تخيل تطلع من البيت وما تلقى سيارتك عند الباب ؟؟ وش تسوي ..!!!

[شوفت عينك]

بسم الله الرحمن الرحيم

السلام عليكم ورحمة الله وبركاته

اخواني اعضاء وزوار منتديات مكشات يسعدني ويشرفني اولا اني انضم الى هذا

المنتدى الشامخ والذي لو اوصفه قليل بحقه الكلام والثناء لما فيه من كل جديد ومفيد..

طولت عليكم السالفه يا جماعه

واحد من الجيران ما يمر عليه وقت الا وسيارته مسروقه من عند الباب والمسكين

تبهذل بين الشرطه والبحث عن السياره ومثلكم عارف ....

والرجال يبي حل ( بخصوص وضع امان للسياره )

ومن لديه حل يوجهنا مأجور ومشكور...

ولكم مني خالص الشكر

[الفارس الاسود]

يسوي يا اخوي

ريموت لسياره مع وضع الحساس يعني اي حركة تصيح السياره

[زوم]

وعليكم السلام عند الغرابي في الرياض جهاز سنتر لوك {ريموت السياره} اذا حاول احد يفتحه تصيح

[ابو سلطان1234]

جهاز مانع سرقة السيارات



مزايا الجهاز



جهاز (MOV GSM ) نظام لحماية السيارات من السرقة



( أوقف سيارتك عند سرقتها وحدد موقعها واسترجعها بصوتك )

- يحتاج تشغيل الجهاز إلى رقم خاص منفصل أي ( شريحة خاصة له )
-إيقاف السيارة من خلال الاتصال من جوالك في حالة سرقتها ومن أي موقع داخل المملكة أو خارجها .
-تحديد موقع السيارة من خلال تفعيل الاشتراك في خدمة الوسائط أو تفعيل خدمة إيجاد موقع صديق على الشريحة الخاصة بالجهاز.
-صوتك المسجل في الجهاز يظهر عندما يتم إيقاف السيارة والذي يخبر بعنوانك ويفزع السارق ، من خلال مكبر صوت قوي مثبت بأسفل السيارة.
-وجود نظام الحماية المسبقة قبل السرقة ، إذ يرسل الجهاز من 1-4 رسائل تصل لهاتفك النقال عند محاولة سرقة السيارة أو فتح أي من أبوابها الأمامية أو الخلفية أو الجانبية أو صدمها من قبل سيارة أخرى وهي متوقفة .
-التحكم في خدمات السيارة ( الأبواب – الشنطة – الإضاءة ) .
-التحكم في سماع من بداخل السيارة بتشغيل الميكروفون الداخلي .
-التحكم بمكبر الصوت الخارجي .
-فتح باب السيارة بالجوال في حالة نسيان مفاتيح السيارة أو الريموت بالداخل
-لكل جهاز رقم سرّي يفسح المجال للتحكم بوظائف الجهاز وللعميل الحرية في تغيير الرقم السرّي متى شاء .
-عمل الجهاز ككل متوافق مع الاتصالات السعودية وشركة موبيالي وأي شركة أخرى محلية أو عربية أو دولية

ولطلبه الرجاء الارسال على الخاص للتذكير فقط



واي خدمه حاضرين

[ابوحسن ...]

ابو سلطان عطاك العلم

[برايدوي عنيد]

هلابك اخوووي.....

الله يستر علينا وعليه ويكافينا الشر ..... اللهم آآمين

اذكر اول كم مره تفتح سياره الوالد ومير نحط فاصل يعني تدق المكينه تدور لكن مايشتغل الموتر ويكون الفاصل في مكان يعرفه رااعي السياره ويكون لايذ شوي ولايجي على بال اللي يبي يسرق ...

ممكن مايكلف 150 ريال تركيبه مع الفاصل لكن يبي كهربائي زين لاويكون الفاصل اصلي لانه عاادي تدق انت ولايشتغل الموتر والسبب من الفاصل .

تقبل مروري ..........

[عاشق مكه]

لاتكلف علي نفسك ..................
افتح كبوت السيارة واسحب سلك الكويل فقط . الحرامي بطبعه خايف ومستعجل اذا شغل وما اشتغلت السيارة يتركها لايسعى الي البحث عن المشكله

[بو خليفه]

تأمين السيارة تأمين شامل

[فارس740]

الله يستر عليك

ابوو سلطان عطاك العلم

[ابو سلطان1234]

للفائدة يا اخوان هذا موقع الرجال مخترع الجهاز وحاصل على براءة اختراع /
http://www.movalarm.com.sa

[سوبر مكشات]

سلام عليكم

اول شيء يقول صلى الله عليه وسلم

احفظ الله يحفظك
احفظ الله تجده تجاهك.... الحديث


ثاني شيء الحلال مايضيع



ثالث شيء افعل الاسباب



رابع شيء والله انك تقهرن





الشرطه اكبر حرامي عندنا



لا امان
ولا احترام



مع ذلك هم من يسهلون السرقه


القصه الاولى بحي الريان
بالعشر الآواخر
العام الماضي


دخل خوينا
للبيت بعد الفجر
طلع الظهر مالقى الموتر


والموتر شاااص


وحي الريان
تابع لشرطه المنار
راح يسجل بلاغ


والعسكري الفاشل
ماسجل البلاغ بالكمبيوتر
الا بعد 8ساعات


يعني الموتر وصل لليمن


القصه الثانيه


بالمنار



جيران احد الشباب


عندهم ددسن
وكامري



جو.........


