أفضل قهوة

[ابو درع]

بسم الله الرحمن الرحيم

اسعد الله اوقاتكم

وشهي قهوتك .


للقهوة أنوع كثيرة وألون حسب العادات والتقاليد

فماذا تفضل أنت . بنسبه للونها .

ورغبتك من حيث ألنوعيه . بريه يمنيه . خولاني يمني . يفعي يمني . مطري يمني

هرري حبشي . لقمتي حبشي

هندي

كيني

صيني

برزبلي

وماهية الإضافات التي تضيف عليها من زعفران ومستكي واهيل وا مسمار

ونينخا وا أشنه والبعض زنجبيل وكذالك حليب وصفار الزعفران

اما بنسبه لي دلتي كل أتي :-

ليست بلخفيفه ولا الثقيلة شقراء قريبه للحمرار... نوع القهوه هرري با شنفر او باجبير او هندي

اغلي الماء وبعد ما يغلي أضع قليل من المستكي ...بعض الناس بعد ما يحمس

القهوة وهي حارة يضع المستكي لكي تذوب وهذا الصح لكن انا لي عمل اخر كما ذكرت

. وبعدين قليل من لأشنه ( ابو شيه) وقاليل من الزعفران . وا القهوه واتركها تغلي حتي تقطع .



وبعد ين اخليها تصفي .. وزلها في لدله .. والدله فيها من الهيل والمسمار قليل وزعفران

وشوي خله تقلب وخذ دله تعدل الراس .

ونشاء الله سوف اكتب موضوع عن كيف تعرف القهوة المغشوشة من الصحيحة .

وخاصة الذي يأتي من اليمن بحكم انه يأتي بكيس 50كيلو وليس مبرشم وكذلك الصيني

والبرازيلي في اكيس لكن رخيص لا يغش بل يوخذ للغش .


تحياتي
....
..
.

[مارشال]

السلام عليكم
موضوع حلو .... ولا يطرحه الا واحد راعي كيف
بالنسبة لي, افضل قهوة هي ( قطمه يمني ) وتعتبر اغلى قهوة في السوق يليها الخولاني
وافضلها تكون نوعا ما نية بالمستكه والشنه
وكل شخص له ذوق

[ابو درع]

حقيقي القطمه من افضل الأنواع لكن ما تبي حمس واجد

القطمه . ويطلق عليها مطريه ... وليافعي قريب منها

انا عندي محمصه ومن تجربتي مع القهاوي قليل تلقي يفعي حقيقي . لنه غالي من اليمن

[الطعس الذهبي]

أهم شي انه تصير غامقة زي حقت القصمان

[الحضري]

راعي كيف والله :)



اما انا قهوتي ولا تهونون بريه يمني


احمسها بنفسي .. واثناء الحمس اضيف لها المسكته والشيبه


والباقي معروف ............. فمان الله

[ابو درع]

الطعس الذهبي شكرا لمرورك ونا قصيمي ولا احب القهوه الثقيله مره الوسط وتعتمد على الحمس

القهوه الثقيله مع الهيل اسيد على المعدع لكن ثقيله اشرب تركي احسن .

الحضر... حياكالله البريه ممتازه لكن تمعن فيها قبل ان تشتري .. نشوفك على خير .,

[طشي وامطري]

هرري
جربت القهوي ما لقيت مثلها ما تمل منها
مع الهيل والزعفران فقط لا غير

[ابو درع]

طشى وامطر هلابك ... فعلاً الحبشي النقي من افضل القهوه .. ( هرري)

والقهو مثلها مثل غيره محاصيل زراعيه هذي منقاه ومعتنا بها وهذي لا تتمتع مثلا بأرض خصبه

او مخلطه .. فا الهرري القدم من الحبشه يعتدمد على الوكيل المورد وا الأسم ليس دليل اهم شي رعي ذمه .

شكرا لمرورك .

