ياهل البورش وش ذنب ابو عوض

[Abu awadh]

السلام عليكم ورحمة الله
اسعد الله ايامكم بالخير والرضا



ياربع أخوكم ناوي على جيب بورش تيربو 2005 أو 2006 وحاب يستفسر من اللي عنده تجربه مع صيانة الوكيل ودّي آخذ رأيكم فيه من ناحية خدمته وخدمة وكيله ساماكو






وناس كثير يقولون صيانة التيربو او العادي مكلفه جدا جدا:f
فانا ودي اعرف قد كم راح تكلف مثلا ؟





وهل فيه مراكز صيانه غير الوكاله زي مرسيديس ؟






أتمنى أشوف تجاوبكم وتتحفونا بتجاربكم سواء مع نظام الصيانة هذا أو العادي




تأكدوا أن مشاركتكم بالرد بتفيدني كثير حتى لو كانت بسيطة..
واسف على الاطاله يا اخوان



ولكم مني كل الشكر والتقدير ..

[أبو فيصل 99]

أبعد عن هالسيارات اللي ما لها شعبية بالبلد وتكاليف صيانتها بالتأكيد غالية هذا إن لقيت لها قطع غيار .. وراح تتعب روحك ويصيبك صداع منها ..

الفلوس اللي تبي تحطّها يا أبو عوض بالبورش حطها بـ Vxr أزين لك ....

وأنت صاحب الإختيار الأخير ..

موفق خير

[راعي الG.X.R]

اسعد الله ايامك اخوي ابوعوض نصيحتي للك لاتقرب السيارات ذات الفخافه ويمكن اذا اشتريت يغير رايك و تقول
مثل ماقلت في موضوعك((وش ذنب ابوعوض)) ما بعد الV.X.R طع شور المجربين

تحيـــــــــــــــــــــــــــــــــــا تـــــــــــــــــــــــــي

[تناهيت]

سياره بطله وجباره لاكن يبيلها شيك مفتوح عند الصيانه +جو بارد =عدوها الجو الحار لذلك لم تنجح هنا

وفيه ورش واجد تسوي لها صيانه لاكن برضو غاليه

تحياتي

[asdali]

اقل صيانة عادية مثل تشييك وتغير فرامل وزيوت في حدود 10 الاف ريال خويي عند فلكسويجن نفس المواصفات تقريبا وبعض القطع تركب على السيارتين دفع العشرة وعلى المعارض على طول .

نصيحة ابعد من البورش لنه راح يبعد دراهمك عن جيبك .

[Abu awadh]

يعطيكم الف عافيه يالربع على اراكم وانا معكم انه VX-R موتر موتر ما عليه كلام
لكن ممن ناحيه الراحه في الخط والفخامه ندخل في كلام ثاني
لكن يا اخوان السياره ذي من ناحيه الجوده ما بعدها يعني غير القطعه وانساها والتشييك اعتقد انه كل 10 الاف كيلو
لكن اخوي Asdali ماتشوف ان الكلام اللي قلته مبالغ فيه شوي
وسوالي يالربع عن الوكيل وخدمة الصيانه عنده ومراكز الصيانه اللي غير الوكاله
والتكلفه من ناحيه واحد مستخدم ذا الموتر يعني لو نقول 10 الاف ريال في اقل صيانه اشوفها مبالغ فيها ياخي والله الرنج ما ياصلها وهو اغلى منه قطع وصيانه
وعلى العموم بيض الله وجهيكم يالربع على ارائكم وماقصرتو ولنا اعادة نظر في الموتر

[قطب 999]

الصيانه تبي تاخذك لحم وترميك بدون عظم

[زوم]

السلام عليكم بل بورش بل هم البورش مو حق بر ولا حق كرف احسلك خذ باترول او v.x.r وبالتوفيق

[asdali]

يعطيكم الف عافيه يالربع على اراكم وانا معكم انه VX-R موتر موتر ما عليه كلام
لكن ممن ناحيه الراحه في الخط والفخامه ندخل في كلام ثاني
لكن يا اخوان السياره ذي من ناحيه الجوده ما بعدها يعني غير القطعه وانساها والتشييك اعتقد انه كل 10 الاف كيلو
لكن اخوي Asdali ماتشوف ان الكلام اللي قلته مبالغ فيه شوي
وسوالي يالربع عن الوكيل وخدمة الصيانه عنده ومراكز الصيانه اللي غير الوكاله
والتكلفه من ناحيه واحد مستخدم ذا الموتر يعني لو نقول 10 الاف ريال في اقل صيانه اشوفها مبالغ فيها ياخي والله الرنج ما ياصلها وهو اغلى منه قطع وصيانه
وعلى العموم بيض الله وجهيكم يالربع على ارائكم وماقصرتو ولنا اعادة نظر في الموتر

اخوي نسيت اذكر غير هوب او هوبين . مر الوكالة واسألهم عن بعض القطع , الموتر جودة لكن مايتحمل مثل الياباني.

استخر والله يوفقك

[العابر2222]

أخووووي معااه بورش .... والبورش سيارة ما فيها كلام وقوووة تحمل غير طبيعية ... ومكينه جباارة ... ورزة ... وذا هي سالمة من الصدوم ما راح تطلب شي الى الأشياء الأستهلاكية فقط .... بس صيانتها مكلفة جدا

الصيانه العادية ونخوك بتدفع فيها اكثر من 10 الآف ريال

يكفيك البطارية اذا خربت بتبلش تحت المرتبه ولا تنفك الى بمفكات خاصة في الوكالة والوكالة بتمغطك بفاتورة 4000 ريال

الكفر الواحد بــ 1700 ريال

مافيه شي اسمه خرط هوب ... الهوب لازم يتغير


ابو عوض ترى الموتر للبيع وعليه لوحة مميزة جدا .............

