق وش الحل ؟
السلام عليكم ورحمة الله وبركاته
جمس صحن كل ما شغلته تطلع لمبة check engine soon الموتر يدعس خفيف كأنه يسخن و أول ما أمشي شوي تروح
الي عنده علم يرد يا جماعة الخير
و كل عام و انتم بخير
أبو يوسف
07/10/2005, 11:51 PM
اخوي اوسدا
الموتر بخاخ ولا كربليتر ؟؟
اذا كان بخاخ شيك على مشبك الكهرب حق القزوز
عموما اللمبة هذي مهب مخيفة لأنها باللون الاصفر
وهي تطلب التشييك فقط
---------
العطل اللي كان في سيارتي :
شيروكي 99
اذا مشيت مية وفوق واخذت مطب او اثنين ( مطب مهب قوي مرة بس تتحرك السيارة كلها ) تطلع رجة بالموتر تقعد شوي ثم تروح
المشكلة طلعت من مساعد الدركسون
التكلفة
المساعد ب 200 ريال اصلي
والتركيب 80 ريال
مع التحية
السلام عليكم ورحمة الله وبركاته
مشكوووور و ما قصرت ابو يوسف
الموتر بخاخ
ان شاء الله بكرى بشيك عليها عند الكهربائي
و كل عام و انت بخير
ابو سلمان
10/10/2005, 12:00 PM
السلام عليكم ورحمة الله وبركاته
صارت لي بعض المشاكل وعملت صيانه ومن باب الفائده نذكرها
السيارة نيسان باترول 99
المشكله الاولى
تهريب زيت من اسفل المكينه من عند بكرة السيور من الصوفه
الاصلاح
تغيير الصوفه مع خرط البكره
المشكلة الثانيه
صوت طقة اذا لفيت الدركسون للاخير يمين او شمال
الاصلاح
تغيير جلب عمود التوازن وتربيط رمان الهوب من الدفرنس وترصيص ارض ووزن اذرعه
حر اليدين
12/10/2005, 10:36 AM
ددسن 91
تقطيع في الكهربا مع ن المكينة تلاحظها صافية
الموتر مايمشي الا 100 كلم فقط لاغير ورجلك وانت داعس يشوفونها تحت الصدام من قوة الدعسة ههههههه
غيرت بواجي وبليتين واسلاك وفلتر وصفاية ولازالت المشكلة متفاقمة
حتى انه جيت لميكانيكي اعتقد انه اكن قصاب قال ممكن شكمان دخل السيارة بالريوس في الحفرة قلت اوكي ويوم مالقى شي قال جيب كنداسة جديد قلت ثواني صديق انا يروح جيب كنداسة وليومك ماشفته
المهم طلعت المشكلة في الاسطنس وهو البويبينة وتسمى العظمة =مفرد عظامة
اخوكم حر اليدين
الانيس
15/10/2005, 10:55 AM
السلام عليكم ورحمة الله وبركاته
ياجماعة الخير انا عندي سفاري99 صار فيه رجه مهيب طبيعيه تجي اذا اكلت لي مطب او اذا اسرعت
رصصت الكفرات لكن مافيه فايده ورحت لم ورشه وقالي مساعد الدركسون وشريته 160 ريال وشغل يده ب50 ريال..... صحيح ان الرجه راحت بس باقي منها شي بسيط وش الحل تكفون ....وتراي انتظر ردكم يا لأ جواد....
محمد السبيعي
18/10/2005, 09:19 PM
بسم الله الرحمن الرحيم
معي هايلكس 2004 كانت امشي على الخط وفجاءه ارتفعت الحراره معي وقفت السياره وجلست شوي وفتحت غطاء الرديتر
ولقيت الرديتر ناقص ماء وعبيته المهم بعد مرور ساعتين ارتفعت بعد وقفت في المحطه ورميت بلف الحراره واصبحت السياره
كويسه ولكن بعد يومين رجعت الحراره وديتها الوكاله وقالي المهندس الديزل لازم يكون البلف فيها لانها تحتاج حراره ركبلي بلف
وغير غطاء ارديتر وماء الرديتر ولكن دون جدوى اذا زدت السرعه على اكثر من 120 ترتفع ماطول عليكم
وجدت الحل بعد عناءُ طويل هذا من فضل الله ثم فضل الشايب ركبني في السياره وقالي ادعس ودعست على الابنص وقالي خلاص
رح غير الخرطوش لانه كل مازادت السرعه يلتوي وغيرته وابشركم السياره ok
VTC2002
19/10/2005, 05:21 PM
السلام عليكم ورحمة الله وبركاته
أنا مرت علي مشكله وأكيد مرت على الكثير من أهل الباترولات موتري باترول موديل 95 كان عندي رجه شديده مع صوت (عرير ) أول ورشه جيته قالولي ترصيص رحت ورصصت ما تغير شي ورجعت وغيرولي صليبات العمود الخلفي مع العلم ان موتري فيه فرارات غيرنا الصليبات ما تغير شي وكل يوم يزيد الصوت واحس الصوت وسط السياره يعني عند العمود وكانت الرجه تزود بعد 100 إلى 140 ك وتخف بعد 140 وتزود مع الدوس وقام يضعف عزم الموتر يوم بعد يوم وبعد مضي ثلاث شهور وانا من ورشه بورشه وما خليت شي ما سويته إلا درجت إني غيرت العمود الكردان ولا تغير شي وبعد هالمده مريت واحد سعودي بورشه أعرفه من زمن قال ما فيه إلا حل واحد نغير الدزق والصحن والكلتش ونشوف قلت سوى اللي أنت تبي السياره بين إيديك غيرت الدزق والصحن والكلتش وبعض الجلد والربل اللي حولهن وابشركم رجع موتري تقل جديد راحت الرجه والصوت ( العره) وزان عزم الموتر وصارت قومته قويه وانحلت مشكله شيبت براسي
ولكم اجمل تحياتي,,,,,,
ابوالطواري
30/10/2005, 03:18 AM
السلام عليكم جميعا
السيارة :هايلكس2002
المشكله :انشق الرديتر وانت في البر
الحل :تفك السده الي في اسفل الرديتر بعد ما تفكه حتى تقضى المويه وتخليه لين ينشف
ثم تجيب الغرا (اللي تخلطهم مع بعض) وتحطه على مكان التهريب لين ينشف ثم تركب الرديتر
ويصير من احسن ما يكون
ابو سلمان
30/10/2005, 03:33 AM
السلام عليكم ورحمة الله وبركاته
ياجماعة الخير انا عندي سفاري99 صار فيه رجه مهيب طبيعيه تجي اذا اكلت لي مطب او اذا اسرعت
رصصت الكفرات لكن مافيه فايده ورحت لم ورشه وقالي مساعد الدركسون وشريته 160 ريال وشغل يده ب50 ريال..... صحيح ان الرجه راحت بس باقي منها شي بسيط وش الحل تكفون ....وتراي انتظر ردكم يا لأ جواد....
وعليكم السلام ورحمة الله وبركاته
اخوي الانيس
هذا الرابط بينفعك ان شاء الله
لاتنسانا من صالح دعائك
http://www.mekshat.com/vb/showthread.php?t=36856
ابومناحي
31/10/2005, 02:14 AM
السلام عليكم ورحمة الله
اما سيارتي وما أدراك ما سيارتي :(
لاندكروز 96 Gx
المشكلة .. ان الزيت يدخل في الأديتر بشكل مستمر ووديتها لأكثر من ورشة وأكثر من مكانيكي
في البداية قالو لي أن العطل في الثلاجة وقمت بتغيرها أكثر من مره
والحقيقة ان المشكلة إلى الآن موجودة .. لكن اللي أسويه أني اقوم بتنظيف الأديتر كل نهاية شهر بنفسي :)
مع العلم ان العزم ميه ميه والمكينة ممتازة
هل عند احد من الأخوان فكرة عن هذا الموضوع
فمان الله
غير مبرد الزيت
لان الماء يدخل بمبرد زيت المكينه ويخرج للاديتر
ابومناحي
31/10/2005, 02:19 AM
اقول لكم يا جماعة .... ما لقيتو حل لصرفية البنزين في اللاند كروزرالقديم ( 93، 94 ) عندي واحد مهبلني وغيرت له كلبريتر ونفس الوضع.... ادني مشوار بخمسين او ستين ريال
وش السوات
اشب فيه .... لكنه دوا البر والتغاريز
شوفو لنا حل معه ..... اصلحو بينا
ركب مروحة كهرب حقت قران شروكي 97 وتخف الصرفيه وكذلك غير اسلاك البواجي والبواجي وان حصل تصنفر البلوف وتنزل الصرفيه تقريبا 30 بالميه
ابومناحي
31/10/2005, 02:22 AM
السلام عليكم ورحمة الله وبركاته
جمس صحن كل ما شغلته تطلع لمبة check engine soon الموتر يدعس خفيف كأنه يسخن و أول ما أمشي شوي تروح
الي عنده علم يرد يا جماعة الخير
و كل عام و انتم بخير
غير فلتر الهواء وافصل البطاريه عشر دقايق ورجعها ثانيه وماتشتغل ان شاء الله
ابومناحي
31/10/2005, 02:27 AM
السلام عليكم ورحمة الله وبركاته
عندي مشكلة بسيارتي Vx-r 93
المساعدات الخلفية تنفجر معي واغيرها تقريبا كل ثلاثة اشهر
ما لقيت حل الا اغير نفس الوكالة وما زالت المشكلة قائمة حتى الان
شوفو لي حل والله تعبت من كثر التغيير :( :( :(
ابومشعل اليايات عندك تعبانه ركب استراليه واذكرني بالخير
ابومناحي
31/10/2005, 02:31 AM
السلام عليكم ورحمة الله وبركاته
أخواني أعضاء مكشات
عندي سيارة أسمها فنيشر النوعية شفر الحقيقة السيارة فيها عطل
المكيف إلي فيها حار وديناه كل مكان ولا نفع أرجو المساعدة وشكراًملاحظة: أنا من الكويت
اخوي عندك هوزين داخله بالمكيفه من عند المكينه هذي يدخل فيها ماء من الاديتر قفلها ولاتخلي الماء الحار يدخل بالمكيف
ورايح يشتغل البارد بس الحار ماكو :)
ابومناحي
31/10/2005, 02:35 AM
اشتكي على الله ثم عليكم من حبيب القلب باترول م 93 لا كن اتعبني بالقربعه على طول صوت الأ بواب ودائما اذهب به لتربيط لاكن حبه داخل قلبي ولا احب افارقه كيف العمل .
اذا عندك الاستبنه على الباب الخلفي شلها من مكانها ودبر مكان ثاني لها
وثاني شي افحص مفصلات الابواب (افتح الباب والشباك وامسكه كأنك بتشيله فوق على خفيف بس اذا تحرك الباب لفوق معناتها المفصلات تعبانه غيرها وتروح كل القربعه ان شاء الله )
salehhd
01/11/2005, 10:33 PM
اخوي نصيحتي لك ال Vxr افضل واقل صرفيه بنزين
طبعا التماتيك احسن وخفيف القياده لان السياره ثقيله وصالون والعايدي متعب جدا خاصه بالمدن الا اذا انت 90 % بالبر
التماتيك مافيه اي مشاكل اذا انت تحافظ على السيارة وتغير فلتر القير كل 50 الف
كلام سليم
والتماتيك الياباني ماعلية خلاف خاصة الهوندا والتويوتا
أبو أسماء
12/11/2005, 03:00 PM
ألا حظ ان اكثركم عن الاندكروزرو وانا معكم كان معي لاندتكروزر 92 بالفترة الاخير الدركسون ثقل مرة ويطلع صوت لليسار رحت لواحد قال انه لازم تغير طقم الدركسون غيرت طقم الدركسون ومازالت المشكلة
ارجو الذهاب الى موقع ابو اسماء في مكشات وراح تلاقي الحل اجاب على نفس المشكله لصاحب يوكن
الدهماني
14/11/2005, 01:13 PM
أنا حصل معاي عطل وهو عدم اشتغال التانكي الاحتياط للبنزين
وسيارتي باترول 99
قالي كهربائي إفصل راس البطارية ثم ركبها وراج يرجع ويشتغل
وفعلا حصل معاي واشتغل ولما سألته عن السبب قال إن العطل اللي عندك إلكتروني في الكمبيوتر
واذا فصلت راس البطارية ورديته فتكون سويت إعادة تشغيل للكمبيوتر ويصلح نفسه بنفسه
مثل الكمبيوتر العادي لا ابتلش الرجال فينا وتوهق بعطل
نقز الريستارت كأنه ما يدري
ويحل مشكلته
عليمي2000
15/11/2005, 11:48 AM
يالربع السلام عليكم ورحمة الله وبركاته
الله قدر علي وشريت Gxrموديل 2000 جير عادي به صرفيه زيت مدري منين
مابه دخان شنبر دخان ازرق او اي دخان اوتغير بلون الزيت كنك توك صاب الزيت يعني نظيف ولافيه تهريبات
ولا تبخير من غطاء المكينه ولابه زيت على روس البواجي ونعنبو ينقص زيته وش الحل الفزعه يالربع
هذه مشاركة الاخ الساجي 1
واعتقد ان مشكلة سيارتك من جلد البلوف ناشفة ممايجعل الزيت يتسرب الى غرفة الاحتراق ولكن ببط شديد لاتلاحظه على شكل دخان توبيش ولكن عند التحرك بعد وقوف السيارة لفترة بسيطة تلاحظه او بعد التحرك بعد الانتهاء من تحمية السيارة.
اسـير الشـفـر
24/11/2005, 10:12 AM
محافظ وطي... البليزر غير طال عمرك.. الجموس يمكن.. لكن البليزر غير.. وخصوصاً القديم..
أنا معي بليزر 90 معدل مكينته ..جيوب الربع4500 ما تلحقه على الطعوس... السيارات القديمة ما تقدر تحكم عليها طال عمرك.. :)
ايه والله انك صادق واللي مايجرب مايصدق
عموما
السلام عليكم ورحمة الله وبركاته,,,,وبعد
السياره /سلفرادو2000 مثل اليوكون بس حوض مثل هذا
http://www.uparab.com/img/1132812238.jpg
المشكله/ تفتفه بسيطه عندما اكون مسرع 140ثم ارفع الدعسه يوم توصل السرعه ل100 وادوس على دعسة البنزين بشكل خفيف تلقى السياره تفتف تفتفه بسيطه ثم تختفي وما تصير الا بالشكل هذا ولا غير كذا مافي لاتفتفه ولاشي ودائما تجي هذه المشكله بعد ماغير البواجي
الحل/ السبب من البواجي لانه بواجي اليوكون والجموس الجديده لازم تنوزن قبل التركيب اي انه نفس العكفه اللي في البوجي اللي فوق راس البوجي اللي يطلع الشراره لازم تكون متساويه مع بعض في الثمانيه البواجي.والسبب هو عدم جودة البوجي حتى الاصليه حاليا من الشركه ماهي امريكيه اكثرها تايوانيه ومكسيكيه واللي استغربت منه انه افضل بواجي ليوكون والجمس هي AC DELCOاللي تكون مصنوعه في اليابان وتلقى مكتوب على البوجي صناعه يابانيه ,ايضا من اسباب المشكله انه في بعض البواجي تكون اضعف من غيرها مما يسبب تفتفه في السياره فتحتاج الى تغيير البوجي الضعيف فقط وليس كل البواجي
قيمة البواجي 120وفيمة الاصلاح40 المجموع160ريال
اخواني بارك الله فيكم
السيارة تاهو شيفورليت اخو اليوكن
موديل 2000
وحنا طالعين الهداء وبعد منتصف الجبل طفت السيارة من وحدها وركنا جنب الخط وبعدين دقينا سلف واشتغلت ؟ ماهو سبب هذه المشكلة ؟؟!!!
قصيمي والهوى شرقي
07/12/2005, 01:39 PM
شكرااا على الموضوع الجميل لاكن انا عندي عطل وأبغى وين هوبه اصلحوه بالرياض وشكراا والعطل هو صرفيه خفيفه السياره شروكي v8 وش السوات تكفون قبل العطله وشكرااا
aziz8575
24/12/2005, 11:38 PM
أخ/ حضري الله يحفظك ممكن المبرد حق الزيت
جزاك الله كل خير على التوضيح
لكن ياليت اي شخص يحاول ان ياخذ حذره من التماس الكهربائي خاصة في السيارات الحديثة لان الكهرباء مربوطة ببعض عن طريق الكمبيوتر ولو حصل اي تماس يسبب مشكلة كبيرة
تحياتي
اسـير الشـفـر
05/02/2006, 03:55 AM
اخواني بارك الله فيكم
السيارة تاهو شيفورليت اخو اليوكن
موديل 2000
وحنا طالعين الهداء وبعد منتصف الجبل طفت السيارة من وحدها وركنا جنب الخط وبعدين دقينا سلف واشتغلت ؟ ماهو سبب هذه المشكلة ؟؟!!!
وانا اخوك ممكن تكون بسبب طرمبة البنزين لانه احيانا تقطع كذا وتخلي السياره تطفي بس اذا كانت هي السبب ماراح تطول معاك يعني بالكثير لو عطتك شهر ويمكن يكون سبب ثاني والله اعلم
اسـير الشـفـر
05/02/2006, 03:58 AM
اخواني بارك الله فيكم
السيارة تاهو شيفورليت اخو اليوكن
موديل 2000
وحنا طالعين الهداء وبعد منتصف الجبل طفت السيارة من وحدها وركنا جنب الخط وبعدين دقينا سلف واشتغلت ؟ ماهو سبب هذه المشكلة ؟؟!!!
وانا اخوك ممكن تكون بسبب طرمبة البنزين لانه احيانا تقطع كذا وتخلي السياره تطفي خصوصا لوكان البنزين في التانكي قليل بس اذا كانت الطرمبه هي السبب ماراح تطول معاك يعني بالكثير لو عطتك شهر ويمكن يكون سبب ثاني والله اعلم
صقر الدهناء
06/02/2006, 12:06 AM
السلام عليكم اخوي ابو سارة كيف الحال كم تدفع وحللك المشكله
وبعدين يقوال المثال ( اسال مجرب ولا تسال ورشه ( وكالة) )
ان كانت عندي نفس المشكله الى درجت اني كرهت السيارة الحال
روح الى ميزان المجد في الصناعيه القديمة وقلهم اني عندي عومان طبعن بشيك على اعمدت التوزن وان متاكد انه العمودين الطوال
وبعدين رح لوكالة وطلب رقم القطعه وطلع من الفرع الي مريت علية ورح فرع ثاني وطلب منه ربلت ودا قلك مافية قله اطلبلي من جدة التركيب عند الوكالة 200 ريال وكبس ربلت 70 او 80 ريال وانصحك تروح تركبه عند
الوكالة فرع خريص الجديد عندهم مهندس سوداني رهيب
gazyf
11/02/2006, 08:25 AM
السلام عليكم ورحمة الله وبركاته
هل طرمبت البنزين تسبب فرقعة اذا غير القير من نمرة الى نمرة بسرعة
وكم تحياتي ،،،
اسيزو 4x4
17/02/2006, 03:31 PM
الدينمو يا جماعة الخير غريب الأطوار أبي الحل لا هنتوا يالغاليين
واحد من الأقارب..... يحترق عندة سلك الدينمو اللي يجي بين اللفة والفحمة داخل الدينمو .. غيرة السلك ولا في فايدة غير الدينمو ولا فايدة وش الحل يالنشاما :confused: )
لا هنتوا يالغاليين ......