[الذرب جسار]

ابو درع تحيتي لك وللإخوان ......
طرح جيد .وكيف متميز ..
وودي أنشدك عن الزعفران اللي ملى السوق وكلن يقول الزين عندي ابو شيبه رقم واحد وإلى ناضرت اللي يعجبك منهن وإلا الريحه واللون ماشي الحال.على العموم قلطت عند رجال شروى من يقرى ومد هاك الفنجال اللي يودع خوى الراس متمزع .. نكهه وخنه .. ونشدته عن نوع الزعفران اللي طاغي على الفنجال وقال ذا ماجان إلاّ من إيران من قريب .. والسؤال هل يعني إن الزعفران اللي بالسوق مغشوش وإلا متقفيه البطى .بصفتك راعي محمصه وتحب الكيف وراع الكيف وإلحون القصاصيدي ...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
اشرطه أنصح بها :لقاء الباب المفتوح(سلسلة) العثيمين رحمه الله .....

[ابو درع]

حياك الله ..الذرب جسار وحسب خلفيتي البسيطة

عن ما يعرض في السوق فهو مثله مثل أي بضاعة منه ألردي ومنها المميز .. على سبيل المثال البخور فيه

الجيد وفيه الردى

الزعفران من أهم الأشيا التي تستطيع التقرب المعرف الجودة

رائحته الزكيه – لمعانه ويميل الي الاحمرار اللامع يتدرج ألون من الاحمرالي نهيه ميسم(شعر) ألزهره بأصفر

والزعفران يأتي الي الموزعين والمستورين في براميل مختومة

ومنهم من يصنف هذا البرميل الى درجات مثل المتقصف وصالح والطالح كصنف بعلب او أكياس بوزن كيلو

ويضع عليه من العبارات ما شا ويعتني بالباقي لرواده من كبار الشخصيات والقصور علي سبيل المثال .وكذلك

مصادره ليست سوى وا السعر اكبر دليل فبعض البراميل 15 الف وا7 الي 3 ألاف ريال ولا يسلم من الغش فا

طرق الغش في الزعفران كثيرة لما فيه من فأئده كبيرة فغالبن الغش والمغشوش من الأجانب الذين يبحثون عن

الربح وليس لهم مصادر كمصنع او غيره حافظو على سمعته ، وترهم يصبغون وينقعون ويتلاعبون ويتصيدون

الماره بسعر زهيد وبعلب مغريه جذابة وكلمي ليعني ان الزعفران الغالي هو الصحيح .. وأطلت الكلم باختصار

الرئحه اكبر دليل .... ونقطه أخيره مهمه تمعن في الرائحة فدائم أي شي مكبوس او مغلف عندما تفتحه تفوح

رائحة وسرعان ما تتبخر او تكون ألعلبه مرت على أصناف كثيرمن الزعفران ..اذكر اشتريت بخور الكيلو 10

الف ريال والله انه جلس رائحته في السيارة المده يومين وهو خشب لم يشتعل فما بالك بعلبه مر عليها الطيب

وردي فتمعن وا اذكر اشتريت من واحد في السوق سوق الجمله كميه من الزعفران المعلب بدون اسم او مصدر

المهم خليت شايب في السوق يشوفه قلت وشرئيك يا عم في ذا الزعفران قال نصيحه رجعه هذا بخرب عليك الزبون

وبصدفه جا لمه رجال وشف الزعفران قل هذا مغشوش ولا بريال فلما ذهب قلي صاحب المتجر هذا اكبر

تاجرزعفران في الرياض فقط فلوسه الى عند المحلات اجل ما بقارب 20 مليو تصد او لا .. فلو عندي يا خوي

علم كافي عن الزعفران لما قرقت كل هلقرق ..

