أستشارة ( يوكن + لاندكروزر ) الله لا يحرمكم الاجر أن شاء الله

[الحاسوبي]

السلام عليكم ورحمة الله وبركاته

أخواني المكشاتية أبدأ كلامي بمقولة أهل السلف " ما خاب من استخار ، وما ندم من استشار "

وبما أنني مُتابع لكم وبشدة من على المدرجات ويعلم الله أنني معكم بأستمرار وبما أنني عرفت عنكم بأنكم سباقين للخير ودالين له بأذن الله سبحانة وتعالى .

أخواني الاعزاء أريد أستشارتكم الله لا يحرمكم الاجر أن شاء الله .

فأنا لدي مبلغ من المال ( ولله الحمد والمنه ) وأريد شراء سيارة عائلية .

ومحتار بين اللاندكروزر واليوكن . وأريد أن أرى أرآء أخواني مستخدمي تلك السيارتين وبدون تعصب أو مجاملة رعاكم الباري .

وأليكم نظرتي وبأختصار شديد عن تلك السيارتين وحتى أختصر على أخواني المكشاتية شرحهم وعلماً بأن نظرتي قابلة للصح والخطأ .

بالنسبة للاندكروزر :

شيك + قليل الاعطال + أستخدمت موديلات قديمة منه .

بالنسبة لليوكن :

فاقد لسعره + كثير الاعطال ( كما أسمع ) + لم أستخدمة + راحة + نظرة بالنسبة للبودي وأوسع .

ملاحظة : أن كان هنالك رأي لأحد الاخوة خارج عن تلك السيارتين بأمكانه طرحه علماً بأول أولوياتي بأن تكون السيارة عائلية فمثلاً الوجه الجديد السكويا .

شاكر لكم ومقدر مقدماً

دمتم بود ولكم تحياتي

[راكان 11]

إذا تقوى قيمة الاندكروزر خذه ولآ تشاور

[راكب الشفر]

وانا اخوك اليوكن زيه زي اي امريكي يبيلك تسوي له صيانة دورية كل 50 ألف تقريباً
وحق دلع وممشى مدينة مهب للجلد والمطامر بالبر

اما الاند حق بر وقطعه رخيصة مقارنة من الامريكي
بس الجديد ماهو مثل القديم وفيه خرابات بس على حسب السواقة والاستخدام
استخدام حشمه مامنه ضرر ولا الكرف راح يتعبك
وميزته لامنك بغيت تبيعه تبيعه بسرعة لأنه مرغوب

[عاشق الvx]

عليكم السلام والرحمة
حياك الله اخوي الحاسوبي,,,
اخوي بالنسبة للخيارين الي حطيتها كلها ممتازه
بس ترجع لحسب استخدامك انت اذا كانت طلعاتك كثيره للبر
اكيد راح اقولك خذ اللاند كروزر(8سرندل طبعا)
اما اذا كانت طلعاتك عادية وموب باستمرار
ونادر ماتطلع للبر اكيد بقولك خذا اليوكون بس اهم شي دبل طبعا
وفي النهاية الله يكتبلك الي فيه الخير ولاتنسى الاستخارة,,,

[ابويارا1001]

السيارتين تعتبر جيدة مع وجود فارق بالسعر

طيب ليش ما تفكر تاخذ اكسبيدشن يمدحونه واعطاله اقل من اليوكون وسعره مناسب

وبالتوفيق

[AMAZ]

اذا تبي النصحيه الاند كروزر غالي على الفاضي طبعا اتكلم من واقع تجربه كان عندي gxr موديل 2006 عزم تعبان صرفية بانزين . كان احد الزملاء شار على باني اشتري اكسبدشن ماطعت شوره . لما تبينت الامور وجربت سياره واحد من الزملاء ثاني كان معه اكسبدشن جربت السياره عافت سيارتي من جد قوة عزم وراحه ولا يصرف بنزين . الفل حقه 35 يمشيك 500 كيلو
نصحيه لوجه الله انحصك تشتري اكسبدشن من موديل 2007 وفوق .

[أبوعسكر]

لاتشتري لين تجرب وتقتنع

[نفود بريدة]

ابختصر حديثي بـ 3 محاور :

1- بالنسبة للخرابات :
انا اقولك من واقع تجربة الموتر ما فيه خرابات :good2:, ولكن حاله حال اي سياره لابد ان تتطلب قطع استهلاكيه .

2- بالنسبة للسعر :
انا ما اقولك انه يمسك قيمته مثل الاندكروزر ,, لكن الان اذهب الى المعارض وشف اسعارها والله ان تنهبل :eek:, بالعكس يمسك سعره لكن اقل من الاند كروزر ,, ومشكله الناس اخذوا ببالهم انه اي شي غير تايوتا ما يمسك سعره :mad: وهذا شي كان صحيح على ايام 2006 و 2007 وما تحتها ,, اما الان جاءت المنافسه من بعض الشركات الاخرى وبجداره .

