ياهل المكاشيت

[قايم البخت1]

والتجارب عندكم فكره في قد حصلي موقف حيث كنت قانص حول الرقعي والحماطيات



ولاعندي شباب النار وتعطلت علي السيارة حيث أنسحبت البطارية وجرالي يوم أقشر


ومر الله وجاني احدا المسعفين وفزعلي بعد شفت الموت بعيوني وعند مارجعت للعربان

حكيت قصتي للحاضرين ونقزلي واحد منهم وقال لو قمت برفع الكفرة الخلفيه للسياره بالعفريته

وقمت بتوليع اللنبات. وفريت الكفرالمرفوع باعلى سرعة ثم نتعته لاكان اشتغل الموتر

وإرتحت من اليوم اللي جرى وانا ماصدقت هل فيه من جرب الطريقه


المذكورة


تحياتي

[الخبير]

السلام عليكم
و الله يا طويل العمر كثر الكلام عن هذي النقطة لكن للاسف ما احد جربها ، كل المسألة كلام .
افضل طريقة انك تحط معك جهاز يشحن بطارية السيارة .
============================

http://nobody.jeeran.com/expert.jpg

[الناريز]

حياك الله يا قايم البخت وبعدين عزالله انك اخترت الموقع المناسب للصيد ولونك اميلها يمين جهة شعيب الباطن كان ايــــــــــــــــه .
************************** معلومه

نعم صحيح ترفع السياره بالعفريته وبعدين يفتح السويتش وبعد وضع القير بنمره خفيفه قم بفر العجله الخلفيه حوالي 15 مره بيديك وبسرعه وبعدين قم برفع رجلك على الكلتش مع الضغط على دواسة البانزين وستشتغل السياره وبعد التشغيل اذا بغيت تعرف العطل من وين ارفع احد روس البطاريه اذا طفا المحرك فهذا دليل على عطل موجود في الشاحن ( الدينمو ) فهو لا يعبي البطاريه .

## نصيحه _ عند المبيت ينصح دايم بنزع راس البطاريه لأحتمال وجود تهريب كهرب خاصتن اذا كنت مركب اجهزه على بطارية السياره .

ما سبق من كتاب ((( التعايش )))) صفحه 330 الطبعه الثانيه .


هذا ولك شكري وتقديري وعسا الله يحفظك من كل مكروه امــــيــن .

[قايم البخت1]

لك ياالخبير وماقصرت فعلآ الاحتياط واجب وجهاز الشحن مطلوب لمثل ذا المواقف



ويعطيك العافيه والف شكر



حياك الله يا
الناريز

واشكرك على تشجيعك الذي اعطاني دافع معنوي بخصوص اعطال السيارة

اما بخصوص ذيك الديار جعلها للسيل وانشاءالله سوف ازور شعيب الباطن كان طاح الوسم

وطلع الزبيدي


((مدري ورى الصفيري وألا سكن الصرار))
((والا يم نجد المسمى شـــــــــــدت رحــالـه))

[ابوانس20111]

شكرا يا اخي

[* ابو باسل *]

المشكلة نتعت السيارة لازم تكون على سرعه معينه يعني والسياره مدحدره او احد يدفها بقوه بس والكفر يدور غريب شوي .

[ذئب اليل]

اذكر فية وحد من العضاء ذكر النقطة هذاي وطبقة على جيب بترول موديل حديث لم تعطل معاهم في البر ولم تنفع