العودالازرقhk
17/02/2006, 10:22 PM
السلام عليكم ورحمة الله وبركاته
اخواني احب اعرض عليكم مشكله مرت علي في سيارتي الجيب الشاص الموديل 96وهذه المشكله كثير من الناس يعاني منها
المشكله/ عدم تغيير القير وخاصه الاول والثاني في الصباح البارد (اذاكان القير بارد) وبعد ما يحتر القيراي بعد مايسخن تذهب هذه المشكله
الحل/ هو تغيير زيت القير بزيت اصلي من الوكاله وهو ياتي في عبوه كبيره اي 20لتر لون العبوه اسود تباع في الوكاله ويغير الزيت لك اي محل بنشر وسوف تجد فيه اختلاف عنه وعن الزيت المباع في محلات البناشر
وهذه الطريقه مجربه من قبل اكثر من شخص
وفي الختام اسئل الله ان ينفع بهذه الطريقه اخواني المسلمين
والسلام عليكم ورحمة الله وبركاته
الشوشلي
19/02/2006, 10:44 PM
السلام عليكم بصراحه موضوع ممتاز جداً
سبق لي وان عرضت المشكله اللي حاصله مع موتركي ولكن ما يظر بعد اقولها هنا
انا معي باترول سفاري موديل92 وعيبه البنزين يشرب بشكل غير طيبعي
لأني قارنت بينه وبين موتر واحد من الشباب طلع الفرق كبير
ما الحل
مع الشكر للجميع
راعي النفود
12/03/2006, 11:39 AM
السلام عليكم ورحمة الله
اخواني الاعزا قبل شهر وعدة ايام تحرك الهوا بسرعه عاليه واثار الاتربه والغبار وانا كنت بوسط الصمان قررت الرجوع الئ الرياض مما سبب ترميل وجه السياره ارجوا المساعده . ولكم شكري وتقديري
السياره شاص موديل 2006م جديده وانا منقهر
ظلال الشمس
15/03/2006, 09:13 PM
السلام عليكم ورحمة الله وبركاته
اخي المعلن عن حل رجة السفاري وش اللي خرطته بالضبط وين صلحته وكم كلف وهل هي مجديه وكم لك من فترة بعد اصلاحها، لأني رحت لميزان وغيرت ذراع الدركسون وشهر ورجعت الرجة ورجعت وقالوا كبس اذرعة ونفس الحركة فهل هذي مجديه صحيح لأني تعبت وانا اصلح الرجه لي الآن سنتين على هالموال بيني وبينك مليك فإذا كان هذا هو حل مجدي ارجو منك الرد وجزاك الله خيرا اخوك ظلال الشمس
الشقردي
19/03/2006, 01:48 PM
عندي VXR 98 بدون هيدروليك, في هالسنة بديت أسمع صوت صرصره مع المطب وكذلك اذا لفيت الدركسون وما تطلع هالاصوات الا اذا كنت توني راجع من البر تجلس يوم يومين بالكثير وتروح بعد فتره (مع العلم انها ما تطلع الاصوات وانا في البر) سألت ميكانيكي قال لو تغسل السيارة من تحت يروح الصوت رحت وغسلتها من تحت بستم بالماء بدون ديزل (مع العلم اني ما قد غسلتها من تحت الانادرا),المهم استمريت على هالحاله مرتين ثلاث وانا كل ما رجعت من البر اغسلها.
اليوم رحت للصناعيه بأشوف وش المشكله (لأن الصوت زاد ولا بعد راح الى الان) وقفت عند أكثر من ميزان قال أصلا يبيلك تغير الركبه اليسرى (يعني لازم تغير المقص اللي تحت كامل لأن الركبه ماتجي لحالها) (نفس جهت الصوت) وكذلك الدوده غير ثابته تبي لها كراسي (وهذي تولف وتخرط في المخرطة لأنها ماتجي الا مع الدودة كامله).
الزبدة أنهم قالوا أول شئ لازم تصلح هذي قبل تشوف الصوت, مع العلم اني اذكر اني قبل حوالي 5 سنين قد اكلت مطب قوي على هالجهة (اذكره الى الان في قلبي) وقد دخلتها صيانة الوكاله أكثر من مره ولا قالوا لى شي وآخرها كان الاسبوع الماضي.
في رايكم وش السوات ووش تنصحون لا عدمناكم؟
أبومطر
27/03/2006, 03:10 PM
ارجوا منك يااخي العزيز التأكد من العطل عند اكثلر مهندس فهذه طريقتي اخوك ابو مطر
غضنفر
27/03/2006, 11:00 PM
سهيل تكفى
وش رايك في الرنجلر من موديل 90-96
هل صحيح ما يذكرون عنه ان دفرنسه ضعيف ويخرب بسرعة
وان عمود الكردان عادة ما يكون فيه مشاكل
وايضا هل صحيح ان الرنجلر خراباته الكهربائية واجدة
وابرزها انه يجيه خمات ويطفي عليك بالبر بدون سبب واضح
وآسف على كثرة الأسئلة
عطيب الضرايب
28/03/2006, 05:31 PM
قبل عدة سنوات و بتحديد على نزلة الددسن 1998 ( وارد عراوي ) طالع للبر وفي يوم من الايام قمت الصبح و أشغل الموتر و لا أشتغل الموتر يدق بس ما يشتغل مثل قطعت البنزين بعد محاولات عديدة أتضح أن العطل في طرمبة البنزين الي في التانكي
كيفية أكتشاف العطل قام أحد الأخوان بسحب الي من الصفاية وندق على السيارة صارة الطرمبة الي في التانكي ما تدفع بنزين لصفاية
العمل قمنا بشفط البنزين من التانكي ووضعناه في جركل وعلقنا الجركل بصندوق ووصلنا الصفاية بلي من الجركل .
ومشانا لين جينا محطة .
sahil
01/04/2006, 08:05 PM
الاخ الكريم مشكلة الرنجر هي الصلبان وذلك لقصر العامود الخلفي والصليب الخلفي والامامي واحد اماقيمته فهو بحدود 25 ريال في حالة انك طلبته من البايع علي انه (صليب بليزر موديل 90-91 تيل خارجيه ولاتجيب سيرة الشروكيللبايع عشان مايرفع السعر) اما الكرونه فهي واحد الرنجر والاريدو وتوجد بالكرونه كلشتات لزيادة احكام غلق التروس اثناء المناوره اوالتغريز واما بالنسبه للكهرباء كان بخاخ فامره هين حيث ان كمبيوتر الشروكي يعطيك رموز الاعطال وتغير القطعه العطلانه فقط واي عطل يحصل معاك انا موجود وفي الخدمه مع العلم انهناك قطع لسيارات امركيه تركب علي الشروكي والامر باذن الله هين
تميراوي
01/04/2006, 10:28 PM
عندي VXR 98 بدون هيدروليك, في هالسنة بديت أسمع صوت صرصره مع المطب وكذلك اذا لفيت الدركسون وما تطلع هالاصوات الا اذا كنت توني راجع من البر تجلس يوم يومين بالكثير وتروح بعد فتره (مع العلم انها ما تطلع الاصوات وانا في البر) سألت ميكانيكي قال لو تغسل السيارة من تحت يروح الصوت رحت وغسلتها من تحت بستم بالماء بدون ديزل (مع العلم اني ما قد غسلتها من تحت الانادرا),المهم استمريت على هالحاله مرتين ثلاث وانا كل ما رجعت من البر اغسلها.
اليوم رحت للصناعيه بأشوف وش المشكله (لأن الصوت زاد ولا بعد راح الى الان) وقفت عند أكثر من ميزان قال أصلا يبيلك تغير الركبه اليسرى (يعني لازم تغير المقص اللي تحت كامل لأن الركبه ماتجي لحالها) (نفس جهت الصوت) وكذلك الدوده غير ثابته تبي لها كراسي (وهذي تولف وتخرط في المخرطة لأنها ماتجي الا مع الدودة كامله).
الزبدة أنهم قالوا أول شئ لازم تصلح هذي قبل تشوف الصوت, مع العلم اني اذكر اني قبل حوالي 5 سنين قد اكلت مطب قوي على هالجهة (اذكره الى الان في قلبي) وقد دخلتها صيانة الوكاله أكثر من مره ولا قالوا لى شي وآخرها كان الاسبوع الماضي.
في رايكم وش السوات ووش تنصحون لا عدمناكم؟
انا كانت الركبه اليمين كانت تطلع صوت اذا لفيت بالدركسون او اذا جا مطب ووديتها لميكانيكي الخميس الي راح
وفكها ووخر الربله الي على الركب وشحمها وضبطت معي
الشقردي
02/04/2006, 01:28 PM
تميراوي ... مشكور وماقصرت لكن وشو موديل موترك؟
أنا سمعت ان اللاندكروزر من 98 وفوق مالها مكان تشحم معه (مشاحم) لأني جربت هالطريقة ولا نفعت مع العلم ان المشكله لها حول 5 سنين تروح وتجي ولكن كل مالها تزود
الحل غيرت المقصات (السفليه) كامله وكل الجهتين وراح الصوت
المقص سعره حول 470
وبالمرة غيرت المساعدات الاماميه الواحد بـ70 تقريبا
اخوي الحضري ولا يهون silversniper نفس المشكلة هذي صارت علينها بسيارة الوالد فولفو وكانت المشكلة ان موية الرديتر تختلط مع الزيت وبعد الكشف في الوكاله طلعت المشكلة ان مواصير تبريد زيت الجيربوكس اللي تدخل على الرديتر وترجع للجيربوكس للتبريد على الجيربوكس فيها تهريب وبسببها اختلط زيت الجيربوكس مع ماء الرديتر وكان حل المشكلة في تغيير الرديتر والحمد لله كل شي تمام .
ســـرحـــان
23/04/2006, 01:56 PM
السلام عليكم ورحمة الله وبركاته ...ماقصرتوا على الموضوع الممتاز ... معي سفاري 2005 جير عادي ... ماشي 35000 .... مركب عليه سيستم اكزوز وهدرز وفلتر هواء تم تركيبهم بالامارات اول مافكيت الموتر شهر 1/2005 .... قبل اسبوعين قام الموتر يقطع واوديه الوكاله قالوا انه اكيد من المترجم (منظم الهواء) لانه حطوا الكمبيوتر عليه ماقام يعطيهم اي قراءه .. وقالوا هذا اكيد من الشغلات اللي مركبها .. والله ماصدقت اخذت الموتر وشلت كل الاغراض اللي عليه ورديته كما كان من المصنع ( علشان ماتطيح الكفالة) ... وديته للوكاله وسووا له سيرفس 35 الف وطلعته بس التقطيعه لازالت موجودة ... والله وارده مره ثانيه على نفس المشكلة واليوم انشالله مواعديني يخلص وانوف واعطيكم خبر ان الله جعلنا من الحيين ... في امان الله
غضنفر
23/04/2006, 04:56 PM
سرحان
ممكن المشكلة من حساس الهواء
ســـرحـــان
23/04/2006, 11:46 PM
بالضبط يا ... Black ... اعتقد انه من الحساس .. واللي يسمونه بالوكالة مترجم الهواء ... يقولون انه مر عليهم سفاري ثاني نفس الموديل ومركب فلتر هواء وعنده نفس المشكلة ...
برنس777
24/04/2006, 08:42 PM
المشكله الاولى التي تواجه البعض وهي حين تصدم السياره با النفود ينكسر الرديتر وبعد الله يستر يطلع الماء الحل هذا طبعا إذا كنت بعيد عن الديره الحل هو فك الرديتر ورقع الرديتر بما يوجد في الجنوط من ترصيص الطريقه لأنه كله ألمنيوم وهو ماعليك إلا تسخين الرديتر والترصيص وبعد ذلك يرقع _بإذن الله_
من المهمات وقت الملمات هو 1- صمغ أبو جني لرقع الكفرات من الشقوق التي بعد ظرب الرظم الكبير وأنا جربته في كفرات شبح وكذلك كفرات gxr نوع يوكوهاما وأنا كذلك بحثت عن الشق بعد
الرقع فلم أجده بعد مضي مايقارب شهر من الاستعمال
2- الصمعغالخلط والمهمه هي رقع تانكي البانزين
3-صابون لوكس لرقع كذلك تانكي البانزين المنخرم لأنه سبحان الله يبرد بفعل البانزين ثم يجمد على التانكي
4-لي يسحب من كفر لكفر لتفخ الكفر التيبلس لأنه يحتاج إلى ضغط لكي يرتفع من الصفر
5- مسامير مع الصواميل للجنوط
الحاله الثانيه من الاعطال هي حين
إذا فضت الباطاريه عليك وأنت في نفود عليك بالعمل التالي هذا في السيارة القير عايدي
1_قم بتعشيق القير بالخامس
2- أرفع السياره من الخلف
3_ أدر الكفر بأيي طريقه كانت وللملاحضه إذا ستعملت الدوران عن طريق المفتاح العجل فكن حذر لأنه ممكن يكسر اليد أو يطير فوق
والاحسن هو الدوران عن طريق الحبل .
والامر المطلوب منكم أعزائي للأنتباه إلى أن السيارات التاليه صارت فصلت الدبل وشبكته عن طريق الكهرب كما هو الحاصل في الشاص والتايوتا عموما
وعندي أقتراح قد عملته هو مفيد وقت الصيد بالحر والدوران على _الشعبان يالله من فضلك _ وهو عمل لي أمام الرديتر ممدود من التانكي الماء الخلفي يمر برشاش المساحات أو رشاش أخر لتبريد الرديتر وهو فعَال للغايه بشكل ملحوض وأنا أستعملته الان لي سنتان ولم أجد له أي ضرر ولله الحمد
والاقتراح الاخر لتوفير تكلفت تمديد الكهرب داخل السياره هو شراء ضفيره المسماة بضفير الجيب العشه لكي يمدد الواحد على كيفه في أي مكان وأمرها سهل ومأمون _بإذن الله_ لكي لايلعبون علينا العماله .
والاقتراح الاخر لأصحاب السيارات المدعومه بالونش وهو الاحتاياط ببكرات قويه لتخفيف الحمل على الونش لأن الونش _ونش التايوتا الشد بلد مثلا_ إذا كان ذاهب فقط فهو يسحب واحد طن وأما إذا كان ذاهب وراجع يسحب طنين ونصف وأما إذاكان ذاهب وراجع ومن ثم ذاهب وكل هذا عن طريق البكرات يسحب ثلاثه طن يعني أمر البكرات أمر لازم للونش وبالاختصار البكرات تضاعف عمل الونش وسأل أصحاب المصاعد (للإفاد)
برنس777
24/04/2006, 09:00 PM
المشكلة الثانيه وهي في الجيب الشروكي الذي يتمز بصعوبة الصيانه
وهي إذا كان لديك تقطيع حين الدوس عليه حتى يصل Rbm {الكمبريشن} أي عداد سرعة المكينه خمسة يحصل معك تقطيع حتى ينطفئ هو ماعليك إلا وزن الديلكو لاتعمل على تغير الطرمبه ولا أي أمر أخر
وكذلك إذا كان لديك ضعف في العزم فا السبب الاول هو طرمبة البانزين لأنها حساسه
وللملاحضه لأصحاب السيارات ذات الطرمبه الكهربائيه أن لاينزل عدادالبانزين عن أقل من الربع لأنه ليس فقط يسحب تراب من أريظيت التانكي بل هذا العمل يرفع من حرارت الطرمبه ومن ثم تتلف .والله الهادي إلى سواء السبيل
ابـ معزي ـو
17/06/2006, 06:20 PM
السياره
ددسن 92
العطل : تطفي انوار الطبلون وتشتغل من حاله حتى وانا مطفي الكباس
المشكله : ظفيرة الطبلون تسبب التماس لاني شابك شويت اسلاك ولماب الدفرنس وللمابت الداخليه مما خلى الاسلاك ماتستحمل الضغط واحرقه الظفيره كامله
طريقة الاصلاح : فك الطبلون كامل وتركيب ظفيره كهرب جديده
التكلفه : ظفيره جديده سعره مابين 600 الى 500 غير شغل اليد اللي كلف علي 350 ريال مع كباس جديد بـ 100 ريال وكيبل فيوزات بـ 700 ريال وكاله
مطرح البيالات
05/07/2006, 10:01 AM
ماااااااااااااااجد انصحك تروح لم محل أضواء الزنون ويحلون مشكلتك إم شاء الله وإذاكانك تبغى رقمهم موجود............ وشكرا
abuffaisal
11/07/2006, 03:52 AM
السلام عليكم ورحمة الله وبركاته
شكراً لك أخي الكريم على هذا الموضوع فعلا يستحق الاهتمام وانامشكلتي مع الفرامل والاى بي اس ABS هذا كلام الوكالة اذا مسكت فرامل يرج الموتر ويزحف وتحس ان الفرامل تقطعت سيورها والوكالة يقولون عادي كل انواع البرادو
برادو جديد 2004 كامل المواصفات بدون ثلاجة
Lance
11/07/2006, 09:23 PM
الاخ الحضرى المحترم
مشكلة الزيت فى الرديتر صارت معى نفس المشكله لأنه زيت القير يروح للراديتر علشان يبرد ويروح للرديتر عن طريق بايب موجود فى زاوية الرديتر السفليه واذا تواكل البايب الموجود داخل الرديتر يصير فيه تسريب لهذا تجد الزيت داخل الرديتر وانصحك بتبديل الرديتر وقبل لاتركب الرديتر الجديد تغسل المكينه من الداخل بالماء والصابون التايد وفى ناس يحط كاز مع الماء يعنى لاتركب الرديتر الجديد حتى تتأكد من نظافة المكينه من الداخل حتى لايروح الزيت الموجود داخل المكينه الى الرديتر الجديد وشكرا
FaisalMA
12/07/2006, 12:35 PM
السلام عليكم
معي كرسيدا 96 4 سلندر الحرارة ترتفع بعد التشغيل بشوي للربع وعلى الخط تحت النص بشوي فتحت الكبوت وانامسافر من الرياض للشرقية ابيها تبرد والا القزوز مولع احمر تقول جمرة :eek: مع ان الحرار الثلث تقريبا حطيت يدي على خرطوش الموية واحس الموية تغلي فيه صيخت الراديتر وشلت البلف ما نفع والطرمبة شكلها شغالة والتماتيك يشتغل.افيدوني يا جماعة لايكون الراس :(.
ابو منقاش
12/07/2006, 01:27 PM
السلام عليكم جميعا اخواني حصلت لي مشكله مع سيارتي vxr 2002 بعد خروجي من الرياض والبنزين فل بعد مسير 50 كيلو طفت السياره من غير اي سابق انذار شغلت الفليشر وخرجت عن الخط نهائيا ادق سلف ماتشتغل اتفقد السياره كل شي طبيعي احاول ما فيه فايده 00 والله ضاق صدري وش السوات؟؟؟ لكن الله الهمني الى محاولة تحويل البزين الى التانكي الاحتياطي ومن اول نقره تشتغل ولله الحمد ثم حولته الى التانكي الا ول الاساسي وتطفى على طول قلت الحمدلله هانت توكل على الله وامش على الاحتياطي ولكن لاتسرع لأن التانكي الاحتياطي صغير مايمشي الاحول 200 فقط صرت امشي وكل محطه افلله منه الى ان وصلت المدينه المنوره وفي اليوم التالي ذهبت الى الصناعيه ولكن كل واحد يعطي رأي واحد يقول الطرنبه واخر يقول القسام واخر يقول سدد او البنزين ماهو نظيف وبعضهم يقول الكنبيوتر00 قلت لاتلعب بالسياره الا في ديرتك وبعد العوده الى الرياض وفي البيت قمت بفحص اولي واندعست تهته اتشوف والمس الاسلاك والافياش الي عند التانكي واحصل احدها عليه غطاء بلاستيك وشكله منفتش شوي كأن شي ضاربه 000 بعد ذالك تذكت انه قبل يطفى علي كان به قطع كفرات با لخط وطيتها وحسيت بها تضرب البدي ضربا بسيط 00 بعد هذه المحاوله دقيت السلف واشتغلت على طول والحمدلله والى الآن والامور سالكه لكنني مازلت خايف من تكرار المشكله وخاصه لما اكون بعيد عن المحطات وصار استخدامي على طول على التانكي الرئيسي والتانكي الثاني اخليه احتياط لو تكررت المشكله 000ومعذره على الاطاله مع تحيات 000000 ابو منقاش
برادو
12/07/2006, 01:54 PM
السلام عليكم
أخي ابو فيصل ما عليك من كلامهم انت يوم تشتري السياره فيها نفس المشكله؟ مستحيل صح؟ انا معي برادو 2004 ولا فيه رجه ولا يحزنون واعرف اكثر من واحد معه برادو ماعنده اي مشكله بالفرامل ولا بالسياره ككل بس انت اضغط عليهم شوي او رح لفرع صيانه ثاني وسو روحك ما مريت احد من قبل وشف وشيقولك بعض الأحيان مهندسين الإستقبال في الوكالات يبون يصرفون الواحد وبس.