3- بالنسبة لاستخدامك :
اهم شي تحدد نوع استخدامك بالضبط , على سبيل المثال :
- 24ساعه بالبر + يهمك كلام الناس واجد من ناحية انه تويوتا + عائلتك قليله + لا تهتم بالراحه ولا القوه الى حد ما = لاند كروز

اما

- ذهابك للبر يكون مره بالشهر وحولها + اهم شي انك مرتاح شخصيا ولا يهمك كلام احد + عائلتك متوسطه + تهتم بالقوة والراحه والرحابة = يوكون


وانا اقولك ترا كل الاثنين مواتر ما فيها كلام ,, لكن اهم شي طبيعة استخدامك


والراي رايك وانا اخوك :)

واهم شي بعد ذا كله الاستخارة :good:


موفق

[شمالات نجد]

القناعة وانا اخوك وانت ادرى بنفسك واستخدامك

سلام

[مطنوخ قطر]

مع احترامي لجميع الاراء, انا ومن بعد تجربه طويله للنوعين اللي انت ذكرت, خذ لاندكروزر ولاتفكر, والافضل من 2007 وتحت ويكون 8 سلندر,,,,,,,, انا عندي جديد ومن كثر ما اسمع انه فيه تعقيدات في نظام الكهرب, وصداماته هشه واجد ادنى ضربه لازم تغير الصدام,, اما اليوكن فجنني فيه طرمبة البنزين كل مده ومده تخرب,, وياشينها لاخربت على طريق طويل ومعك العايله والجو حااااااار,, حلها عاد.... تحياتي

[راعي البحري]

أخوي فيه فرق شاسع في السعر إذا كنت بتشتري يوكن عادي يجي حوالي 50000 الف ريال
أما إذا كان قصدك يوكن دينالي
فأنت الذي تحدد ,, راعي بر وعر كل أسبوع ..لاند كروزر وانت مغمض
راعي فخامة قوة منظر وبر على خفيف لو كل أسبوع يوكن دينالي وأنت برضه مغمض

أما المقارنة في أسعار البيع اليوكن ماسك سعره وبقوة والخرابات كلام غير صحيح الطرنبه حلوها منذ مبطي في الجديد
السيارتان شعبيتان وبقوة طالع الشوارع بتعد وبتغلط
في النهاية اشتر اللي انت مرتاح له
وترى فيه سيارة فيها جميع المميزات للعائلة
ير ,,فخامة,,سعر,, قوة جبارة,,شكل جذاب,,
تاهو Z71

[رويشم]

السلام عليكم ياشباب
حبيبي اشتر الى تشوفه زين لك لاكن لا تقولى لند كروزر ما يطيح سعره انت دافع اكثر من 70الف قدام عن سعر اليوكن وين ما يطيح
احسبها ونت الحكم
وشكرا

[ام صتمه 87]

أخوي مشكلة طرمبة البنزين كانت في الأشكال القديمة أما 2007 وفوق ماسمعنا بها

وبعدين اللي يقول خرابات وش مثل أيش ؟!

[أبوحمد 505]

لو تقارن سعر اليوكن جديد بسعر الجيب جديد وتشوف الفرق في السعر بعد البيع
راح يطلع اليوكن هو اللي شيك

اليوكن أفضل خاصة 2005 2006 بر ولا ديرة عز الله أنة موتر

[الهاوي 9]

الله يدلك للخير

[مجنون باترول4800]

والله اخوي انا جربت الاثنين
الصرحة كلهن ما يحتاج
والشي الثاني كل موتر يحتاج لصيانة حتى لوكان جديد
فوش رايك بالمستعمل
من ممزات للاند انه ما يخرب لكن اذا خرب جاب العيد
وقطع غيرة مقارنة باليوكن غالي
واليكون فية اعطال لكن مايطفربك اذا خرب يغني ان قطع الغيار متوفر وفي كل مكان

الله يكتب لك الخير

[رعد تميم]

اللاند الجديد كثر الكلام عليه من ناحية انه حساس وخرابات

وفوق كذا سعرهـ اللي مبالغ فيه

وان كانك تبي تشتري لاند قديم مثلا 2007 راح تحصلة بـ 140 الف وفيها بالقيمة هذي بآمكانك تشتري اكسبدشن 2010 وكاله


استخر قبل كل شي والله يوفقنا ويآك

[ابن علوان]

لو تقارن سعر اليوكن جديد بسعر الجيب جديد وتشوف الفرق في السعر بعد البيع
راح يطلع اليوكن هو اللي شيك

اليوكن أفضل خاصة 2005 2006 بر ولا ديرة عز الله أنة موتر
هذا هو الكلام الصحيح احسبوها يالربع وخلونا من هياط اللاند كروزر اللي مامعاه الا السمعه اللي مدري من وين جته

[ابوطاقية]