فهذا ما اعرفه وحبيت افيدك

تحياتي

[الذرب جسار]

الله يجزاك الجنه والأخوه القراء
وأشكرك بالحيل بالحيل لين ينهد الحيل على هالمعلومات الزكيه الثريه المحشوه بعبق الخبره والتجربه وعدّى الله عنك
وتحياتي
وتسلم دوم مو يوم

[ابو درع]

تسلم والله ما سوينا الا اقل من الواجب .. ذرب جسار

وشوف هذا الرابط

http://www.khayma.com/ashab/asshaab_mlafaat/asahba-zafaran.htm

[الذرب جسار]

كثرت علينا معاريفك ابو درع .. وجهدنا مايوفِّي هالمعروف
عسالك للجنه ووالدينك
وجزاك الله خير يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااعسل

[كايد]

لاهنت

يالذيب وانشهد
انك راعي كيف

[اسيزو 4x4]

ابو درع تحيتي لك

با ألنسبة لي القطما اليمنية أفضل أنواع القهوة وهي المفضلة لدي

تحياتي لكم ابو حمود


.

[ابو درع]

الذرب جسار ...ومن يقول ..وحياك الله اخو عزيز وغالي

كايد .. مسيك بالخير وشكرا لك ..

سوزو .. رعي كيف والله ... اقول والله من يشوف شنباتك يقول انك تشرب الدله بدون فنجل

[اسيزو 4x4]

:D :D :D

ولا يفوتك >>>>>>>> وأزيدك من الشعر بيت ليفة الدلة تنشب بالشنب أنواع الكيف :D :D


.

[ريف النشاما]

مشكور يابو درع على هذه المعلومات :good:

وموضع شيق وجيد وياليت يكون أكثر نضوجا وإثراءا بالمعلومات :good:

ياليت ياليت يابو درع

نكون لك من الشاكرين فهوموضوع جيد وأنت راعي خبره يعني بنستفيد منك كثير :rolleyes:


==

أبو حمود مساك الله بالخير

ياخيي لك حق تجيك من قريب :D

[ابو درع]

ابشر بسعدك يابو ريوف ... بس انت تامر

اقول الصوره الي في التوقيع توحش سنه واحد يقول قم نم قم نم


يالله ابروح انام عندي دوام

تصبح على خير

[كايد]

اقول اخوي ابو درع ؟؟
ولا يهونون الربع ...

يقولون ان افضل شي للقهوة البرية ؟؟انك تحمسها ؟؟وتسويها على جمر ؟؟لا للغاز لا للكهرب ؟؟

وش قولك ؟؟يا طويل العمر ..
افدنا جزاك الله خير .......

[الدبل الثقيل]

يا اخ ابو درع الله يجزاك خير وش أفضل ..البن الهرري او اليمني ... وماهو أفضل البن اليمني ..هل اليافعي او الخولاني وأيهم الذي ينبت على المطر ووين نلقاه وكيف أعرفه ..هل حباته صغيره... وش معنى قولك اخليها تغلي حتى تقطع... كيف يعني تقطع.. وجزاك الله خير...

[الدبل الثقيل]

وينك يابو درع الله يجزاك خير...

[سمير]

السلام عليكم ورحمة الله وبركاته
تحياتي المفعمة بالهيل والعويدي
موضوع جداً هلو ياأبودرع بالنسبة للقهوة تعتمد اعتماد كلي على الحمسة والطبخ
عطني أي قهوة وأستطيع أضبط لك المذاق بس لا تعطين( رز) أو ( فصفص)
زين؟...زين.
عموماً أغلب قهاوي الناس تحوم كبد الدونكي لأنهم ما يحمسونها مضبوط
الحمسة المضبوطة يكون لونها بني غامق ومن ثم تطبخ لمدة لاتقل عن عشر دقائق
يعني فترة الغليان ,أيضاً كل واحد لترمن الماء يحتاج فنجال مملوء من القهوة, ومن ثم
الطريقة المعتادة .
بالنسبة للهيل هو اللي يفرق فلا تشري إلا أفضل الموجود رقم واحد لوكان بأغلى الأثمان
وسلامتك يالربع .

[ابو درع]

حياك الله يا كايد نعم كلمك صحيح اهم شي حمسه القهوه وشبه النار ان احصلت زين علي زين

والله ونا رعي محل المحماس ما ينزل من شنطه السياره واحمس وبرد وخذ قهوه

ولك التحيه

حياك الله .. دبل ثقيل واسئلتك يبلها تحليل :p

افضل القهوه الهرري ..للبن الهرري موردي كثر فمن افضلهم

باشنفر .. با جبير .. باشنيني .. الخليفه .. الحصيني ..

