اللغز التاسع والثلاثون...............الحل:الزير سالم ولبن اللبوئه

[الناريز]

يعطيكم العافيه جميع وماقصرتم والله وهاكم اللغز الجديد .

ويش رجل جاب رجل من مقره= والرجل دونه موت واضح ومعروف
وبه هوايل والهوايل بالمضره= والضرر ينزاح من صفق السيوف
ولاجيب من منبعه غير مره= جابه العربيد من دون خوف

[غنام]

ولاجيب مـن منبعـه غيـر iiمـره جابـه العربيـد مـن دون iiخـوف



( والله رحنا فيها أبو السمح للجنة هذا لغز يابيله سبوع تفكير)

[ابو عمر اللاحم]

والله عقتده أوي .... حنا ناس على قد حالنا . وضح شوي .. كان تبي : نحل لغزك. .

والا لا ياسمح اتحداك تحله مع احترامي طبعاً ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
هذي خطمه معليش ارجو ان تتقبلوها : وبعد اذن اخي الناريز:
مره من المرات قبل يمكن سنتين قال واحد من الناس لغز بالكنود وهوصعب مره عجز احد يحله وحط له جائزه الف وخمسمائه ريال وبداية لغزه يقول : يالحر الشقر وش ثلاثٍ لهن عين .... الخ . نسيت الباقي وردتيت عليه انا على وزن قافيته قلت :


ياالذيب الامعط يا هلا لغزكم وين = خطوة قدم عنا ارمسته الهبايب
ماهو جهل فينا بلا ما له ايدين = ولا له مقاضيبٍ لراع التجارب
يشبه لجربوعٍ بناء حط بابين = لو تطلبه مع باب ولاك هارب

وسلامكم ؟

[قايم البخت]

أللؤلو والمرجان

[السمح]

معليش أخوي الناريز بس علشان التحدي أبحط لي رمعة ..
ولكن قبل كل شي أنا أرى عدم تسهيل اللغز .. أقصد توضيحه ..
لأن اللغز إذا وضّح ما أصبح لغز .. وإذا كان صعب على البعض ..
فقد لا يكون كذلك للآخرين .. وإلا لا يا غنام ؟؟ أنت فكر لك وجه اسبوع ... :D
ورمعتي هي : الدلو والماء من القليب

تحياتي لكم جميع ..

[ابو عمر اللاحم]

من اجل تدري بسرعه اخوي السمح رمعك مهيب لم قلم : اللغز يقول ما جيب غير مره وشلون يصير الدلوا :what:

[غنام]

ياخويي نهار


أخي السمح والله اللغز مليان وعلى ماسوليتي مهيب الدلو ابد ابد ابد


فكر مره ثانيه تبي تاخذ سبوع معي أو اكثر

[ابو عمر اللاحم]

اخوي : الناريز : مهوب الحجر الاسود : يوم يشيلونه الشيعه من مكه المكرمه

[الناريز]

يعطيكم العافيه جميع واللغز هذا بالذات انا الي كاتبه واذا تبون نغيره نغيره حاضرين.
اما بالنسبه للرمعات جميعها < مالكم لوا > .
اما بالنسبه لك يا خوي نهار انا جميع الالغاز الي اكتبها ترا كويسه ولاهي صعبه على مثلك وشرواك من الربع الي معنا .
وللمعلوميه كانك تسأل عن اللغز الي تبي ترا أعتقد انه لغز واحد من الربع < ولم يحل > وهو مسند على شخص يدعى بالعود واستلم لغزه للتوضيح فقط .

يالعود قلي وش ثلاثن لهن عين = ثلاث روس وبينهن راس شايب
مرن حرم مكه وشدن هل الدين = واقفن هجيج وكنهن الركايب
وذبن جلود اعقوبهن في فلسطين = هن اذنبن والعود من الذنب تايب

[ابو عمر اللاحم]

صحيح هاذا اللغز اللي اقصد ولاكن بدايته يقول يالحر الاشقر - بدلا من : يالعود وبي منك الله لا يهينك اذا كان تعرف اللي مسند اليه اللغز : ان تعلمه بردي عليه :

اما بالنسبه لتغيير اللغز .. ماقول شئ ماقدر اتدخل هذا من صلاحيات عمنا الغالي ، السمح .

