المساعد الشخصي الرقمي

مشاهدة النسخة كاملة : فزعتكم يالنشامى


الشفلح
16/07/2010, 10:08 PM
الوالدة الله ايطول ابعمره على عمل صالح له رغبة قوية بالعمرة .. اخوكم توكل على الكريم اوجزمت اعتمر بامي الغالية هي والخوات .. لكن المشكلة واقوله ابصراحة :
الخبرة والدلوله لك علي .. ارجوكم وش أفضل طريق من ابريدة ـ المدينة ـ مكة
ارجوكم وصف دقيق من داخل ابريدة إلى مكة .. يقولون .. أحسن شيء طريق المدينة السريع .. كيف اطلع له من وسط ابريدة .. هل هو مناسب .. واذا دخلت المدينة ابعون الله وشلون اطلع لمكة .. يالنشامى تكفون مشورتكم ابي وصف مفصل .. تراي ماعرف شي .. بعدين لوتكرمتم وش تشورون علي بالنسبة للسكن بالمدينة ومكة .. وش الافضل .. أرجوكم يارجال أي نصيحة ولا توجيه .. لاتبخلون علي .. انا بانتظاركم ..
وعد .. لكم دعوات باطهر مكان
العفّار
17/07/2010, 12:29 AM
الله يخلي لك الوالدة ويرزقك بره

طبعا ان من بريدة لذا اسأل الله ان يكون وصفي سهل جدا لك

اكيد تعرف طريق الملك فهد ( غرب وشرق ) أنت اتجه معه غرب لحد مايجيك الدائري الغربي واطلع مع الدائري كأنك تبي عنيزة وبتجيك لوحة مكتوب المدينة يمين والرياض يسار وعنيزة ( طوالي يعني سيده ) أنت رح يمين للمدينه ولاتلف ابد لحد ماتدخل المدينه تقريبا 450 كلم ...

بس لازم تعبي السيارة بنزين من بريدة لان المحطات اخبرهن بمخارج يعني متعبات شوي .

طبعا اكيد بتحرمون من ميقات ابار علي في المدينه وبعد ماتحرم اسأل اي شخص من الميقات ويبي يدلك بسهوله طريق مكه بس لا اوصيك لاتسرع تراهم بالسريع يحددون بكل مكان سرعه

السكن والله مايحضرني شي معين لاني مادري كم عدد افراد العائلة ومادري يناسبكم فندق او شقه لكن السكن كثير بالمدينه وبمكه اللي يستر عليكم ويسعدكم وان بغيت شي او اكلمك واوصف لك باكثر دقه اكتب رقم جوالك وابشر
الشفلح
19/07/2010, 01:57 PM
الله يخلي لك الوالدة ويرزقك بره

طبعا ان من بريدة لذا اسأل الله ان يكون وصفي سهل جدا لك

اكيد تعرف طريق الملك فهد ( غرب وشرق ) أنت اتجه معه غرب لحد مايجيك الدائري الغربي واطلع مع الدائري كأنك تبي عنيزة وبتجيك لوحة مكتوب المدينة يمين والرياض يسار وعنيزة ( طوالي يعني سيده ) أنت رح يمين للمدينه ولاتلف ابد لحد ماتدخل المدينه تقريبا 450 كلم ...

بس لازم تعبي السيارة بنزين من بريدة لان المحطات اخبرهن بمخارج يعني متعبات شوي .

طبعا اكيد بتحرمون من ميقات ابار علي في المدينه وبعد ماتحرم اسأل اي شخص من الميقات ويبي يدلك بسهوله طريق مكه بس لا اوصيك لاتسرع تراهم بالسريع يحددون بكل مكان سرعه

السكن والله مايحضرني شي معين لاني مادري كم عدد افراد العائلة ومادري يناسبكم فندق او شقه لكن السكن كثير بالمدينه وبمكه اللي يستر عليكم ويسعدكم وان بغيت شي او اكلمك واوصف لك باكثر دقه اكتب رقم جوالك وابشر


مشكور ماقصرت
الله يوفقك ويصلح لك الدنيا والآخرة
انا بانتظار راي الجميع حول السكن في مكه .. وش الافضل
خفيف الدم
19/07/2010, 02:15 PM
عزيزي السكن في مكة في منطقة اسمها ( محبس الجن ) تتميز بوجود شقق نظيفة وأسعار مناسبة ومعقولة ولكن بعيدة قليلاً
يعني لابد من السيارة (تاكسي) بـ 5ريالات أو عشر ريالات خصوصاُ إذا تروح لصلاة العصر وترجع بعد العشاء وتذهب لصلاة الفجر وترجع أما صلاة الظهر تصلي عند الشقة وميزة هذه الطريقة ان صاحب التكسي يوصلك عند ساحة الحرم وكذلك الرجوع إلى الشقة وللمعلومية إذا تاخذ تاكسي خذ أي سيارة لأن بعض أهل مكة شغلتهم المشاوير وهم أرخص من اليموزين والتاكسي أتمنى أن أكون أفدتك وشكراً
الشفلح
22/07/2010, 02:49 PM
اخوي الكريم
وفقك الله لكل خيروهدى
مشكور ماقصرت