القهوه الهرري كما تعرف مصدرها من الحبشه

القهوه اليمني تعرف باسم البن العربي .. ويعتبر جيده من اجود

انوع البن في العالم اما اسما ء البن ليمني تطلق نسبه الى

المناطق التي يزرع فيها مثل اليفعي الحيمي والحرازي البرعي

العدني والتفاحي والدوائري ونحن نسميه قطمه والمطري نسبه

للمطر كما يقال .. اما عموم البن في اليمن يغلب عليه ندره المياه

وبهذا يلجا المزارعون الي طرق عده منها حفر فجوه عميق

ويضع فيها الشتله لكي تحميها من الحر .. ثم بقمون برعاية هذه

الشتله وسقيها . اما قول كيف اعرف الحبه ذكرت يااخي اني سوف اكتب عن موضوع

منفرد عن طرق معرفه القهوه المغشوشه وهذ الموضوع يحتاج

جهد واستفسارات من ذوي الخبره لكي اقوم بالغرض المطلوب

وإيصال معلومات دقيقه .

وقولك ايش معنا تقطع يعني تقطع .. ;)

لا ياخي يعني تأخذ حقه من الطبخ حتى تذوب في الماء

ويصبح الماء لونها .

حياك الله سمير ...

كلمك في محله .. ودي اجيبلك رز مصري ابيك تسويه بشاور يجي :no2:

نعم انا معك الحمسه من اهم شي .. ولا لما تميز لكثر بحبك القهوه .. لكن البن له دو يحبيبي

ابجيبلك لقمتي ( مر ) ونشوف كلمك .. وكل شي جائز :confused:

وتحياتي للجميع

[سمير]

بسم الله الرحمن الرحيم
أبودرع المحترم
بالنسبة لنوع القهوة,أنا أعرف إن هناك, فرق بس مقصدي
إن كل إنسان, يشرب القهوة اللي تناسبه,أياً كان نوعها .
بس أهم شي يا النشمي حمستها وتطييبها.
تحياتي لك لو يحصل لي مجال أضبط لك فنجال كان تزهد بالدنيا
وعلى طاري الكيف فيه ناس تشرب القهوة بأي وقت وهزا يدل
على ضعف الوازع الكيفي لدى الشباب .
أقات القهوة الرسمية أول الصباح وأول الليل يعني من بعد صلاة الفجر
إلى الضحى , وبعد صلاة المغرب مباشرة وأما العصر وبعد صلاة العشاء وقت شاهي
بإجماع أهل الكيف المحققين ومن خالفهم فهو من أهل ال(ملك شيك)
وبالله التوفيق

[ابو درع]

وفي روايه انه من اهل الكبتشينو .. :p

والله تقطعت سبدي وبديت ارفس تحت الماصه من الضحك . الله يقطع شيطانك


يا خف دمك ياسمير ... بجيك ازبط الدله




تحياتي .

[منتعش]

هلا وغلا أخوي : ابودرع
وأشكرك على الموضوع الرائح .
وأحب أضيف في معرفة الزعفران الجيد وهو أن تأخذ زعفران قليل وتبله وتفركه على يدك وإذا شفت أن لونه ممتاز ويصبغ فأعرف بأنه جيد مع ملاحظة أن له رائحة فواحة .

[ابو درع]

منتعش كلمك صحيح واهم شي الرئحه الفواحه اما الون قد يكون صبغ ..