اخي FaisalMA :) شكللك توك شاري السياره؟ أنا كان عندي كريسيدا 96 فاكها وكاله على يدي حرارتها دايم الثلث والقزوز عادي يجمر مع السرعه اللي انت تقوله طبيعي جدا والموتر اللي عندي من يوم شريته وهو كذا ومشيته 200000 وصلته حدود تركيا مرتين والإمارات عد واغلط والرياض روحاتي لها لا تحصى ولا اشتكى ماشالله ولا يطلب غير البنزين وساعات ما يبي بعد ادعس وانا خوك هذي كريسيدا الله يبارك لك فيها ويالتني ما بعت موتري.
FaisalMA
12/07/2006, 02:33 PM
السلام عليكم
أخي ابو فيصل ما عليك من كلامهم انت يوم تشتري السياره فيها نفس المشكله؟ مستحيل صح؟ انا معي برادو 2004 ولا فيه رجه ولا يحزنون واعرف اكثر من واحد معه برادو ماعنده اي مشكله بالفرامل ولا بالسياره ككل بس انت اضغط عليهم شوي او رح لفرع صيانه ثاني وسو روحك ما مريت احد من قبل وشف وشيقولك بعض الأحيان مهندسين الإستقبال في الوكالات يبون يصرفون الواحد وبس.
اخي FaisalMA :) شكللك توك شاري السياره؟ أنا كان عندي كريسيدا 96 فاكها وكاله على يدي حرارتها دايم الثلث والقزوز عادي يجمر مع السرعه اللي انت تقوله طبيعي جدا والموتر اللي عندي من يوم شريته وهو كذا ومشيته 200000 وصلته حدود تركيا مرتين والإمارات عد واغلط والرياض روحاتي لها لا تحصى ولا اشتكى ماشالله ولا يطلب غير البنزين وساعات ما يبي بعد ادعس وانا خوك هذي كريسيدا الله يبارك لك فيها ويالتني ما بعت موتري.
شاكرلك سرعة الرد السيارة مطلعها جديدة وعمر الحرارة ماتعدت الثلث على الخط في الصيف والربع في المدينة.المشكله الحين المويه تغلي و تهرب مع لي الدبه الي جنب غطى الراديتر وتزيد الحرارة واذا ما وقفت نص الخط وانا رايح الشرقية وخليتها تبرد وزدت المويه توصل الحرارة الثلاث ارباع ومره طقت الاحمر.الي دوخني مرة وانا راجع من الشرقية للرياض كانت الحرارة تحت النص بشوي الساعه 9 الصباح كان فيه حادث وقف المرور السير 10 دقايق طفيت السيارة تبرد لما شغلتها الا الحرارة ثلاث ارباع :confused: فتحت الكبوت ولقيت المية تغلي فتحت الغطى وعبيتها مويه ارجعت تح النص.
شاكر لك سرعة الرد
.
Lance
12/07/2006, 08:25 PM
الاخ FaisalMA
حرارة القزوز ممكن تكون من دبة القزوز الوسطى أو الخلفيه لأنه يكون فيها مواد لمنع التلوث مع الاستعمال والحراره تذوب هذه المواد وتسكر القزوز ولايخرج الدخان من المكينه بسهوله فيسبب الحراره انصحك تمر ورشه لتصليح القزوزات اذا كانت دبة القزوز من الى يسمونها مانعه للتلوث قطها وركب العاديه وان شاء الله تطلع هى وترتاح
هدلان
12/07/2006, 08:45 PM
من هدلان بلا برهان
الوصلة اللي بين الملف ( الكويل ) والموزع (الديلكو) لو فقدتها او تلفت أو سرقت او ضاعت يمكنك الاستغناء عنها بتركيب غصن نبات اخضر مكانها مساويا لها في الطول والحجم تقريبا . والمكذب يجرب
ملاحظة : يجب أن يكون الغصن أخضرا وإلا فلا
الرهدن
12/07/2006, 10:47 PM
السلام عليكم /
العطل أو المشكلة / GXR
صوت أسفل السيارة يشبه الجرس(يقرش)
أسمعه أحيانآ00 واحترت وسألت ولاعلم ولاخبر00
وقال لي أحد الشباب حصل معي وعرفت السبب عند تغيير الزيت00حيث أن العامل نزل أسفل السيارة لفك الصرة وطلع الصوت00فقلت : اصبر وش سويت00 قال ماسويت شئ
قلت ماسمعت الصوت00 قال : أي صوت
قلت : صوت مثل صوت الجرس 00
قام أبو الشباب يضرب ويهز كل مايصادفه00
وأخيرآ طلع الصوت00
تدرون منين الصوت ؟
في الحلقة القادمة إن شاء الله :p
كسرتوا خاطري أبا أعلمكم00
من أحد المساعدات00
غير وبس00
أظن اللحام الداخلي للمساعدات منفك فصار الحديد يضرب ببعض ويطلع صوت مثل الجرس00
وسلامتكم00
أبومحمد00
FaisalMA
13/07/2006, 07:17 PM
الاخ FaisalMA
حرارة القزوز ممكن تكون من دبة القزوز الوسطى أو الخلفيه لأنه يكون فيها مواد لمنع التلوث مع الاستعمال والحراره تذوب هذه المواد وتسكر القزوز ولايخرج الدخان من المكينه بسهوله فيسبب الحراره انصحك تمر ورشه لتصليح القزوزات اذا كانت دبة القزوز من الى يسمونها مانعه للتلوث قطها وركب العاديه وان شاء الله تطلع هى وترتاح
شكيت فيه قبل لكن عزم السيارة طبيعي :( هل ممكن يرفع الحرارة بدون مايأثر على العزم و شاكرلك الرد
بوخلـــيفة
02/08/2006, 12:41 AM
السلام عليكم
كيف الحال يا شباب
انا والله عندي سيارة بك اب وارد امريكا
دبل المشكلة في عز الحر والشمس الحارقة اشغل المكيف يكون بارد خفيف ولم امشي يكون بارد حتى مرات اخفض التبريد
والمشكلة الثانية هي في فراغ في الشفت لم رحت المغسلة ورفع السيارة لي فوق وحركة الأطارات الخلفية وشفت في فراغ في الشفت
ولم فحصة الموتر في الوكالة قالوا كل شي 100 في الأمية
ما دري شو تشوفون
ماجد محمد
04/08/2006, 06:20 PM
هلا اخوي بو خليفه
من ناحية المكيف المواتر اللي وارد امريكا ماتكون فيها مروحة مكيف في الوجه على الرديتر وراء الشبك وبعضها يكون فيها بس مو مبرمجه مع اجواءنا على العموم إذا ما كان عندك مروحه في الوجه مر التشليح وركبلك مروحه بس تكون دفعها قوي ولا لها صوت مع كتاوت لها واشبكها مع المكيف ورح تشوف التبريد + انتبه للتماتيك السرعه للمكيف إذا كانت السيارة تضعف إذا شغلت المكيف صلحه وهاذي اشياء غير مكلفه
اما الشفت ما عرفته بصراحه
مدهوش
14/08/2006, 04:16 PM
السلام عليكم ورحمة الله
كنت العام الماضي أطرد ورى طيري والحقيقة ضربت خطوط ويت سيارات بالعرض فإنكسر عندي ذراع الدركسون يعني السيارة ما تلف بتاتآ والموقع في السحيرا بين خشم الهامل وبين خشم الدخول وجلست فتر ةطويلة تقريبآ من العصر إلى حوالي الساعة الثانية من منتصف الليل فتوصلت لحل بسيط وهو إني جبت عصى العفريته وربطته على الذراع وطويته طوي طبعآ بواسطة واحد من الربع نشيط ما شاء الله عليه ومشيت السيارة ولكنها ما تلف إلى 5% فقط وإستغرقت رحلتي من الموقع إلى قرية قبة تقريبآ يوم كامل
بدوي متحضر
20/08/2006, 03:42 PM
مساكم الله بالخير
اجل تصدقون عندي بليزر 2005 ويطفي الموتر من حاله في اليوم اكثر من مره في اليوم وبصراحه الموتر خايص والوكاله اخيص منه
بس لما يطفي الموتر تطلعلي عبارة بالعربي ظغط زيت المحرك منخفض
وش الحل؟
المترو
22/08/2006, 12:21 AM
نوع الساره
لاندكروز 2001
الملاحظات على السياره :::
صوت اذا دست بنزين بالكنداسه خرفشه في (الدبه ) الرئيسيه واذا دقيتها من تحت تسمع خرفشه داخلها والقزوز الللي بالمكينه يصير زي الجمره احمر وخاصه بالنفود او على الجلد الطريق الغير مستوي ويتضح ليلا بالظلام
العطل :::::::::::
تكسر الحواجز او الشبك داخل الكنداسه (الدبه مما يعيق خروج الهواء والحراره من السياره عن طريق الشكمان بسبب انه مع الحركه على الطريق الصحراوي يتحرك ويتجمع ويغلق المجرى
والنتيجه حرارة السياره بشكل مفاجي وخاصه مع الرمل احمرار القزوز ولا سمح الله احتراق السياره اذا اهملت السياره وتكسر القوزوز مع الوقت
الحل بسيط :::::::::::::::: او الاصلاح :::::
تغيييير الكنداسه والله يعينك 475 ريال من الموزعين +وجهين خلفي وامامي 20 ريال لاتوجد كنداسه ((دبه)) الا اصلي لايوجد تجاري ولا صناعه سعوديه يعني غصب وكاله لكن ترى الموزعين ارخص بتقريباً 100 ريال
عند جميل تويوتا 591 ريال نفس الموجوده عند الموزعين ب475ريال
ونسأل الله لكم السلامه
المترو
ابوفواز
23/08/2006, 08:00 AM
ياشباب توني شاري فكس ار 2003 وعندي مشكلة ان الموتر تقطع الدعسة شوي مدري فيه ناس قالولي يمكن طربة البنزيم او الكويلينمات
وش ريكم ياشباب ومشكورين
برنس777
28/08/2006, 01:45 PM
أخوي المتحضر السلام عليكم ورحمة الله وبركاته والسلام موصول لباقي الشباب :
أما عن سبب الطفيه للموتر فهو يرجع لعدة أسباب
1- ربما أن الزيت مايرتفع عندك و السبب طرمبة الزيت ومن ثم ترتفع الحرارة عندك ويطفى المحرك تلقائي ( ترا هذي ميزه في السيارات الجديده )
2- أن السبب أن طرمبة البانزين ضغطها ضعيف أو أنها ترتفع حرارتها وعلى ذلك يطفى المحرك
3- أو أن السبب هو أن الدلكو مرتخي يحتاج إلى شد شوي
وفي الختام إذا راجعت ماقلتلك راسلني مره ثانيه للأفاده أكثر والسلام عليكم ورحمة الله وبركاته
* الخطيب *
28/08/2006, 11:37 PM
الأخ / أبو فواز : احتمال كبير : يكون العطل في واحد أو أكثر من الحواقن الالكترونية ( البخاخات ) اللي يركبن فوق البواجي : أربع يسار المكينة ومثلها على اليمين فسيارتك 8 سلندر ، وفي الغالب تضيء لمبة في لوحة الطبلون تشير لوجود عطل ( اللمبة صفراء على شكل مكينة ) لذا نصيحتي مراجعة الوكالة .
والله أعلم .
ابو ناصر2020
28/08/2006, 11:56 PM
السياره باترول 1997
العطل نفضه في الدركسون مابعد السرعه 80كم
رحت للعظيب وقالو خرط هوب امامي وخلفي وتغير الجلب وتغير المساعد الدركسون
الحل هو
غيرة مساعد وصار وكاله بدون خرط ولا تغير جلب.
عاشق الغدار
29/08/2006, 01:10 PM
لاندكروزر Vx-r9 S .spl
موديل 1992
المشكله: صوت دقه قويه عند النزول من المطب كان الجانبين سكر على الاخر
السبب: الشفت الشفت وضيفته نقل الحركه وفي نفس الوقت هوه جانبين يعطي جسم السياره مرونه
الحل: تغير الشفت ( هما شفتين)
عاشق الغدار
29/08/2006, 01:17 PM
معاي مشكله
السياره نفس الموضوع السابق
عندي ريحه بانزين تروح كثير جنب فتحه التعبئه وايضا خلف عند البمبر بعد مشاوير خفيفه
تقريبا 15كيلوامتر
وخوفي ان البانزين يتبخر على وانا جاعد اشمه وما اعرف من وين
عذب المشاعر
01/09/2006, 03:34 AM
السلام عليكم ورحمه الله وبركاته
هلا اخوي المتر الظاهر انك متعرفني بس انا اعرفك كلن يعرفك من طيبتك الزايده وسنعك ماشاء الله عليك موضوعي وابي الفزعه منكم الله لا يهينكم هو انا معي باث فندر قير عادي ولما ابدل فيه طقه بالدفرنش ولما رحت الوكاله قالو مافيه شي وهو توه جديد ماشي 8000 بس وودي اعرف المشكله ذي عندي بس ولا مع غيري بعد
ابوفواز
01/09/2006, 03:05 PM
السلام عليكم ياشباب
اخوي المتفائل ابشرك حليت المشكله
وهي بسيطة من صفاية البنزيم
وايشرك الموتر معي الان تمام
ويعطيك العافية
ff-19
09/09/2006, 03:04 AM
يالربع انا عندي gxديزل شد بلد(1HZ)هل يقبل اني ارهمله جهاز تيربو المشلكة مع المكيف مايجيب الا 120 أما بدون مكيف 140
المشله الثانية اذا شبكت الفرار اوركبت الزفلت رجت السيارة على سرعة 60 رصصت مافيه فايدة اذا فصلت الفرار سلك اما اذا شلت عمود الدبل راحت الرجة وهل الحرارة النصف عادية تكفون يالرجال ياللي عنده علم ايقوله
كان معي باترول 98 سوبر سفاري مرة وقف الموتر فجائة جائت الصطحة وشلتة عقب كم يوم سألت وشي المشكلة قال عندك الكمبيوتر عطلان لكن لا اعرف كم زينته لا اتذكر
راعي ساموده
14/09/2006, 12:22 PM
السلام عليكم ورحمة الله .......
تسلم اخوي المترو على طرح هالموضوع المفيد ...
سؤالي ...
عندي تريل بليزر 2003 روعه السياره بكل شي ماشاء الله لاقوة الا بالله ماعدا نزولها اكثر من اللازم هذي مشكله ابغى حلها لاني ماعندي نيه اغير السياره والمشكله الثانيه عندي الحراره ترتفع الى اكثر من النص ورحت الوكاله قالو مشكلة انبير الحراره يعطي قراءه غلط وانا اصلا اذا فتحت الكبوت والسياره مرتفعه حرارته تلقى كل شي طبيعي وتلمس الاديتر بيدك عادي .
بدر 211
16/09/2006, 12:25 AM
[QUOTE]
السلام عليكم ورحمة الله وبركاته
يعطيكم العافيه على المواضوع
وعندي مشكله وابي حل لها
الله لايهينكم
السياره مكسيما
المديل 2004
العطل اذا تعديت 140 ترتفع الحراره مع العلم اذا كنت داخل المدينه ماتعرف الحراره اخليها تشتغل 2 ساعتين اوا اكثر ماعندك احلا منها بس المشكله اذا تعديت 140 مع العلم اني شلت البلف وسيخت الرديتر وغسلت المكينه وغيرت غطا الرديتر .
الأخ صاحب الماكسيما
ترى المشكله عندك براس الماكينه ممكن الراس مشعور سلامة راسك أو الوجه سلامة وجهك بين الماكينه والراس مسكره فتحاته واذا كان تنقص ماء فالأحتمال الأول وارد
هذا زي ماصار معاي أنه وبعز الشتاء ترتفع الحراره للنصف عن السرعه ولما رحت للمكانيكي مو علشان ذلك كان لتغيير بواجي وبالصدفه قال الراس عندك الراس يهرب!!!!!!!!!!!
بوخلـــيفة
16/09/2006, 12:46 AM
شوف ياخوي طبعا ً اي سيارة تمشي فوق ال 140 لازم تسخن
ال بعض السيارات
لان كل ما زت السرعة زادة دورات المحرك وهني لازم تسخن
بدر 211
16/09/2006, 12:46 AM
يعطيك العافيه kal وماقصرت
علي الرد السريع بس اخوي اذا كان الراس مشعور او وجه الراس الحراره ترتفع اذا طول الموتر يشتغل
او اول ماتمشي لو تمشي 20 ترتفع
بدر 211
16/09/2006, 12:48 AM
يعطيك العافية بو خليفه على الرد السريع وماقصرت بس بعض المواتر لو تمشي طبلونه ماترتفع الا للمعقول
بس موتري يرتفع فوق النص
[QUOTE=الحضري]السلام عليكم ورحمة الله
اما سيارتي وما أدراك ما سيارتي :(
لاندكروز 96 Gx
المشكلة .. ان الزيت يدخل في الأديتر بشكل مستمر ووديتها لأكثر من ورشة وأكثر من مكانيكي
في البداية قالو لي أن العطل في الثلاجة وقمت بتغيرها أكثر من مره
والحقيقة ان المشكلة إلى الآن موجودة .. لكن اللي أسويه أني اقوم بتنظيف الأديتر كل نهاية شهر بنفسي :)
مع العلم ان العزم ميه ميه والمكينة ممتازة
هل عند احد من الأخوان فكرة عن هذا الموضوع
غير ثلاجة الزيت ممكن الجلب تالفه
السوبرم
17/09/2006, 03:50 PM
هذي المشكلة صارت معي يوم غيرت البواجي الاصلية ببواجي اصلية عادية من تويوتا . الجيب ترى له بواجي خاصة اسال الوكالة قيمة كل واحد 40 ريال اذا ماني غلطان
خادم تميم
01/10/2006, 12:03 AM
السلام عليكم مشكله كانت عندي جيب لاند جي اكس ار موديل الفين فجاه صار يقطع وخاصه مع التهديه وبهذلني غيرت صفايه وبواجي مرتين واسلاك بواجي واغلب الورش نصابين وخذ معي سته شهور علئ هالحال قبل ابيع السياره واكتشف المشكله بنفسي وهي اني اوقات الفز يعني اوزي للبنانيين. اوا اخبي اغراض فوق العفريته وكان فيه لي للبنزين تهويه زي لي المكيف بجميع السيارات وكان مطعوج يعني منعفط وعدلت اللي وزبط الموتر بدون تقطيع
rhyb15
03/10/2006, 09:18 PM
مرحباا
انا ابقول عن عطل صار لاخوي بسيارته فورد
كان اذا مشى شوي شوي السياره عادي ما يصير لها شي لكن لو اسرع شوي تطير الحرارة بسرررعه و فجأة وبسرعة الدي اس ال 528 المهم بعد ما فحص اتضح ان فيه فيوز للمروحه حق زيادة دوران المروحه بسرعه اكبر المهم كان الفيوز محترق وبعد ما غيره صارت تمام
تحياتي
راعي البلابل
07/10/2006, 01:03 AM
هلا بالجميع وعساكم بخير وصحه
انا سيارتي لاند كروزر (شاص ) 1996م
بصراحه تجيه احياااان رجه مو طبيعيه
ولقيت الحل المساعد الامامي حق الدرقسون
والحمد لله
-----------------
بس عندي تساؤل بالنسبه للشاص فيه صفاره شد بلد في الكنداسه
وغيرت الكنداسه وكاله ولا عاد اسمع له صفير ؟؟؟؟
ارجو من اللي عنده افاده ان يدلي بها مشكورااا؟
وان شاء الله ما فيه مشكله وخللل الا لها حل
وحمانا الله واياكم من الاعطال وبالله التوفيق
عندي يوكن 98 ينكسر قيرة وضبتة 4 مرات وكل مرة يتكسر فيها القير من الداخل ويتفحم وأظنها عين
وقالي واحد غير القير من التشليح وريح نفسك
واخذت من التشليح قير ورحت لواحد كهربائي اسمة وديع التركي وصلح الكهرب اللي في الكمبيوتر والحمد لله عال العال
(( ســـعود ))
16/10/2006, 06:15 AM
اولاً السلام عليكم ... وهذي اول مشاركة لي في منتداكم الرائع ... شاكر تراحيبكم مقدما :D
ثانيااا بالنسبه لأخي kal في موضوع جيبه وخلط الزيت بمويااا الاديتر اقووووله ..
