هل تعلم ان المفخره v8 يجي قير عادي

[التعـ King ـديل]

السلام عليكم ورحمه الله وبركاته

اخواني بصراحه من سمعت هالكلام وانا مو مصدق .. بما اني من عشاق النيسان مالي خبره كبيره بالمفخره

المهم كنت جالس مع واحد من الشباب اماراتي كان بزياره لي بالرياض وانا وياه نسولف قلت له ابي فكسار

اسبير علاق وفتحه وشاشه جي بي اس لان واحد من العيال طالبه مني .. سئلني سؤال انصدمت انا وحسيت

انه شي جديد قالي قير عادي ولا اوتوماتيك قلت يجي عادي الثمانيه سلندر قال ايه ينزل عندنا قير عادي وفي قطر

طبعا الرجال يتكلم بثقه لان عندهم 2008 ذهبي قير عادي وقالي بيشوف راعيه ويرد لي كم يبي فيه

[زمزم 100]

وش الجديد !!!!

طيب سعودي vx-r v8 من 98 إلى 2007 و يجي منه قير عادي (( بالعكس غير مرغوب لأنه ثقيل _ دفع رباعي مستمر)) إلا إذا فصلته

و الجديد كذلك

[حس حس2009]

يجي قير عادي واحد اعرفه مع فل كامل vxr8 قير عادي موديله 2009
واعرفه معرفه شخصيه وشاريه من معارض النسيم بالرياض

[أبوثابت2008]

وش الجديد !!!!

طيب سعودي vx-r v8 من 98 إلى 2007 و يجي منه قير عادي (( بالعكس غير مرغوب لأنه ثقيل _ دفع رباعي مستمر)) إلا إذا فصلته

و الجديد كذلك

وارد عبداللطيف جميل v8 من 2008 لا يوجد قير عادي

[التعـ King ـديل]

وش الجديد !!!!

طيب سعودي vx-r v8 من 98 إلى 2007 و يجي منه قير عادي (( بالعكس غير مرغوب لأنه ثقيل _ دفع رباعي مستمر)) إلا إذا فصلته

و الجديد كذلك

الجديد ان القير العادي ماينزل عندنا لا وارد عبداللطيف ولا وارد البازعي

حتى اني توقعت انه مايجي قير عادي ابد

سؤال بحكم انك فاهم يعني هل الموديلات اللي ذكرت تسمى المفخره اما لا؟؟ علشان تعرف انك جاوبت بشكل هجومي وبس

[التعـ King ـديل]

يجي قير عادي واحد اعرفه مع فل كامل vxr8 قير عادي موديله 2009
واعرفه معرفه شخصيه وشاريه من معارض النسيم بالرياض

طيب ينصح به ولا لا

[1231]

خلو الوكالات على كيفهم لاحد يقولهم شي.


حسبي الله ونعم الوكيل.

[بو خليفه]

موجود جير عادي و اتوماتيك ومحركين ديزل وبنزين vx ودركسون يسار و يمين

[بو خليفه]

والام المتحدة عندهم vx جير عادي و محرك ديزل وبنزين و مصفح

[sab770]

معلومه جديده
انا مثلك كنت اظنه ما يجي عادي الا الـ6 سلندر بس

[الجندي2005]

على ما اعتقد القير العادي ما يصلح لـ 8 سلندر ... ما فيه انسجام بين القير والماكينه

[a1Ruwais]

القير العادي غير مرغوب وبس

[هواوي]

وينه القير العايدي 8 اسطوانات

بالعكس يا شباب عز الله انه مرغوب وبقوه

دلوني على محل يبيعه

لاني مجرب القير العايدي 2003 في اكس ار ومجرب القير العايدي 2010 ست اسطوانات وتماتيك 8 اسطوانات

صراحه 2003 القير العايدي 8 اسطوانات هو الافضل بلا منازع


عموما الي يعرف محل يبيعه 2010 قير عايدي 8 اسطوانات يدلني وله الشكر الجزيل

[حس حس2009]

هلابك اخوي كنق التعديل
سالة الرجال يمدحة في البر والنفود يقول صراحة لايعلى عليه مرك جبار وحلو ونشيط
لن يقول عيبب العيادي كله زحمات الرياض
والا الرجال يمدحة ويثني عليه

[ساري 111]

اللي ماجرب 8 سلندر لايتوقع ويجيب كلام من راسه

قياده الموتر ممتعه وعزم جبار بشكل مايتصور مايوقف بوجهه شي طلوع نزول محمل الموتر اوفاضي والله مايدري والبر والنفود كلام مايوصف ..

