فيه احد مركب بطارية إضافية على سوبر سفاري فتك من 2005 فما فوق

[خالد ...]

السلام عليكم ورحمه الله وبركاته

ما نستغني عن آراءكم و خبراتكم اخواني أهل مكشـــــات

ذهبت قبل يومين الى الدفع الرباعي وسألته عن تركيب البطارية الأضافية + محول وعطاني السعر النهائي 2200 ريــال ..

ولكن بعد ما شاف ان سيارتي ( سوبر سفاري )) ؟؟ قااااااال صعب نركب لك بطارية إضافية بسبب وجود مثبت السرعة و ما فيه مكــان لهــا :(

لكن الفني الفلبيني جلس يفكر ويفكر حوالي 10 دقايق وقال افضل حل إنك تغير البطارية الاساسية وتركب بطاريتين اصغر منها 60 و 75 امبيـر جنب بعض ونثبتها لك .

قلتله هل راح تكون آمنــــــــــه قال بتردد Yes


ودي اسأل احبتي في الله من اللي ركب بطارية إضافية في سوبرسفاري واذا امكن يعطينا صورة او ورشة خبيرة في هذا المجال ....

علماً بأنني اسكن في الريـــاض

[هارون97]

فية ناس تركب البطارية في الصدام الأمامي في القصيم زميل لي مركبها

[rpk]

مر سوافي افضل وارخص وشغل صح وبس والله يسهل امرك

[خالد ...]

فية ناس تركب البطارية في الصدام الأمامي في القصيم زميل لي مركبها

هــارون

تسلم على ردك و تشريفك

لكن يالغالي عند اي ورشة وكم تكلفتهـا وهل فيهـا اي ضرر

[خالد ...]

مر سوافي افضل وارخص وشغل صح وبس والله يسهل امرك

تسلم على ردك وتشريفك

وبأذن الله راح ازورهم و نتأكد اكثر

[واحد بري]

انا معي باترول سوبر سفاري 2004 فتك - ومركب فيه بطارية إضافية عند احد الاخوان بالرياض باستراحته وهو ارخص من سوافي وشغل مرتب ان بغيت ارسلت لك رقمه على الخاص

[ابوحمد666]

اخوي مركز سوافي يركب لك بطاريه اضافيه 80 امبير بجانب فلتر الهواء حتى لو كانت سيارتك سوبر سفاري,,,
وفيه سليمان الخطيب ابوصالح بالصناعيه القديمه يركب وشغله ممتاز جدااا
تحياتي لك

[العرندس909]

انا ركبتها قبل كم يوم عند سوافي 60 امبير

علماً أن سياتي سوبر سفاري

وشغلهم احترافي

[شغموم 2010]

والله أن أقول الزود أخو النقص ، وماتجي مشاكل السيارات إلا بعد الترهيمات ، خصوصاً الكهرباء . ( وجهة نظر )

[خالد ...]

انا معي باترول سوبر سفاري 2004 فتك - ومركب فيه بطارية إضافية عند احد الاخوان بالرياض باستراحته وهو ارخص من سوافي وشغل مرتب ان بغيت ارسلت لك رقمه على الخاص



واحد بري

تسلم على ردك وتشريفك

ولا عليك امر ترسلي رقمه اذا امكن

الله يرعاك

[خالد ...]

اخوي مركز سوافي يركب لك بطاريه اضافيه 80 امبير بجانب فلتر الهواء حتى لو كانت سيارتك سوبر سفاري,,,
وفيه سليمان الخطيب ابوصالح بالصناعيه القديمه يركب وشغله ممتاز جدااا
تحياتي لك

ابو حمـــــــد

تسلم على ردك وتشريفك

ما خاب من استشـــار

اسعدني تواجدك

[خالد ...]

انا ركبتها قبل كم يوم عند سوافي 60 امبير

علماً أن سياتي سوبر سفاري

وشغلهم احترافي

العرندس

تسلم على ردك

الله يعطيك العافيــــة

اجل طمنتني الله يطمنك واكيد راح لنا زيارة لهم

بس كم تكلفتهــــــا ؟

[خالد ...]