انا بزمناتي كان معي هايلكس وكان كل مافتحت الاديتر لقيت الزيت مخلوط بماااه واقوم وانظفه وعلى هالحال ومع الوقت زاد المهم عايرت الزيت لقيت في عيار الزيت نسبه مااء قليله يعني قرب عيونك شف زين :D تلقى مويا على الزيت... المهم مع الوقت زادت حراره الموتر وديتها لميكانيكي وفك راس المكينه لقى خرم صغير فيها هو اللي يسبب خلط الزيت مع المااااء يتداخل على بعضه المهم لحمه وانتهت المشكله مع ان الحراره مازالت على ارتفاع يمكن لاني مانضفت الاديتر زين من بعد ماصلحته المهم كنت عجل على بيعه السياره وبعتتها على وضعها بعد ماعلمت الشاري بمشكلتها ويعلم الله اني علمته وطاح من قيمتها كثير.... انتهى
وبالنسبه لاخي راعي البلابل .. اولا السلام عليكم ثانياااا وانا اخوك اللي اخبره ان الصفيره تبع الجيب ماتطلع الا مع الوقت واذا جينا بنمدح الجيب نقووول الموتر جديد بعد صفيرته ماطلعت لان الكنداسه جديده لكن مع الوقت بتطلع على شوي شوي
(( ســـعود ))
16/10/2006, 06:38 PM
الســـــــلام عليكم
يؤ يؤ يؤ:confused: مافيه احد كتب بعدي
ماعلينااااااااااا المهم أحب أضيف بعض الأعطال اللي واجهتني وهي كثير بس اللي نذكره نقوله...
1) كانت معي هايلكس من احسن مايكون لـــــــــكن في احدى المرات واجهتني مشكله في تشغيلهاااا ماتشتغل بسرع شغ شـــغ شــــــــــــغ :D
هههههههههه المهم احيان مع هالتمطمط تشتغل واحيان لا والمشكله الكبيره ان ريحة الكهرب تفوح ويطلع لي دخان وكل ماجيت اشغلها اقول الله يستر الحين تحترق السياره .... وكانت بطاريتها ممتازه وديتها لانواع الكهربائيين مانفعوني بشي اللي يقول الضفيره غيرها واللي يقول غير الكتاوت المهم امشي واغير ولا ينفع شي صرت أضظر اني انتعها أحيان بعدين ذكر لي احد الشباب كهربائي ممتاز يماني شايب قال هو اللي بيصلحها لك وفعلا الخبره الخبره ياشباب لها دوووووور واليماني هذا في منطقتي في الشمال جيته وقلت له عن المشكله... قال للصبي اللي يشتغل عنده ياعلي شف هالكيبل وين مربوط :D ... واللي يقصده بالكيبل هو الكيبل الكبير المربوط في اصبع البطارية السالب... قام يتتبعه لقاه مربوط في اسفل السياره الظاهر مربوط في الشاصي او حوله ماني ذاكر لكن كان مليان طيين كانه سمنت... من طلعات البر ... فكه ونظفه ثم رجعه مكانه وربطه زين ... والحمد لله بعدها السياره شغ شغ شغ عن عن عـــــن:Dممتازه وميه الميه وراحت كل مشاكلها وريحه الكهرب وغيره ... قال ان هالكيبل هو اللي يوزع الكهرب ويسوي له توازن اذا شغلت السياره.. شوفو الخبره شباب.... وسألته كم حسابك قال ثلاثين ريال فرحت فرحه قلت والله تستاهل اكثر مو على شد هالصاموله بعد مانظفته لكن على خبرتك لاني خسرت كثيربسبب هالمشكله.... أنتهى
2) أنسداد في صفاية البنزين وفي مكان مافيه ورشه تصليح.. فكها وحط مكانها قلم حبر ابو نص او ابو ريال او أي قلم بعد ماتشيل اللي داخله وصل الليين مع بعضهم عن طريقة لين يحله ربك
3) اهتزاز في الجيب مع اني رصصت كفراته وشفت اذرعته وكلها سليمه طلعت المشكله كفراته محبله رغم انها جديده ... الظاهر من تورشع الضلع :D
.... والتحبيل ماهو صعرور قصدي نفخه على الجنب لاااا التحبيل في الكفر يكون مع النص او مع الجنب اللي ياطى عليه الكفر تحسسه بيدك تلقاه متخفس او مايل.... لو الكفرات جديده ... غيرتها والسياره توب
4) اذا وصلت لسرعه معينه في الجيب قام يهتز او قصدي تجيه رعشه على خفيف نفس المشكله اللي قبل بس الاهتزاز خفيف حيل... رصصت وشف هالكفرات والاذرعه بس هالمره ماهي تحبيل ؟؟ قالو العمود شفت صلبانه لقيتها ممتازه مافيها شي قالو زيته وزيتناه ماصار شي قلت بغير العمود كله من التشليح وفعلا غيرته بــ 400 ريال
والسياره اللي كانت معي جيب في اكس ار 93 وضبطت السياره وراحت الرعشه طلع العمود فيه ميله خفيفه حيل ماتميزها بعينك
نكتفي بالاضافات البسيطة هذي وشاكر لكم
(( ســـعود ))
21/10/2006, 01:08 AM
الســـلام عليكم
معلومه وفكره يمكن بعضكم يعرفها وبعضكم لا المهم هي تخص الشروكي ويمكن بعد السيارات الثانيه...
أحد أصدقائي كان معه قراند شيروكي المهم بلش فيه يدق سلف فيرفض يشتغل أحيان, وأحيان يشتغل بس اذا أحتر الجيب طفى ولا فيه امل ... المهم وداه لكل مكان لجل يصلحه قالو له الكمبيوووتر ... يالليل الليل وبكم هالكمبيوتر قالو له بــ 3500 ريال الجديد .. قال اروح للتشاليح وراح يدور ويدور وسافر برى المنطقة ولقى بس اللي لقاه مايركب لجيبه واقيامهم على 800 وأسعار ثانيه.. المهم ماشاء الله عليه راح لحقين التلفزيونات واعطاهم هاللوحه حقت الكمبيوتر وفحصوه له فوجدو المشكله في بويبينه صغيره محترقه غيروها ببويبينه ثانيه بس نفس رقم اللي كانت خربانه وأخذ اللوح ثم رجعه مكانه في الكبوت واشتغلت السياره وتكلفة العمليه بكاملها 15 ريال فقط اقووول خمس عشرة ريال فقط بويبينه مع تركيبها بدال الـ 3500 ريال ... فيمكن بعضكم يستفيد من هالمعلومه واللي زبدتها كمبيوترات السيارات يمكن محلات تصليح التلفزيونات قادرين على اصلاحها مثل ماحدث مع صديقي...
ودمتم سالمين أخوكم ســـعود المطيري
مهراس
23/10/2006, 01:23 PM
السلام عليكم ورحمة الله وبركاته
أنا سيارتي اللي حصلت فيها المشكله جيب قراند شيروكي 93 محرك 6 سلندر 4.0l
في احدى الأيام والسياره بارده شغلتها واذا بصوت ونه أو كن شي يحك في المكينه، تركته قلت يمكن السير مشدود ولما مشيت مسافه والسياره صارت حرارتها عاديه راح الصوت، وعلى كذا كلما شغلتها وهي بارده يطلع الصوت ويروح اذا احتمت السياره. طبعا السير مافيه شي ومشدود زين ولا شكيت ان الصوت منه.
أخيرا قلت افتح الكبوت واشوف من وين يطلع الصوت، صار الصوت كانه جاي من جهة المكينه اللى فيها الديلكو واذا حطيت يدى على الديلكو احس ان الصوت جاي منه، وهو طبعا فيه عمود ياخذ حركته من المكينه وقلت الله يستر لا يصلب الديلكو أو ينكسر، هذا صوت طالع من قلة التشحيم أو التزييت.
بعض أنواع الديلكو فيها فتحه صغيره عليها غطا للتزييت كل بعد فتره، صبيت شوية زيت في هذى الفتحه وشوى شوى يروح الصوت، وبعد كم تشغيله أختفى الصوت نهائي كله بسبب عدم تزييت الديلكو والغريب ان هذا غير مكتوب في جدول الصيانه الدوريه. تحياتي لكم.
أبو فهد
ابو نواف نت
24/10/2006, 01:59 AM
ياشباب اللي يطلع للبر وينشق عليه تانكي البنزين وش يسوي
الحل ال}قت _يجيب صابونه لوكس ويفركها على نفس الشق هذي الحركه صدقوني بتقعد شهر والموتر سليم
وتحياتي
ألشاكي
03/11/2006, 11:56 PM
الاخ جويعد
اما بالنسبه للقير فخذها مني طبيعي جدا
اما من ناحيه البنزين فهوووووووو غير طبيعي ويوجد مشكله
الي اعرفه التانكيين تمشييك من 600 الا 700 كم
ولدعمي معه نفس الموديل
في اكس ار
08/11/2006, 10:30 AM
السلام عليكم ورحمة الله وبركاته
حبيت اسأل الشباب انا سيارتي vxr موديل 99 قير عادي المشكله عندي اذا وصلت لسرعة 160 كلم بالضبط يطلع صوت حننننه قويه من الدفرنس القدامي مع العلم انه مايضر سرعة السياره بالعكس توصل 195كلم والصوت موجود ومشكورين واسف للإطاله ......................
الكونترولCONTROL
08/11/2006, 10:40 AM
اللي يشتكي من صرف بنزين في ال في اكس ار
ينتبه الى ان اوتوماتيك المروحة يعمل و غير مجيم
لأنه يزيد صرف البنزين بنسبة غير متوقعة !!!! أكثر من 15 % يمكن !!!!!! و مجرب هذا انا عمليا ......
=================================
تلسكوب 1
10/11/2006, 01:08 AM
السيارة أمريكية يعني السير واحد فقط كل فتره قصيره ينقطع السير وأركب أصلي وما ينفع أأأأأأأأأأخر شي فكرت قلت آخر شي صار معي أن دينمو الكهرب جيم وأحتمى السير ولزق على باقي البكرات والعامل الي صلح الدينمو نظف البكرات وغير البكرات الخربانه بس ماعنده سالفه قمت كشفت عليهن بنفسي ولقيت أن فيه بقايا صغيره من السير القديم لازقه بين مجاري بعض البكرات (بكرة المكينة وبكرة الدركسون وبكرة المكيف)ولا تروح بسهوله قمت أخذت آخر سير ركبته بالسياره وكان قريب من التقطع وقمت قطعته من النصف على طول السير (السير له خمس مجاري قصيت ثلاث وباقي أثنين) وركبت السير بعد التعديل وشغلت السيارة وقمت أنظف مجاري البكرات بأداة حاده لاكن بحذر شديد لأن المكينة شغالة بعدين غيرة مكان السير ونظفت مجاري البكرات الباقية وبعد كذا ركبت سير جديد وأخذ سنتين وإلا اليوم ما إنقطع
آآآآآآآآسف على الإطاله ولكن للفائده وشكرا لتحملكم
ابو مشعل2
11/11/2006, 01:06 AM
السلام عليكم ...
مشكلتي :rolleyes: لا مشكلتين السيارة vxr مديل 93
الاولى : صرفية البنزين يصرف واجد
الثانية : مايجيب اكثر من 160 وفيه صوت حنه مادري وين كانك داعس على الكلتش وانت مسرع
الثالثه : الحراره ترتفع شوي
ارجوا المساعده لو سمحتوا :mad: :mad:
راعي الاند
11/11/2006, 11:48 AM
الاخوة الاعزاء
بحمد الله وتوفيقة شريت لاند كروزر gxr 2003 وكل شي تمام ولله الحمد لكن عندي شي بسيط ودي اسئل عنة يمكن انة شي طبيعي:
اذا شغلت السيارة الصباح بدري والموتر بارد, وبعد مااحتما اذا عشقت يدقر شوي ولا يلقم الى بعد محاولتين او ثلاث "ملاحظة القير عادي".
في انتظار الردود......
الكونترولCONTROL
12/11/2006, 06:25 AM
أخوي راعي اللاند .... الأمر أعتقد بسيط ..... اهم شي ما يكون فيه صوت
============== و احتمال ان وقوف السيارة في مكان غير مستوي
و ترى سيارات تويوتا تخوف احيانا
و لكن اصبر لك فترة تروح المشكلة ان شاء الله
================================
المترو
13/11/2006, 07:00 PM
السلام عليكم ورحمة الله وبركاتهالاخوان في اكس ار و ابو مشعل2
اولا وش اكثر من 160 سرعه من الاحسن ان السياره لاتتعدى هذه السرعه حفاظا على سلامتكم وسلامة الاخرين يا اخواني هذا خطر خطر خطر
وكذلك هذه احد اسباب صرف البنزين السرعه الزايده فمعلوم ان السيارات الصوالين اذا تعدت 130 سرعه طار البنزين لمقاومتها الهواء
ثانيا موضوع الحنين الصوت او الرجه مع صوت بالسياره عند السرعه العاليه احد سببين الاول --الصليب للعمود الامامي يكون منتهي غيره ويروح الصوت مع التأكد من ان لايوجد اعوجاج بالعمود عن طريق المخرطه
والسبب الثاني --- تأكل البنيون ورمانات التروس بالقير ما سمعتو الشعر اللي يقول ((وحن قلبي حنين بنيون بكرونه))
ارجو لكم السلامه ولسياراتكم
المترو
shaheenshah
14/11/2006, 02:13 PM
السلام عليكم ورحمة الله
اما سيارتي وما أدراك ما سيارتي :(
لاندكروز 96 Gx
المشكلة .. ان الزيت يدخل في الأديتر بشكل مستمر ووديتها لأكثر من ورشة وأكثر من مكانيكي
في البداية قالو لي أن العطل في الثلاجة وقمت بتغيرها أكثر من مره
والحقيقة ان المشكلة إلى الآن موجودة .. لكن اللي أسويه أني اقوم بتنظيف الأديتر كل نهاية شهر بنفسي :)
مع العلم ان العزم ميه ميه والمكينة ممتازة
هل عند احد من الأخوان فكرة عن هذا الموضوع
فمان الله
هل فحصت وجه السلندر؟
يمكن فيه تهريب على مجاري تبريد الماء
راع الجمس
15/11/2006, 02:25 AM
اول شي يعطيكم العافيه على الموضوع الاكثر من رائع
انا عندي مشكله بالسياره
نوع السياره : يوكون
احيانا اشغل السياره القاه فاصله القير الحاله يعني ما يعطين خيارات
دفع ثنائي والا دبل خفيف او ثقيل ويفصل مانع الانزلاق
واحيانا اشغل والقاه وضعه مضبوط اقدر اختار بينهن
اللي عنده حل للمشكله هذي يساعدن الله لا يهينه لانه غثن احيانا اجي اطلع للبر القاه فاصل او يفصل بالطلعه
مشكوووورين
اخوكم / راع الجمس
FaisalMA
21/11/2006, 09:12 AM
السلام عليكم
معي كرسيدا 96 4 سلندر الحرارة ترتفع بعد التشغيل بشوي للربع وعلى الخط تحت النص بشوي فتحت الكبوت وانامسافر من الرياض للشرقية ابيها تبرد والا القزوز مولع احمر تقول جمرة :eek: مع ان الحرار الثلث تقريبا حطيت يدي على خرطوش الموية واحس الموية تغلي فيه صيخت الراديتر وشلت البلف ما نفع والطرمبة شكلها شغالة والتماتيك يشتغل.افيدوني يا جماعة لايكون الراس :(.
الحمد لله طلعت المشكله من وزنية البلوف.:rolleyes:
sayeeb
21/11/2006, 08:14 PM
السلام عليكم
نوع العطل هو الونش لا يعمل السياره تويتا لاند كروزر صالون حصلت العيب الدقمه اللى بجنب البطاريه مجيمه من الماء فكيته وفكيت القاعده البلاستيكيه وصنفرت البستم الخارج من تحت ووضع شوى شحم وتغليفه مره اخرى عن الماء والحمد لله كله تمام راح تلحظ عن شبك الريموت بالونش حرارة الدقمه عاليه لانه مجيم ارجو ان اكون افدت احد
kabtn
23/11/2006, 09:22 PM
السلام عليكم
كان عندي ددسن 89 تعطلة ونا امشي على خط جاني شايب وقال المشكلة في البليتين لاكن ماعندي بليتين جديد
قال الشايب فك الغطى وحك نقطة التلاقي في البليتين وكان من حسن الحض معي ورق صنفره وفعلن سويت الطريقة وشتغلة السيارة :good:
السلام عليكم قبل 10 سنوات كانت معي تويوتا كرسيدا ادق سلف ما تشتغل عرفت العلة انها من اسلاك البواجي
stranger
27/11/2006, 08:52 PM
السلام عليكم ورحمة الله وبركاتة
هذه مشاركتي الأولى وأرجو أن اكون عضو خفيف الظل 000:d ;) :d
إلى أصحاب الجمس الصالون
من موديل ( 96 - 99 ) ولديهم مشكلة دائمة في تغيير طرمبة البنزين الحل الوحيد لإنهاء هذه المشكلة ومجربة هي بوضع جرمبة ( جيب تويوتا لاند كروزر ) وقيمتها تقريباً ( 450 ) ريال أما طرمبة الجمس كاملة فقيمتها (1000) ولا يوجد تعديل سوى في القابس فقط آمل ان اكون افدكم في هذا الموضوع
الماحي
29/11/2006, 03:18 AM
السلام عليكم ورحمة الله تعالى وبركاته والصلاة والسلام على سيدنا وحبيبنا ونبينا محمد صلى الله عليه وسلم واله الطيبين واصحابه المخلصين اما بعد انا اخوكم عندي سياره نوع ::بليزر شفرليت موديل::81 يتميز ال بليزر بقوة تحمله للمناطق الحجريه و الطينيه (( ففي احد طلعاتي للبر شديت على البليزر في طلوع ضلع كان شديد الوعوره لكن في اوله والحمد للة انكسر الصليب الخلفي لعمود الكردان(امام الدفرنس الخلفي) نزلت وسحبت العامود ولم احسب حسابه وعند تعشيق البليزر( الكير اوتمتك) حسيت انه تحرك شوي ودلك ان الدبل كان شغال--- فتخيلوا بحيث اني نزلت في البليزر وهو دفع امامي وعند نزولي للمدينه اصلحت الصليب الخلفي وركبت العامود)) كانت هده الطلعه طلعت عنا لاكن لله وحده الحمد والمنه والسلام عليكم ورحمة الله((((القاعدة الدهبية في البر (لالالا تطلع البر بسيارة وحدة خد خوي معاك))))
هاوي الله
29/11/2006, 07:46 PM
السلام عليكم
نوع العطل هو الونش لا يعمل السياره تويتا لاند كروزر صالون حصلت العيب الدقمه اللى بجنب البطاريه مجيمه من الماء فكيته وفكيت القاعده البلاستيكيه وصنفرت البستم الخارج من تحت ووضع شوى شحم وتغليفه مره اخرى عن الماء والحمد لله كله تمام راح تلحظ عن شبك الريموت بالونش حرارة الدقمه عاليه لانه مجيم ارجو ان اكون افدت احد
ونفس اللي حصل لي واكتشفتها بنفسي وبيض الله وجهك
Vortech
05/12/2006, 07:25 PM
كنت رايـــح بـــــــر قــــطعه ما فيه أحد كنا رايحين صوب شباب عازمينا
الكلام هذا العام
وموتري كروزر 94 اوتوماتيك....
