الرجاء المشورة يا أخواني في إختيار الكفر المناسب لسيارتي

[المحب في الله]

إخواني الأعزاء :


لدي سيارة من نوع ( ددسن دبل 2007 )


وناوي أغير الكفر بجديد لغرض السفر


الكفر اللي على السيارة من الوكالة
من نوع : دنلوب 215R15C


نوع الكفر ما عليه كلام ممتاز وقوي


ولكن المشكلة في أنه لا يوجد في المنطقة التي أنا بها والسبب على قولت أصحاب المحلات لا يوجد عليه طلب كثيير


والوكيل إبن زقر ولا يوجد له فرع عندنا


فما الحل إخواني :


1 - أشتري من جده أو من الرياض وأشحنها وراح تكلفني واجد


2 - أغير الكفرات بنوع آخر .... وهذا الحل الأمثل بنظري ولكن أنا تجربتي فقط بـ دنلوب على الجيوب والددسن الآن


ما الكفر المناسب من ناحية القوة والتحميل لان السيارة دفع رباعي وأذهب بها للبر ...
أخاف أركب كفر يطلع ناعم ولين ويسبب مشاكل في البر


وتعبت من كلام الناس هذا مريح ويمسح هذا يطلع صوت وضعيف في الفرامل
وهذا ......وهذا ......


قلت في بالي ما لك إلا منتدى مكشات أهل التجربة والخبرة والمصداقية

أنتظر ردودكم

جزاكم الله خير

[المحب في الله]

يا إخواني اللي لديه نصيحة وخبرة يرد على


أنتظر ردودكم

[المحب في الله]

الى الآن محد شار علي

أخبركم تطورات الوضع :

بحثت عن كفر بديل بنفس المقاس والمواصفات لدي :

1 - ميشلان >>>>>>>>>>>>> لايوجد
2 - برجستون >>>>>>>>>>>>لا يوجد
3 - هانكوك >>>>>>>>>>>>>لا يوجد


ولا لقيت نفس المقاس إلا لدى كفرات تويو

215r15c-113/111-z786p

وش رايكم بكفرات تويو المجربها خصوصا اللي جرب نفس المقاس المذكور

أنتظر ردكم

بي لا تسووون نفس المرة السابقة تقرووون وتخلوني بحيرة من أمري .......

[فايف استار]

اخوي المحب في الله بقولك شي وانا اخوك ...الكفرات اغلبها واكثرها بالاسواق نوعيتها ممتازه بس تأكد من تاريخ صنع الكفرات لان له وقت وتنتهي صلاحيتها اذا مااستخدمت قبل الانتهاء تخرب..وبعدين الكفرات طول عمرها وعدم تلفها تعتمد بأول الامرعلى قائد المركبه واسلوب قيادته وثاني شي ضبط السياره من ترصيص ووزن اذرعه ومقصات مع ضبط ضغط السياره من جميع الاتجهات...اذا كانت هاذا الامور متوفره بسيارتك فثق ثقه تامه ان الكفرات راح يطول عمرها معك ان شاء الله


عموما الله يوفقك ويستر عليك

[ابوصالح77]

ركب مقاس أعرض 225
لكن بيثقل الموتر عليك شوي

[الكونترولCONTROL]

ميشلان جيد للتحميل .... لكن قاسي و يبغى ترصيص ممتاز

[المحب في الله]

مشكور على ردودكم

تطورات الوضع : أنا لقيت نفس المقاس لدى كفرات تويو بصراحة ركبتها بعد المشورة

وهذا انا الآن أجربها ولاحظت :

1 - زيادة بسيطة في عزم السيارة بسبب أن الكفرات خفيفة .

2 - الدنلوب أرسى عند المفلفات الصعبة وعند النزول في منحدرات أما التويو لاحظت عدم ثبات بسيط مدري لأني أول مرة اجربه

3 - كفرات تويو اللي ركبتها تطلع صوت خفيف عند المشي مع العلم أنني لم ألاحظها في الدنلوب يعني طلعت أصوات ماني متعود عليها .
هل لأن الكفر جديد ويروح بعد أستخدامه لمده ( الله العالم )


4 - المطبات والخط لا حظت إنه مطب التويو أقوى من الدنلوب وارجع أقول يمكن يكون لأنه جديد

طبعا الكفرات اللي لقيتها تاريخها الاسبوع 35 من السنة 2009
يعني لها تقريبا 10 شهور و20 يوم قبلها ما لقيت

سؤال مهم كم المده لصلاحية الكفر ........

إنتظرردودكم

[Khalid AlGhamdi]

اقول وش رايك تفعل الرسايل الخاصة عشان اقدر ارد على رسالتك اخوي المحب في الله

[ALMoooBD3]

ركب 225/75 هاكوك ممتاز ولين

[زمزم 100]

نزل هواء الكفرات إلى 30

[الشقردي 999]

بالون افظل شي

[(((.ابوتميم .))))]

ركب ماكسس 255*70 *15 معي من الرمضان تصلح للرمل والزفت راسيه مره بس في الحصى لازم ترفق لانها عراض شوي
او الا اصغر منها بشوي 245 *70*15 هذي عرضها اقل من الي قبل بشوي وتراني ما تاكدت من المقاس بس قل انت الي اصغر من 255
سامحنا على القصور وان شاء الله اني افدتك

[أبوعمرالمهاجر]

إذا كنت راعي تحميل خذلك ميشلان وإذاكنت راعي بر وتطعيس خذلك تويو


والله يوفقك