والله أن أقول الزود أخو النقص ، وماتجي مشاكل السيارات إلا بعد الترهيمات ، خصوصاً الكهرباء . ( وجهة نظر )


شغموم

حضورك يكفيني يالغالي وتسلم على تشريفك

و جهه نظرك اعتز فيهــا واتشرف وهذا من طيب اصلك

[عامج432]

. مساء الخير
في الامارات شفت واحد مركب بطاريه في الشنطه(الدبه )في الخلف
من جهة اليسار ومسوي عليها صندوق وفوق الصندوق مكينه هواء
ومركب فيشه ولاعه ومسوي عليهم ديكور تنجيد نفس السياره
وشغل ميه على ميه


تحياتي

[خالد ...]

. مساء الخير

في الامارات شفت واحد مركب بطاريه في الشنطه(الدبه )في الخلف
من جهة اليسار ومسوي عليها صندوق وفوق الصندوق مكينه هواء
ومركب فيشه ولاعه ومسوي عليهم ديكور تنجيد نفس السياره
وشغل ميه على ميه



تحياتي



الحقيقة فكرة رائعــــــة

وراح تكون شكلها اجمل ...

اعجبتني الفكرة لكن من يطبقهـــــــا في السعوديــــة ؟؟


عـــــامج تسلم على تشريفك وردك

[سوبر مكشات]

وش المشكله
بالمثبت

يعني يبي يشيله
والسعر مبالغ فيه مررررررررره



مكينه البلد85امبيير

هل اقدر احط ثنتين من نفس النوع

[سوبر VTC]

نعم تركب بالصدام الامامي
و البعض يركبه خلف المرتبة الثانية
و انا افضل تركيبها خلف المرتبة لانه امن من الصدام
و فيه كم شخص مركبينه خلف المرتبة جيب و باترول
عندك الخطيب و ماجد المنديل بالرياض
و العثيم في بريده

[خالد ...]

وش المشكله

بالمثبت


يعني يبي يشيله
والسعر مبالغ فيه مررررررررره




مكينه البلد85امبيير



هل اقدر احط ثنتين من نفس النوع



مرحبا فيك يالغالي ..

بالنسبة للسعــر اكيد مبالغ فيه ..

لكن البطارية الاساسية راح تتغير الى بطاريتين اصغر علشان تتثبت جنب بعض ..

[ABO AL-HESH]

السلام عليكم..
السبب في ضيق الكبوت للسوبر سفاري .. الدفلوك على ما اعتقد..
واعتقد بالصدام اامن وارتب واوسع

[خالد ...]

نعم تركب بالصدام الامامي
و البعض يركبه خلف المرتبة الثانية
و انا افضل تركيبها خلف المرتبة لانه امن من الصدام
و فيه كم شخص مركبينه خلف المرتبة جيب و باترول
عندك الخطيب و ماجد المنديل بالرياض
و العثيم في بريده

سوبر فتــــــــك

حضورك وردك اتشرف فيه

وتسلم على الافادة الجميــلة

ومنك نستفيــــــد يالغالي

و انت راعي الاوله

[A.B.A]

السلام عليكم ورحمة الله وبركاته


حبيت اقول معاناتي والحل الوسط لها


انا موترى 2002 سوبر سفاري صحيح كلامك لا يوجد مكان للبطارية الأضافية
ولكن تم ايجاد مكان مناسب وهم بالخلف بالقرب من الجك حق الوكالة
الموتر بالتصليح ولمن يطلع ابشر بالصور

[مدمن فتك]

ركبتها على موتري 2009 عند عبدالله الزين وشغله زين >>>الدمام شارع الملك سعود والرجال نصوح للامانه

[خالد ...]

السلام عليكم..
السبب في ضيق الكبوت للسوبر سفاري .. الدفلوك على ما اعتقد..
واعتقد بالصدام اامن وارتب واوسع

صدقت في تعليقك وهنا المشكلة ..

لكن مثل ما تفضلت في الصدام او في خلف المراتب

شرفني ردك

[خالد ...]

السلام عليكم ورحمة الله وبركاته


حبيت اقول معاناتي والحل الوسط لها


انا موترى 2002 سوبر سفاري صحيح كلامك لا يوجد مكان للبطارية الأضافية
ولكن تم ايجاد مكان مناسب وهم بالخلف بالقرب من الجك حق الوكالة
الموتر بالتصليح ولمن يطلع ابشر بالصور


بيض الله وجهك

وتسلم على المشاركة والافادة

وبأنتظار الصور

[خالد ...]