وشوي وشوي الحراره فوق فوقبدون سابق انذار
نزلت انا وخويي وشفنا الموتر الا الخرطوش اللي فوق المكينه ( حق الدفايه ) منقطع ويهرب ما المكينه الله يخاارجنا من ذاك اليوم .... الظهر بعد....
وعقبه زريته صوب اقرب عزبه وعبيته ما وعقبه صوب اقرب عزبه وهكذا وهاك مره نعبي ما بيذر ( حـــلو ) ومره نعبي ما خور هههههههههههه ومره عبيناه ما مرررررررره محلي ووصخ....
ويوم جا عقب نهار مهب قصير الا عزبة الشباب تقريبا كيلوين والحراره توها توصل الفل..... قلت لخويي خلنا نزره صوبهم مره وحده جعله يخبط... وفعلاً يوم وصلنا الا الدخنه وريحة الحريق الله لا يوريكم
انا قلت المكينه خلص .... الله يرحمنا برحمته
هههههههههههههه
واخر شي طلع قازقيت المكينه هههههههههههه بدلته بــ 1500 ريال مع الحفه بعد وأمورك سهلات
السموحه على النهار الطويل وهذا من الاعطال اللي مرت علي....
أخوكم الفـــووورتك
ذيب النجيل
06/12/2006, 01:17 AM
السلام عليكم ورحمة الله وبركاتة
انا معي هايلوكس 1995 وقبل اسبوعين واحس القير لما اعشق مايمسك زي اول واحيانا يفلت وانا ماشي . واليوم فكينا المرتبة اللي قدام
والفرشة وفكينا مسامير القير الاربعة اللي بجنب القير من جوا الغمارة طبعأ وطلعنا الجلده اللي على اسفل القير وثم فكينا القير وطريقة الفك
(فيه حديدة دائرية تحيط بالقير من كل الجهات تضغطها على جوا وتلفها جهة اليسار )ويطلع معك القير من الجربكس ولقينا جلده لونا
اخضر متقطعة قطع صغيره ورحت للوكاله وشريت الجلده الخضرا ومعها جلده سودا ملزقه فيها بصمغ وقيمتها كلها 25 ريال وركبناها
ورجع القير 100% وسلامتكم
البحلان
11/01/2007, 11:47 PM
السلام عليكم
نوع السيارة\ شاص 24 بلف
العطل\ كان الموتر يفلت عندما أرفع رجلي عن البنزين فجأة فقط بنمرة الاول والثالث والخامس
وكان أشدها وأكثرها تفليتا الثالث
عرضت المشكلة عند اكثر من ميكانيكي قالوا المشكلة بالتروس ولازم نفك القير
الحل \ ذهبت الى احد الميكانيكيين بعد ان مدحه لي احد الاخوان وجد ان المشكلة من ابسط ما يكون
وهي ان هناك صفيحة من الحديد مفصلة للاشرطة جايه بالعرض امام القير وتضغط على الترس 1 - 3 - 5
قمنا بفك الصفيحة ورجع الموتر افضل مما كان
ومن هنا اقدم نصيحتي لاخواني الا يقتصروا على ورشة واحدة بل يسألوا اكثر من ورشة قبل ان يصلحوا خاصة في فك القير او المكينة
ولكم تحياتي ....................
ابواسامه 2007
13/01/2007, 01:45 PM
اول مشاركة .
بصراحة الموضوع من اروع المواضيع الي قرأت لأن فيها من الفائده الشيئ الكثير وانا عندي موضوع وهي نصيحه وربما الكثير مر بنفس التجربه (عند حصول اي عطل او مشكلة في سيارتك لاتعتمد في تشخيص المشكله على ورشة واحدة حتى لو كانت الورشة مجربة لأن احياًناً يصادفك خلل بسيط وتروح للورشه بحكم معرفتك لها وثقتك فيها ويوهمونك بأشياء ويهولون الشيئ وبعدين تكتشف الن المشكله جدا ًبسيطة .
تجربتي قبل فتره سمعت صوت صرصرهفي السياره (ونيت نيسان 95)وخاصه مع الدعسه ورحت لورشة اعرفها ومجرب شغلها قبل كذا المهم شاف المكنيكي السياره وقال تحتاج شغل كثير ويمكن خرط وقطع غيار وووو... وشغل اليدلوحده ب(350ريال) المهم انا بصراحة ماقتنعت بالموضوع ورحت لورشه ثانيه فيها فلبيني وشاف الموتر وفحص السياره تدرون وش صارت المشكله والصوت ؟؟؟؟؟
مسمار الدينمو مرتخي ومع التشغيل والدعسه يطلع الصوت من السير وش سو الفلبيني ؟ غير المسمار وشد الدينمو والسيور واختفى الصوت وكم حسابه (15 ريال فقط ).
شف الفرق بين هذا وذاك !!!!
المعذره على الإطاله ولكن للفائده .
تحياتي لكم وشكراً لصاحب الموضوع .
حمد808
21/01/2007, 10:31 PM
انامعي شاص جديدما مشى الا16000بس
طلع عندي صوت طقة بلكلتش اذا ضغطتةالى آخرشي
المشكلة صارت من صحن الكلتش السبرنقات الى بوسط الكلتش منعدمة
الربذي
28/01/2007, 06:49 AM
ماء كان يهرب بس وهي بارده يعني اذا قمت الصبح وحطيت ماء هرب وذا سخنت راح عقد الورش المهم قالي هندي جيب طرمبه ماء ركبها وراحت المشكلة لكن تخيل وهي بارده يهرب اذا شغلت راح التهريب حتى لو اسافر عليها بس الصبح فقط او اذا كانت بارده يهرب شوي وياقف بين المروحه والمكينة
شيخ نجد
29/01/2007, 12:37 AM
السلام عليكم
هذا وصف لمشكلتي وحلها على هذا الرابط
http://www.mekshat.com/vb/showthread.php?t=50909&page=1&pp=15
السلام عليكم
اخواني اصحاب الباث فايندر
عندي مشكلة ولا اعرف هل مرت عليكم قبل كذا
اولا : السيارة
2003 وكالة / على يدي/ اتوماتيك/ العداد 118000 لم اشتكي منها قط.
ثانيا : مقدمة
الصراحة مشكلتي قوية وهامة وقد تكون خطورتها عالية خصوصا اذا شكل الموتر في البر
السيارى جاها كرف ( تعب) منذ بداية الربيع والامطار تقريبا لمدة شهرين في البر ( الهضب بوادي الدواسر)
ولعلكم تراجعون رابط موضوعي التالي قبل طلعات البر
http://www.mekshat.com/vb/showthread.php?t=37737 (http://www.mekshat.com/vb/showthread.php?t=37737)
ثالثا: المشكلة
من ضمن لمبات التحذير اللي تطلع عند تشغيل السويتش لمبة المكينة ،، هذي الله يسلمكم لها شهرين ،، احيانا
اذا شغلت السيارة ولعت واحيانا ما تولع ،، اذا ولعت السيارة شغالة بس لما تدعس على البزيين ما يدفع بنزيين
ولا يعطيك المحرك الصوت المعتاد لما تدعس البنزيين ،، السيارة كل شئ فيها طبيعي اذا ولعت اللمبة ،،
اللهم ان البزين ما يدفع للبخاخ حتى لو دعست اللين اخر شئ (( اعتقدت ان سبب المشكلة ممكن من كثر
المطبات ومشاكل البر والبطانيج فكنت اذا شفت اللمبة اقول يمكن فيه فيوز او سلك طاح من هنا ولا هنا
واجلس اقلب في صندوق الفيوزات واسلاك المكينة والبخاخات وبعدين اذا شغلت السيارة مرة اخرى
تطفي اللمبة وتصير زي الحلاوة.
لكن المشكلة صارت تتكرر بشكل كبير وتخوف:eek:
رحت يم وكالة نيسان في ابها وسوو لها فحص بالكمبيوتر لكامل محركات السيارة وبالاخير قال فيه قطعة
في البخاخ كهربائية ( اعتقد اسمها تروبل شمبر) وهذي غالية مره ( تقريبا 4300 وتركيب 800 وفك
البخاخ وشغل يوم كامل) ،، .. الى الان متردد حيث ان السيارة جديدة والقطعة نادرا ما تعطل
سؤالي : هل مرت عليكم هذه الحاله ،،، وبماذا تنصحوني جزاكم الله خيرا..
لا حرمني الله من تواجدكم الجميل
اخوكم
عاشق السراب
-الماجد-
07/03/2007, 09:16 PM
السلام عليكم ورحمة الله
كانت عندي مشكلة بسيارتي الكابرس 89 كانت السيارة ترج وتفتف المهم طلعت المشكلة في اسلاك البواجي والتكلفة 100 ريال
dr.dot
15/03/2007, 12:51 AM
نوع السيارة:لانكروزر 2002 gxr
المشكلة:صوت ونين عند الدوران والإنعطاف بسرعات مخفضة الصوت اشبه بصوت خارج من المكينة
الحال: وجود فقاعات هواء في علبة زيت الدركسون واستخرج الهواء بالضرب على علبة الزيت
السبب: المطامر والزيت ناقص
هاوي الله
01/04/2007, 03:16 PM
يااخوان لمبة الدبل ماتولع مع العلم ان جميع الدبلات شغالة وركبت حساس جديد لكن مافي فايده ارجو الافاده السياره في كس ار 99
مُمكن يكون سلك كهرب حق الدبل مرتخي أو مقطوع ( يعني الدبل شغال واللمبه ماتشتغل ) أو فيوز .
قناص*07
01/05/2007, 09:13 PM
رد على صرفية ال24 بلف كربريتر(4500) الى الاخ محافظ وطي:
اخي الحبيب كا عندي نفس اتلمشكله في م 97 ورهمت الكربريتر عند واحد في ينبع اسمه لافي في ورشة ابو علي (شرع الورش امتداد شارع المعارض اللي قدام بوابة الميناء).
اللي سواه طال عمرك انه غير له طقم اصلاح اصلي وكاله وغير ابرة الهواء بابرة 12 بلف (3f) وسلامتك ومن بعدها ما عرفت الصرفيه.
بسم الله الرحمن الرحيم
اخواني الكرام
السلام عليكم ورحمة الله وبركاته
اولاً احيي اخونا الغالي ( المترو ) على طرح مثل هذا الموضوع الرائع واللي استفدت منه الشي الكثير وبصراحه اصبح لدي خلفيه عن الاعطال وطريقة اصلاحها والظاهر راح افتح في القريب العاجل ورشه انافس وكالة نيسان :D .
نأتي للمفيد :
عندي سفاري موديل 94 طبعاً بخاخ وبعد 6 سنوات حافله بالانجازات بدأ الموتر يحس بتوعكات صحيه كثيره والظاهر ان ايامه الاخيره قربت :( .
المهم :
كنت ماشي على الخط راجع من الدوام وبدون سابق انذار تعطلت السياره وانا امشي رديتها ثاني والحمدلله مشت معي وصلتني للبيت بعدها بغيتها تشتغل قالت احسن لك روح جيب لي سطحه .. قبل لا اجيب السطحه قمت اتعبث وادور من هنا ولا من هنا سبحان الله سلك مقطوع او اي شي لكن للاسف مالقيت شي جبنا سطحه وركبناها وديتها الوكاله قاموا بالتشييك عليها عن طريق الكمبيوتر وطلعت عندي هذه الخرابات :
1- غطاء الديلكو سعره 190 ريال سعر الوكاله -------------------NI-22162-52H20 CABLE SET
2- اسلاك بواجي السعر 246 ريال سعر الوكاله ------NI-22450-37J28 CAP DISTRIPUTOR
3- فلتر هواء سعره 93 ريال سعر الوكاله --------------- NI-16546-74S00 ELEMENT ASSY
4- بواجي السعر 60 ريال سعر الوكاله ------------------------NI-22401-21B16 PLUG-SPARK
5- منظم هواء السعر 1791 ريال سعر الوكاله لم يتم كتابة الرقم في فحص الوكاله
6- هوز الهواء وسعره 224 ريال سعر الوكاله ----------NI-16578-37J00 HOSE AIR DUCT
بعدها قلت للوكاله سلام عليكم اخذت الموتر طبعاً على سطحه وديتها ورشه كبيره وهي الصقر والراجح وشيك عليها الميكانيكي واتصل علي بعد يومين وقال السياره جاهزه رحت للورشه وقلت وش اللي في السياره ؟؟ قال هوز الهواء كان مقطوع جزء منه طبعاً هوز الهواء رقم ( 5 ) اللي سعره 224ريال غيرته والحمدلله انحلت مشاكلي ورجع الموتر مثل اول .
بعد 10 شهور تقريباً حسيت بأن الموتر مو صافي وبدأ يطلع دخان اسود وعزمه ضايع يعني لو اركض اسبقه وصلت للبيت بعد عناء طويل اليوم الثاني اتصلت بنفس راعي السطحه ( صرت عميل ;) ) اعطيته الموتر وقلت له خذها لنفس الورشه الصقر والراجح بعد التشييك اتصل فيني وقال الموتر جاهز قلت وش اللي فيه قال غيرنا لك البواجي فقط .
بعدها بشهرين تقريباً رجعت الحاله مره ثانيه وهي خروج الدخان الاسود والعزم يصير ضعيف ولابد اسفط على جنب لأنها ماتمشي ماتستقبل بنزين بعد شوي تصفى لحالها وكأن شيئاً لم يكن اخذتها للورشه شيك عليها بالكمبيوتر وقال كل شي عندك مضبوط ماعدا منظم الهواء قلت اكيد منظم الهواء قال والله هذا اللي طلع عندي .
هنا الزبده هل اغير المنظم سعره يصلخ 1791 ريال سعر الوكاله ولا يوجد حل ثاني مع العلم اني غيرت طرمبة البنزين وصفاية البنزين والبواجي واسلاك البواجي وفلتر الهواء يعني كل شي غيرته وباقي اثنين لم يتم تغييرهم وهم :
1- منظم الهواء
2- غطاء الديلكو
هل تتوقعون المشكله منهم اخاف اغيرهم ولاتنحل المشكله هل حصل لأحد مثل هذه المشكله ؟؟
قصه طويله كتبتها على عجل ولا ثلاث صفحات ماتكفيني :D
الرجاء عدم اهمال مشكلتي بارك الله فيكم .
اخوكم بوخليفه
ابو محمد 200
21/05/2007, 10:27 AM
يوكون اكس ال امريكي
اسمع صوت طقه تحت عندما يغير القير من الثاني الى الثالث - طقه خفيفه بس مزعجتني كثير
اذا كنت امشي للأمام واردت الرجوع للخلف اسمع صوت طقه قويه شوي اذا حطيت القير بال دي وانا ظاغط الفرامل
للأخر
السلام عليكم و رحمة الله
كان عندي مشكلة مشابهة
و السبب كان فى كراسي المكينة انها منتهية و تحتاج لتغير
افحص السيارة من تحت للتاكد
تحياتي
icebird101
24/05/2007, 01:44 PM
السلام عليكم
السياره جيب شيروكي ليميتد
الموديل 2003
المشكله: لما اركب الدبل على الرمل ولا احلا شغال عال العال، لما اركب الدبل وانا على القار "الشارع" حتى وانا مخلي المقود بشكل مستقيم يطلع صوت عالي والسياره احسها تموووووووووت ومجرد ما اشيل رجلي عن البنزين توقف السياره بسركه كإنه في احد ماسكها.
طبعا كل ميكانيكي كان يتفنن بمعرفه ايش العطل
بدلت كل الزيوت جير وما جير ودبل وكارونه الخ الخ الخ
واحد قالي جير الدبل مشكله بالمسننات ولازم ننزل الجير
واحد قالي عمود الشفت والله ما بعرف شدخل
واحد قالي الكارونه إلي قدام
اخر شي انا صلحته بنفسي هههههههههههههههههههههههه
تتخيلو ايش المشكله
كنت ماشي 160 وانفجر العجل الامامي على اليسار ركبت السبير رحت اقرب محطه اشتريت عجل ركبته
ما بعرف ليش حبيت اجرب الجير الدبل
شغلته ولااااااااااااااااااااااااااا في شي احسن من الوكاله
عاد انا طلع من راسي دخان بدي اعرف ليش
اخدت العجل الخربان
ورحت الوكاله
وسالتهم طلع الموضوع وما فيه ان العجل كان حجمه اصغر من الباقيين لانه كان قديييييييييم وناعم ما عليه خطوط وباقي العجلات جديده وخطوطها بارزه
حسيت نفسي غبيييييييييييييييييييييييييييييييييييي وانا قاعد ادور من ميكانيكي لميكانيني
يعطيكم العافيه ويبعدكم عن مشاكل السيارات
شفر 10
29/05/2007, 10:56 PM
مشاكل صارت لسيارتي (شفر 81 ونيت)
1- وأشوف أغلب الأعضاء يشكي منها وهي أن السيارة عندما تمر على حفرة على الطريق ترج السيارة وما تروح الهزة حتى تهدي السرعة >>> المشكلة : كسر بشاص السيارة من الأمام
الحل : تلحيم الكسر أولا ثم تلحيم فوقه قطعة سستة حسب مقاس الكسر
2- أكثر ما عقدني هو سلف السيارة كل شهرين سلف جديد حتى صرت أركبه انا وتصير هذه المشكلة في الجموس والكوابرس القديمة
المشكلة >> إن السلف اللي نشتريه غير أصلي ومجدد يعني ليته جديد وقيمته من 90 -120 ريال
الحل >> تركيب سلف أمريكي أصلي من الوكالة سعره 465 ريال بعد التخفيض
ودمتم
ابو حزم
03/06/2007, 09:53 AM
انا معي جيب باترول 99 سلقه
اشغلني صوت الباب اللي ورا يصرصر ويطلع اصوات قمت ببساطه بلف مرابط الباب بتيب امريكي حق الكهرب والحمد لله راح الصوت نهائيا
هاوي الله
05/06/2007, 09:52 AM
مشاكل صارت لسيارتي (شفر 81 ونيت)
1- وأشوف أغلب الأعضاء يشكي منها وهي أن السيارة عندما تمر على حفرة على الطريق ترج السيارة وما تروح الهزة حتى تهدي السرعة >>> المشكلة : كسر بشاص السيارة من الأمام
الحل : تلحيم الكسر أولا ثم تلحيم فوقه قطعة سستة حسب مقاس الكسر
والحل الثاني والمُهم جداً :
تغيير مساعد الدركسون >> لأنه يسبب رجه >> إذا خرب >> نوع السياره شفر 80 ونيت دفرنشين
صاحب الكابريس
14/06/2007, 10:21 AM
السلام عليكم
أنا حصلت عندي مشكلة بكابرس صابونة ...