اليوكن حسب حاجتك حسب عدد افراد اسرتك لانه اوسع من اللاند واذا بتستخدمه استخدام يومي شوي متعب لكبر حجمه
اما اللاند فماعليه كلام تقدر تستخدمه استخدام يومي وسفريات وقليل الاعطال والسيارات توافيق والله يوفقك ويوفق الجميع

[ملك الإحسآس]

خذلك لاند نصيحه
اليوكن مشاكل ما تخلص منها
ادخل الرابطه وشف أنواع المشاكل

[riyadhali]

بالرغم من حبي الشديد للجمس والحين معي سوبر 2004 وعشقي للامريكي
الا انة لو كان معي قيمة المفخرة لطقيتة وانا اضحك ومن غير ماأشاور

بعدين انت تقول ودك باليوكن ومعاك قيمة اللاند الجديد
اشتر اليوكن وخلي فارق القيمة للصيانة 10 سنوات قدام :)

اخيراً استخير ووالله ماتندم الاستخارة شي مو معقول ياصاحب مايجيك بعدها الا العلم الزين بــ أذن الله

[aboeyade]

مع احترامي لجميع الاراء, انا ومن بعد تجربه طويله للنوعين اللي انت ذكرت, خذ لاندكروزر ولاتفكر, والافضل من 2007 وتحت ويكون 8 سلندر,,,,,,,, انا عندي جديد ومن كثر ما اسمع انه فيه تعقيدات في نظام الكهرب, وصداماته هشه واجد ادنى ضربه لازم تغير الصدام,, اما اليوكن فجنني فيه طرمبة البنزين كل مده ومده تخرب,, وياشينها لاخربت على طريق طويل ومعك العايله والجو حااااااار,, حلها عاد.... تحياتي

طيب ممكن تعلمنا كم موديل اليوكن اللي أنت جربته ؟؟؟

[aboeyade]

خذلك لاند نصيحه
اليوكن مشاكل ما تخلص منها
ادخل الرابطه وشف أنواع المشاكل

الرجال يبغى ياخذ الموديل الجديد , والمشاكل اللي بالرابطة كلها للموديل السابق

أخي الكريم تذكر أنه بقيمة اللاند تاخذ يوكن وتوفر بجيبك ما لا يقل عن 50 ألف ريال

طبعاً أتكلم عن الجكسار أم بقيمة الفكسار تاخذ حبتين يوكن

[riyadhali]

اما اليوكن فجنني فيه طرمبة البنزين كل مده ومده تخرب,, وياشينها لاخربت على طريق طويل ومعك العايله والجو حااااااار,, حلها عاد.... تحياتي

ماتخرب طرمبة البنزين لا في الجديد ولا في القديم الا من سوء الاستخدام
تترك البنزين يوصل صفر وتولع لمبة البنزين هاذي مصيبة على أكثر السيارات
خلي التانكي ماينزل عن الثلث وقابلني ان اشتكيت من طرمبة البنزين
تحياتي لك

[الحاسوبي]

إذا تقوى قيمة الاندكروزر خذه ولآ تشاور

هلا بك أخوي راكان

والله أن شاء الله نقدر ولكن على اللاند النصف مواصفات

مشكوووور على الرد


وانا اخوك اليوكن زيه زي اي امريكي يبيلك تسوي له صيانة دورية كل 50 ألف تقريباً
وحق دلع وممشى مدينة مهب للجلد والمطامر بالبر

اما الاند حق بر وقطعه رخيصة مقارنة من الامريكي
بس الجديد ماهو مثل القديم وفيه خرابات بس على حسب السواقة والاستخدام
استخدام حشمه مامنه ضرر ولا الكرف راح يتعبك
وميزته لامنك بغيت تبيعه تبيعه بسرعة لأنه مرغوب


مشكووور أخوي على النصحية وبيض الله وجهك ووجه كل من رد ونصح ان شاء الله

كل الود والاحترام


عليكم السلام والرحمة
حياك الله اخوي الحاسوبي,,,
اخوي بالنسبة للخيارين الي حطيتها كلها ممتازه
بس ترجع لحسب استخدامك انت اذا كانت طلعاتك كثيره للبر
اكيد راح اقولك خذ اللاند كروزر(8سرندل طبعا)
اما اذا كانت طلعاتك عادية وموب باستمرار
ونادر ماتطلع للبر اكيد بقولك خذا اليوكون بس اهم شي دبل طبعا
وفي النهاية الله يكتبلك الي فيه الخير ولاتنسى الاستخارة,,,


الله يبقيك ويخليك أخوي

لا أخفيك أخوي أن بغيت أخذ اليوكن راح أخذ الاقل مواصفات لتفادي الكهرباء لاني بصراحة أحسن السيارة كل ما كثر فيها الكهرباء كل ما كثرة الاعطال بمعنى ان راح أخذه بدون دبل ؛ لاني أبغاه للسفر وللعائلة . ولدي جيب ربع موديل 99 حالياً وأود الاحتفاظ فيه حتى أطيب نفسي بالبر وولعه :)