لاكنه يمكن يفرح بتغييره لأني متحديه يحله وانا مصر على التحدي .

[غنام]

توصيلات ألكهرباء

[صالح2]

وش رايك يالناريز بالمفتاح والقفل ؟؟؟؟؟؟؟؟؟

[قايم البخت1]

انه عيار الزيت

أو غطاس الماء

[نون]

الأخ / الناريز

الرمعة هي ( العسل )

تحياتي
نون

[الناريز]

يعطيكم العافيه جميع على المشاركه وعساكم على القوه .
اما بخصوص الرمعات < مالكم لوا > .
وبالنسبه لك يانهار الرد راح يجيك بالرسايل الخاصه لك طال عمرك .

***** ( وإذا تبون توضيح بسيط حنا حاضرين للطيبين ) *******


.

[غنام]

وضح لي رويسه أو ذنيبه

[قايم البخت1]

صفق السيوف شوي


كما أبي توضيح للبيت التالي
ولاجيب مـن منبعـه غيـر iiمـره جابـه العربيـد مـن دون iiخـوف



ويعطيك العافيه يالناريز

[سعد بن مطلق]

السلام عليكم ورحمة الله وبركاتة
رمعة ياربعي رمعة
وشرايكم بهدهود سليمان

[الناريز]

ابـــــــــــــــــــــشـــــــــــــــــروا
بالنسبه لرمعتك يامعذب الغيد حلوووووووووه مررررررررررره بس شوي تركيز اكثر .

المعنى
*** به هوايل والهوايل بالمضره >>>>>>>>>>>>>>>> اي طلبت الحاجه هاذي للضرربصاحبها لا اكثر.
***والضرر ينزاح من صفق السيوف >>>>>>>>> اي ان الضرر هاذا ذهب من ضرب السيف او الخنجر .
***ولا جيب من منبعه غير مره >>>>>>>>>> دليل على ان هذا (.....) ينبع من شي ما .
***جابه العربيد من دون خوف >>>>>>>> اي ان الشخص الذي ذهب لكي يأتي به سكير .


واعتقد ان مافيه اكثر من كذا ( وللمعلوميه ياكثر ماقطعت الاشارات برمضان بسبت الشخص هذا ) .

ويالربع المقصد الوناسه وتبادل المعلومات وعساكم على القوه

[الشنفرى]

وش رايك ياالناريز أنه يكون عرش بالقيس
ولا تقول مالك لوا !!!!:p :confused: :good:

[الناريز]

والله يالشنفري انا قلت لمعذب الغيد رمعه حلوه وتم تفسير اللغز ويؤسفني اقولك < مالك لوا > .

[هاوي مقناص]

السلام عليكم ورحمة الله وبركاته

يالله حيهم ،انا اول مرهاشارك باالغاز ،ولى رمعه يالناريز ، وشرايك بالبيرق 0


ودمتم غانمين سالمين




ملاحظه:اقرا الرسائل يالناريز

اقبل تحياتي : اخوك هاوي مقناص

[قايم البخت1]

1=الدخان
2= الشيشه
3=القمر الصناعي
4=صحن الدش
5=التلفاز


يالله عسى تكون وحده


غيرها معاد عندي


يعطيك العافيه ياناريز

[الناريز]

ياجماعه فكروا شوي بالتوضيح ولا تنسون .
اما بخصوص الرمعات < مالكم لوا > .


شكراث لكم على المشاركه

[ابو نجود]

حياك الله يا اخوي وعندي رمعة..وش رايك بالطهار للطفل الصغير؟
مع تحيات اخوك ابو نجود

[غنام]

طاش ماطاااااااااش


الكرسي

[الناريز]

يعطيكم العافيه على المشاركات اما الرمعات < مالكم لوا > .