ركبتها على موتري 2009 عند عبدالله الزين وشغله زين >>>الدمام شارع الملك سعود والرجال نصوح للامانه

مدمن فتــــــك

تسلم على الافــــادة

و حسب ما سمعت ان فيه محلات في الدمام شغلهم احترافي ..

لكن ولا عليك امر وين مكان البطارية الاضافية اللي ركبتها ؟

[العرندس909]

اخوي

تركيب البطارية ب 800 ريال
محول 600 واط 500 ريال مع فيش كهرب 220 أمامي وخلفي كذلك ولاعة أمامي وخلفي
لمبات الكبوت 60 ريال للواحدة
سلك ثلاجة 120 ريال
وباقي الإضافات كل شيء بسعره

قد يكون غالي والبعض يراه كذلك لكن العمل احترافي ومثلك عارف الكهرب مهب لعب



ملحوظة: تم التواصل مع كل من يركب بطاريات هناك من قال لي نركبها بالصدام وأنا لاأرتاح لهذا المكان خصوصاً أنه يمنعك من تركيب ونش مستقبلاً

وهناك من قال نركبها لك في الكبوت لكن نبي نقص من الرفرف الداخلي ورفضت ذلك

لكن ولله الحمد ركبتها بدون قص وفي الكبوت وبدون وجع راس
فقط أزاحوا علبة ماأدري وش هي لمسافة بسيطة ووضعوا البطارية مكانها يعني مجرد تحريك

وإذا احتجت أي معلومة أنا بالخدمة

[خالد ...]

اخوي



تركيب البطارية ب 800 ريال
محول 600 واط 500 ريال مع فيش كهرب 220 أمامي وخلفي كذلك ولاعة أمامي وخلفي
لمبات الكبوت 60 ريال للواحدة
سلك ثلاجة 120 ريال
وباقي الإضافات كل شيء بسعره


قد يكون غالي والبعض يراه كذلك لكن العمل احترافي ومثلك عارف الكهرب مهب لعب




ملحوظة: تم التواصل مع كل من يركب بطاريات هناك من قال لي نركبها بالصدام وأنا لاأرتاح لهذا المكان خصوصاً أنه يمنعك من تركيب ونش مستقبلاً


وهناك من قال نركبها لك في الكبوت لكن نبي نقص من الرفرف الداخلي ورفضت ذلك


لكن ولله الحمد ركبتها بدون قص وفي الكبوت وبدون وجع راس
فقط أزاحوا علبة ماأدري وش هي لمسافة بسيطة ووضعوا البطارية مكانها يعني مجرد تحريك



وإذا احتجت أي معلومة أنا بالخدمة



بيض الله وجهك اخوي العرندس

وفيـــــت ..

يعني تقريباً التكلفة 1500 ريــــال وبالنسبة لي معقولة

ودي اسألك عن المحول وين اصبح مكانه هل هو اسفل مرتبة الراكب ؟

[العرندس909]

ودي اسألك عن المحول وين اصبح مكانه هل هو اسفل مرتبة الراكب ؟




نعم

وخله يركب لك فيش كهرب وولاعة في النص أيضاً يخدمك يوماً ما

والأفياش سكرها بسدادة تباع عند محلات الكهرب

بالتوفيق ومبارك مقدماً

[خالد ...]

نعم



وخله يركب لك فيش كهرب وولاعة في النص أيضاً يخدمك يوماً ما


والأفياش سكرها بسدادة تباع عند محلات الكهرب



بالتوفيق ومبارك مقدماً



الله يرفع قدرك اخوي العرندس

وتسلم على تجاوبك و تفاعلك وخدمتك

وعسى الله يوفقك ...

[ابوصالح77]

الحقيقة فكرة رائعــــــة

وراح تكون شكلها اجمل ...