مشكووور ع الاضافة أخي الكريم

السيارتين تعتبر جيدة مع وجود فارق بالسعر

طيب ليش ما تفكر تاخذ اكسبيدشن يمدحونه واعطاله اقل من اليوكون وسعره مناسب

وبالتوفيق


أضافة كريمة من وجه نصوح وكريم

الله لا يحرمك الاجر ان شاء الله

دمت بود


لاتشتري لين تجرب وتقتنع


بكل تأكيد أخي الكريم :)

كل الود والاحترام لك

[الحاسوبي]

ابختصر حديثي بـ 3 محاور :

1- بالنسبة للخرابات :
انا اقولك من واقع تجربة الموتر ما فيه خرابات :good2:, ولكن حاله حال اي سياره لابد ان تتطلب قطع استهلاكيه .

2- بالنسبة للسعر :
انا ما اقولك انه يمسك قيمته مثل الاندكروزر ,, لكن الان اذهب الى المعارض وشف اسعارها والله ان تنهبل :eek:, بالعكس يمسك سعره لكن اقل من الاند كروزر ,, ومشكله الناس اخذوا ببالهم انه اي شي غير تايوتا ما يمسك سعره :mad: وهذا شي كان صحيح على ايام 2006 و 2007 وما تحتها ,, اما الان جاءت المنافسه من بعض الشركات الاخرى وبجداره .

3- بالنسبة لاستخدامك :
اهم شي تحدد نوع استخدامك بالضبط , على سبيل المثال :
- 24ساعه بالبر + يهمك كلام الناس واجد من ناحية انه تويوتا + عائلتك قليله + لا تهتم بالراحه ولا القوه الى حد ما = لاند كروز

اما

- ذهابك للبر يكون مره بالشهر وحولها + اهم شي انك مرتاح شخصيا ولا يهمك كلام احد + عائلتك متوسطه + تهتم بالقوة والراحه والرحابة = يوكون


وانا اقولك ترا كل الاثنين مواتر ما فيها كلام ,, لكن اهم شي طبيعة استخدامك


والراي رايك وانا اخوك :)

واهم شي بعد ذا كله الاستخارة :good:


موفق


يملا العافية والله أخي الكريم على الشرح وأسأل الله أن يجعله في ميزان حسناتك

وبالنسبة لأستخدامي هو للعائلة وللسفر وبالنسبة للبر منتهي منه وتم ذكره أنفاً بأحد ردودي السابقة . ولكن أخي نفود بريده .. اليوم أتصلت على شخصين من أقاربي فالاول يملك تاهو موديل 2009 وكان يشتكي منه من ناحية كهرباء وما شابة والاخر لدية يوكن 2009 وكان يمدحه ولم يذكر في حديثة أي شكوى ..

فما رأيك ؟

ومشكور على الشرح والله يجزاك خير ان شاء الله


القناعة وانا اخوك وانت ادرى بنفسك واستخدامك

سلام


بكل تأكيد وأرجع وأقول " ما خاب من أستشار " :)

كل الود والاحترام وألف شكر على الرد


مع احترامي لجميع الاراء, انا ومن بعد تجربه طويله للنوعين اللي انت ذكرت, خذ لاندكروزر ولاتفكر, والافضل من 2007 وتحت ويكون 8 سلندر,,,,,,,, انا عندي جديد ومن كثر ما اسمع انه فيه تعقيدات في نظام الكهرب, وصداماته هشه واجد ادنى ضربه لازم تغير الصدام,, اما اليوكن فجنني فيه طرمبة البنزين كل مده ومده تخرب,, وياشينها لاخربت على طريق طويل ومعك العايله والجو حااااااار,, حلها عاد.... تحياتي


رأي نابع من تجربة وخبرة

رأي نحترمه ونصيحة نتبعها بلا ريب

تحياتي ورعاك الباري

دمتم بود


أخوي فيه فرق شاسع في السعر إذا كنت بتشتري يوكن عادي يجي حوالي 50000 الف ريال
أما إذا كان قصدك يوكن دينالي
فأنت الذي تحدد ,, راعي بر وعر كل أسبوع ..لاند كروزر وانت مغمض
راعي فخامة قوة منظر وبر على خفيف لو كل أسبوع يوكن دينالي وأنت برضه مغمض

أما المقارنة في أسعار البيع اليوكن ماسك سعره وبقوة والخرابات كلام غير صحيح الطرنبه حلوها منذ مبطي في الجديد
السيارتان شعبيتان وبقوة طالع الشوارع بتعد وبتغلط
في النهاية اشتر اللي انت مرتاح له
وترى فيه سيارة فيها جميع المميزات للعائلة
ير ,,فخامة,,سعر,, قوة جبارة,,شكل جذاب,,
تاهو Z71


