ما رايكم في كفرات تويو لاندكروزر ارجو الدخول للاهميه

[بنز560]

السلام عليكم
مثل ما هو واضح من العنوان ناوي على كفرات تويو للاندكروزر 2006 وش رايكم فيها
واهم شىء عندي الي هي الليونه لاني منب حق جلد لسياره ولا مطامر في الحصى
لقيت كفرات تويو مقاس 17 عرض 275 بسعر 560ريال والدنلوب 550ريال فانا محتار وش رايكم
ارجو الرد باقصى سرعه

[khaled99]

التويو ممتاز جدا ولين ومريح بفرق واضح عن كفر البلد الدنلوب

جربه وبتنسى الدنلوب...

[قناص خلاوي]

أخوي انا لو مكانك اخذت دنلوب بشرط الاصلي من الوكيل
وتركت التويو
أعرف رجال كبير جرب التويو على شاص ويسبها واجد صعررت معه على طول ..

[asdali]

وعليكم السلام ورحمة الله وبركاته

اخوي انا مركب تويو الصراحة مريحة جدا ولينة جدا في البر ومناسبة للسفر لكن فيها عيب شرعي وهو لا مسكت فرامل تسحب معك السيارة وفي المنعطفات السريعة لازم تحاسب شوي . انصحك بالماكسيس ارخص واثبت كثير واكثر سلامة .

[- النشمي -]

التويو ممتاز جدا وافضل من الدنلوب

وميزة التويو انه لين ويتحمل الحراره اكثر من الدنلوب

[بنز560]

الله يعطيكم العافيه

[ولـد الدوادمي]

يارجال طع شوري أنحش عن التويو

صح أنه يكد معك كد الويل بس يذبحك بصوتة بالخط دائم يطلع لك هالصوت لو لو لو

[مستور الحال]

اخوي بنز 560

انحش من كفرات تويومطب قوي مره ولو تنوم الهوا وتسحب مثل ما تفضل الاخ asdali دائمآ اركب على سياراتي ( الجيوب السفاري و اللاندكروز ) دنلوب عمري كله من عرفت البران و الوعر والحمد لله مافيها اريح منها ابدآ لكن غيرت قبل شهرين بالتمام تويو من الوكيل مباشره في الخرج وتاريخ جديد 2010 بقيمة 500 ريال للكفر الواحد والله انصدمت فيها لو احد قال لي عنها انها ثقيلة مطب ما صدقته يعني التويو الجديد غير القديم وللمره الثانيه انحش عنها ترى بتضيق خاطرك و لا تتعدي الدنلوب نصيحة اخو والله يوفق الجميع لما يحب ويرضى

[ذيب زلفاوي]

الدنلوب مامثله ولا الهانكوك

[بنز560]

الله يجزاك بالخير اخي مستور الحال لكن كلامك غريب لان اكثر الناس يقولون انه الين مطب من الدنلوب وانا اشوف ظغطت
الكفر لينه مقارنه بالدانلوب لاكن كم مقاس الجنط عندك او صوره من الكفر لاهنت اخوي