وشكرا لك .. مع اطيب التحيه

[سمير]

بسم الله الرحمن الرحيم
إهداء خاص لأبي درع ولا يهون المنتدى كله.......................لاهنت


قم يا رفيقي سو خمس على ساق = بالك تصير بحمسة البن مطفوق
إليا انقلب لونه وبشت بالاعراق = ريحة على جمرالغضى يفضح السوق
حطه بنجر يسمعه كل مشتاق = راعى الهوا يطرب إلى طق بخفوق
كبه بدله مولع كنها ساق = شامية مربوبة تقل (غرنوق)*
فنجال كيف خالطه خمسة ارناق = هيل ومسمار بالأسباب مسحوق
الى انطلق من شعبته تقل شبراق = أو دم قلب لنصرم منه معلوق
__________________________________________________ ________________________
*الغرنوق : طائر لونه أبيض كأنه غرنوق.

[الدبلوماسي]

يالربع ممكن حد يترجم لي بعض الكلمات الي من اللهجة السعودية ..

أو بعض الكلمات لأني مش فاهمها :(

وشكراً لكم

مثل

المستكي : وشو ذي المستكي ؟؟؟؟؟؟؟؟؟ وأيش اسمه باللغة العربية الفصحى ؟؟ وين ألقاه يعني وين اشتريه ؟؟

لأشنه ( ابو شيه) وأيش هذا بعض ؟؟؟؟

وبعدين .. أيش أفضل أنواع القهوه المطحونه الي أحصلها في السوق السعودية ؟؟؟؟؟؟؟ لأني كل رمضان أروح للهفوف وأشتري قهوة وتمر حق البيت :)

[ابو درع]

هلا سمير ...

اشكرك على هذه الأبيات الجميله ..

لك تصير بحمسة البـن مطفـوق

وبطبع يصف الشاعر وصف دقيق لما يجب ان يكون رعى الكيف .

وفي القدم البن والقمح وا... الخ يمتاز بأرض خصبه وبيئه طبيعيه غير مصنعه او مفبركه

فهذي امكاناتهم لا يعرفون الكيماوي لجهد الذي بيذلونه والكفاح والصبر يجعلهم اكثر تكيف وحرص كيف بك

لو خرجت للقنص او في موسم امطار وخير كيف انطباعك بما تفعل وماهو مذاقه اكيد له نكهه خاصه

اما نحن ولله الحمد والنه كل ساعه مذاق وتشكلت بنا النعم وقلت الحركه وكذالك البركه فالله المستعان .

شوقتني لفنجال مر .


الدبلوماسي هلا بالغلي ..

انت تئمر أمر لكن اذ ماتعرف وشهو المستكا ولأشنه فكي اشرحل .. يمكن يكون لها اسم ثاني عندكم

في قطر وخاصه الأشنه والمستكي معروف .. لكن عطني وقت اصورلك الأشنه والمستكي ..


تحياتي

[الدبلوماسي]

والله ماعرف شنو ذي يالغالي

يمكن انتوا تقصدون ( المستكه الي لها نكهة في بعض أنواع العلك ) تفسير منطقي :) ..


لكن ابو شيه اعتقد انه الشيبه الي في قهوة الصيادين الي يشيش قدووووووووو لووووووووووووول

والله مادري ايش ذي بعد ابو شيه

ترى احنا نستغرب بعض الاسماء عندكم

وانتوا كذلك

في ذمتك .. تعرف أيش هي ( المهياوه ) ؟؟؟


سؤال يطرح نفسه
لووووووووووول

شكراً لك

[الكهف -]

اهم شي في القهوة ان تكون مهيلة
ولاتكون غامقة جدااشوف ان احسن ناس يعدون القهوة هم اهل الجنوب؟؟؟ وجهة نظر
وسلامة روسكم

[ابومرتاح]

بالنسبة للزعفران ....انا انصح بمحل ارض الزعفران بسوق نايف .....امين وبضاعته طيبه وانا لي 5 سنوات عميل له ما عمره باعني شي ما هوب طيب وسعره زين واللي يبي الزعفران الطيب يبعد عن ابو شيبة او الذي اصله اصفر ولياخذ الحمر القاني الذي يسمونه تجاريا بذرة الزعفران.

[abu rashid]

القهوه الافضل من وجهة نظري
الهرريه..
وبالنسبه للزعفران هل اللي يصبغ باليد لافركته ممتاز ولآ مغشوش؟؟