الشور منكم ياجماعة الخير

[صايد الضبعه]

السلام عليكم ورحمة الله وبركاته


ياجماعة الخير المكشاتيين

ابي الشور منكم


الجيب التويوتا فوررنر إستعمال أمريكي موديل 1991 مجهز لرحلات SAFARIيعني المكاشيت عند الخواجات ونش-دعامات-كبوس -ماطورهواء-شبك سله فوق والموتر حليو ونظيف بس اللي خوفني ان مكينته سته سلندر على شكل v6 وقوتها حلوه 3000 سي سي لاكن خايف من صيانتها وقطع غيارها وصرفيتها للبنزين

السؤال وش رايكم فالسياره ياجماعة الخير اشتري والااصرف النظر عنها علما بأنها نسخه من الفوررنر اللي عندنا في كل شي الا المكينه فقط

ارجوا الرد عاجلا لأن كبدي اندبلت من السياره الصغيره اللي عندي كل ماجيت اطلع للبر قعدت اترجى فلان وفلنتان علشان يسلفني الجيب اللي عنده والله طفشت من كذا

أخوكم صايد الضبعه

[الربذي]

اخوي صايد الضبعة ياهلا بك اخي الكريم شف اخوي واحد من الزملا اشترى باثفيندر امريكي يهوس مجنون روعه وصارت سوالفنا الاستعمال الامريكي فقام احد الزملا واشترى من الرياض فور رنر موديل 91 استعمال امريكي كحلي من داخل عنابي فتحه رموت اكباس
قير اتوماتيك مراتب جلد وشي وموصفات مافيه امل تجينا المهم صار هو سوالفنا والكل يتغزل في وقفته !!! وشكله ونضافته
قلتله تبي تبلش بقطع الغيار قالي لا مكينته مكينة برادوا وقطع برادو بس مضايقته الحراره دايم النص وحنا بشتا وانا معي استعمال امريكي ودايم النصف امس بس فكيت البلف لقيته يفتح عند 82وبعد اسبوع وتبدا الصوفه تهرب اضن حقت القير ويدور وماخلى مكان مادوره به وبالاخير حصله اضن 15 ريال بعد تعب وجهد وصايا من الزملا وبعد كم يوم وترجع تنقط على الخفيف اقصد الصوفه ومتعقد من الحراره وكل ماطلع سيارته من الجراج الا الزيت له اثر المهم باعه على ماعتقد ب18500 وهو مشتريه 21الف لا ويقول احينا اذا صرت جاي من مشوار يقول اما اطفي السياره يقول ماتطفي المكينه تقعد تقرقر!!! وانا سمعته يعني اذا طفى تقر قر (قرقرقرقرقرقر) يقول ونوب تنتع وفشلتنا كانها ديزل المهم باعها ويقول اشوى افتكيت منها ولا يقول قطع الغيار حقت البرادو سته سلندر بس نفس البرادوا قطعه شحيحه مره الا اذا انك بالرياض او جده يمكن ماعليك خلاف بس تبي تتعقد من الحراره النصف ليل نهار مربعانيه او هجير بس تاكد من الحلا (الصداء وخصوصا بطن الموتر !!حلو الموتر !!
محبك الربذي