مثل ما تفضلت أخي الكريم وهو فرق السعر وهنا الكفه من صالح اليوكن

وانا ملاحظ في الفترة الاخيرة وجود اليوكن وبكثرة في الشارع

مشكووور على النصحية والله يجزاك خير ان شاء الله على الرد الطيب

دمت بود ولك تحياتي


السلام عليكم ياشباب
حبيبي اشتر الى تشوفه زين لك لاكن لا تقولى لند كروزر ما يطيح سعره انت دافع اكثر من 70الف قدام عن سعر اليوكن وين ما يطيح
احسبها ونت الحكم
وشكرا


مشكووور على الرد أخي الكريم ولا أستطيع الا أن أقول

جزيت خيراً والله لا يحرمك الاجر أن شاء الله

دمت بود


أخوي مشكلة طرمبة البنزين كانت في الأشكال القديمة أما 2007 وفوق ماسمعنا بها

وبعدين اللي يقول خرابات وش مثل أيش ؟!



مشكور على الاضافة والله يجزاك خير ان شاء الله


لو تقارن سعر اليوكن جديد بسعر الجيب جديد وتشوف الفرق في السعر بعد البيع
راح يطلع اليوكن هو اللي شيك

اليوكن أفضل خاصة 2005 2006 بر ولا ديرة عز الله أنة موتر


نقطة لابد من الوقوف عندها

كل الود والاحترام والله يعطيك العافية أن شاء الله



الله يدلك للخير



وياك أخي الكريم

الف شكر لك على الرد الطيب

[gm2009]

يوووكن ولا تفكر
غير كذا تيوتا نص السيارة اكسسوارات صينيه فيه مقطع لجيب لكزس منكس عليه الجنط وهو يمشي علي زفلت ورح الجيب الله يعوضه
وغير كذا رح سعر قطع التيوتا موب مثل زمان .
اليوكن بيريحك في السفر من ناحية الخط والصرفيه ولا تنسي انه الحين 6 نمر القير يعني صرفيه ما يصرف ابد

[نفود بريدة]

يملا العافية والله أخي الكريم على الشرح وأسأل الله أن يجعله في ميزان حسناتك

وبالنسبة لأستخدامي هو للعائلة وللسفر وبالنسبة للبر منتهي منه وتم ذكره أنفاً بأحد ردودي السابقة . ولكن أخي نفود بريده .. اليوم أتصلت على شخصين من أقاربي فالاول يملك تاهو موديل 2009 وكان يشتكي منه من ناحية كهرباء وما شابة والاخر لدية يوكن 2009 وكان يمدحه ولم يذكر في حديثة أي شكوى ..

فما رأيك ؟

ومشكور على الشرح والله يجزاك خير ان شاء الله





هلا بك اخوي

اذا كان عندك موتر مثل ما قلت ربع 99 للبر ,, فأنا اقولك اجل خذ يوكون ولا تفكر بتاتا ,, لانك تبي تاخذه وبيكون استخدامه بالمدينه لا بالبر ,, :good2:

وهو انسب بمراحل من اللاندكروزر سواء في المدينه او للعائله .

اما بالنسبة لاقاربك الي اتصلت عليهم , فأنا اقولك وانا اخوك هذي توافيق من رب العباد , لكن نبقى نحن على الاصل , وهو انه ممتاز ولا فيه خرابات ,, والغريب ان التاهو 2009 !! شي غريب والله ,:eek:

انا وناس كثير من اقربائي نمتلك يوكون ويوكنXL والحمد لله تمام ما فيه خلاف, :good:

وانا انصحك وانا اخوك استأجر يوكون ولاندكروزر كل واحد يوم , وراح يتبين لك كل شي , لان الامر بالاول والاخير لك , والناس كل واحد له ذوق ورأي بالسيارات , وصعبة تدفع مبلغ وقدره ثم بآخر شي الموتر ما يجوز لك , وتروح تبيعه بخساره او انك تكره الموتر وتتحسف انك شريته .

واي استفسار انا جاهز , والله يوفقنا واياك :)

[الحاسوبي]

^^^^^^^^

يملا العافية والله ولا يهنون بقية الاعضاء

والله ما قصرتوا وهذا العشم فيكم يعلم الله

وبأذن راح أمشي على نصائحكم وأحتمال كبير راح نأخذ اليوكن ونسأل الله لنا ولكم التوفيق والسداد

كل الشكر والتقدير لكم جميعاً

[مطنوخ قطر]

أخوي مشكلة طرمبة البنزين كانت في الأشكال القديمة أما 2007 وفوق ماسمعنا بها

وبعدين اللي يقول خرابات وش مثل أيش ؟!
والله يالسنافي انا استخدمته مدة سنتين 2003 ضربت معي طرنبة البنزين 4 مرات منها 3 في سنه وحده,, ومرتين منها ونا مسافر مسافه طويله وبعيد من المدن,, وظني اني تعقدت منه,,,,,,,, وعموما هذي النوعيه 5 سنين وبعدها تخلف الله

[مطنوخ قطر]

