مواقع تهتم بالصقور

[المري]

السلام عليكم

من صبح الله خير وان من موقع الى موقع وكل ماحصلت موقع سويت له كبي في المنتدى

وذا الحين اكتب لكم وانا والله اني اشوف.

اليكم هذه المواقع

http://www.karlfalcons-int.at/

http://www.falconry.ca/index.htm

http://www.hawkingdirect.com/

http://www.intfalconer.com/

http://www.falconry.ru/?gallery

http://www.canadianfalconry.com/cf_pages/Cf_gyrs.html



هذا وتقبلوا تحياتي:

اخوكم: المري

[السمح]

ما قصرت يالمري ياعيوني على هالجهد الرائع ..
رح ياجعل ما يمضي من سهيل عشرة أيام إلا وأنت طارح لك خرب كبر الطلي .. قل آمين ..
بس عسى طيورك جاهزة هاك الوقت .. يالله يمديك ترى تفك من الربطة وتدلّه ..

[الجرودي]

ماقصرت على هالمواقع
والله لا يهينك

[المري]

اررررررررررررحب يالسمح


ومرحبا بك وتسلم على الطلبه الزينه وجعلها ان شاء الله مقبوله والله يالسمح انها 8 في المربط وان شاء الله ابي شهر 8 يدخل علشان اشل اللي جاهز.

شكرا لك

وتراك معزوم انت والربع الى جاء البراد ولا ذا الحين

[ابو عمر اللاحم]

مشكور يالمري على اهتمام وجهدك بما يخدم رواد هذا المنتدى الغالي ... لاكن والله شكلنا نبي نطيح بهوايت الصيد بالصقور ... والميزانية وسط والمطالب كثيره .

تحياتي لك ..

[المري]

مرحبا يانهار وحياك الله


اولا:

لاشكر على واجب

ثانيا:

انتبه لايحوشك الولع والله ان خسارة بس الراحه النفسيه باذن الله زينة لدرجه انك ماتصورها

في واحد من ال ثاني في قطر يسمي المقانيص الفقر المرغوب.


شكرا لك وخلنا نشوف اسمك دائما.

[سعد سالم رحيم]

بسم الله الرحمن الرحيم @ مشكور اخويه المرء على هذه المواقع الجميله وما قصرت والله انك صقا ر بحق والله يعطيك العافيه @ اخوك سعد سالم الشمري

[سرهيد1]

بسم الله الرحمن الرحيم

بيض الله وجهك يالمري مجهود طيب وأنت أطيب والله لايهينك على المواقع الطيبه

الوكاد ان لي تعليق على كلامك عن ولع الطيور ..... أقول الطيور صدق ولع ولكن فيه فرق شاسع بين احساس الاغنياء عن اللي حالهم وسط فتجد هل الدراهم الواجد مايجدون المتعه اللى يجدها الناس اللى على قد حالهم والامثلة على ذلك كثيرة ايك بعض منها :

راعي الدراهم طيوره واجد وهذا يسبب عدم ارتباط بطيوره ولا يخاف عليها (( يعني العوض زاهب عنده )) أما اللي ماعنده غير طير أو طيرين تلقاه من اللى قالو فيهم : يعاف النوم لو ريشه تثنى .

راعي الدراهم الواجد في العاده مايقوم بدعو طيوره ولا تدهيلها بنفسه بل يؤجر لذلك طاقم خاص ويدفع لهم الاموال لتجهيز الطيور للمقناص أما الضعيف تلقاه كل يوم رايح جاي من المدعى . وبالنسبة لي انا أجد مرحلة الدعو اجمل مرحلة بالنسبة للقوانيص فيها متعة واحساس وترابط مع طيورهم عجيبه بما فيها من مسرات واحزان .

راعي الدراهم لا جاء وقت الحبارى وقنص يقنص محلات بعيده تتوفر فيها الحبارى مثل ماتتوفر العصافير بالسدر ومن هنا لايستطيع ان يستطعم لذة الهدد الفعلية ولا ينخلع قلبه لا منه شافها مثل حالاتنا بل على العكس تجد اهم شي عنده (( سبرو الباقيات )) وهو طيره متفرقع من يده . ولو قنص في ديرنا اللى فيها تعب تلقى اخوياه يتبعونه بحباري الجلب اللى تجيك من برا ولامن ضاق صدره قال عطون خمس نضحك عليها . لا يقص ولا يستقطع ولا يدور المحاري ويحقر ثلثين الارض .

الضعوف ماغير تضربه الهواجيس ليله ونهاره بهالخبوت يطالع طيره مايدري يلقاله جره واللا مايلقى ولو لقى بيلاقيها جديدة واللا موطيتها المواتر وأن كان جديدة يلقى الحبارى ولا ما يلقاها وان لقى بيطلبها الطير واللا تخمه (( سعدا )) ؟؟؟؟؟ همن يصبح قبل الاذان الضعيف ويطنب بالاذان الساعة ثلاث الفجر ههههههههههههههههه المهم يصلى لربه ركعتين فيها دعاوي يالله ياربي يالله ياربي تصبحنيبها .