وهي اني لما أكون ماشي بالسيارة ومريت على منعطف تبدا السيارة ترتج وتروح يمين ويسار
سألت أكثر من ورشة ومنهم ورش مشهورة مثل ميزان اليرموك والدرع
كلهم قالو السيارة طبيعية ومافيها شي ؟.؟.؟معقولة يكون الكابرس وبصفة خاصةالصابونة مو مريح
أصلان ما شريته ألا عشان راحته ..(عندي كابريس 2006 بس الصابونة أريح منه)
عموما ما أبي أطول عليكم رحت لميزان أسمه البادية في الصناعية القديمة وزن عمود الدركسون والمقصات
والحمد لله صار تمام
السلام عليكم ورحمة اله وبركاته
نوع السيارة سفري 2003م
العطل / في البداية توقف الراديو والمسجل والمكيف وظننته عطل فيوز ولكن بعد أن تحركت بالسيارة مسافة حوالي عشرة كيلو مترات فجأة توقف المحرك .
أدرته ولكنه لايستجيب وانطفأت جميع الأنوار التي في الطبلون ولكن البطارية كانت سليمة 100%
توجهت إلى الوكالة ( الجبر ) فكانت الإجابة في اليوم التالي بأن السلف يحاج إلى تغيير ( وافقت مع عدم القناعة ) .
تم تركيب السلف الجديد ولكنهم فاجئوني بأن حساس الماكينة أيضاً يحتاج إلى تغيير ( وافقت ) على ذلك .
الحمد لله السيارة الآن تعمل بصورة ممتازة ولله الحمد ولكني حتى الآن غير مقتنع بتغيير السلف إذ توجهت إلى أحد الكهربائيين وذكرت له ما حدث ولم يقتنع بتغيير السلف .
ما يهمني في الموضوع أن السيارة الآن تعمل والحمد لله أما المال يذهب ويعود وغير مأسوف عليه.
هولوكس2005
30/06/2007, 03:49 AM
يا جماعه أنا طرحت مشكلتي قبل أسبوع والأخوان في المنتدى ما قصروا وأنا إن شاء الله بعد أسبوع تبدأ إجازتي وناوي أخليها بالصناعيه أين يضبط الموتر وباخذ آراء الشباب كلهم لين يزين الموتر والمشكله هي :
عندي جيب سوبر سفاري فتك موديل 2002م أتوماتيك
قبل شهرين تقريباً وبدون أي مقدمات شغلت السياره أبروح مشوار بعد ما مشيت ما غير القير
( ما ينقل من نمره لنمره ) وقعد على أول تعشيقه لين قام يحن بعدها وقفت الموتر وأتصالات مع هالعالم بعدين
طفيت وشغلت من جديد ورجع الأمر طبيعي يعشق من أحسن ما يكون ... المهم صار يجيني هالأمر بأستمرار يعني الموتر حامي أو بارد ماله وقت معين ،،، رحت للوكاله دخلته عندهم كشفوا بالكمبيوتر قالوا السياره ما فيها شي زودوا زيت القير وغيروا كتاوت طلعته من عندهم رجع زي ما كان رجعته لهم ثلاث مرات بعدها تحت ضمان الشغل الأول وفي كل مره يقول الكمبيوتر ما فيه شي قال المهنس نغير الحساسات ونشوف بس ما نضمن الشغل يزين أو لا ما عليهم مسؤوليه ( للأسف هذي وكالاتنا )وما زال الحال على ما هو عليه
أفتوني يا جماعه أحد صارتله هالمشكله ودلوني أذا فيه ورشه تعرف لهالأمور .
وتقبلوا تحياتي
إذا أحد عنده راي أو تجربه أو نصيحه فليدلي بها مشكوراً
راكب اللي لا مشى يسهي سهياني .... ما يداني رجل سواقه تنوشه
( هذا الفتك عطيب الضرايب )
اخوي هذي يمكن من حساس القير لأنه صار معي نفس المشكله بالجمس وقلت أنا بأن المشكله من القير وقمت وشلته بسطحه من الديره لرياض ب500 ريال ووديته لم الورشه الي غير القير وقال من الحساس حق القير وصلحه ب75 ريال شفت القهر والحساس يغير عند اي محل متخصص بس يمكن بانها خيره
وارجو بانها تكون نفس المشكله ولا يطلع شي كايد
فتى الوادي
06/07/2007, 06:33 PM
السيارة : جيب لاند كروزر موديل 2000 قير عادي
اوصف لمشكلة : صوت طقطقة أمامعندما تسير اليسارة شوي شوي .... وصوت مزعج عندما تكون السيارة مسرعة .
الحل : تغيير عمود الدبل بمبلغ 920 ريال .. وشغل اليد 100 ريال
نصائح : شحم الأعمدة كل فترة وفترة علشان ما يخرب عليك .
أنا عندي عطل وهو عدم اشتغال التانكي الاحتياط للبنزين
وسيارتي باترول 98
وصدفه فصلت راس البطارية وركبتها رجع ويشتغل ولكن بعد ما فرغته في التانكي الرئيسي وعبيته بعد فتره ولعت لمبة التناكي الاحتياطي وفعلا اذا فصلت راس البطارية ورديته يسوي نفس الحركه
وش الحل في المشكله
الدحبول
23/07/2007, 02:00 AM
شبـــــــــــــــــــــــــاب فزززززززعتكم تكفوووووووووووووون
معي باترول وعندي مشكله بسيطه
وهي
عندي علبة زيت الفرامل تنقص كل 15 يوم نص علبه !!!!!
والمشكله مافي تهريب ابد عند الاربع كفرات !!!!!
وش المشكله تتوقعون ؟؟؟؟؟؟؟؟؟؟؟؟؟؟؟؟؟؟
صارت عندي في لاندكروزر
1) شيك على الفحمات يمكن تكون منتهية إذا ما كانت منتهية
أفتح الكبوت أنظر على علبة البريك بجوار الباكم يجب أن تكون السيارة طافية
رح تشوف متجمع في نص العلبة وعلى الغطاء وحوله أفك الغطاء نظف الغطاء و حولة وبعدين أغلق الغطاء
ونظف الترب الذي في نص العلبة بعدين حاول ترفع تفك العلبة رح تحس أنه تفتح و زيت يخرج أكبس العلبة بكل قوتك وبعدين نظف يدك والعلبة خلاص أنحلت المشكلة
السبب
علبة البريك تجارية أو نفكت قبل فترة لعمل صيانة :no2: :no2: :no2: أو مع الزمن
ميهاف
24/07/2007, 03:11 PM
السلام عليكم طرح مثل هاذي المواضيع مفيد جدا.
( السيارة )
باثفندر موديل 2003 الله لايعيده
(العطل)
وهذي نصيحة للي معهم باثفندر موديل 2003 مشكلة بحساس الهواء والموتر طفى علينا وحنا راجعين من ابها باقي على الرياض
يمكن 800 كيلو
( سبب العطل)
فلتر تجاري اللي يجي لونه برتقالي والاصلي يجي ابيض من الوكالة
( طريقة تفادي العطل)
قمنا بغسلة بالبنزيم ثم نفخة بالهواء ومن ثم تمسيحة بالمناديل والحمد لله انه كان معنا واحد من الشباب ميكانيكي
(النصيحة)
موديل 2003 جاء بحساس هواء حساس مرة وتفادى المصنع هذه المشكلة في موديلاتة القادمة 2004 فما فوق والمشكلة ان سعر الحساس 1700 ريال ولا يوجد الى مع القربة (لتفادي هذه المشكلة اشتر فلتر هواء اصلي وريح راسك نصيحة من ضحية)
ميهاف
24/07/2007, 03:20 PM
شبـــــــــــــــــــــــــاب فزززززززعتكم تكفوووووووووووووون
معي باترول وعندي مشكله بسيطه
وهي
عندي علبة زيت الفرامل تنقص كل 15 يوم نص علبه !!!!!
والمشكله مافي تهريب ابد عند الاربع كفرات !!!!!
وش المشكله تتوقعون ؟؟؟؟؟؟؟؟؟؟؟؟؟؟؟؟؟؟
اخوي على حسب خبرة سابقة بالباترول موديل 91
الباكم هو السبب الرئيسي لهذي المشكلة وتقبل مروري
أبو هيلة
27/07/2007, 10:28 PM
حياكم الله .. مرة يا جماعة قلت ابكشخ واشترى سيارة صغيرة http://www.mekshat.com/vb/images/icons/icon10.gif وقدر الله علي وشريت سوناتا هيونداي 2002 بعد مدة من استعمالها حصل معي خلل اللي هو الدركسون يصير ثقيل بالحيل اذا شغلت المكيف وأيضا لمبة المكينة تشتغل .. وديتها للورشات كل واحد يعيطني من هالكلام واحد يقول الثلاجة والثاني يقول من بلف المكيف
:confused:
وسويت لها فحص في الوكالة طلع لي عيوب الدنيا وقال يبي لك تصليح بكم الف http://www.mekshat.com/vb/images/icons/icon9.gif وضاقت بي الوسيعة وهداني لذاك الرجال النشمي قال بسسس المشكلة في بكرة المكينه بسم الله واغير بكرة المكينة ولله الحمد صارت لقطة ..http://www.mekshat.com/vb/images/icons/icon14.gif
هولوكس2005
01/08/2007, 05:04 AM
معي هايلكس 2007 ويوجد بها صوت من ناحية القير عبارة
عن قرقرة مع تشغيل المكيف واذا دعست الكلتش يروح ولما
أرفع رجلي يرجع
اخوي عادي ذي المشكله في كل الهايلكسات بالذات 2006.2007 لامن شغلت المكيف غدت تقول ديزل صوتها
معي سفاري98 وغيرت طرمبة البنزيل من محل ابن شبيب حسبي الله عليه وطعلت تجاري ورجعت له وبعد الاخذ والرد والكلام غيرها لي وشرط علي ان لا اعود له مرة ثانية.
لكن المشكلة ان الثانية مثل الاولى .
بعد كذا ذهبت بالسيارة الى الوكالة وتم اصلاحها بقطع اصلية.
===================
حصل تهريب ماء بشكل متزايد ووجدت المشكلة من قطعة لي صغيرة للماء بين المكيف والرديتر وهذه خطيرة لأنها تؤدي الى فقدان الماء وارتفاع الحرارة بشكل خطير .
salehB
07/08/2007, 12:31 PM
.السيارة VXR 97
اخوي انا كان عندي مشكلتين التقطيع والسيارة ماشيه
ومشكلة عدم ثبات الامبير وان السيارة تطفي من حالها عند الاشارة او المطب
بعد ماغيرة اسلاك البواجي مع البواجي ونظفة البخاخات
طلعت مشكلة التقطيع من الطرمبه
ومشكلة عدم ثبات الامبير وان السيارة تطفي من حالها عند الاشارة او المطب من هوز الهواء الخارج من البخاخات الى فلتر الهواء مع الحساسات الموجوده داخله والفرن والاسبيد
وبعد تنظيفها السيارة الحمد الله Ok
وسم الجواسر
07/08/2007, 03:57 PM
السلام عليكم ورحمة الله وبركاته
كرسيدا 94
مشاركي هذه نبعت من معاناه لكي افيد الاخرين
** المشكلة هزه في السيارة وكل المختصين وزن اذرعة وتغييرها تيير الشيال تغيرر مبرد الكويل تغيير الجنود تغيير العمود تغيير الكفر وزن الكربيريتر.
** او تغيير السواق يعني بع السيارة وخذ غيرها وصلح .
الحل تدرون وش هو طلع ان كراسي المكينة تالفة وغيرتها بنفسي مع ان المختصين قالوا سليمة
وانتهت مشكلتي مع السيارة .
مكشات عنيزه
07/08/2007, 08:24 PM
السلام عليكم
اشكر كل من شارك في هذا الموضوع
ويدل على محبته وخوفه على عائلة هذا المنتدى
ابتكلم عن الشروكي موديل 94
(1)
الأعراض/تقطيع بالموتر مع ان البطاريه تمام و ميكانيكية البنزين تمام
واذا طفا مايشتغل الا بعد مايبرد ولا نتع
الخراب/ حساس الحذاف
الموقع في السياره/مركب بأعلى القير جهة اتصال القير بالمكينة
التصليح/ حساس حذاف جديد ولا يمكن اصلاح القديم
(2)
الاعراض/صوت طقطقه تسمعه وانت داخل السياره جهت القير عند بداية المشي مع تحرك في عامود ناقل الحركه
الخراب/ كرسي القير
الموقع/تحت القير
التصليح/ كرسي جديد ولابد يكون اصلي
(3)
الاعراض/ صوت تصفير عند المشي تحت اقدام السائق يتسارع مع سرعة السيارة ويختفي فقط عند التوقف
الخراب/ رمانة الدبل
الموقع/داخل الدبل
التصليح/رمانة ثانيه ومالك الا التشليح لأن لو تدور المملكه ماراح تلقاه الا نادر
وسم الجواسر
11/08/2007, 02:09 PM
تكفون يالربع فريت الموضوع كلة مالقيت عرض المشكلتي
المشكلة في السوبر سفاري 99 وهي بالمكيف تبريد ضعيف او معدوم اذا كان واقف ومع الممشى يبرد شوي
الفريون مع الزيت مافاد والفلتر غيرناه والمشكلة لقيت اثنين من الشباب ويقولون نفس المشكلة بعد ممشى 25000
عزيزي المشكلة ممكن تكون من الكمبرسر ضعيف وانتبه لا يغيرون الترموستات السبب اكيد من الكمبرسر
** اذا كان ضعيف.
** انتهت صلاحيته وبداء يسخن
وبعد التأكد من الكمبرسر اتجه الى الترموستات لانه اذا كانت تالفه يتجمع الثلج على الثلاجة ويمنع الهواء من المرور .
توافيق
15/08/2007, 01:10 PM
اخواني عندي مشكلة في قير رانجلر صاير ثقيل مرة التغيير طلع لي عضلات مع ان القير مافيه أي مشكلة غير ان تغييره ثقيل
والمشكلة الثانية في هايلكس 96 في اكثر من مشكلة فيه مشاكل حليتها وهي انه كان يحتمي ويعدي النص
وحليتها بأني فكيت الرديتر وغيرت الطبلة وهي الجزء العلوي للرديتر مع غطاء رديتر جديد وخرطوش جديد وتسييخ رديتر وشلت البلف القديم لانه كان خربان وصار الحمدلله تمام الحرارة توسع الصدر
ملاحظة: راعي الور شة قال السيارات البخاخ الافضل ماتشيل البلف.. ونصحني بعد ارجع البلف اذا جا الشتاء عشان يحتمي الموتر طبيعي
وكان فيه فضاوة في الدركسون وقرقعة مع المطبات انحلت بتغيير المساعدات الامامية ووزن عمود الدركسون
بقي المشاكل واللي أتمنى القى لها حل غير اقتراحات حقين الورش كل واحد يقول اقتراح وانا مافيني للخساير
عندي الموتر صاير يتدلع اذا نزل البنزين عن النص يطفى ويورطني
المشكلة الثانية يصرف بنزين كثير
ويطلع ريحة بنزين بعد ما أعبيه فل يقعد ريحته بنزين يوم كامل
والمكيف رغم ان الحرارة تعدلت بس للحين تبريدة مهوب على خبري مع اني ما ابطيت معبي فريون
يالله سترك غثني هالموتر ونكد علي الاجازة:d
hawwamT
24/08/2007, 07:39 AM
الموتر : جيب نيسان
العطل: ضعف في دفع هواء المكيف
كان السبب بعد الكشف: وجود ريش حمام وقمري في فتحات التهوية...وتم تنظيفها ..وأصبح الهواء قوي جدا والحمد لله
معلم المدينة
25/08/2007, 12:44 AM
السلام عليكم ورحمة الله وبركاته
نوع السيارة :كامري 2005
المشكلة المكيف جهة الراكب بارد وجهة السائق حار أو قليل البرودة
رحت للوكاله قالولي البلف وغيروه وبعد مده رجعة المشكلة وكشفو على الكمبروسر وقالوا فيه تنسيم وغيرولي الكمبروسر والآن أحس إن المشكله بدت ترجع
مع العلم إن الكامري من موديل2003 إلى2006 ودفع الهواء ضعيف والبرودة في النهار سيئة
كاشت وحداني
29/08/2007, 01:48 AM
اخوي معلم المدينه / تأكد من الفلتر اللي خلف الدرج .اما كرسي الراكب الامامي افتح الدرج وفك المسمار الجانبي من جهة الباب ثم اضغط جوانب الدرج ويصير طايح تحت ومفتوح بالمره . ناظر بالداخل تلاقي بلاستيكه بيضاء لها مشقبيتين من يمين ويسار. اضغطها واسحبها فيها فلتر يتغير من فتره لفتر . واكثر اصحاب الكامريات ما يعرفونه . انا اغيره من فتره لفتر والحمدلله المكيف عندي 200% . يحسدوني الشباب عليه .
طبعا سعره .. احيانا اخذه ب180 ريال واحيان يرتفع الى 220 ريال . وخذه من الوكاله حتى لو صار غالي .ومن فتره لفتره انفخه بالهواء لين تشوف انه ما عاد ينفع معه ثم غيره ولك تحياتي.
قبطان البحار
29/08/2007, 06:01 AM
السلام عليكم
نوع السيارة Jeep موديل 2002
المشكلة الاولي ارتفاع الحرارة لما اشغل المكيف .والعيب طلع من مروحة المكيف استهونت فيها لين مارتفعت الحرارة بدون مانتبه الا لما المكيف صار يطلع هواء حار طبعا راس المكينة روح المهم كلفني الاصلاح 8600 ريال مابين قطع غيار وشغل يد.