اعجبتني الفكرة لكن من يطبقهـــــــا في السعوديــــة ؟؟


عـــــامج تسلم على تشريفك وردك

عادي جداً
لكن الأفضل تركبها بالكبوت أكثر أماناً

[ramisif]

شف أخوي أنا مركبها عند المنديل
شغل مرتب وتمديد داخلي ماشاء الله شغل حلو

طبعا غير مكان قربة ماء المساحات وحطها عند علبة الــ ABS
تكلفة البطارية الإضافية 950 ريال

(( الأشياء الاضافية - المذكورة تحت - ناسي والله كم تكلفتهن))
لمبة كبوت
لمبتين بالباب الخلفي
لمبة بقاعدة الأنتل
وصل فيش الولاعة الخلفي بالبطارية الاضافية
ركبت مخارج للولاعاات إضافية عند الراكب

وركبت محول كهرب تحت مرتبة الراكب + فيش بالخلف + فيشين عند القير

الصورة الأولي تبن مكان قربة ماء المساحات

http://sub5.rofof.com/img3/07htnjy15.jpeg (http://www.rofof.com)

الصورة الثانية تبين مكان البطارية الإضافية

http://sub5.rofof.com/img3/07woubv15.jpeg (http://www.rofof.com)



الصورة الثالثة

http://sub5.rofof.com/img3/07zbpdr15.jpeg (http://www.rofof.com)


ودعواتك لنا بالتوفيق

[ساميو]

بالتوفيق اخوي وبصراحه فتح لي باب أمل اني اركب بطاريه اضافية
الف مليون شكر

[abdullah-vtc]

ماشاء الله تبارك الله .. شغل مرتب ومتعوب عليه

انا اتذكر محلات الرمايه يركبون بطاريه اضافيه بعد .. ولهم طريقه انهم يخلون لك البطاريه
بصندوق والا مثل شنطه ويرهمون بك فيها افياش ولمبات ومولد كهرباء .. يعني مسوين
شي جديد وحلو .. واذا تبي البطاريه بالكبوت يحطها لك باللي تبي لكن اللي اذكره ان سعرهم
تقريبا حول 1000 ريال ..


طلبا وليس امرا ياشباب دلونا على اخواننا السعودين اللي يشتغلون هالشغله
مثل الخطيب والمنديل والشخص الثاني اللي ذكره احد الاخوان ؟؟

[سلطان2007]

دلونا على اماكن بالدمام لاهنتو

[ساميو]

فيه بكل المناطق شباب سعوديين واذكر فيه موضوع عن اماكنهم واسمائهم وارقامهم راح ابحث عنه بالمنتدى واحط الرابط هنا

[super 2006]

الحقيقة فكرة رائعــــــة

وراح تكون شكلها اجمل ...

اعجبتني الفكرة لكن من يطبقهـــــــا في السعوديــــة ؟؟


عـــــامج تسلم على تشريفك وردك


عند الرمايه جاهزه الي يقصدها الرجال

[ibrahim_g]

ركبتها على موتري 2009 عند عبدالله الزين وشغله زين >>>الدمام شارع الملك سعود والرجال نصوح للامانه

لاهنت وين في شارع الملك سعود

[احمد النزهه]

ركبت بطاريه 40امبير نفس موترك ركبت كرسي وسلك والمثبت قريب من البطاريه وسلك
وتضبط معك بطاريه ذدسن هنكوك

[فصاص]

سيارتي فتك 2009 سوبر
مركب بطاريه اضافيه وماعندي مشاكل والطريقه بنقل قربة موية المساحات للجهه الثانيه عند فلتر الهوا وتركيب البطاريه مكانها

صار لها سنين

[قناص502]

يالغالي انا بالرياض كلمني واوريك شغل ورشه على سيارتي الشاص
مع العلم يركبون لاي سياره ان اعجبك دليتك على المحل وبتدعي لي

[المناعي2]

مرحبا أخوي و لا يهنون الربع ,,, انا عندي اكروزر 2000 و المركب بطارية أضافية في البيت و ساحب من الاضافية وايرات من تحت السيارة و طبعآ عليهم حماية و نفس سمك وايرات البطارية و طلعتهم ورا عند عدة الجيك حق محول أو مكينة الهوة يعني أذا ما عندك مكان قدام ركبها ورا بس حطها في الصندوق الاسود المخصص حق البطاريات و في نوع بعد فيه مخرجين ولاعة و سالب و موجب وثبتة مضبوط و أي أستفسار أنا حاضر ....