بالتوفيق لك

[مزفلت]

الله يوفقك بالموتر الزين والشور الزين

لكن فكر بعد 3او 4سنين شلون بيكون وضع الموتر؟

وهل بيقضي لزومك كامل؟

وتقبل مروري

[أبو نـآيف]

ان صملت عليه عليك بالمستعمل النظيف ترا يطييييح من قيمتهه اكثر من النص
وهذا معروف لا تشري جديد تحسف

[_دربيل_999]

اخوي..السيارات الفارهة غير آمنة من ناحية الأعطال الفجائية المعقدة..
وإذا تحب سيارات الدفع الرباعي..شوري عليك شف السيارات اللي يحبونها اكثر الناس لانها عملية وينشد بها الظهر..

خالص تقديري..

الروقي

[ياوجودي]

يابو عوض حالتي من دون للدّون كل يوم ترا بالحال يابو علي نقصان




أبو علي ماادري عن صيانتها بس أبعلمك كلام خوينا راعي معرض يقول طال عمرك هالسيارات لانويت تبيع بيعها ياخذ في المعرض حول السنه او سنه ونص بعضها ولايجي زبونها ليه؟؟
لأن ماياخذها بالمجتمع الا طبقة ثريه جدا وهالطبقه نادراً جداً ماتشتري مستعمل. توصل للوكاله رأساً.



إبعد يابو عوض عنه ترا للنعومه ناسها ...

[مولع بالطير]

السلام عليكم ورحمة الله وبركاته اخوي صبحك الله بالخير بغض النضر عن كل شي البورش موتر جبار وسالفة خرباته وماخراباته كل السيارات تخرب وبالنسبه لكلام الاخوان الحين الجيوب الجديده كفرها ب1200 و1500 لان الفخامه زادة بالمواتر بس انا اقولك هج لسبب واحد الخوف من التوكيلات الي عندنا بالسعوديه في بعض الاعطال ماتصلحها وفالنهايه انا انصحك نصيحه الواحد لما يشتري سياره يفكر بقطع غيارها الاستهلاكيه والشي الثاني بمبيعها بعدين فالبورش سياره ماياخذها الا شخص هاوي هل النوع مثله مثل الكدلك له ناسه ادري طولت عليك وعذرني لاكن خذلك جيب ولا يوكن دينلي والله يعطيك خير الموتر الي بتشتريه ويكفيك شره والله يقويك علي دفع فلوسه تقبل مروري.

[ولد وايل..]

ما أنصحك...


إن كان ولا بد وملزم بموتر فخم ورزة خذ لك رنج روفر أقلتها الموتر يتحمل ولا به كثر حساسية...


وصيانته اقل كلفة من البورش..

قطع غيار الرنج روفر مقارنىة بالجمس التاهو واليوكن متقاربة <<< انا مزين مقارنة مع واحد من العيال ...

وإن كان تبي الراحة وتنسى همم الطرق طق لك اطنخ يوكن ولا تاهو ولا دينالي ...

[zoro288]

السلام عليكم

ابو عوض إذا انت من اهل الشرقيه اشتري ماعندك مشكله وسوي لها صيانه بالبحرين او الكويت وترا الكويت الصيانه رخيصه والله لايوفك الوكاله اللي بالسعوديه
ياخي مجانيييييييييييييييييييييييييييييييييييييييييييييي ييييييييييييييييييييييينننن شايفين الشعب السعودي خبلان اسوي صيانه ب 8000 ريال لييييييييييييييييش

المهم عسى ربي يوفقك
انت سوي صيانه كل 6 شهور طبعا حلى حسب الاستخدام والله يوفقك يارب

[ن م ر]

هذه السيارة تندرج تحت قائمة :

جنّب عنها ويرزقك الله

[تميمي11]

والله يا اخي الكريم لا اعلم هل صملت او هونت لكن وجدت موضوعك وتحتم علي نصيحتك ونصيحه غيرك انا لم اجرب هذا البورش لكن اعمل بحث بالشيخ قوقل تلقى علوم يشيب لها راسك

الموتر اقل السيارات اعطال وهذي في دراسه لموقع اجنبي محايد قبل فتره لكن البلاء في الوكيل ربما تقعد السياره شهر علشان قطعه يطلبونها من برا

عموما عندك الطوارق الجديد حلو وعملي ويتحمل ومريح على الخط او الجيب لكزس

[جبلاوي]

السيارة قطع غيارها غالية

لكن سألت محل القطع في الوكالة يقول مافي اي طلب على القطع الا الاستهلاكية مثل الفحمات
اما بقية القطع استهلاكها نادر جدا لجودة السيارة

[((ابوملاك))]

ياخي كل اللي يحتسون هنا ويقولون حساسه

اقولك هذا وين والسيارات وين بس داخل فلفسفه على قل سنع

ياخوي البورش والبي ام والمرسيدس كلها سيارات تكرف كرف بس البلا من الوكيل

ولا حساسه خلها على جنب

واذا تبي موتر يكد كد الحمير وفخمه خذ لك مرسيدس ^_^_^