بطآرية السفآري .. أفتونا بالأفضل ..!

[شقرآآآوي]

السلام عليكم ورحمة الله وبركاته ..

مساكم الله بالخير ..

بأنشدكم يالربع عن أفضل بطارية للسفآري ,, لأن الموتر شاريه من سنتين وهالحين بغير البطارية للمره الثانية ( يعني كل سنة بطارية ) والبطارية الي مركبها , مركبها من عند
الوكاله , لكن أشوف ان عمرها ينتهي بسرعه وأنا مب من النوع الي استخدمها بكثرة ..

وهالحين جا الوقت الي بغير البطارية فيه للمره الثانية , وأبي استشيركم بأفضل أنواع البطاريات والي عمره يطول شوي ..

لاهنتم يالربع ..
وبارك الله فيكم ..

[فتكاااوي 777]

اي سي ديلكو لا يعلى عليه

[برايدوي عنيد]

هلابك اخوووي .......

البطاريه تتاثر كثيرا بالدينمو من حيث انه يشحنه ....

لكن من حيث تجربتي ام اسي ديلكو ممتازه بس تقريبا عمره الافتراضي سنه كذلك

وجولدن مجربه على هايلوكس قديمه ماتشتغل واجد جاه وقت كود باشتراك من الوقفه والحين مانبطي ونشغله, امس له اسبوع ماشتغلت ماعندك ازين منه..

هذا رايي وتقبل مروري..........

[بروق ساق]

اللي أنا أشوفه حسب أستخدامي اسي ديلكو أنه بعد فتره يكون فيه تهريب من الأصابع ويكون في أكثر من سيارة .....
أما الآن أشتريت بطاريه قولدر(أكترونيه) والآن لها سنه زي الحلاوه ماشاء الله وأفضلها على اسي ديلكو

[سوبر مكشات]

تبي شي يكد ادفع
فيه بطاريه تقعد فوق 10 سنوات لكن ب 1000او اكثر ممكن تاصل 200 ريال ناسي السعر بالضبط

نزل احد الاعضاء موضوع عنه

الظاهر يستعملونه حقين القوارب



انا استعملت روكيت ماء (الالكتروني ما يطول )وقعدت اكثر من 3 سنوات
اظن انه 85 امبير
وكل 6اشهر ازيد ماء من الحنفيه او من المسجد
وسعرها اذكر كان ب350
وتشغيله زي الحلاوه ويوم جت تقضي ضعفت يعني غيرني
وغيرتها بعد شهر من ضعفه


فيه بطاريه اللي وكيله بن زقر يمدحونها بس ماجربتها

[رسمال]

اهم شي ركب بطارية عادية وافحص الماء بشكل دوري يعني كل شهر وخاصة بالصيف ميزتها ما تموت باالسكتة فجأة بدون مقدمات مثل اللإلكترونية وهذي مهمة للي يروح مناطق نائية ويخاف فجأة السيارة ما تشتغل معة السيارة
البطاريات اللي لها سمعة وشهرة مجرد زيادة فلوس وما تفرق عن غيره هذا ما توصلت له اخيرا عن تجربة
انا لي سنة ونص مركب بطارية سعودية اعتقد اشتريته 190 ريال اسمها سوبر 75 امبير وما شاء الله الى الآن روعة