طلب عاجل يا رجال مكشات---ابى ورشه تربيط متمرسه فى اللاندكروزر-----------------------

[رحال7]

طلب عاجل يا رجال مكشات---ابى ورشه تربيط متمرسه يعتمد عليها ولديها خبره فى اللاندكروزر Gxr 99 فى المنطقه الشرقيه!!
وجزاكم الله خير

[الراعي الرسمي]

افا افا افا افا افا افا افا افا :D

[شاص 2003]

مساك الله بالخير اخوي رحال

بالنسبه لورش التربيط في الشرقيه فهي واجد

اشهر ورشه اخبرها في القطيف اللي هي ورشة النصر والشايب اللي يشتغل فيها اسمه صالح سكروه

هذا شايب له فوق العشرين سنه يشتغل بالتربيط يعني على ايام الونيتات

هو موب متخصص في اللاندكروزر لكن شغله نظيف وانت رح له وشف وش يقول

ما ادل انا بالقطيف لكن ورشته حول مكتب البريد

والورشه مشهوره يعني لو تسال اي واحد عن ورشة سكروه بيدلك

والله ييسر امورك قل امين

[اعقاب]

اخي العزيز
بالنسبه للتربيط فالافظل انك تودي سيارتك لورشه متخصصه
والشرقيه كان فيها ورشه في الخبر قرب العقربيه وهلها حظارم وحسب علمي بها قبل18 سنه وبعدين نقلوا الورش وانقطعت اخباره
وبالنسبه لسكروه على حسب الناس اللي ربطو عنده ماهو بكفو يربط النوعيات ذي من السيارات :no2: لكن ايقولون الاعور عند العميان باشه السبيت
وفيه ورشه اسمها الحساويه في صناعيه الدمام من شرق ولاهي بعيده من سكروه
تبي العلم اللي يجمد على الشارب :good:
ولا لا
ابقوله وانت شف اللي يناسبك :director:
ورشة ابن مرظاح بالرياض(السفريات) حليوه يعني
اللي انصحك به مابعد قلته :type:
يبي لك كم يوم واخذ جوازك معك ورح لقطر ودور ورشة الاستقلال(الانصاري)
هذي الورشه اللي تبرد كبدك وترد اللاند صبي :good2:

[شاص 2003]

اما بسالفة قطر فانت صادق يا عقاب

فيه ورشة الانصاري في المرتبه الاولى

وفيه ورشة بن عبيد ان ماخانتني الذاكره وتاتي في المرتبة الثانيه

وان كانك راعي سفريات لا تدور غيرها يا رحال

عزالله انهم يرجعون لك الموتر شد بلد

[رحال7]

الراعي الرسمي
شاص 2003
اعقاب

جزاكم الله خير على الفزعه والله يبارك لكم فى سياراتكم لكن بعيده قطر والرياض والظروف ما تسمح.
ولو تعفيدونا بارقام تلفونات الانصارى والمرضاح حتى نكلمهم ويستفيد الجميع!

معقوله الشرقيه على طولها وعرضها ما فيها ورشه تبرد الكبد وترد اللاند صبى...افا ياهل الشرقيه!

[رحال7]

الاسم غير موجود بالاستعلامات!

معقوله رجال مكشات ما يربطون سياراتهم؟

[البيـــــرق]

السلام عليكم ورحمة الله وبركاته
فيه بااخضرية بادمام ورشة اجودية اسمها الظاهر المعتلى تراها اجودية

[راعي الطرقا]

السلام عليكم ورحمة الله وبركاته

فيه واحد حضرمي في الفوازيه اسال عنه اسمه عمر ( ابو حسين)