ياخذله ثلاث من المبهره ويعصب راسه ويتوكل ثم نهاره كله ......... لا شمعه ........ لا حصاة ........... لا مسيلة........ حتى اللي مافيها محارى يقلبها قلب........ وكل شوي يقول بضحي عقب شوي وعلى هالحال .... ولاااااااااااا منه صمل ماعاد يطالع الارض ودور له مضحى .......... داس على البنزين وشد على موتره


والينها تفرقع من عند الصدام ................ عندك ........... عندك .......... ويربط له بريك يخلي طيره يتشقلب ويخم الريشة تكفون يالربع ..........يصيح بالجهاز هههههههههههههه والضعيف ناسى ان مامعه اخوي ثم يقضب الطير وعندك دونك الطير وين والجهاز وين والريشه وراها ماتركب .............. وش فيني ماركبتها من الصبح ..........أبك انا وش جاني ....... وبرقا الجناح لها ملاغف مع السما وقلب الضعيف تقل مدفع .......... دييييييي ....... ديييييييييي ولامنه خذاله شوي والين الطير على يده والبرقع محلول ثم جاك الموت ياتارك الصلاة ههههههههه أبلجججججججج وطير شلوى مابغى شي كنه يقول وش ابطابك وهو ينتق من يده وينتق نياط القلب واياه ......... مخطور راعيه يموت لاصارت أول شوف .... وقام طيره يلاغف متنطحً الهوا وهو يطالع تقل عرسه ذا الليل وحجاجه منعقد ..... ثم أصطفق عليها أبو عكاريش وهي جالها ريغة مع السما ........ تكفى يا جهام... يطقها ....... وريش......... ثم تشقلب وأعتدل لها ثم تشوف الحبارى عقب ماونست الحراره كنها تقول ( هين توك ماشفت الطيار ) وقامت تماوج مع السما من حر الموت وهو عقدته وحده تقل يطلبها دم ............... وراعيه حدره بالموتر مسخر الارض تسخير مايروح لايمين ولا يسار وش من شمعة تهبد وش من حصاة صكتة وتسمعلها كشوعة حدر الموتر وش من خط معترضله ما درابه وعيونه ماغير تلاقط في النجوم ..... ثم نجمو نجمو نجمو الين غدو تقل ذر في ظهر فيل وقف الضعيف وخم الدربيل ابك وش فيه مايشوف ؟؟؟؟؟؟؟ ثم قام وفك الغطيان ويمده لايضيعهم .................. ياوجه الله ماغير أشوف الحبارى لا لمعت وهو يطالع يالله ياربي الطير يالله ياربى الطير ..... ثم قبع على الحروه ريشششششششششششششش تقل شوزن في حمامه على بعد متر .......... حي هالشوف كفوووووو

ثم جاك يهابد على الحروه ماعاد يدري يضحك واللا يصارخ واللا وش يسوى .......... والين ذاك جهام على ثناديها فاقً ثمه ... أنتهى
بسبب الاطالة .........ههههههههههههههههههه

كانت هذي رسالة موجهة لاخوي المري ولكن المقصود بها الاخ نهار .............. مسيك بالخير أخوي نهار أن كان لك قدرة على هالعلوم ترى الصقارة زينه ولكن يبيلها تعب شوي مثل ماتشوف .

المعذرة على الاطالة

[راعي مسكت]

سرهيد يامال العافيه اشهد انك صدقدت

[المري]

يازين هالحكي اخوي سرهيد وبيض الله وجهك...

وترى ذا المواقع قدييييييييييييمة يعنى المشاركة اللي فوق لها ثلاث سنوات..

راحت السنين..

اخوكم / المري

[محمد العتيبي]

السلام عليكم ورحمة الله وبركاته.
شكرا يالمري على هذه المواقع وهذه اضافه اليها

http://www.sla7.8m.com/

http://www.ksa2ksa.com/

http://www.dubaimoon.com/al-qnas.htm

http://www.qana9.4t.com/albadyh.htm

http://alsaggar.jeeran.com/

[سعد سالم رحيم]

بسم الله الرحمن الرحيم @@@@@@ اخويه سرهيد كلشي مافتهمت من رسالتك ارجو توضيح ذالك لنها ارسلة على البريد مال حضرتي ارجو توضيح الرساله والسلام @ اخوك سعد سالم الشمري

[سرهيد1]

بسم الله الرحمن الرحيم

أخوي سعد سالم رحيم ..................... وشلون (( ارسلت على البريد مالك)) ؟؟

انت اللى ارجوا منك التوضيح انا مافهمت وش تقصد !!!!