طيب ممكن تعلمنا كم موديل اليوكن اللي أنت جربته ؟؟؟
موديله 2003 والله لايعوده يالطيب

[riyadhali]

والله يالسنافي انا استخدمته مدة سنتين 2003 ضربت معي طرنبة البنزين 4 مرات منها 3 في سنه وحده,, ومرتين منها ونا مسافر مسافه طويله وبعيد من المدن,, وظني اني تعقدت منه,,,,,,,, وعموما هذي النوعيه 5 سنين وبعدها تخلف الله

سؤالين لو سمحت لي اخوي مطنوخ قطر وابيك تجاوب بــ أمانة ليستفيد الجميع
هل انت الوحيد اللي تسوق السيارة والا فية أحد معاك؟
وهل انت تترك البنزين ينزل عن الثلث ؟
والله يوفقك للخير

[ام صتمه 87]

وانا انصحك وانا اخوك استأجر يوكون ولاندكروزر كل واحد يوم , وراح يتبين لك كل شي , لان الامر بالاول والاخير لك , والناس كل واحد له ذوق ورأي بالسيارات , وصعبة تدفع مبلغ وقدره ثم بآخر شي الموتر ما يجوز لك , وتروح تبيعه بخساره او انك تكره الموتر وتتحسف انك شريته .




كلام سليم جدا ..

[fahd999]

اخوي
.. أولا وأخيرا استخر الله ..

الحق يقال ولا يزعلون ملاك اللاند كروزر ...
انا مثلك كنت عامل مقارنة بين اليوكون ستاندرد (دبل) و جي اكس ار 6 سلندر (طبعا كلها 2009م)
والحمد لله اخذت يوكون واقولها الحمد لله إلى يوم الدين للأسباب التالية

اسباب فنية :
اليوكون 8 سلندر وفيها ميزة تعمل 4 سلندر حسب ضروف القيادة, يعني توفير بينما التويوتا 6 سلندر واقف ماشي طاير سابح.
اليوكون فيها مزايا مثل معلومات عن ضغط الإطارات , حرارة القير, مدى الوقود, ساعة رحلات, كمية الوقود المستهلك بينما التويوتا لا توجد بها إلا في بفئة في اكس ار!!
رحابة وسعة المراتب الاماية خصوصا اذا اتصلت المراتب (متصل منفصل)

اسباب مادية:
اقل شي في التويوتا ستاندرد 150000 ريال (هيكل حديدي ومكينة ومراتب) وليس تنقيص في حقها لكن الحق يقال بينما اليوكون بمواصفات قريبة من في اكس ار 140000 ريال بينما في كس ار 250000 الفرق 90000 ريال وقد يصل الفرق اكثر من 100000 ريال اذا كنت تآخذ تاهو(قيمة سيارة وسيارتين وثلاث سيارات !!!) عشان زيادة 2 سلندر ومواصفات فنية زيادة على اليوكون.

اللي يمسك سعره ولا يطيح وبالعكس يزيد (الولد البار) وهو العقار = خلونا صريحين
اما مسئلة ان السيارة ماسكة قيمتها (ليس بصحيح) هذه قد تكون للسيارات القديمة بينما الجديد مجرد تطلع لها استمارة يطيح من قيمتها (عجيب), والقديم مكاسبها افضل من الجديد. ولا اتوقع انك تشتري ونيتك عشان تبيع فهذا يبحث عن الخسارة.

القرار الاول والاخير لك

واستخر الله ..

[ملك الإحسآس]

^^ يالغالي نسيبي معه 2010 يوكن اكس ال
المهم طاح عليه قدام شي وداه للوكاله قالو فيه خطأ مصنعي
ناهيك عن القير المشاكل اللي فيه
واللي يمسك سعره التويوتا ولا فيها نقاش
اكبر دليل جب لي لاندكروزر 2004
ويوكن 2004
وشف فرق السعر !!

[ملك الإحسآس]

الرجال يبغى ياخذ الموديل الجديد , والمشاكل اللي بالرابطة كلها للموديل السابق

أخي الكريم تذكر أنه بقيمة اللاند تاخذ يوكن وتوفر بجيبك ما لا يقل عن 50 ألف ريال

طبعاً أتكلم عن الجكسار أم بقيمة الفكسار تاخذ حبتين يوكن

انا أبي آخذ شي يريح بالي ماهو فاتح فمه كل شوي
واعتقد اليوكن الجديد خراباته كثيره والناس تشتكي منه
وقيمته تطيح

[راعي البحري]

^^ يالغالي نسيبي معه 2010 يوكن اكس ال
المهم طاح عليه قدام شي وداه للوكاله قالو فيه خطأ مصنعي
ناهيك عن القير المشاكل اللي فيه
واللي يمسك سعره التويوتا ولا فيها نقاش
اكبر دليل جب لي لاندكروزر 2004
ويوكن 2004
وشف فرق السعر !!
طيب بكم شرى اليوكن وبكم شرى اللاند
وبعدين وشو اللي طاح قدام
وممتاز مدام هالشيئ اللي طاح صلحوه الوكالة

