لآتستهين بــأغراضك .. وانتبه لها بشكل دائم... ( هذا ماحصل لي في مقناصي )

[ابو يعقوب 2]

بسم الله الرحمن الرحيم



السلام علكيم ورحمة الله وبركاته



في البداايه اود من كل من قرأ الموضوع من مشرفين وزوا وغيرهم



الاتعاض مما حدث في هذه القصه , وتكون بعدها منتبه لاغراضك ولاتستهين من اي شيئ كان



====



في مره من المرات <<< اسمحو لنا بنتكلم بالعامي


خرجت انا واخواني لمقناص القميري وغيره في الساحل الغربي


والحمد لله سرت الرحله على ايسر حال


الا شي واحد .. : اللي هو :


طلعنا في يوم مبارك بعد صلاة الفجر كالعاده .. لصيد القميري .. ومنها نصيد فري .. ودخل وغيره ..
ونجي عند ذيك العشره اللي كلها دخل .. كانت مليانه من الدخل .. وفجأة شفت لي شي ملبد تحت العشره !!
واناظر فيه وصار مراع << خوي الفري ... واخذ ام صتمه وارميه .. طبعا نزلت باخذ الطير ..
وكان جوالي في حضني وكان طافي !.. ويوم نزلت من الموتر .. طاح الجوال بالارض وشفته .. قلت معليه اذا جبت الطير بجي اخذه معي .. !


رحت اجيب الطير واجيب معه دخل متعلق بالعشره ... يوم رجعت للموتر
والفاجعه الكبرى >> ( نسيت اخذ الجوال الجوال !!)
وركبت وخليته .. !!


اثناء ماحنا ندور على الشجره .. جتنا قمريه مصوبه ووقعت عندنا .. بعدين جانا جيب ربع من بعيد مسسسسرع .. حنا ماسوينا شي لين جانا ووقف عندنا وقال : ماشفتو قمريه مصوبه راحت على جهتكم ؟


قلنا ايه هذي شفها .. .. ورميناها وصدناها له .. بعدين نزلو ولدين صغار واحد منهم اخذ القميريه .. والثاني خذ شي من الارض ماندري وشو ..ّ!!!


....


بعد مانتهينا من صيدنا .. وخلصنا كل شي .. بنتوكل على الشقه ..
يوم مسكنا الخط وانا اذكر جوالي انه طاح مني !!!


قلت للعيال ترى الجوال طايح عن العشره وحنا نصيد دخل .. << طبعا الاخوان بغو يصفقوني ..<< من الخط لين البحر مسافة اربعين كيلو ترابي كله :(


....


ووالله ماقصرو قالو يالله بنرجع له ..


ونقطع 40 كيلو على غير فايده .. للاسف ..
وجينا المحل نفسه . والعشره نفسها .. ماحصنا الجوال ..!


وتذكرت ذاك الولد اللي نزل من راعي الربع واخد شي ماندري وشو .. ؟ ,, والله اعلم انه شاف الجوال واخذه .. !!.. والله يخلف علينا


هذا ماحصل لي في مقناصي ..


ارجو من جميع الاخوان الانتباه لأي امر كان .. صغير او كبير ..
ولآتستهين بالشي مهما كان بغاية البساطه .. الانسان مايدري وش بيصير له


وارجو من الجميع اخذ الحيطه والحذر .. والاتعاض بما حصل في هذه القصه ..


والسلام عليكم ورحمة الله وبركاته ..
اخوكم / ابو يعقوب 2

[النتاوي]

قال جدي رحمه الله :


لا تؤجل عمل اليوم إلى (بعدين)


ههههههههههه


الله يعوضك خير .. ويرضيك زود على زود

[ولد وايل..]

لاتؤجل عمل الحين الى بعدين....


والله انك صادق...


انا أكثر واحد يعمل عملك مع الاسف وكثير ما يضيع لي أشياء وتتلف أشياء بسبب اني اقول مهوب ضارة شوي اخليه ولا انطله بالموتر...

[][ســهم][]

جزاك الله خير يابو يعقوب 2

مشكور على التنبية

[دكتور بر]

أخوي أبو يعقوب


والله كلامك صحيح

وقصتك معبرة

وأسلوبك جميل


فعلا لا تترك شيئاً مهما قلت قيمته وتقول بآخذه بعدين

فالإنسان على اسمه ينسى


وفقك الله لكل خير

[ولد الأجاويد]

الحمدلله على كل حال

أنا الغرض اللي أخلص منه على طول أرجعه مكانه
واللي ماني محتاجه على طولأبعده عن طريقي
الفائدة اللي جنيتها أني من يوم ما أبغى أعزل من مكاني وكشتتي
إلا ضفة الأعراض بسيطة وما تأخذ دقايق