سرقوا الددسن


بعد اسبوع بالضبط



حطو الددسن


ومكسره كل القزازات


وسرقوا الكامري



يالحول رعي السيارتين وش يزين


اذا راح للحراميه


(((الشرطه)))



القصه الثالثه
لنا


انسرق الوانيت
ودعس فيه شخص


ومالقينا الموتر الا بعد شهرين بالشفاء


ورح اشتك
تأخيير
بالبلاغات


والفاشل العسكري


مايبي يكتب




القصة الرابعه



ولد خالي
دخل يتقهوى المغرب


طلع على الآذان


لقى بزر داخل السياره بيشبك الاسلاك
جاء عنده


عطاو البزر نظرة احتقار
ونزل بكل آمان
لييييييييه
لان وراهم كامري به 5 اشخاص


لو يحاول يلمسه
انطق




السيارة مكسيما

لكن ماحك جلدك مثل ظفرك


ولا حمى سيارك الا انت بعد حفظ الباري



اذا صدف
ومسكت سارق امحط به الارض
وامسح به الشارع

وصوره بالجوال وان قدرت تاخذ اسمه
وانشره باليوتيوب



اللي يبي يتأكد من الكلام اللي فوق يراسلن عالخاص

عشان اعطيه رقم الجوال



موفقين

[شوفت عينك]

الفارس الاسود

اشكر لك ردك ع الموضوع وبالنسبه للريموت كويس لاكن بعض المرات ( ما ينفع )

زوم

ما قصرت والله يعطيك العافيه

ابو سلطان

الله يجزاك خير على ردك وهالجهاز اللي ذكرت شكله مضبوط وينفع لخوينا
وانا بدله عليه وهو عاد بكيفه .... وانت ما قصرت وجزاك الله خير...

ابو حسن

يعطيك العافيه وصدقت

بريداوي عنيد

شكرا لك على ما ذكرت والفاصل بعد طيب

عاشق مكه

الظاهر انك تبي تدوخ الرجال ... كل ما ركب او نزل فتح الكبوت تقل بنشري هههههه
فكره زينه لاكن مدوخه شوي ويبيله واحد نشيط وخويا تخبر كبير سن شوي...

بو خليفه

يعطيك العافيه

فارس740

يعطيك العافيه وما قصرت

سوبر مكشات

اما انت شكلك مغل على الشرطه
يا رجال هد اعصابك شوي ولا بد فيه تقصير سواء من الشرطه او من صاحب السياره
والقصور وارد ولا احد كامل والكامل الله سبحانه
انا صارت لي سالفه سرقة سياره قبل كم سنه وانا صرت البحث والشرطه وكل شي بنفس الوقت
دورت على السيارة ولقيته بنفسي ( وبلغت الشرطه ) بمكان وجود ( وهنا العكس )
لاكن يجب حنا علينا الحرص على سيارتنا لاكن ما نصحي ( الا اذا سرقت سيارتك )
والحراميه ما نقول الا عسى الله يهديهم ولو لقو رادع وجزاء قوي ( لما سرقو سيارت الناس )
وتقبل شكر واحترامي
واشواقي الحاره والبارده

[ابو سلطان1234]

يا اخوان الرسول صلى الله عليه وسلم يقول ( كل زمان أشر من الزمان الذي قبله حتى تلقون ربكم ) يعني بالله وش تبي العسكري المسكين يسولك يشغل موتره ويطلع يدور سيارتك 30% من سرقات السيارات من اهمالنا نخلي السيارة شغالة وندخل المحل وإذا طلعنا مالقيناها رحنا القسم نهايط على العسكر انتم ماتشتغلون وانتم فيكم طيب فكر قبل ماتنزل من سيارتك ليش ماتطفيها ؟ علشان الجو حار ومانبي السيارة تحتر إذا جينا نركب نحصلها باردة إذاً لا تزعل على ما جنته يداك . الاقسام يكفيها المشاكل اللي فيها اقسم بالله انها تشيب الراس من كثر القضايا اللي فيها لكن بالأول والأخير الواحد يقول الحمدلله على ما حنا فيه غيرنا مايقدر يخلي اهله ويطلع عند الباب من انعدام الأمن والرسول يقول (من أمسى منكم عنده قوت يومه آمنا في حزبه فقد حيزت له الدنيا بحذافيرها )

[سفاري959]

اجل خذ عندك مسروق موتري قبل سنه و9 شهور باترول طلعت اصلي الفجر ما لقيته والى يومك ما شفته الله يخلف لكن الحرامي ما ينلام من امن العقوبه اساء الأدب والشرطه نايمين بالعسل يابن الحلال تحصل موتر مسروق ومنطول وتبلغهم يقولون خلاص نتصرف وتجي بعد اسبوع وتحصل الموتر في محله والله لاجو ولا شافوه والسالفه صارت معي وسع صدرك وعسى الله يعوضنا بالاخره ان شاء الله

[ابو سلطان1234]

طيب يا اخوان اللي متضرر يراجع الامن العام اللي بالناصرية مكتب شكاوي المواطنين او مكتب حقوق الإنسان وشوف قضيتك تنحل او لا اقسم بالله ان يجرون المتسبب فيها مع اذنه