[ام صتمه 87]

واعتقد اليوكن الجديد خراباته كثيره والناس تشتكي منه
وقيمته تطيح

تعتقد من غير تجربة

[ام صتمه 87]

^^ يالغالي نسيبي معه 2010 يوكن اكس ال
المهم طاح عليه قدام شي وداه للوكاله قالو فيه خطأ مصنعي
ناهيك عن القير المشاكل اللي فيه
واللي يمسك سعره التويوتا ولا فيها نقاش
اكبر دليل جب لي لاندكروزر 2004
ويوكن 2004
وشف فرق السعر !!
وشلون طاح عليه ؟!

ثانيا مشاكل القير كانت عند البعض من موديل 2008 و2007
وعلى ماقال أخوي البحري شف بكم شرى الاند وبكم شرى اليوكون بعدين قارن لي ..

[هاجر الود]

بختصار شديد جدآ خلك من الهرج الكثير جميع السيارات الجديدة تقنيتها وحده والمنافسة شديدة لكن الكل يشتري حسب أحتياجاته هووليس أحتياجات الأخرين ولا يكن أمعه مثل بعض الناس الله يهديه للصواب والخير قال يوكن قال يوكن قال نيسان قال نيسان قال تويوتا قال تويوتا وهكذا دون أن يبحث هو ماذا يريد ويحدد ذلك بمعنى إن كانك راعي سفر وبر مكاشيت وعندك عائلة والله الجمس بشكل عام يوكن وشفرأو غيره ماله بديل عندنا للعوائل بالسعودية مهما صار خصوصا أن مدن المملكة كثيرة وبعيدة تحتاج سيارة مريحة جدا واسعة وعملية وقطعها متوفرة وكانك تحديدا راعي (مقناص وطرد )خذلك جيب لاند أونيسان لاتتعدها لأنها مهيئة للمناورات أكثر من غيرها وأنا متيقن أن هؤلاء نسبتهم قليلة مقارنة بالكشاتة والدعوة كلها في الشتاء فقط ماهي الي بتعدم الموتر وأنا مع من قال أن سعره أنسب مقارنة بمواصفاته مع نفس الفئة ناهيك عن توفر قطع الغيار وتعدد الوكلاء أقصد اليوكن مما خلق نوع من التنافس والمستفيد هو الزبون وأذكر سألت أهل قطر عن سبب عدم شرائهم للجمس بشكل كبير قالولي والله لو عندنا قطع الغير رخيصة ومتوفرة مثل ماعندكم لكانت هي السيارة الأولى عندنا أخيرا ترى الدعوة كلها شهرين ثلاثة والواحد ماهو كل يوم طالع وجاي للبرفبذلك أكرر قارن بحتياجاتك أنت وشكرا

[الحاسوبي]

كل الود والاحترام لكل من ادلى بدلوه ونور موضوع طالما شغل أذهاننا وأذهان من هو محتار ويحتاج الى الاستشارة

والله الكلام يطول ياخوان وعز الله انكم كفيتو ووفيتوا .. أي والله ..

دمتم بود ولكم خالص التقدير والاحترام

[مطنوخ قطر]

سؤالين لو سمحت لي اخوي مطنوخ قطر وابيك تجاوب بــ أمانة ليستفيد الجميع
هل انت الوحيد اللي تسوق السيارة والا فية أحد معاك؟
وهل انت تترك البنزين ينزل عن الثلث ؟
والله يوفقك للخير
بكل امانه انا الوحيد اللي اسوق الموتر, وسواقتي عليه سواقة عاقل,, وعمل صيانة في وقتها , حتى الزيت اغيره في مركز الخدمة اللي يتبع للوكالة,, الموتر مافيه كلام من ناحية القوه والتماسك والمميزات,, بس اللي كرهني الموتر خرابات الطرمبه, ( حلها,, لازم سطحه),,,, اما سؤالك بارك الله فيك عن ترك البنزين ينزل تحت الثلث, نعم اخليه ينزل تحت الثلث وتحت الربع, وش المشكلة!! طالما الموتر فيه بنزين ومابعد ولعت اللمبه؟ اذا بتقول لي لاتخلي امبير البنزين ينزل تحت الثلث, وترى الطرمبه بتحتر وبعدين بتخرب,فهذا معناه ان الخلل من المصنع اللي المفروض يخلي امبير الزيرو للتعبيه على الثلث,, ولا وش رايك يالطيب؟

[القناص مكحول]

خذلك يوكن دينالي موديل 2007 وطالع
او شفروليت Ltz موديل 2007 وطالع
السيارتين الي قلتها لك فيها مواصفات خياليه وانصحك فيها
واسئل عن مواصفاتها وراح يبين لك انها افضل من اللاند كروزر

[نفود بريدة]

