الصيف والحرارة

[ناجز]

السلام عليكم ورحمة الله وبركاته
الصيف وصل ومشاكل الحرارة في كثير من السيارات بدت
وانا اول المشتكين وراي سفر وخايف اتوهق
موتري باث فيندر 2002 الحرارة الايام ذي بدت توصل ثلاث ارباع واناواقف في الزحمات وفوق النص وانا امشي
هل هذي منتشرة او عندي بس وعندي لومينا مشاء الله فوق الربع بشوي
عطونا ارائكم واحسن الورش من ناحية الامانة والشغل للرديترات لحل مشكلة الحرارة
والله ينجينا من جهنم

[ماشي الحال 3]

وعليكم السلام ورحمة الله وبركاته

أخي ناجز أخوي معه باث 2004 وكانت مشكلته الحراره حتى أنه ماخلا ورشه ماطبه..بعد ذلك أشار عليه ابو عبد الله الصمعاني (بتشليح بريدة)يغير الأديتر,وغيره اصلي وصار على الثلث صيف وشتا..له فوق السنه..

[أبوصقر]

ركب أديتر ألمنيوم..ومراوح كهرب..وأعتبر معاملتك خالصة..

[ناجز]

اخواي تيامن وابوصقر
مشكور والله يجزيكما خير

[سفاري959]

اخوي اذا متأكد ان كل شي تمام عندك يبقى شي مهم ومعروف في الباثفندر وهو بلف الحراره الباثفندر يجي بلفين لازم واحد تشيله وان شاء الله راح تتغير الحراره معك تقبل تحياتي

[ابومحيميد]

قريبي ركب رديتر رصتين للباثفندر وانتهت مشكلته نهائياً والسعر 400 ريال تقريباً

وشف الاخوان عندك بالرابطة ان شاء الله يفيديونك اكثر

http://www.mekshat.com/vb/showthread.php?t=156827&page=500

[dr7004]

عزيزي مشكلتك زي مشكلتي غيرت خراطيش غيرت بلف الحرارة ركبت مروحة إضافية وما انحلت المشكلة إلا
بعد تغير اللديتر بليدتر صيني طبعاً رصة وحدة ولكن اكبر من اللديتر الأصلي من عند ابوصالح بالرياض ب400 ريال أرسله لي مكة جزاه الله خير والآن الموتر ما شاء الله تبارك 100%
رقم ابوصالح 0555425574