وعسا الله يرد لك ضالتك

[حطاب الرويضه]

الله يعوضك بالجوال وكلامك صحيح بس وين الي يسمع وانا اخوك وتقبل مروري

[فهد خميس]

الله يعين يالاخوا بس انتبه مره ثانيه والله يحفظنا اجمعين يارب

[ابو يعقوب 2]

قال جدي رحمه الله :



لا تؤجل عمل اليوم إلى (بعدين)


ههههههههههه



الله يعوضك خير .. ويرضيك زود على زود


عز الله ان جدك ماكذب :D

والله يسلمك اخوي ع المرور الطيب

ومعوضين خير ان شاء الله

[ابو يعقوب 2]

لاتؤجل عمل الحين الى بعدين....


والله انك صادق...


انا أكثر واحد يعمل عملك مع الاسف وكثير ما يضيع لي أشياء وتتلف أشياء بسبب اني اقول مهوب ضارة شوي اخليه ولا انطله بالموتر...

الانسان مهما فعل فهو يخطي :)


لكن لعلك تعتبر من القصه .. وان شاء الله ماتنس اغراضك في المرات القادمه

[ابو يعقوب 2]

[ســهم][;4889609']جزاك الله خير يابو يعقوب 2

مشكور على التنبية



وياك والعفو منك ياخوي سهم ..
ولآهنت عالمرور





أخوي أبو يعقوب



والله كلامك صحيح


وقصتك معبرة


وأسلوبك جميل



فعلا لا تترك شيئاً مهما قلت قيمته وتقول بآخذه بعدين


فالإنسان على اسمه ينسى



وفقك الله لكل خير





نعم الانسان على اسمه


صدقت اخوي ومشرفنا الغالي


لعلها تكون درس وعبره لمن لآيعتبر ..
ان شاء الله

وماقصرت عالمرور :)

[ابو يعقوب 2]

الحمدلله على كل حال

أنا الغرض اللي أخلص منه على طول أرجعه مكانه
واللي ماني محتاجه على طولأبعده عن طريقي
الفائدة اللي جنيتها أني من يوم ما أبغى أعزل من مكاني وكشتتي
إلا ضفة الأعراض بسيطة وما تأخذ دقايق

وعسا الله يرد لك ضالتك

جزاك الله خير اخوي


واحسنت بمافعلت ..



لكن الانسان لآبد ان ينس او يغفل !


وعليه مراجعة نفسه .. وانتباهه لممتلكاته ..


وماقصرت على اطراءك ..

[ابو يعقوب 2]

الله يعوضك بالجوال وكلامك صحيح بس وين الي يسمع وانا اخوك وتقبل مروري

معوضين خير ان شاء الله


والواحد مايصحى لين يخطي كم خطأ :)

...

لآهنت

[ابو يعقوب 2]

الله يعين يالاخوا بس انتبه مره ثانيه والله يحفظنا اجمعين يارب


آمين يارب والله يعافيك والجميع ..
وان شاء الله الموقف هذا درس لي ولغيري

وباذن الله لن يتكرر ...
مشكور اخوي وماقصرت

[سليمان الربيعان]

معوض يا بو يعقوب
والله يخلف عليك

[حق الفيتو]

والله انك نفس حالتي ،،
انا قبل امس بمواقف الجامعه < تعرف صيفي وقرف ،
المهم شغلت لمبه السقف كنت اقري شي المهم وما طفيتها قلت شوي بس بلبس الشماغ واطفيها ،،

وعليها لين جيت من المحاضرات ،،
واشوا مير الدكتور ما طول والا تسان تلقان ادفدف بالواقف :mad:

[كنزان]

اولا/الله يعوض عليك ثانيا/الله يهدي راعي الربع المفروض انه يربي عياله التربيه الصحيحه وردالشي لاصحابه بدل اخذه

[صقر البحيرات]

الإنسان نساي ....

التهاون في اتفه الأمور ممكن يعرضنا لأمور لا نريدها ولا نتوقعها ..

.. المشكله يالغالي ترك الرصاص في السلاح ... ولها قصص كثير حدثت مع اقاربي



لكن الله يعوض عليك

والحمد الله على ماقدر الله

[دغــ أبومحمد ــيم]

جزاك الله خير على التنبيه

والله يعوضك ابرك منه

[web]

الله يعوضك خير ان شاء الله

بس فيه نقطه الناس ماعاد تخاف الله لقطه صار جوال ياجماعه وسهل الوصول إلى صاحبه بما انه شغال والارقام موجوده .

[فهدالرس]

معوض خير ان شاء الله:p
ومشكور على النصيحه:good2:

[قناص الهمله]

الله يعطيك العافيه