المشكلة الثانية صوت من جهة الدفرنس لما ابد في المشي وكنت الف الدركسون يمين او شمال والي الان ماعرفت المشكلة وكل واحد اساله يقول هذي المشكلة في الشيروكي من زمان
ويعطيكم العافية
osqari
29/08/2007, 01:34 PM
السياره : باترول 2002
المشكلة : تهريب صوفة عكس خلفي
السبب : زيادة زيت الدفرنس من قبل بنشرجي غبي
ازلت الزايد من زيت الدفرنس وخف التهريب ولم يتوقف
السؤال : هل اتركة ام اغير الصوفه وكم يكلف وهل الافضل التغيير سمعت انه يسبب حنه بالدفرنس
الاتصال السريع
03/09/2007, 02:37 PM
بالنسبة لمشكلة مشرفنا ( رحال ) فقد حدثت معي وحلها كالتالي :
اخوي الكريم /رحال
السلام عليكم ورحمة الله وبركاته
انا صارت معي نفس المشكلة جيب سفاري بخاخات موديل 95م ( تقطيع ودخان اسود وعزم مافيه ) حصلت المشكلة بعد غسيل السيارة بستم حسب ما يبدو لي وكما اكده المهندس وحذر من غسيل السيارة بالبستم وقال يخرب الاجزاء الكهربائيه ، المهم شخصوا الخراب بأنه المنظم الخاص بالهواء وسعره مثل ماقلت بالوكاله 1700 وشوي ولا يوجد الا في الوكاله
رحت للتشليح وتراهم نصابين يقولك بخمسمائه وبعضهم بتسعمائه بس تراه مايشتغل كما يجب ياخذونه من واحد ويبيعونه على آخر واخذت كم واحد وارجعه يقول المهندس ضعيف يعني يشتغل بنسبة 40% يعني يمكن بعد شهر واو اكثر يجاوب معك ونصحني بدفع المبلغ وشرائه من الوكاله
وآخرتها شريته من الوكاله بالسعر اعلاه ولكن ارتحت وسافرت عليها الى الجنوب وزي الحلاوه والحمد لله
آسف للإطاله
وشكرا
بدون لوحات
06/09/2007, 01:43 PM
بغيت اعرض عليكم مشكله صراحه محيره في يوكن 97 م
المشكله في طرمبت البنزين وصراحه صارة عله مهيب مشكله كل شهر ونصف الشهر اغير جديده من حوالي سنه ونص تقريبآ صراحه كرهة الموتر بسبب هذي المشكله طبعآ بتقلون ليش ما حطيت اصلي ركبت اصلي وكامله بعد كم مره لكن نفس المشكله ركبت طرمبت اس اس ومع ذالك خربت بس طولت شوي واليوم ابي رائيكم ولا عليكم امر ============الحل لازم تغير الصفايه كونها مسدوده وتحرق الطرمبه 2-خذ رقم الهيكل وجب طرمبه وصفايه المخصصه لسيارتك واضمن للك انها ماتخرب 10سنوات بشرط تغير الصفايه كل سنه
وحداني ومبسوط
06/09/2007, 03:40 PM
يا جماعه أنا طرحت مشكلتي قبل أسبوع والأخوان في المنتدى ما قصروا وأنا إن شاء الله بعد أسبوع تبدأ إجازتي وناوي أخليها بالصناعيه أين يضبط الموتر وباخذ آراء الشباب كلهم لين يزين الموتر والمشكله هي :
عندي جيب سوبر سفاري فتك موديل 2002م أتوماتيك
قبل شهرين تقريباً وبدون أي مقدمات شغلت السياره أبروح مشوار بعد ما مشيت ما غير القير
( ما ينقل من نمره لنمره ) وقعد على أول تعشيقه لين قام يحن بعدها وقفت الموتر وأتصالات مع هالعالم بعدين
طفيت وشغلت من جديد ورجع الأمر طبيعي يعشق من أحسن ما يكون ... المهم صار يجيني هالأمر بأستمرار يعني الموتر حامي أو بارد ماله وقت معين ،،، رحت للوكاله دخلته عندهم كشفوا بالكمبيوتر قالوا السياره ما فيها شي زودوا زيت القير وغيروا كتاوت طلعته من عندهم رجع زي ما كان رجعته لهم ثلاث مرات بعدها تحت ضمان الشغل الأول وفي كل مره يقول الكمبيوتر ما فيه شي قال المهنس نغير الحساسات ونشوف بس ما نضمن الشغل يزين أو لا ما عليهم مسؤوليه ( للأسف هذي وكالاتنا )وما زال الحال على ما هو عليه
أفتوني يا جماعه أحد صارتله هالمشكله ودلوني أذا فيه ورشه تعرف لهالأمور .
وتقبلوا تحياتي
إذا أحد عنده راي أو تجربه أو نصيحه فليدلي بها مشكوراً
راكب اللي لا مشى يسهي سهياني .... ما يداني رجل سواقه تنوشه
( هذا الفتك عطيب الضرايب )
السلام عليكم ورحمة الله وبركاته
مساء الخير لجميع الخوان في منتدانا الموقر وأنتهز هذه الفرصه لتهنئتكم بحلول شهر رمضان المبارك وأقول كل عام وأنتم بخير وبارك الله لكم في شعبان وألحقكم رمضان وجعلكم ممن يقضونه بالصيام والقيام ويجعلكم من عتقائه من النار
أما في ما يخص مشاركتي السابقه والتي تتعلق بمشكلة قير الفتك فقد نصحني أحد الأخوه بإدخال سيارتي الى ورشة العلاج بالرس وقمت بتسليم السياره لهم وقاموا بالتشييك عليها وأتصلوا علي بعدها بيوم ونصحوني بإدخالها بوكالة نيسان بالقصيم وتكفلوا بإدخالها للوكاله عن طريقهم بسبب وجودي بالرياض وقاموا مشكورين بإدخالها للوكاله وأخبروا الوكاله بأنني قد أدخلتها لوكالة نيسان بالرياض وأفادة الوكاله أنه لم يتم أخالها لكمبيوتر الوكاله بالرياض ( شف لعانة وكالة نيسان بالرياض عشان ما يتحملون المسؤوليه ) المهم أكتشفوا الخلل وهو العلبه الخاصه بحساسات القير وقيمتها 3800 ريال تقريباً غير شغل اليد وبعدها دخلت الواسطات والجاهيات وقاموا بأخذ القطعه من أحد القيور المعاده للوكاله بقيمة 2300 ريال مع ضمان لمدة ستة أشهر وحتى تاريخه لم يحدث شيْ ولله الحمد مع أني ذهبت بالسياره لطايف , مكه , المدينه , ينبع, الإمارات , صلاله ولم ألاحظ أي شئ ولله الحمد
أحببت أن اطرح الحل للفائده
salehB
10/09/2007, 03:54 PM
vxr 97
المشكلة عندي كان ارتفاع الحرارة وخصوصا في السفر مع فصل برودة المكيف
اما المشاوير القريبة فكانت ترتفع الحرارة للنصف
العطل كان في مروحة المكينة ومع الاسف لم اجد اصلي في المكان الي انا فيه فقام المكانيكي بفكها ووضع ورده لتوسيع ما بينها والسماح لها بدفع اكبر للهواء
والحمد لله الحراره الان في مستواها الطبيعي
أسد نجد
معي نيسان دوخني باالحرارة وكلفني أكثر من خمس الآف منها خرط الراس وتغييرة من الوكالة
ورديتر من الوكالة +مروحتين +تماتيك المروحة +المروحة+خراطيش وووووو
وفي النهاية الحرارة طبيعية لكن الأنبير (حساس الحرارة ) خربان
عسى أن تنحل مشكلتك
rayes3
23/10/2007, 10:03 PM
السلام عليكم
حصلت معي مشكله وهي كالتالي
وانا ماشي بالسيارة اي مطب بسيط اسمع صوت قوي تحت في الجهة اليسرى
وعرضت المشكلة على مركز العضيب ومراكز كثيرة ولم تعرف المشكله
وبفضل من الله ثم احد الاخوة في منتدى مكشات حيث ذكر عن ورشة العيسى في الصناعية القديمة طريق الخرج وتم فحص السيارة من الصدام الى الصدام واكتشف ان الجلب لعمود التوازن الخلفي تالفه وتم تغييرها وفحص المساعدات الامامية حيث فيها فراغ وتم تركيب ورده من كل جانب وتم فحص اسفل السياره وتم تجربت السيارة ولله الحمد انتهت المشكلة
northstar46
29/10/2007, 06:20 AM
سوبربان عقد راعية بالصرصرة و عرضه على عدة ورش اجمعوا انها من السست الخلفية وما لها حل وحليتها كالتالي :
ارفع الموتر من الشاص لين يفتح السست
صب زيت بين السست او وضع شحم بس لازم ما تترك شي فاضي
وانتهت الصرصرة تماما وصار المطب الين بعد
بدوي جنوبي
30/10/2007, 09:52 PM
السلام عليكم ،،
يا شباب أنا عندي سيارة نوع فورد ويندستار (فان) موديل 2000 استعمال أمريكي
المشكلة أنه أحيانا تطلع أثناء ما حنا ماشين رائحة بنزين داخل السيارة لدرجة انها تكتم النفس وتحرق العيون واحيانا ما نشم شئ مع العلم ان ها لريحة غير موجودة في خارج السيارة او داخل الكبوت ولا يوجد أي تسريب للبنزين من أي نقطة المهم وديتها لكذا ورشة اللي غير فلتر الهواء واللي قال الصفاية واللي قال صمام منظم الهواء واللي قال فلتر المكيف كلها غيرناها ولكن لا تزال المشكلة موجودة الرجاء من الاعضاء الكرام وأهل الخبرة أن لايبخلوا علينا بالحل ويرحمونا من تخرصات هالعمالة .... ولكم جزيل الشكر
عليكم السلام
اكثر شي تظهر الريحه اذا كنت فاتح القزاز
اما اذا كان شغال المكيف ما تظهر الريحه وهي ريحه كربون السيارة واحذر منها قد تسبب اختناق
عموما ابيك تشييك علي دبة الشكمان قد يكون فيها تنسيم بسيط يكون من الاعلي للدبة حتي الصوت ما يظهر ،، وشيك علي جلد الباب الخلفي
للحديث بقيه
بالتوفيق
محب الصحراء
02/11/2007, 09:15 AM
عندي ددسن موديل 2003طلعت عليها بر وعبيت من المحطة الي على الخط
وبعد فتره قامت السيارة تفتف غيرت البواجي نفس الحالة مسكت فكيت الصفاية
حقت البانزين ونضفتها والكربريتر ونضفته والبواجي وانضفتها
ومشاء الله رجعت مثل أول وأحسن
kalid_111
05/11/2007, 08:21 PM
السلام عليكم ورحمه الله وبركاته
اخواني معي جي اكس ار 2001 من تقريبا اسبوع اذا مشيت بالموتر اكثر من 120 تسمع
صوت غريب اسفل على شكل اوووو اوووو اوووو متقطع انا بحاول اقرب لكم الصوت بالوصف
صوته يشبه صوت الجوال لاصرت حاطه على الصامت فوق ماصه على الهزاز هذا الاقرب للصوت
وش رايكم اللي قاال لي تأكد من العمود واللي قال لي تاكد من الزيوت واللي قال لي شيك على
جميع انواع الصاجات اللي تجي اسفل المكينه وفووقها وانتم ورايكم افزعو لنا تكفون
طبعا الصوت تسمعه من قدام يعني من مراتب السواق والركاب اووضح
السلام عليكم اخوي انا جتني الحاله هاذي في جيب vxr 1999 وكان السب ان عمود الكردان يبي لها ترصيص بس كانت تجي بعد وصولي لسرعة 160 وطالع والله الموفق
أخو عنقاء
08/11/2007, 08:09 AM
تجربتي أنا مع البايثفاندر م2000:
كنت مسافر وبعد فطع مسافة 250 كيلو متر تقريبًا، بدأ يحصل تقطيع بالسيارة وضعف بالعزم، وبدأ الضعف بالازدياد، وأكملت سيري للرياض ظنًا مني أن الأمر مجرد تقطيع بسيط إلى ان أصل إلى الرياض وأقوم بإصلاحه، ولكن المشكلة ازدادت وبدأت السيارة بالعطاس وانفجرت إحدى الكنداسات الأمامية الصغيرة وأصبحت السيارة تسير ببطء شديد مع صوت رمي للكنداسة لم تتجمل معي حتى أصل الرياض، وعند وصولي للمجمعة قالت: هذا مكاني يكفي. وقلنا أمرنا لله، ونتفق مع أحد السوريين أصحاب السطحات بالمبلغ الفلاني على حملها وإراحتها، حتى وصلنا الرياض، وتبدأ المعاناة بعرضها على أكثر من ورشة ولم يكتشف أحد الخلل، وإنما تخرصات، ودلنا أحد الإخوة على أحد الورش الميكانيكي فيها سعودي، وأخبرناه بالخلل. وسأل هل العطاس من الشكمان أم القربة، وأخبرته أنه من القربة حسب سماعي للصوت، وطلب تغيير طرمبة البنزين وقيمتها بعد التخفيض عند الوكالة(370) ريال، ولم يصلح الخلل، وأخبرني الميكانيكي بأن العطاس من الكنداسة(الشكمان) ويحتاج إلى إصلاح الديلكوواكتشف أن الخلل من الكويل،طلبناه من الوكالة قالوا نطلبه من جدة( كالعادة ) لوكالة الحمراني ويحتاج 3 أيام ( طبعًا زد عليها4 على الأقل )وقمته (450) ريال. قلنا مافيه غير تشليح الحاير الله يخليه لنا، واشترينا بعد جهد ديلكو كامل بـ 700 ريال على شرط ترجيع القديم، وركب الميكانيكي الكويل وشريحة صغيرة دائرية فقط لصعوبة فك الكويل كاملاً ،وأرجعنا باقي الديلكو للتشليح مع القطع العطلانة.
هذا وصف لإحدى تجاربي، أرجو أن أكون أفدت الإخوة الكرام .
وتقبلوا تحياتي .:cool:
شقن بقا
11/11/2007, 04:08 PM
أخوي أبونايف1 أول شي الله يعطيك خيرها ويكفيك شرها وثاني شي نرجع للمشكلة طبعا خبرتي تراها بسيطة لكن معقولة وحبيت أشاركك في حلها إن شاء الله
1- بالنسبة للنور الأمامي أعتقد والعلم عند الله إن المشكلة في يد النور وغالبا هذا ينتج من إلتماس بين وصلاتها
2- بالنسبة للقربعة يا أخي السيارات كلها حديد في حديد ومن أقل مطب لازم تقربع بس الخواجة اللي صنعها عشان يتلافى هذه الأصوات والإحتكاكات بين الحديد حط جلود بينها ( يعني جلود بين البودي والشاص - كراسي حديدية مغلفة بجلد ( ربر) سميك وحطها بين المكينة والبودي وبين الجيربوكس والبودي حتى الكنداسة علقها بمعلاق فيه ربر) وبالمختصر يبيلك تشيّك على التالي
1- كراسي المكينة وكراسي الجيربوكس
2- جلود المطبات اللي في عمود التوازن
3- تأكد من قوة ضغط اليايات الأمامية والمساعدات
4- تأكد من الطيس الأمامية لأنها مصدر من مصادر القربعة
5- تأكد من تشحيم جلود عمود الدركسيون والوصلات الأمامية الأخرى
6- لا تستهين بأي نقطة ذكرتها لك
أخيرا أتمنى أن أكون قد أفدت وأتمنى أن تجد الحل المناسب في ملاحظاتي
4800VTC
01/01/2008, 01:48 PM
الاخ/ ابو ريما صاحب الفتك 2005
اذا انت من اهل الشرقيه انا انصحك تروح للمركز السعودي
للبخاخات في الدمام وهو موجود في الخضريه وهو معروف في الخضريه
وهم متخصصين في امور السيارات المعقده مثل البخاخات وغيرها
صارتلي مشكله في الفتك حقي مشابهه للمشكلت موترك ووديته لهم
ورجع الموتر من احسن ما يكون
اذا احتجت شي لا يردك الا لسانك
تحياتي للجميع/4800vtc
الموالي
05/01/2008, 08:57 PM
الموتر جمس دفرنسين صالون موديل/94
المشكلة/تهريب زيت في قير الدبل
غيرت الجلب وصار مثل العسل
Abo-ibrahem
06/01/2008, 11:01 PM
أخوي أبونايف اخوي معه ميركوري 2004 وطلع عنده نفس المشكه
اذا رقى مطب ولا بطناج يطلع صوت طقه في الخلف
غير المساعدات وراح الصوت
الدليلان
07/01/2008, 11:18 AM
السلام عليكم
انا عندي سفاري موديل 1992 اذا لفيت الدركسون يسار يصير فيه صوت ونه كنه مافيه زيت مع العلم أنه فيه زيت
وش السوات لا هنتو
عطوني وش خرابه لاهنتواااااااااااااااااااااااااااااااااااااااااااا اااااااا
اخوي العزيز الله ولي العلم صوت الونة اذا لفيت والزيت موجود ولا فيه نقص يعني اصلاح مراوح المراوح الى جوا العلبة فيها خراب وانصحك انك ما تركب اصلاح لأنها نادر تنجح دورلك علبه زيت من التشليح وجربه وبتوفيق
المميـز
27/01/2008, 01:16 AM
عندى vxrعند المشى ببط وخصوصا فى البر اسمع صوت طقطقه ضخمه شوى فى الجهه الخلفيه
ارجو من مرت عليه هذه المشكله افادتى
واحد من الزملاء صارت عنده طقطقه قويه بالفكسار حقه
وكان يسمعها من وراء وبالاخير اكتشف انها من قدام ولكن من قوة الصوت تحس انها من وراء
والمشكله كانت في كارونة الدبل قدام ( الرمان متكسر )
والحل تغيير الكارونه من التشليح اوفر لك
واذا تبي تتأكد هل المشكله من الكارونه والا لا ؟؟؟
فك عمود الدبل واذا كان موترك تماتيك اضغط على زر الدبل الخفيف على شان يمشي معك الموتر
علماء بأن موتر خويي قير تماتيك ..
واي استفسار انا جاهز
ff-19
22/02/2008, 02:51 PM
عندى vxrعند المشى ببط وخصوصا فى البر اسمع صوت طقطقه ضخمه شوى فى الجهه الخلفيه
ارجو من مرت عليه هذه المشكله افادتى
انا صارت لي واكتشفت انها من جلد المقصات الخلفية 2 في الاعلى و2 في الاسفل روح لاقرب ميزان اوخله يفحص جميع الجلد زايد جلد مسمار التوازن الخلفيه ولالامامية
ابوحماد
29/02/2008, 06:37 PM
السلام عليكم
ياخوان ياكرام
عندي سيارة موديل 2001برادو عزمها ضعيف .
وبعد كذا ادعس على البنزين الى يوصل الضغط 4 احس مكتوم ممكن حل للمشكله
غير نوع البنزين الى 95 وتنحل المشكله عندك
ملاحظة..
اي شخص عنده موتر يقطع أو يضعف عزم التوتر قبل كل شي يغير نوع البنزين الى 95 قبل ان يذهب الى الورشة
البنزين 91 فااااااااااااااااااشل ;) ;) ;)
ابو ربا
01/03/2008, 12:20 PM
بشرى ساره
إلى كل من يعاني من تهريب ماء سواءً داخل الماكينة يعني على الزيت أو خارجها .