بكل امانه انا الوحيد اللي اسوق الموتر, وسواقتي عليه سواقة عاقل,, وعمل صيانة في وقتها , حتى الزيت اغيره في مركز الخدمة اللي يتبع للوكالة,, الموتر مافيه كلام من ناحية القوه والتماسك والمميزات,, بس اللي كرهني الموتر خرابات الطرمبه, ( حلها,, لازم سطحه),,,, اما سؤالك بارك الله فيك عن ترك البنزين ينزل تحت الثلث, نعم اخليه ينزل تحت الثلث وتحت الربع, وش المشكلة!! طالما الموتر فيه بنزين ومابعد ولعت اللمبه؟ اذا بتقول لي لاتخلي امبير البنزين ينزل تحت الثلث, وترى الطرمبه بتحتر وبعدين بتخرب,فهذا معناه ان الخلل من المصنع اللي المفروض يخلي امبير الزيرو للتعبيه على الثلث,, ولا وش رايك يالطيب؟



طيب وش رايك ,,
انا معي جمس 2002 طويل 2500 ,, وماشي الان 220 الف ,
وجاه كرف استخدام ما يعلم به الا الله , غير صدمة بالوجه دمرت الوجهيه كامله !!

والى الان طرمبة البنزين شد بلدها !! وش رايك ؟

الهدف من كلامي :
لا تقيس كل الجموس على الجمس الي كان معك ! مهما كان !
ترا الي صانعينه بشر , اتحدى اي خط انتاج سيارات بالعالم لم تتعرض فيه سياره لخلل او عيب مصنعي ! (( لكن ليست كل السيارات )) نسبة معينه منها فقط !


ارجو ان كلامي وضح معك

موفق :)

[مطنوخ قطر]

طيب وش رايك ,,
انا معي جمس 2002 طويل 2500 ,, وماشي الان 220 الف ,
وجاه كرف استخدام ما يعلم به الا الله , غير صدمة بالوجه دمرت الوجهيه كامله !!


والى الان طرمبة البنزين شد بلدها !! وش رايك ؟


الهدف من كلامي :
لا تقيس كل الجموس على الجمس الي كان معك ! مهما كان !
ترا الي صانعينه بشر , اتحدى اي خط انتاج سيارات بالعالم لم تتعرض فيه سياره لخلل او عيب مصنعي ! (( لكن ليست كل السيارات )) نسبة معينه منها فقط !



ارجو ان كلامي وضح معك



موفق :)

واااااااااااضح :)

[مغلي]

طيب وش رايك ,,
انا معي جمس 2002 طويل 2500 ,, وماشي الان 220 الف ,
وجاه كرف استخدام ما يعلم به الا الله , غير صدمة بالوجه دمرت الوجهيه كامله !!

والى الان طرمبة البنزين شد بلدها !! وش رايك ؟

الهدف من كلامي :
لا تقيس كل الجموس على الجمس الي كان معك ! مهما كان !
ترا الي صانعينه بشر , اتحدى اي خط انتاج سيارات بالعالم لم تتعرض فيه سياره لخلل او عيب مصنعي ! (( لكن ليست كل السيارات )) نسبة معينه منها فقط !


ارجو ان كلامي وضح معك

موفق :)




اذا تقصد مشاكل تويوتا الاخيره

فالله العالم انها ما جت الا بعد ان وضفوا كم واحد امريكي بمصانعهم :D:D
اليابانيين دقيقين مثل الكمبيوتر ... بس لما تلاقي مشكله عندهم ... فثق انها من امريكي متوسطين له وموضفينه معهم بمسمى (مخرب) :D


عموما الي يقدر على سعر التويوتا .... لا يشتري غيره ... وبس :good2:

مع تحيات / ضحيه يوكن امريكي (طرمبه)

[نفود بريدة]

واااااااااااضح :)


انت :good:
ويا زين النقاش اذا كان بفائده وليس بهدف اقناع الطرف الاخر برأي شخصي حتى وان كان خاطىء

بيض الله وجهك







اذا تقصد مشاكل تويوتا الاخيره

فالله العالم انها ما جت الا بعد ان وضفوا كم واحد امريكي بمصانعهم :D:D
اليابانيين دقيقين مثل الكمبيوتر ... بس لما تلاقي مشكله عندهم ... فثق انها من امريكي متوسطين له وموضفينه معهم بمسمى (مخرب) :D


عموما الي يقدر على سعر التويوتا .... لا يشتري غيره ... وبس :good2:

مع تحيات / ضحيه يوكن امريكي (طرمبه)




انا ما اقصد مشاكل تويوتا الاخيره , انا اقصد بكلامي اي خط انتاج مهما كان

وواضح انك متعصب جدا جدا لتويوتا ,, والنقاش مع المتعصب في الغالب يكون عقيم :)

فلذا الله يوفقنا واياك , لكن حاول تفكر بعقلانيه اكثر ,
لان كلامك وردك ما يقوله شخص فاهم للاسف

موفق يا قلبي :)