لكن الزحمات اجبرت الناس على الاوتو

[التعـ King ـديل]

موجود جير عادي و اتوماتيك ومحركين ديزل وبنزين vx ودركسون يسار و يمين

يجي منه غماره ونص يابو خليفه ولا لا

[aljanah]

هههههههههه حلوة مفخرة هذاك اول راحت عليك يالاند كروزر صار هالحين مضرطة مو مفخرة

[باوزير]

القير العادي ديزل لا يوجد قير عادي بترول

[قرم العيال]

ما الظاهر انه ينزل قير عادي ,, ابو جميل وش يبي يظره لو نزله مثلا ,,

اخبر واحد من الشباب لف الخليج كله ولا حصل 8 سلندر قير عادي ..

نبي العلوم الاكيدات يا شباب .. ما هب تكذيب لكن ردا على المشككين

نبي تصوير فديو يصور الداخليه ويفتح الكبوت وينتقل ويصور المكينه

[التعـ King ـديل]

القير العادي ديزل لا يوجد قير عادي بترول

احنا نتكلم عن الخليج ونتكلم عن البنزين طال عمرك

[التعـ King ـديل]

ما الظاهر انه ينزل قير عادي ,, ابو جميل وش يبي يظره لو نزله مثلا ,,

اخبر واحد من الشباب لف الخليج كله ولا حصل 8 سلندر قير عادي ..

نبي العلوم الاكيدات يا شباب .. ما هب تكذيب لكن ردا على المشككين

نبي تصوير فديو يصور الداخليه ويفتح الكبوت وينتقل ويصور المكينه

بيض الله وجهك وان شاء الله بتواصل مع الاماراتي على الاقل يرسلي صور له

في واحد من اللي ردو خويه معه قير عادي

[بن شمروخ]

السلام عليكم >>>

لكن قبل 6 شهور اتصل علي ولد خالي من دولة الكويت ..
وقال انقز لأقرب معارض شف لي الـمفخره v8 قير عايدي ...بكم سعرهـ عندكم
قلت له يارجال ما يجي
قال الا يجي ياولد

طبعا طمرت لأقرب معرض الي هو ابو جميل ( قلت الموتر كم سعره عندكم ) قال القير العادي مفيش 8 سلندر

وأفر معارض النسيم هاكـ اليوم لين تخدر لساني من كثر ما هرجت مع اصحاب المعارض

وكانت هناك إجابات مختلفة..
1-يجي لكن قليل مرهـ 2-نزل بس دفعة 2008 الأولى 3- مانزل ابد من المصنع
4- فيه لكن أمريكي 5- تطلبه طلبية من المصنع 6- مافيه إلا بعمان حتى يقول على كلامه طبعا// يقول عمان ان بغيت شاص تماتيك و8 سلندر يجبونه لك وكالة
7- وهذا الجواب كان من شريطي طبعا قريب لي قال انت اذا لقيت الموتر دلني عليه ولك سعي 4000 ألاف >> عرفت انه مافيه قير عايدي لان الشريطي مهوب مفرط بـ 4000 خخخخخـ

وكانت أغلب الأجابات والي حسيت من الرجال الي جاوبوني انهم فاهمين بالسيارات الي هو مانزل من المصنع ..


وفي الحقيقة اني عرفت اماراتي وسألته عن القير عادي
قال ما أخبر إنه يجي لكن فيه جيب لكن ترهيم وحق واحد بطران ...

الجيب طالع من الوكالة ديزل وجايه طقات برد ( ماخذهـ بسعر أرخص عن الي بالسوق ) تقريبا 112 درهم
ودفع عليه تقريبا 80 ألف درهم لتحويله بنزين (غير طرمبة وتانكي ومكينة وبخاخ أشياء بالمكينة أول مرة اسمع فيها )
وصبغ الموتر بيج مثل لون الشاص ... طبعا هو مايعرف الشخص لكن يسمع عنه ...في ذمة الراووووي ...

من هذهـ الحكاية القصيرة والي كنت انا البطل فيها >>> وش عندهـ
إكتشفت وتأكدت وجزمت إنه مافي إلا طلبية ( لان الي معه دراهم يقدر يجيب لاند 12 سلندر )


أتمنى إني قدمت شي يفيدك
×