يا الأخوان موتري 2010 ومشكلته القير

[ماشي الحال 3]

السلام عليكم ورحمة الله وبركاته

أولا : أتشرف بمشاركتي معكم...وبصحبتكم ,في هذا المنتدى الرائع والمميز.

ثانيا: سيارتي فورشنر 2010 من النوعvx اي6سرندل قير عادي ...وبعد عدة أشهر تقريبا3أشهر ,وعد الموتر12000طلع صوت يتغير مع ضغط الكلتش(صرصره)رحت للوكالة...قالوا :فحمة كلتش,لابد نطلبه من جدة بعد أسبوع تكون جاهزة,نزلوا القير وغيروها...راح الصوت.
لكن بعد 12000ثانية طلع الصوت نفسه,رحت لهم اليوم قالوا فحمة كلتش,قلت :كل 12000 بنزل القير,قالوا على حسب أستخدامك,لكن لاتدخل رمل ولاتطلع؟؟؟.


السؤال:هل لو أذهب إلى وزارة التجارة أوحماية المستهلك يفيدونا؟
وش الحل مع الوكالة؟

أرجوا الأفادة جزاكم الله خيرا.

[طلال الحصني]

يجى من يفيدك يالغالى

[مواسي الطعوس]

لاتحاول تشتكي ما انت محصل شي . بعه واشتر تماتيك . احمد ربك مايفضي بعد . شفهم في موقع الفورتنر كلهم يقولون عادي امسك القير مع البطاج علشان مايفضي .

[الوسيطاء]

التويوتا في الاغلبيه الصوت هاذا للقير العايدي

[s3ed]

حسب معلوماتي

القير العادي على الاف جي بمحرك ال 4.0
غير ناجح

الفورنتشر نفس محرك الاف جي

اعتقد القير الاتوماتيك انجح

انت سيارتك على الضمان وماعندك مشكلة


الله يوفقك

[بو خليفه]

بع السيارة واشتر نوعية اخرى او جير اتوماتيك

[بو خليفه]

حسب معلوماتي

القير العادي على الاف جي بمحرك ال 4.0
غير ناجح

الفورنتشر نفس محرك الاف جي

اعتقد القير الاتوماتيك انجح

انت سيارتك على الضمان وماعندك مشكلة


الله يوفقك

واذا الضمان انتهى يشتري غيرها ويعمل صيانة طوال مدة الضمان الا يبيع ويشتري افضل منها بنوعية اخرى

[خيال النفود]

عزيزي انا موتري جي اكس ار قير عادي 2008
اول ماطلعته كان فيه زي هالصوت وبعد فتره راح
والحين له سنتين ومافيه الا العافيه ولله الحمد

[مواسي الطعوس]

عزيزي انا موتري جي اكس ار قير عادي 2008
اول ماطلعته كان فيه زي هالصوت وبعد فتره راح
والحين له سنتين ومافيه الا العافيه ولله الحمد


*********************************

يمكن موترك 4 سرندل

[عاشق السيل]

قسم بالله قهررررررر ،، أنصحك تصلحها على الضمان ومن ورشة الوكالة على المعارض على طووووووول !!!

تبيعها وتشتري تماتيك أو تغير نوع السيارة كلها ،،

وموفق لخير أخوي ....

[التعـ King ـديل]

الله يعينك

بس فيه عضو هنا اسمه ساري 111 يقدر يفيدك بحكم انه المتحدث الرسمي بااسم شركه تويوتا بالمنتدى

[Ra3i.mekshat]

يارجال بعه وخذلك جير اوتوماتيك
اخوي معه نفس موترك بس جير اوتوماتيك ولا فيه الا العافيه

تقبل مروري
أخوك : فتى الخوالد

[ولد وايل..]

أخبر الصوت هذا طبيعي في الفش فاش بس باالاوتو...

أما العادي تكون بالكلتش مشكلة أنت احرص انك ما تخلي الموتر معك وانت متضايق منه

دام الموتر 2010 فأنصحك تصلحه بالوكالة وتطالب بالتغيير...

لا تقبل بالتصليح أبدا..

وبع الموتر عقب...ودور لك غيره أو مثله بس أوتو..

وبالنسبة لوزارة التجارة 8001241616

اتصل ع ها الرقم وقل لهم السالفه ويفيدوووونك...... ورد علينا وش صار ..

[ماشي الحال 3]

أشكر كل من داخل أورد..وأشكر ايضا كل من افادني.

أخذت رقم الوكالة بجدة يقولون يفيدون..ننحاول,ومن ثم أذهب إلى وزارة التجارة..لعل الله يكتب ألي به الخيرة.

لكن كنت أسمع عن وكالة تايوتا من المدح الشي العظيم..لكن حصل العكس,قبل هالموتر كان معي باترول جلس اربع سنوات ماخالف ،عز الله انه موتر.:good2:

[ساري 111]

المشكله عاديه جداً اي موتر قير عادي يكون فيه صوت فحمه واذا ضغطت الكلتش يروح

الموضوع ما فيه مضره ليتك مانزلت القير عشانه
موتري اذا دخلت رمل يطلع صوت بسيط ولاتحس فيه الا اذا ركزت طبعاً اخليه يوم يومين وبالكثير اسبوع ويروح


انت تأكد من غطاء بلاستيك قدام القير كبر راحه اليد لايكون طايح ومن طريقه يدخل الرمل
وتأكد من ربله الكلتش اللي بجرم القير لاتكون ماركبت صح


الخلاصه / اذا الصوت حفيف لاتتعب نفسك معه تراااه عااادي ومايضر واذا هو قوي ومسوي لك قلق لاتخلي لك حق انشب لهم لين يشوفون لك حل

موفق

[حمد الأحمد]

أخوي صوت فحمة الكلتش عادي

وأكثر القير العادي تخرب الفحمه بسرعة

بس يختلف صوته من سيارة لأخرى

كان معي هايلكس ويطلع فيها نفس الصوت

وغيرته عند الوكاله مرتين

وبعد أنتهى الضمان صار الصوت يروح ويجي

إذا مشيت بركادة ومر اسبوع مادخلت النفود راح الصوت

[مستور الحال]

لاتلمس ولا تصلح في السياره شيء سيارتك جديده الله يكفيك شره ويرزقك خيره وخاصه صوت الفحمه عايدي عايدي ما فيها اي مشكله ولا تضر السياره

[ABU-IBRAHIM]

نصيحة (1) أخوي جرب أنك تزور فرع صيانة آخر ( يستحسن أن يكون فرع أكبر ) لان تختلف ترا باختلاف المهندسين اللي عندهم ومر لك على مدير الفرع واذكر له المشكلة وانك ترددت على كذا فرع ولم تنحل المشكلة الا بشكل مؤقت

نصيحة (2) اذا قدرت انه يغيرون لك قطع جديدة فطالبهم بضمان لهذه القطع الاضافية لان لو غيروه وبس ما راح تستفيد كذا

نسأل الله لك التوفيق والسداد

[ماشي الحال 3]

أشكر الإخوان على ردودهم ونصائحهم ,وقد استفدت كثيرا ,فجزاهم الله خيرا.


لكن من يعرف يا الربع رقم عبداللطف جميل الرئيسي(جدة) ..لأستفسر منهم,,رحت للوكالة الي عندنا ببريدة ماعطون علم..