[غنام]

السمح ليش طفا انور

[عاشق الصحراء]

:D يا غنام وش رايك نديور و نرجع بالسيارات نشوف ليش
السمح طفا النور , يمكن مبنشر نفزع له , والا صاد ارنب و
يذتسيه .

يالناريز وش رايك بالذهب و النهر.

[غنام]

أكيد السمح محصل صيدة ههههههههههه





بس انا والله ماني مرتاح واللغز ماحل

[السمح]

تسلمون كلكم .. ما غبت عنكم يابعدي بس أنا صاك على عمري ومنقهر وشلون يتحداني نهار ولا أقدر أحل اللغز ..
بس تدرون عاد أنا اكتشفت إن اللغز له علاقة بالوقت والاستعجال ، لأنه من جهة : الناريز أثنى على رمعة معذب الغيد وقال إنه حلوة وهي لها علاقة بقصة سليمان والهدهد ، وله علاقة بجيبة عرش بلقيس من اليمن وهذا بدوره له علاقة بسرعة إحضار العرش فهذا عامل الوقت ،، ومن جهة ثانية يقول الناريز إن أكثر قطع الاشارات برمضان بسببه فهو الاستعجال والسرعة قبل الفطور .. بس اللي مبهذلني ومخرب كيفي هالسكران وشلون يجيب هالشي .. فهمتوا شي ؟؟ ولا أنا :D

[ابو عمر اللاحم]

والله يا اخوي يالسمح ما تحديتك رداً بك لاكن عارفٍ الليله الضلماء بينه من عشااااااااه وانت متحدين من قبل وجابك الله :D

اما تحليلاتك : والله ممتازه بس.. ما حليته :D

اتمنالك حلاً موفقاً ...ههههههههههههــــــــــا

[غنام]

ماتقول انها السرعه يااااااااقهري

[الناريز]

يــــعـــطــيــكــــم العافيه والله عطيتوني دافع معنوي للألغاز .
وللمعلوميه انا اثنيت على الرمعات لانها كلها حصلت مره وحد بس ولم تحصل مره اخرى هذا قصدي ولا تنسون ( الهوايل ) يعني ...........................

وشرايكم اوضح اكثر ؟


وبعدين يالسمح تصدق ان الي جاب الشي هذا سكير والله .
:light:

اما بخصوص الرمعات :مـــــــــــــــــــــالــــــــــــكـــــــــم لــــــــــــــــــــــــــوا

[غنام]

دوخنا السكران قصدي السكير وبلمناسبه انا


خلاص طفيت نوري مه السلامه :bounce: :bounce: :bounce: :bounce: :bounce: :redcar: :redcar:

[الناريز]

والله انا اخوكم الصغير ولله ودي تحلونه بس مدري التوضيح شكله صار غامض بعض الشي ولكن استلموا توضيح اكثر.
الرجل هو شخصيه معروفه في التاريخ وهو شاعر وفارس ايضا .
ويرجع نسبه الى قبيله معروفه في وقتنا الحاضر .
وقد قام بعض الكتاب بتجسيد سيرته عن طريق الكتب والمسلسلات .


اعتقد اني وضحت بما فيه الكفايه . وترا مايلحقنا ملام

[ابو نجود]

وضحت يا اخوي الناريز
الحل الزير سالم والا انا غلطان....مع تحيات اخوك ابو نجود

[المري]

مرحبا يالناريز

عسى ان ذا اللغز انه اصعب لغز مر علي في حياتي

وعلى ماقال ابونجود هو الزير سالم يوم جاب لبن اللبوه

هو صح حل ابو نجود ولا لا

[aboshnab]

اخوي الناريز
اسعد الله صباحك
هقوتى ان الحل مهر عبلة او عرش بلقيس

[الناريز]

(((((((((((((((((( صــــــــــــــــــــــح لــــــــــــــســـــــــــانـــــــــــــــــــك ))))))))))))))).
وما قصرت ياخوي ابونجود واللغز الاربعين عندك وانا اخوك وتسلم والله .



وانا اسف على التاخير .

[السمح]

صح لسانك يابونجود وما قصرت ..
بس اخوي الناريز عندي بعض الاستفسارات على اللغز الله لا يهينك ولا يصغرك .. وأرجو أن يستاسع صدرك لهالكلام اللي أبقوله معليش .. وترى وأنا أخوك اختلاف الراي لا يفسد للود قضية .. وتراي من المعجبين جداً جداً بطرحك أياً كان ..
في ردك على العضو ( معذب الغيد ) قلت بالنص : " حلووووووووه مررررررررره ، وتحتاج شوي تركيز" تقصد رمعته عندما قال : " هدهد سليمان " مما يعطي إنطباعاً لدى المتصفح إن الحل قريب من هالرمعة .. وين العلاقة بين هالرمعة والحل الصحيح علشان تكون حلوة أو تحتاج إلى بعض التركيز .. ؟؟ :(
ثم عند توضيحك للغز كتبت في نهايته إن أكثر قطع الإشارات برمضان بسبب هذا الشخص .. سؤالي وش علاقة قطع الإشارة بالحل الصحيح للغز الذي هو ( الزير سالم ) ؟؟
متأكد أن الكثير من الإخوة يتطلعون إلى تفسير لتوضيحاتك التي اعتقد أنها صارت تمويهات :D :D
تقبل تحياتي ..

[ابو نجود]

يا اخوي السمح الناريز يقصد بقطع الاشارة السرعة لمتابعة المسلسل اللي انا ما شفته الى ها لوقت والا انا غلطان يالناريز؟
وبالنسبة للغز انا متنازل لأي واحد مستعد لانني بصراحة غير مستعد حاليا
مع تحيات اخوكم ابو نجود.....

[الناريز]

حياكم الله جميعا وصح كلامك يالسمح في اختلاف الراي لا يفسد للود قضيه .
في البدايه قمت بتوضيح بعض المفردات في اللغز نفسه لاني خفت ان تكون مختلفه من منطقه لاخرى .
ويالسمح انا قلت اني اقطع الاشارات لان المسلسل كان يطلع بعد الصلاه مباشره والكثير من الناس يستعجلون او بالاحرى المتابعين له حتى يتمكنو من متابعة احداث الحلقه لا اكثر .

اما بالنسبه لرمعة معذب الغيد :
1- لانها لم تحدث غير مره وحده .
2- انها قصه ( بغض النظر عن المعجزات ) بها هوايل وهذا مايطابق في حل اللغز نفسه .

وتسلم يالسمح انت والاخوان على كل مشاركاتكم في اللغز .
وانا اتعذر لكم يالربع ان ( كاني بغيت الهدف واخطيته ) وترا الهدف الاستمتاع باللغز وحله .

شــكـرا للجـمـيـع

[الناريز]

لا والله منت غلطان
وعداك الغلط ياخوي وانت ماقصرت ولا يهونون الاخوان وصح لسانك مره ثانيه يابو نجود

[الناريز]

ايــــــــــوالله صح يالــــــــــمـــــــري
هو الحل يوم يجيب الزير سالم لبن اللبوه صح .:)

[السمح]

تسلم والله أخوي الناريز على هالنفس الخفيفة .. وتفهم الموضوع .. ومشكور على التوضيح ...

ولا يابعدي ما يجي منك قصور .. والقصور منك بعيد ... وأنت الصادق استمتعنا باللغز وبالمحاولات حتى من خارج المنتدى للمعلومية ..

وأشاركك الرأي إن القضية سعة صدر ومعرفة علوم الرجال الطيبين من مثلك وشرواك ..

[الناريز]

تسلم والله لا يهينك وماقصرت والله .

[aboshnab]

اخوي النارينز اسعد الله اوقاتك
حل اللغز الزير سالم ولبن اللبوه اوعنتر ومهر عبله.

[الناريز]

لا اخوي ابو شنب حل اللغز هو ( الزير سالم ولبن اللبوه ) .
وانا الي كاتب اللغز هذا واتقبل اي نقد او استفسار من الربع وانا حاضر لخدمة الجميع .
وحياك ربي عزيز وغالي