معي سيارة لا ند كروزر جي إكس وبدأ يهرب الرأس على القزوز يعني على بيت النار ويدخل الماء على الزيت وكذلك يهرب على القزوز وعندما تشوفه الصبح تلقاه ينقط الماء بالأرض وإذا شغلت الصبح يبدأ يتفتف شوي ثم يصفي وذهبت إلى صديقي الميكانيكي ( فلان ) - لأنه ماله ورشه - وأخبرني أن هناك مادة قد تنجح وهي ماده اسمها ( مادة تلحيم سرندل ) بحجم علبة شراب الكحة الكبيرة (اللهم عافنا ) وذهبت واشتيريتها من شارع الأربعين من محل مطلق الراكضي بسعر (25) ريال وقال لي الميكانيكي صديقي إذا بغيت تنام رج المادة ثم ضعها باالأديتر ثم سكر الشبك بقرطاسه أو بطانية وسكر الكبوت واتركه شغال لين تاصل الحراره حول النص أو النص ثم طفه وخله لين الصبح وإذا صار الصبح زوده ماء وحرك وما عليك إلا العافية وفعلاً جربت ولله الحمد الموتر على ما يرام له هالحين شهر ما شفت منه أي شي يالله لك الحمد بدل ما أفك الرأس وتطلعلك بلاوي متلتله وراعي الورشة قضا ما قضا والله مالقين هالقطعة والله طلبناه من الوكالة والله مزحومين وهلم جر . وللعلم ترها إذا لم تنجح ما فيها أي ضرر على الماكينة بإذن الله , والسلام عليكم
صلي على الحبي
12/04/2008, 07:36 AM
السلام عليكم اولا يجب الحرص والتثبت من وكالات السيارات وكثير من الاحيان يكون تشخيصهم شرق والمشكلة غرب
ذهبت الى وكيل تايوتا عبدالطيف جميل(افضل السيئين) لاقوم بصيانة وقائية متوسطة وعند استلام السيارة ابلغني الموضف ان لمبة المحرك تولع في بعض الاحيان ويجب فك وفحص البخاخات ووجدة المحرك غير ثاب ولمبة المحرك دامن والعةة وابلغة الموضف ان ذلك لم يكن بالسيارة من قبل ولكن لاني مضطر ساخذ السيارة واعود بعد يومين وقمت بفحص السيارة بنفسي واكتشفة ان الخبراء قاموا بتكيب بواجي ليسة مناسبة لهذا المحرك والفرق فقط في حرف واحد برقم القطعة ورجعت الى الوكيل وغير البواجي ورجعت السيارة كما كانت (رقم البوجي موجود في الكتلوج)
ابونايف1
04/06/2008, 08:50 PM
اانا عندي مشكلة بسيطة
عندي سيارة هوندا وجاء واحد من ربعي الله يهدية وحط شاحن جوال موب اصلي ويخرب الولاعة اللي تنشبك عليها الشاحن وفتح الدرج وجرب الولاعة الثانية اللي تكون في الدرج وخربها وش السوات صرت الحين متوهق يعني لو يطفا الجوال كيف اشحنة او لو معي جهاز ينشبك على الولاعة اطلب ربك
هل هي فيوز او وششششششششششششششش
انا في انتظاركم اخواني مشكلة سهل صح بس وين اللي بيحلها الداهية
هلا اخوي
شوف طال عمرك من واقع خبرتي المحدودة فقط
اتوقع ان خويك وهو يشبك الشاحن تسبب في ماس كهربائي وبسببة ومن اجل الحماية الفيوز ضرب
يعني علشان مايصير فيه حريق يقوم الفيوز يضرب ويخترب ويبيلك تمر على كهربائي ويشيك على الفيوزات اذا ماتعرف وتنحل مشكلتك بذن الله
تحياتي لكم جميعا
سوبر VTC
06/06/2008, 11:30 PM
السلام عليكم و رحمة الله
المشكلة/ معي جمس 2001و اذا مشيت اكثر من 60فما قوق يطلع صوت ورررررر
الحل / صار من صليب عمود الدبل مبوش او فيه فضاوه
المشكلة/ شيروكي 2001 و اذا مشى اكثر من120 يطلع صوت وررررررر
الحل/ ساق الميكانيكي الموتر و يوم وصل 120 رفع رجله عن البنزين و شبك الدبل الخفيف و داس بنزين و راح الصوت (يعني حمل العمود و اختفى الصوت) صار من عرموطة الدبل الذكر و الانثى فيها فضاوة من قلة التشحيم لان الحديد ياكل بعضه و لازم تشحم كل شهرين فما فوق كما رفع السيارة بالعفريته و حط القير بدي و حط مفك على عمود الكردان الخلفي و لقى العمود مطعوج يعني يبتعد عن المفك ثم يقرب طبعا فحص العمود من اوله ثم الوسط ثم من عند الكارونه طبعا عن طريق المفك لان الحركه هاذي افضل من المخرطه لان سرعة مكينة المخرطه بطيئة ما تبين اذا كان العمود فيه طعج و دمتم بخير
سوبر VTC
07/06/2008, 05:07 AM
اكمالا لما سبق ،،،
المشكله/ كورولا 2002 ادق سلف بس مايطلع ترس السلف تخرصنا على كلام الكهربائي و غيرنا دقمة السلف و لا استفدنا
الحل/صار من ترس السلف خربان منفرط رمانه و يدور بمكانه سعره جديد اصلي 120 حق كورولام86
المشكلة / كورولا 2002 ادق سلف و لا تشتغل
الحل / بعد الكشف و الاشعة:D :D
صار شي تااااااااااااافه فيوز منقطع و هذا موجود مع مجموعة فيوزات فوق دعسة الفرامل
دمتتتتتتتتم بخير
AL_wafi
23/07/2008, 01:47 AM
واحد من الزملاء صارت عنده طقطقه قويه بالفكسار حقه
وكان يسمعها من وراء وبالاخير اكتشف انها من قدام ولكن من قوة الصوت تحس انها من وراء
والمشكله كانت في كارونة الدبل قدام ( الرمان متكسر )
والحل تغيير الكارونه من التشليح اوفر لك
واذا تبي تتأكد هل المشكله من الكارونه والا لا ؟؟؟
فك عمود الدبل واذا كان موترك تماتيك اضغط على زر الدبل الخفيف على شان يمشي معك الموتر
علماء بأن موتر خويي قير تماتيك ..
واي استفسار انا جاهز
كم سعر االكرونه الامامي اخوي بالتشليح
السلام عليكم ورحمه الله
أخواني الأعزاء خوي معه هايلوكس 2005 وفيه صوت طق طق مع المشي ولايزود ثابت قالوا من الكارونه وتعرفون الشكل القديم تخرب دايم وبالصدفه أمس غير القماشات الخلفيه وخرط الهوب وراح الصوت.
طلع الهوب تقول فيه حفريات.
وتقبلوا مروري.
السيارة : هوندا أكورد 2002
العطل : تمشي السيارة مضبوط وبعد فترة تبدأ تمسك فرامل على خفيف ثم تعلق .
الحل :
رحت لفليبينيين بعنيزة وقال : يحتاج الكليبر تنظيف ، وضبطت إلى بكرا ..
ثم رجعت المشكلة ورحت لورشة بالرياض قال : لازم تغير جلب الكليبر ، وغيرت وضبطت ,.
ومن بكرا الصبح وأنا بالصناعية مسك الفرامل قلت إنا لله وإنا إليه راجعون .
وأروح لمهندسهم الكبير ( باكستاني مضبوط ) قال : عندك المكبس اللي تحت علبة الفرامل يعلق فيمسك معك الفرامل على طول ، ولازن تغير علبة الفرامل .
وغيرتها بـ ( 180 ) ريال ،
وإلى الآن الحمد لله مضبوط .
ابو عبدالملك 2
04/09/2008, 01:31 AM
السيارة باترول 98 المشكله ميعان الظفيره حقت النور الامامي السبب لاني حاط نور 100/80 الحل غيرت النور الى النور الاصلي حق الوكاله
راعي اليتامى
07/09/2008, 02:07 AM
الفزعة ياشباب
عندي يوكن 2003
لمن اشغل التكيف الكمبرورسور مايشتغل
جبت كهربائي شيك قال القفل او المفتاح حق المكيف من داخل يحتاج له برمجة او تصليح (يعني الكرت)
شيكت كذا ورشة نفس الكلام
وش السواة :mad: :mad: :mad: :mad: :mad:
انا حصلت لي نفس المشكلة وزيادة على ذلك حتى امبير البنزين صار مايشتغل
و سيارتي يوكن دينالي موديل 2004 م.............
يعني لما غيرت البطارية صار المكيف عندي حار يعني مايشتغل الكمبروسر
بس لما رحت للكهربائي اشوفه فصل اصبع البطارية لمدة خمس او سبع دقائق
ثم اعاد تركيبه مرة أخرى ولما شغلنا المكيف اشتغل على طول وحتى امبير البنزين اشتغل....
المهندس سعود
12/09/2008, 05:51 PM
بسم الله الرحمن الرحيم والحمد لله
نوع السيارة :يوكن 2004 وارد بهبهاني دبل جير
المشكلة:خلل في الدبل وهو عدم التعشيق واحيانا يعشق بلحاله
لما اشغل السياره بعد اطفاءها مدة طويله ومع طول مدة عدم الاصلاح اصبح جير السياره وليس الدبل يفصل على سرعات متعدده يعني احيانا على سرعه 140 واحيانا 160 ...الخ
التشخيص:كراجات االصناعية قالوا دقمة الجير (سويتش الجير)وهي عبارة عن قطعه كهربائية اسفل السيارة عبارة عن محول اسود كهربائي ولا يوجد منه تجاري فقط بالوكاله والسعر بالسعوديه 2500 ريال تقريبا وبالكويت 160دينار
الاصلاح:عندي خيارين اما بالوكاله ويعطون كفاله سنه او 20الف كم ويكلف من160-200دينار(مع القطعه) حسب الخلل وما يترتب عليه من قطع اضافيه او القطعه و25 تركيب خارج الوكاله.
انا طبعا اخترت الوكاله علما بأني استطيع ان اشتري القطعه
من السكراب والتوفير ولكن لأنها ليست بالمره الاولى اللي اصلح فيها الدبل قلت افضل شغل الوكاله بسبب الكفاله (الخلاصة صلحت الدبل بالوكاله وطلع دقمة الجير وبوبرنج والكبنه الصوفه يعني كلها بدلوها وكلف علي بعد الخصم 168دينار كويتي وهالسنه ما راح يردني الا الصمان باذن الله نجرب الموتر ) الرجاء الدعاء لي ولوالدي وعسى الله يغفر للمسلمين والمسلمات الاحياء منهم والاموات واعتذر عن الاطالة:j
معي هايلوكس 97 ..دينموا الكهرب احترق علي((طبعا تجاري)) وكان ماشي معي سنين ومنين ..ورحت وغيرته ..وركبت جديد ياباني (مهوب وكاله) وللأسف يوجد صوت زي الزنه .. تكفون يالربع ابي السبب لأني رحت لكم كهربائي ولا عرفله ..ورحت للي ركبه لي قال هذا تجاري توقع منه اي شي :(
ff-19
19/09/2008, 11:56 PM
يالذيب النايم ركب فرارات رايح ترتاح من الرجة اوصرفية البزين اكفرات اذا كانت بالون ممكن منها
اللهب
22/09/2008, 04:41 AM
لاند كروزر2008 فية مشكلة في تعبية البترول وكل معبية يكون فية هووواء وعقب تعبية20 عطاء فل وطول وجاني رجال شروا الحضرين ونصحني
الحل انك تفتح غطاء البترول لمدة 20كيلو وتمشي في سيارة في بر وعقب يطلع الهوواء كلة روح وعب وكل شي رجع تمام الله هم لك الحمد وشكر
ff-19
24/09/2008, 10:27 AM
احد الزملا ء سيارته كامري تجمر الاقزوز ولو مسافة 500 متر طلع السبب بعد كل التعب والمال اللي دفعة
البخاخــــات اوغيرها فقط
711الصبحي
25/09/2008, 08:00 PM
السياره:سزوكي48 سموراي
الخراب:انقطاع سلك الدعس
السبب:والله مدري
طريقة الاصلاح:مديت سلك نحاس الي قطعة الدعسه ومررته من من اطراف الكبوت ومسكه بيدي والحمد لله وصلت البيت
واشتريت قطعت سلك الدعسه بـــ50ريالآ
سوبر VTC
26/09/2008, 07:13 PM
بسم الله الرحمن الرحيم والحمد لله
نوع السيارة :يوكن 2004 وارد بهبهاني دبل جير
المشكلة:خلل في الدبل وهو عدم التعشيق واحيانا يعشق بلحاله
لما اشغل السياره بعد اطفاءها مدة طويله ومع طول مدة عدم الاصلاح اصبح جير السياره وليس الدبل يفصل على سرعات متعدده يعني احيانا على سرعه 140 واحيانا 160 ...الخ
التشخيص:كراجات االصناعية قالوا دقمة الجير (سويتش الجير)وهي عبارة عن قطعه كهربائية اسفل السيارة عبارة عن محول اسود كهربائي ولا يوجد منه تجاري فقط بالوكاله والسعر بالسعوديه 2500 ريال تقريبا وبالكويت 160دينار
الاصلاح:عندي خيارين اما بالوكاله ويعطون كفاله سنه او 20الف كم ويكلف من160-200دينار(مع القطعه) حسب الخلل وما يترتب عليه من قطع اضافيه او القطعه و25 تركيب خارج الوكاله.
انا طبعا اخترت الوكاله علما بأني استطيع ان اشتري القطعه
من السكراب والتوفير ولكن لأنها ليست بالمره الاولى اللي اصلح فيها الدبل قلت افضل شغل الوكاله بسبب الكفاله (الخلاصة صلحت الدبل بالوكاله وطلع دقمة الجير وبوبرنج والكبنه الصوفه يعني كلها بدلوها وكلف علي بعد الخصم 168دينار كويتي وهالسنه ما راح يردني الا الصمان باذن الله نجرب الموتر ) الرجاء الدعاء لي ولوالدي وعسى الله يغفر للمسلمين والمسلمات الاحياء منهم والاموات واعتذر عن الاطالة:j
الله يغفر لامواتنا و امواتك و اموات المسلمين جميعا
هذا الله يسلمك يسمى دينمو الدبل اسود على شكل اسطواني
تجد عنه معلومات وافية و بالصور على هذا الرابط
http://www.mekshat.com/vb/images/misc/subscribed.gif الاخ العزيز سوبر Vtc ارجو الدخول للأهمية ولا يهون بقية الجماعة (http://www.mekshat.com/vb/showthread.php?t=151482)
و هذا ايضا
بليزر 99م ومشكله الدبل (http://www.mekshat.com/vb/showthread.php?t=155824)
تحياتي
المشكلة صارت معي من زمااااااااااااااااان
وهي سقوط تانكي البنزين اثناء سير السيارة في منطقة صحراوية نائية ووعرة جدا
وقد تحطمت المسامير من قواعدها ( يعني ما فيه امل يركب )
الحل :
قمنا بتحميل التانكي في الحوض طبعا بما تبقى به من البنزين
وعملنا تانكي مؤقت داخل الكبوت وهو عبارة عن علبة ماء المساحات وصلناها مباشرة للكلبليتر ونجحت الفكرة الى ان وصلنا البلد ولكن بعد تعبئة التانكي عدة مرات ( وش نسوي ما فيه حل غير كذا )
الشقردي
21/10/2008, 08:06 AM
الاخ ماجد26
وعليكم السلام
اذا تقصد انك اذا دعست ورد نمرة يجي رجفة قوية + صوت طقه قوي وكل ما كانت السرعة أعلى كل ما كان الصوت والرجفة أقوى. هذا الله العالم انه من كلتشات القير
وشاور أكثر من ورشة ولا تستعجل.
س: كل كم تغير زيت القير؟
وشف الرابط يمكن يفيدك.
http://www.mekshat.com/vb/showthread.php?t=143987
الراسي2008
25/10/2008, 04:58 AM
السلام عليكم ورحمة الله وبركاته
اخواني انا صارت معاي مشكلة في دفرنس اليوكن2000
كانت معاي الصوفة الخلفية للدفرنس تهرب
قلة ياولد مالك الى تغيرها اوياليتني ماغيرتها لاني اول ماغيرتها وعبيت زيت جديد
ومشيت على السيارة طلع صوت الكارونة حقة الدفرنس
وكل يوم يزيد الصوت رحت للتشاليح ادور دفرنس وحصلت على 7000ريال و6000ريال
نصحني واحد من الشباب اني اروح الكويت ورحت للكويت وركبت دفرنس 3700ريال والحمد الله انحلة المشكلة.
نصيحة ياشباب لحد يغير زيت الدفرنس واذا بتغير حاول انك تشري الزيت الصحيح من الوكالة ولا تغير من عند
البناشر لانك ماتدري كم عيار الزيت الي موجود عنده في الطرنبة.
سحابه
08/11/2008, 09:39 PM
السلام عليكم
السيارة :
باثفيندر 2004
المشكلة :
تهريب صوفة الدبل
الحل :
نصحني اثنان من الاعضاء (جزاهم الله ألف خير) بوضح كمية قليلة من الشحم بقدر بيالة شاهي في الدبل
والحمد لله إلى الآن الامور زينة ولله الحمد
assaef
14/11/2008, 06:55 PM
صارت مشكلة عندي في سيارتي الكابرس 93 يعلق مايغير من نمرة إلى نمره إلى والماكينة بتنفجر يعني الرابع تاخذه والسرعة 130 طبعا مهندس فلبيني قال توظيب وبعده تركي قال توظيب ولا أقتنع توفيق من الله ثم وجدت مهندس حضرمي وحل المشكلة بمئة ريال وسألته ماذا عمل وبعد إصرار مني قال لي إذا حصلت لك مرة ثانية اوقف السياره وأطفئها ثم ادعس دواسة البنزين للأخير عدة مرات ثم شغل وستجد المشكلة انتهت وفعلا وترجع لي المشكلة وأنا في الطائف وأجرب ماقال لي وفعلا وتنتهي المشكلة
الخلاااااااااااااااااااصة الانستعجل ولانثق في أي أحد
تحيااااااااااااااااااتي
fahad25
16/11/2008, 12:41 AM
والله يالربع قبل اذا مشيت 130 وزيادة الجيب يتمرجح لليمين والشمال من الخلف واللي راكب وراء الله يعينه لكن اخفف الله يكرمكم رجلي لكي يركد قالي
واحد من الشباب غير يايات والثاني قال غير مساعديات (اليايات والمساعدات من الوكاله) ابي نصيحتكم يالربع اغير طقم يايات مع مساعديات امامي اوخلفي استرالي اوكم مقاس الياي مع العلم المقصات ربلاتها جديده غيرتها العام مع طقم مساعدات من الوكالة ابي رايكم الله لايهينكم الله ايتقبل من اومنكم صوم رمضان وقيامه
السلام عليكم
نفس المشكلة vxr97
المشكلة بينت بعد تبديل المساعدات واليايات من الوكالة
وش الحل نبدل مرة ثانية
fahad25
17/11/2008, 10:54 PM
مشكلة مفتاح!
vxr 97
امس جيت اشغل السيارة ما تشتغل والسكان مقفول حاولت احرك السكان الى ان فتح القفل واشتغلت واليوم جميع المحاولات فشلت ورحت اسئل عن قفل السكان لمحل مفاتيح مشهور بالكويت اسمه بلال بالشويخ وقال المشكلة بالمفتاح لانه استهلك وسنونه تعبانه وما صدقدته لان المفتاح يفتح السيارة ولا مبين فيه ايى كسر المهم الرجال طلب 20 دينار وقال لو اتروح مكان ثاني يقولون لك بدل القفل وبدل دقمة قفل السكان الخ وراح تطلع عليك اغلى من بيعة السوق
المهم اخذ الرقم الي على المفتاح وصب مفتاح جديد عن طريق الكمبيوتر المربوط بالة صب المفاتيح وطالعت المفتاح والا فيه اختلاف كبير عن مفتاحي
المهم رحت البيت وانا مو مصدق الرجال ودخلت المفتاح والا فيه خشونه ولكن المفاجئة ان قفل السكان فتح والسيارة اشتغلت وان مفتاحي اكل منه الدهر وشرب ويحتاج تبديل ولوني بالصمان جيت مشي
الخلاصة ان حتى مفتاح السيارة له عمر افتراضي ويجب تبديله
وسلامتكم
أبوكلبشة
18/11/2008, 09:24 AM
جميع حلول حرارة الشروكي
1- غير الثلاجة الى موديل 2000
غير بلف الحرارة(الترموستات) الى بلف كابرس160
غير الرديتر الى صفتين المنيوم
فك مروحة المكينه البلد وركب مراوح سوبارو سرعتين والي يطبق جميع ماذكر راح يدعيلي
وطبعا هذي للشروكي قير عادي
GMC2006
18/11/2008, 02:04 PM
أقول يا الرررحال أعتقد المشكلة عندك من نفس المروحة البلاستيك اعتقد انها تجاري وليست اصلية.:no:
لان التجارية مع الحرارة تصير ريش المراوح مسطحة ما تسحب هواء فهمت أو لا..:confused:
شف المروحة و تأكد منها يمكن تصير مستهلكه و مرنه.:eek:
وشلون تتأكد ؟؟:rolleyes:
أذا صارت لك المشكلة وارتفعت الحرارة وقف على طول وطف السيارة و خذ معك قطعة قماش وحرك ريشة وحده اذا كانت مرنة فهي خربانة.. عُلم ذلك..!!:good:
أذا تأكدت غيرها بأصلي أصلي :D
هذا ترى من استنتاجي الشخصي فقط.:j
اخوك
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir